أحب أضيف إلى قائمة الشعراء الذي ذكرها الاخ الدرديري
حيث سقط عنه سهـوا شاعرنا
المبدع الشاعر / أحمد محمد الشيخ الجاغريو الذي تغنى له معظم فناني منطقة شرق النيل على رأسم
[frame="5 80"]الفنان / أحمد المصطفى عميد الفن السوداني وقتها ،
الفنان / خلف الله حمـد الفنان الشعبي .
الفنان / مبارك حسن بركات .. والذي ما زال يشنف آذان محبي الحقيبة .
وغيرهم من الفنانين [/frame]
أب نفلين
][`~*¤!||!¤*~`][الشاعر / أحمد محمد الشيخ ( الجاغريو ) ][`~*¤!||!¤*~`][
|--*¨®¨*--|كان يغنيها الفنان / خلف الله حمد بدر |--*¨®¨*--|.
[poem= font="Simplified Arabic,5,black,bold,normal" bkcolor="burlywood" bkimage="" border="outset,4,seagreen" type=3 line=0 align=center use=ex num="0,black"]
أنا غنيت علي أب نفلين = يا سيدي الرسول تنجـوه من العين
****
الليلة اللدر بتمشى في الوديان = طالع من القيف ومن الغضـب مليان
بعزل في الجواميس ما بكشكش الغزلان = بتزكر حديثها وخدها النديان
***
برز في الميدان بتطلع المجهـول = وبطرنه البنات ساعة الضجيج والهول
ده أب نفسا رضيه الحق فيه القـول = ده أب سيفا بشلع الخودة وبقسم الزول
***
الليلة الجنيات في الوادي ليهم صوت = يضحك مانجلن ساعة الكُتال مبسوط
يتبسم يجيك من تب هيله الفوت = وما بياسف على الروح الوراها الموت [/poem]
**********
ما نجلهم يقصد رئيسهم
كُتال يقصد القتال باللهجة السودانية
من منا لا يعشق أغاني الحقيبة...فهي اساس الفن السوداني
ودي أغنية صديق مالك وهي كلمات مبارك خليفة
وهي كلمات أعجز عن التعبير عن روعتها
يا صديق....
يا صديق مالك مشغول بالك
قالو لي الحب غير حالك
يا صديق الحب فرحة واحلام
وليالي لقاء وليالي سلام
لكن شايفك عايش في ظلام
وعيونك فيها كلام وكلام
انا برضي بحب زيك واكتر
لكن املي زاهر واخضر
بكرة الاحلام تكبر وتكبر
بكرة الاحلام تصبح سكر
يا صديق الحب عالم مسحور
موفور بعطور ووفاء وغرور
عشاق عايشين في سلام وحبور
والكل آسر والكل ماسور
يا صديق الحب زي الاطفال
فرحة وبهجة وحنان وجمال
ينبوع الحب دايما سلسال
مادام في قلوبنا تعيش امال
جارو اهلك
لشاعر / محمد علي عبدالله
--------------------
جارو اهلك وجورم أمـر
بالبعـاد والأمـر الأمـر
في ديارم حجبـو القمـر
البديع الساحـر الفكـر
بالجمال والحياء إنشكـر
حسنو يرمي الزول في وكر
شوفتو تسكر من غير سكر
للقلوب ياصاحي إحتكـر
كي يخلف خالـد الذكـر
مفخر الأجيـال والدهـر
حسنو أعجب على ماظهر
في خدودو الحياء إزدهـر
والطبيعه تناجـي الزهـر
تدي منظر جـذاب بهـر
زي نجوم السماء في النهر
نـورو للبدريـن إحتقـر
البهيـج النضـر الاغـر
يـزدري البـراق بالثغـر
المحشـم مـن الصـغـر
منّو كل الناس فـي بغـر
فيه شارد الحسن إستقـر
من عيونو كيـف المفـر
كم بأفئده وأعيـان ظفـر
محيو فيـه البـدر السفـر
وجيدو جيد الظبي النفـر
كل عهد الحسـن الوفـر
زول ويوزن مليون نفـر
حبي هاك القـول الأبـر
والعيان يغنيك عن خبـر
كم نظرت في دهري العبر
نظرة الـي الحيـاة إعتبـر
الجزع في الناس والصبـر
شفنا طوع القضاء إنجبـر
لو بحجبو الأمـر الصـدر
مابحجبوا دمعي اللنحـدر
كل شي إن صفا أو كـدر
في أيادي القضـا والقـدر
أما دهري إن صد أو غدر
البعرفـوا الوفـاء مانـدر
غـــــــــرّد يا حمـــام
الشاعر : محمــد علـــى
-------------------------
أسمعني و أشجيني بي ذكرة الأحباب
بالله ناجيني
رحماك ناجيني من ذي الهموم ألبي
من قاعو سجيني
خلى ألهنا يجيني وخلى السرور يصبح
في طيّو زاجينى
تبريحي صاليني وهيامي زاد أضعّاف
ومنامي سالينى
قول أنت سلينى خلى اليزول منى
آلمي الموالينى
الشوق مالينى والبين برى جسمي
وبي نوايبو باليني
يا دمعة بلينى ويا قسوة الأيام
فوتي الحدود ليني
من غيرك يشفيني و من غيرك أنت يعيد
صبري المجافينى
قول ليهو صافيني زمني القصد هجري
فى هاوية خافيني
غاب رشدي أهديني وفى ملتقى النيليين
أتتغنى آشدينى
على توتى عديني تجد الأذان فطرى
