منتدى أنا سوداني

ذات الشجون كتب:

السنبلاية وطلال ورونى وين الحاج طلب من فوزية انه تسمح ليه يتزوج من ناهد
هو جاء رماها ليها ررررب وقال ليها انا عايز اتزوج
يعنى هو اختار وخطط وقرر وجاء ختاها قدام الامر الواقع

كانت طريقة الاستئذان بالنسبة للحاج بصورة غير مباشرة

حفاظاً على كرامته وهيبته كرجل ..

بمعنى : يا فوزية بعد اذنك انا قررت اتزوج ..

لكن بالنسبة لفوزيه .. هو ما استاذن ..
هو وضعها امام الأمر الواقع ..

شئتى ام ابيتى .. بعرس بعرس ..
شفتى التناقد دهـ كيف ...

ذات الشجون كتب:

اها قمنا لشغل التلاتة ورقات

صرحة انا احب لعبة الذكاء فى الحالات الذى دى
لئن العاطفة لا ترحم فى بعض الاحيان
وعادة بيكسب العقل قبل العاطفة




انتى معانا ولا مع الخيانة

انا مع الخيانة .. 45

السنبلاية كتب:

انا مع الخيانة .. 45

يا بت يا عاقلة
الله يكملك بعقلك
طلعتى ما معانا طلعتى من الخيانة

ذات الشجون كتب:

يا بت يا عاقلة
الله يكملك بعقلك
طلعتى ما معانا طلعتى من الخيانة

45


شفتى الخيانه حلوين كيف وأذكياء اكثر من اللأزم ..

ام اسامه كتب:وجاء الطوفان الذي سياخذ كل شئ
في طريقه....
المواجهة من اصعب الاشياء
التي تبعثر الدواخل...
ثورة فوزية ردة فعل طبيعية
لاي امراة تجرح مشاعرها
..........

غير محرم الزواج الثاني
ولكنه بغيض وعدم قبوله ليس مقتصرا
علي الزوجة وحدها ولكن الابناء في
تلك الحاله يكونوا اكثر شراسة

.........
الحاج يريد ان يقنعهم بسبب غير
حقيقي لزواجه خافيا رغبته الاساسيه
للزواج وانجذابه للانوثة التي حتما
يفتقدها بعامل عمر زوجته
متناسيا ايضا تقدم عمره

.........
ثورة مي تحركها كرامة امها الجريحة
وحبها المذبوح
كل ذلك اعطاها القوة لمواجهة ابيها
دون خوف
المني وصفه الجائر لعبد الله
وحسابات المادة القبيح الذي
يتحدث به

......
كسرة "
اريتها ناهد الهدمت اسرتك
عشانها تتستر معاك

ذات الشجون كتب:انا خايفة بعد دا كله تطلع من المولد بلا حمص يا الحاج
مع انى انا ضد مى وكلامها مع ابوها بالشكل دا
بس عزراها برضو
ما هو خبطتين فى الراس توجع

ناهد خربتها وقعدت على تلها

السنبلاية كتب:

الموافق الصعبة دائماً بتصهر اللإنسان .. ويظهر على حقيقته ..
لو كان معدنه اصيل ام لا ..!!

مع الأسف الموافق الصعبة .. اظهرت ما كان تخفيه النفوس التى كانت فى نظرنا ارواح طاهرة ونغية من كل الشوائب ..

لو كان عبد الله حبيب مى موجود .. وسمع ما دار بينها وبين ابيها ..!!!

يا ترى ماذا يقول عنها ..!!؟

ظهر معدن حبيبته الغالية .. معدن مصدى .. متهالك .. لقد أصداهـ ذلك الموقف الذى
حدث فى السابق .. وصار معدن رخيص لا يحوى غير الاحقاد وقطع الحديد السامه ..!!

بالجد .. نعم التربية .. يا فوزية ..!!

تخريمة :

تمنيت لو كان والدى على قد الحياة وطلب منى أن اخطب له ..!!؟
لفعلتها بطيب خاطر مهما كانت ردة فعل والدتى .. مع العالم بأن هذا هو حقه الشرعى

ولا يمكننى أن أعتراض على حكمة ربنا .. بأن حلل للرجل الزوج من أكثر من مرأة ..
2

ودمتم سالمين 2

كيوبيد كتب:- حساب شنو البتعملو لي ... لو كنت بتعمل لي حساب ما كان ضبحتني

- ضبحتك كيف

نظرة إليها نظرة مستفهمة ثم فهم ما تعنيه فضحك ضحكة ساخرة

- أيواااااا ... أنا فهمت يا دوب .... يعني دي تصفية حسابات ؟ وأنا أقول مي مالا منفعلة كده ... أنا قايلك زعلانة عشان أمك ... تراكي شايلة في قلبك عشان أنا رفضتا الود المعفن ده

يغنى المغنى وكل يبكى على ليلاه
البت جات تصطاد فى الموية العكرة كرشوها
ما عجبنى للمرة التانية الحاج
زول شبة رجل اعمال مفروض يكون دبلماسي فى التعامل
وكت خسر مرتو مافى داعى يخسر بناتو
عبد الله خبرو شنو
جبارة صحبى برجع ليهو موتو وجعنى والله

ذات الشجون كتب:

السنبلاية وطلال ورونى وين الحاج طلب من فوزية انه تسمح ليه يتزوج من ناهد
هو جاء رماها ليها ررررب وقال ليها انا عايز اتزوج
يعنى هو اختار وخطط وقرر وجاء ختاها قدام الامر الواقع

طلال الحكيم كتب:عزيزتي السنبلاية ... بعد تأملات دقيقة لآرائك الواضحة ..... لقيتها يا إما مثالية جدا ... يا إما عقلية جدا
الأمور القلبية ما قاعدة تتكلمي عنها ...

ربما ..........

أنا شايفك إتحاملتي كتير على مي ... مرات الظروف النفسية ال بتمر على الواحد بتخليهو يتصرف تصرفات أو يقول كلام ما من طبعو ولا من أخلاقو

دايما القلوب المجروحة ... ردود فعلها بتكون صعبة
وعلى قدر الجرح .. على قدر ما تكون ردة الفعل

عذراً .. اختلف معك فى الرأى ...........

نحن ما مفروض نحكم على سلوكيات إنسان بمجرد ما نشوف منه تصرف واحد ..... يمكن يكون زول كويس لكن كان في لحظة ما ... مر بضغوطات وصدرت منو بعض الهفوات .. ال هي أصلا ما موجودة في حياته

ويمكن العكس ... يكون إنسان سيء جدا ... لكن مر بلحظة تصالح مع نفسو والناس .. وبدر منه تصرف كويس .. ما معنى كده إنو زول كويس

الموافق الصعبة هى التى بتظهر معادن البشر ..........

مي عمرها ما قالت كلام زي ده إلا في الموقف ده بعد عمرها إتجاوز العشرين بكذا سنة ... فـ ما ممكن نحن نلغي ليها 20 سنة محترمة عشان عشرة دقايق


مع الأسف موفق مى فى العشرة دقائق الاخيرة .. اظهرت ما تم سترهـ من عشرين سنة ماضية ..


وبعدين الأسباب كانت قاسية ... فراق حبيب وجرح أم

بالنسبة لفراق الحبيب الذى تحدثت عنه مى امام ابيها ... بصرحة كان بصورة غير مقبولة بتاتاً .. لئن فى الاصل العلاقة البين عبدالله ومى علاقة غير شرعية .. اى بمعنى اصح لم تتكلل بالزوج حتى تعطى الفرصة لمى لتتحدث بتلك الطريقة مع أبيها .. لئنها ببساطه شديدة من ناحية شرعية هى علاقة ( أثمه ) .. اى لا معنى لها .. لكن علاقتها بابيها هى الاهم ..

ربنا يرحم الوالد ......

آمـــــــــــين يا رب العالمين

طيب عندي ليك سؤال .. عرفنا لو الوالد طلب منك تخطبي بتخطبي ليه
طيب لو زوجك قال ليك عايز أخطب بتخطبي ليه ؟

نعم .. سافعلها .. لسببين ..

الأول .. لعيب فى شخصى .. جعل منه أن يختار وحدة غيرى ..

الثانى .. لاثبت اليه ولكل الموجودين حولنا اى الشـــامتين بأن الرجل لا يملأ عينه الا التراب .!!

وبعدها ح تبداً رحلة التحدى ..
ســـانفصل عنه وابحث عن زوج آخر بكل بســـاطه ..

شـــفتا كيف ..

أتوقع إنك ما ترضيها .. لأني شايف في باقي تعليقاتك بتقولي بتشيلي ولدك وبتطلعي ..

طبعاً بسيبها ليهو خضرة ومخضرة .. لكن بعد خراب سوبا ..!!