تجد الحياة الديني
صبحني مسيني ويا جانب الأفراح
لا تبقى ناسينى
سجعك يواسيني ورجائي فيك يا حمام
كان متّ ترثيني
أزغد وناديني وأقصد رياض شمبات
سير بيّ وديني
في غناك أبدينى اندب هناك حظي
سعدى المعادينى
إن رمته ترويني ري العطيش في برود
بي جرعة داويني
في جوفي كاوينى حب وعفاف أم در
من قبل تكويني
بطري البساتين وأطرى الشذا الفواح
والمسك والتين
يا جنّة فتينى هل بعد هذا رجوع
ويا حظي أفتيني
وغــــــــرد يا لحمام
هجد الانام
عمر البنا
---------------
هجد الانام وأنا وحدي مساهر
والنحول علي جسمي ياحبايب ظاهر
أسبابي الحب الطاهر
أسباب سقامي وبكاء طرفي الساهر
لأذاي بعادك مضي سيفه وشاهر
مره أندب حظي ومره أهتف أظاهر
أشكو دهري وأناجي النجم الزاهر
إنت عادل وظالم إنت ناهي وآمر
يتمني البدر ليك يبقي مسامر
كونك دواما في نوراليه مخامر
إمتيازك عنه إنت هادل وضامر
بالبان والاسي مال قوامك ظافر
علي صدرك قنبل كم أسلم كافر
العيون والضمره والوريد الوافر
من محاسنك غارن الغزال النافر
كل ما أكتم حبك دمعي بيه يجاهر
مابفيدني طبيب مهما يكون ماهر
طبي مابين كوثر فاك وبين جواه
سنك اللماعه والخديد الزاهر
عار صفاه التبري من صفاك الناضر
ياخلاصة الحسن في العصر الحاضر
الملوك ليك تخضع لنداك تقول حاضر
تخشي سطوة حسنك وفيك يتلو محاضر
بي وصالك جاحد وبي جفاك مبادر
كاليزيد في الجبره وفي بخاله مادر
بجمالك وحسنك يالفي عصرك نادر
لي أرحم حلمك راعي لاتكون غادر
جناين الشاطى
خليل فرح
----------
بين جناين الشاطىء وبين قصور الروم
حي زهرة روما وأبكي يا مغروم
دره سالبه عقولنا لبسوها طقوم
ملكة آسرة قلوبنا تبين عليها تقوم
في الطريق إن مرت بالخلوق مزحوم
كالهلال الهلّ الناس عليها تحوم
شوف عناقد ديسها تقول عنب في كروم
شوف وريدا الماثل زي زجاجة روم
القوام اللادن والحشا المبروم
والصدير الطامح زي خليج الروم
خلي جات متبوعة الصافية كالدينار
في القوام مربوعة شوفا عالية منار
موضة آخر موضة هيفا غير زنار
روضة داخل روضة غني فيها كنار
شوف جبينا الهل ضوّ فوقه فنار
منه هل الشارع منه بقّ ونار
طالعة ما بتقابل زي لهيب النار
تحرق البتهابل والبعيد في نار
الاخ ود الشيخ لانك فنان وكاتب وشاعر مميز مرهف الحس ليس غريبا عليك التطرق الى جمال اغانى الحقيبه الاخوه المتداخلين ابدعتم والى الامام ولى عوده ان شاء الله
إخوتي اسمحو لي ان اضيف هذه الاغنية الي كوكبة الحقيبة
وهي من روائع ود الرضي
** ست البيت **
أريدا براها ترتاح روحي كل ماأطراها ست البيت
قالت جارتا مجاوراها تجي شايله وتجي مزاوراها
تلحظ احتياجنا براها نشكر سعيها بي وراها
ست البيت
ربنا بالجمال كافاها لامن قال قواما كفاها
المسروره مي تافاها ياحلاة الكلام الكلام في فاها
ست البيت
راقيه سكوته من ميلادا مو سكاتاً تنوبوبلاده
نضيفه ومنظمين أولادا برضها عندي حلوه جلاده
ست البيت
تتلاصف سرور وجناتا الرافيه الكتار حسناتا
طيبة عشره مي غلاتا ماسابت الشباب لي بناتا
ست البيت
مابتحسب علي كليا تكرم كل منسوب لي
اطوع من بناني الي واشفق من جنايا علي
ست البيت
ماقالت بقيت حبوبه وتركت بوختا المحبوبه
لوجات من رياحا هبوبه بتحيي عروقك المهبوبه
ست البيت
من صابحتها وماسيتا طاعمه وناعمه لومسيتا
ماقاستني ماقاسيتاوتشكر فضلي كل ماكسيتا
ست البيت
مي العزايه دايماًساقده ومي الغبشه المفبره حاده
مي اللهفانه بي ورا الماده دي اللي شبابا ديمه موادا
ست البيت
فاضي البال حليللا جنابو ماإتغضبن لمس اشنابو
ولايوم سوء تفاهم نابو دي الامثالا نتغنابو
ست البيت
لو كان يوم حبيب واصلي الكرم العريض يوصلي
منها قط خلاف ماحصلي بس ازعاجا لي قوم صلي
ست البيت
ليه ماشكرا مطاوعاني وحافظه لمتعتي وحافظاني
حاويه من الانوثه معاني ومها ابقى مر بالعاني
رائعة الاستاذ محمد وردي
بنحب من بلدنا
كلمات الشاعر الراحل / ابوأمنة حامد
*
بنحب من بلدنا
ما برا البلد
سودانية تهوى عاشق ود بلد
بعيون المفاتن شي ما ليهو حد..