طيب ليه ما ترضيها لنفسك وترضيها لوالدتك ؟

لئن والدى بالنسبة لى انا الأب المثالى .. الرجل الملاك الذى لا يوجد مثيل له .. لكن حتماً بالنسبة لوالدتى .. هو رجل عادى وزيو وزى اى رجل .. فى لحظة ممكن يبيعها ويشترى غيرها .!! .. فبالتالى .. البنت الذكية .. تكسب ابيها وامها معاً
حتى لو اختلفا . شكلاً ومضمونا ..

أنا اقول ليك ليه ..... لأنو بالنسبة للوالد إتعاملتي بعقلك و العقل جاب ليك كلام ربنا والدين والشريعة

لغة العقل ولغة القلب .. هما القشطة التى قسمت ظهر البعير ..

أما بالنسبة ليك فـ إتعاملتي بقلبك .. وقلبك ما رضى الحاجة دي رغم إنو عارف إنها حلال ..

ربما .........

برجع وبقول ليك عالم العقول وعالم القلوب عالمان متحاربان ... والسعيد من أصلح بينهما

ما دائماً العقل والقلب مختلفان .. فى بعض الاحيان القلب يرفض لغة الحسابات والقلب لا يحترف بها
ولكن يظل العدد هو العدد .. حتى لو اختلفت مساحة الزاوية المتفرجة .. ويختلفان فى علامة السالب ويتفقان فى الايجاب

شفتا كيف ..

طلال الحكيم كتب: ذات الشجون .... الحاج لما قعد جمب فوزية نص الليل قال ليها شنو ؟ موش قال ليها حــ أعرس ؟
ده كان شنو ؟ موش كان إعلام بما سيكون ؟

في نوع من الرجال بجي للمره ويقول ليها أنا عرست وإنتهيت ... ده الشجاع فيهم

وفيهم البعرس بالدس عمرو كلو ...... وفيهم ال بخليها تعرف من الناس ...

وأنا شايف الحاج أتصرف أحسن من ديل كلهم ...

عايني ... هو ما كان عايزها تسمح ليهو ولا ما تسمح ....... هو كان عايز يكلمها بنفسه

قدرت أوصل ليك المعلومة ؟

الحكاية ما كانت إستئذان...... الحكاية كانت إعلام وتوضيح ...

خبر زي ده في كل الأحوال قاسي ... بس على حسب وجهة نظري المتواضعة أحسن للمرأة تعرف بالطريقة دي ... أخير مما يكلموها صاحباتها ... ولأ لما يكلمها بعد ما يكون أتزوج خلاص .. أو بعد ما يموت ... تظهر ناهد تجي تطالب ميراث ولدها ..


موش ده القاعد يحصل ؟

ذات الشجون كتب:وصلت المعلومة

حمد لله على السلامة

طلال الحكيم كتب:حمد لله على السلامة

ام اسامه كتب:كيوبيد يااله الحب
انت البتقول يقهروا الحريم؟؟؟؟؟
شييييينة منك

من الشايفنو منكم ياختى

ذات الشجون كتب:

حقد دفين بعيد عنك

مش اخير من يكون ما مدفون

ذات الشجون كتب:

كيوبيد شرع الله على العين والراس وما عندنا فيه كلام
بس ما كل النسوان واحد
يعنى فى زوجة عادى انه زوجها يتزوج عليها ولا همها
وفى زوجات بمرضوا عديل وما بقدروا يتحملوا
وفى زوجات غيورات جدا واكيد انت عارف الغيرة الكتيرة ممكن تعمل شنو
وفى النهاية لا ضرر ولا ضرار

دا عدم ايمان بشرع الله شجون
ربنا سبحانة وتعالى خلق الناس مختلفين التفاصيل متوحدين فى الطاعة
ماداير اذكرك بانو الطلاق ابغض الحلال عند الله
زرة : ورينى بتعمل شنو

السنبلاية كتب:

ياسفنى بأن اقول .. سؤالك غير برىء ..

طيب أن اقول ليك .. سيكولجية المرأة .. من ناحية علمية ترفض تماماً مشاركة أمرأة أخرى حياة زوجها ..
وغالباً ما تكون هى السبب الرئيسى فى زواج زوجها من أخرى ..

لذلك .. طلبها للطلاق .. فى هذهـ اللحظة تحديداً استعادة لكرامتها ..
ظناً منها أنها فقدتها فى تلك اللحظة ..


شفتا كيف