****.
التوب المهبهب فوق أم الضفاير
والخد المعطر زي أحلى الأزاهر
والخطوة الأنيقة ترنيمة مشاعر
أنا بي كلو عمري بمشيلا وبسافر
****.
مين في الدنيا دية أجمل من بناتنا
الليهن قلوبنا والفيهن صفاتنا
الكامنات في روحنا والعايشات في زاتنا..
****.
في حلفا البداية أحلامي وهنايا
أنا عايش لحبي المخضر برايا
النافرة الأليفة بجروحي وهنايا
*****.
أنا لي في كريمة شايقية بشلوخا
نعتز بصفاتا ما نجهل تاريخا
ماها المابية ريدتي ومو ياها المسيخة..
*****.
في شندي العظيمة تلقى بنات جعل
وحدات في المتمة زي لون العسل
النايرات خدودن زي فجرا أطل
في سنكات بنعشق بت سمرة وأبية
ترتاح في الضريرة خصلاتا الغنية..
عاشت في شعوري أحلى هدندوية
*****.
الواردات جدودن في الجود والشجاعة
البظهر جمالن من زمن الرضاعة
سودانية مية المية في زوقا وطباعة
يا ناس أرحموني أنا قلبي في رفاعة ..
****.
لو تلقطنا اليانعة السمحة ونضيرة
تستنى الحليوة في مشية أميرة
أجمل حب عندي في قلب الجزيرة
لي في الغرب أغيد في دار حمر والبقارة
نحميها بسيوفنا تفاحنا ونضارة
تسكرنا الليالي وتطربنا النقارة
لي في جوبا الساحر تسلم لي خدودو
يمرح في غاباتو يسرح في ورودو
حبي الغالي ليهو ما بعرف حدودو..
الشاعر/ عبيد عبدالرحمن
الشاعر / خالد الخياط
الشاعر / سيد عبد العزيز
لحن وغناء / سرور
حاول يخفي نفسه
وهل يخفى القمر في سماه
أبداً لا ... وطبعاً لا ...
شفناه .... شفناه
حاول يخفي نفســــه ******* وغير إتجاه
سطع النور في أفقه ******* وكل إنسان رآه
خلنا البدر أشــــرق ******* كامل في علاه
وخلنا الزهر فتــــح ******* من أنفاس شذاه
جذاب حسنه رايع ******* لادن خلقه مايع
رقص البان مشيه ******* تحب تنظر وشيه
عيونك تختشيــــه ******* من قوة ضياهو
ومن شـــــــدة حياهو
مرة إذا نظرتــــــه ******* ونظرة إليك رناه
قلبك ينشرح لــــه ******* وترتاح لي لقاه
دون تشعر تحبــه ******* وتلهج .. بى ثناه
مرة تقول كبــدري ******* ومرة تقول كزهري
مرة تسمي شعري ******* ومرة تسمي سحري
تغلب فيه أسمــــا ******* وبرضو تشوفه أسمى
كل وصــف تــراه ******* أقل من مستواه
مترفع عظيم عالي ******* بعيد مــداه
ملأ العين جمالــه ******* الزاهي رشح نداه
يلألــي والكواكب ******* تتناثر حداه
فيه الحسن أودع ******* ماملكت يداه
مفــــــــــــــــــرح ******* وشوفته تفرح
بتلقاك باسم ******* كالزهر المنسق
في زمن المواســـــم
تشوف في مقلتيه ******* حياء ودلال و تيه
واللحظ البيجــرح ******* زاد وجدى المبرح
أنا من دون أصـــــرح
لي قلب إصطفــاه ******* وهسه هناك معاه
والله يا شباب احلي من اغاني زمان مافي و مطربين زمان ماشفته مثال ( احمد المصطفي / مصطفي سيداحمد / ثنائي العاصمة / حنان النيل ) وديل بعض الامثال من الكوكبه الرائيع و نتمني من الشباب يستمعي لهزهي الفنانين ولاكن الان قله من الشباب اللزينه يستمهون لهذا الفن و مشو يستمعه لي ( قنبلة ـ اضربني بي مسدسك ـ شلبيه ) اغاني مزعجه واتمني ان تنصحو الشباب لهذا الفكره
