منتدى أنا سوداني

مرسل: **الجمعة 2014.7.18 9:42 pm**

جوهر صدر المحافل
ياجوهر صدر المحافل روحي معاك اتلطفيلها
مالدور الفي حليه رافل في حكمك لقلوبنا قافل
كالظبي الفي مقيله غافل تارة يميل والتانية جافل
وجه ينور والبدر آفل فوق للبدر يزيد نفيله

ليك جوز عين نعسان وكاحل زي وجدي اللي جسمي ناحل
بحر الشوق ماليه ساحل بنسب نوحي علي البلابل
وانتي القمره بتنسبيله

الغصن البتنى مايل طيره ينوح بي غصنه مايل
أهوى نسيم لي فكري شاتل الأسد الفي القيد يناتل
يتأكد ماليه كاتل غير مكحول ظبي النتيله

المرنوع بي كنفه هادل درعه يميل بي خصره جادل
أنا نايم والليل سادل شرط الحاكم يبقى عادل
مايمنع طيفك يغازل أنا في الحب لي روحي بازل
داخل قلبي ليك منازل يا لايم لاتبقى هازل
هل عاشق يسمع لعادل خلي نصيحتك عني زيله

يوقد شوقي ودمعي هامل جمر الحب لي جسمي شاعل
كيف لا تشعل في مشاعل لو الدهر بي حالي جاهل
في الأنجم أسأل سهيلة

أنا في الريد مالقيت وسائل غير بث النسمات وسايل
أغرب شي وعجبنا سايل حلم الصاحي ودمعه سايل
لو شكيت في أمري سائل البدري كونك مثيله

يوقد شوقي ودمعي هامل جمر الحب لي جسمي شاعل
ضاق بي الكون مع إنه ماهل دمي يخضب للأنامل
هل يرضيك كدا ياجميله
هل يرضيك كدا ياجميله
هل يرضيك كدا ياجميله
__________________

مرسل: **الجمعة 2014.7.18 9:42 pm**

سألته عن فؤادي
الشاعر / محمد على عبدالله )

سألته عن فؤادى وعن سبب هيامه

أجابني ما هو عارف

عشقته وجماله نظمته فى فنونى

جفانى صدى عنى تركنى لشجونى

اذا تلاشى صبر وترعرت جنونى

واذا أنبرى فؤادى لعهدى ما بخالف

حبيبى يا مدلل بحق صفا كمالك

حرمتنى وصالك وملت عنى مالك

أنا صريع محاسنك وانا أٍسير جمالك

تعال شوف تعال زفيرى والعواطف

يا فرحة الحزانى ويا زينة المواكب

يا ربرب الخميلة ويا زهرة الكواكب

زمانى جار معاك وهاهو لى ناكب

بعدك الصلانى يادرة المعارف

جمالك المكمل لهانى عن سواك

وتيهك او دلالك رمونى فى هواك
حبيبي أنت ومين يكون دواك

أظن عفوك عنى ورضاك لى يوالف

أهوى الذى ضنانى وغزانى بى نباله

ولا سأل فى حالى ولا خطر بباله

يرانى أو أراه وأقيف ذليل قباله

واقوله أنت سيدى وفيم عنى صارف
__________________

مرسل: **الجمعة 2014.7.18 9:42 pm**

عيون الصيد
عيون الصيد ناعسات عيوني

عيون النيل حاكن عيوني

نسيت قلبي وروحي ونسوني

وفقدت الكانو يأنسوني

ليالي هناي جد عاكسوني

وأخاصم النوم كيف درسوني

مع الآلام هاجت شجوني

وأطبا الكون ما عالجوني

جفوا وبي نفورهم هيجوني

متين في الطيف يصبوا ويجوني

مقر أملي وفيهم ظنوني

يزيدوا دلال وتزيد جنوني

لذيذ تعذيبهم لو ضننوني

وصالهم آه.. راحتي ومنوني
__________________

مرسل: **الجمعة 2014.7.18 9:43 pm**

لحن الحياة منك
و ما تقول نسينا الماضي و صرنا ناسينك
محبوبي الجميل
سألوني منك..عرفتهم
إيه الصفات عنك ..خبرتهم
شافو الجمال منك..أقنعتهم
طولت لكنك
انا يا حبيب الروح أعفيني من ظنك
محبوبي الجميل

سالمني بإيدو والدمع انهمر
ذكرني بريدو في أوقات السمر
ساحرني بمحيو وجنني و أسر
شاغلني بنورو و كم أخجل القمر
بس تنسى كيفنك
و إنت الوحيد بالذات الكنا ذاكرينك
محبوبي الجميل

وفيما الملامة يا روحي وكلي هياما يا روحي
ويامن تعامى يا روحي سلاما سلاما يا روحي
وذكرى محبي يا روحي تموج بقلبي يا روحي
وأنت بقربي يا حبيبي حياتي و حبي يا روحي
أأهنأ وانت بعيــد ؟؟
ما كنا ناسينك
والحب عليك إزداد غمر النفوس دنك
لحن الحياة منك
و ما تقول نسينا الماضي و صرنا ناسينك
محبوبي الجميل
__________________

مرسل: **الجمعة 2014.7.18 9:43 pm**

أنا صادق في حبك لو قلبي
يتصل بي قلبك .. هذا مقصودي

أنا أقصد ودك وأنت تحرمني
النظر في خدك .... لأذاي
ديمة باذل جهدك مع علمك بهواك
منذ أيام مهدك ... انت مريودي
أمتى تنجز وعدك وعني يذهب نحسي
ولي يطلع سعدك ... يا حبيب غثني
ما بطيق نار بعدك وأنت عارفني
ما بعيش من بعدك ... انتهى وجودي

الشباب في عصرك جملة معترفين
لجمالك وحسنك .. يا مهدّل يا مفدّل
يا المهفهف خصرك الكواكب والحور
قاصرين عن قدرك .. كيف أنا هجودي

أمتى يفرج سجنك وأشوف صورتي
في مراية وجنك ... تنجلي عيوني
بي تغزُل حسنك أكوي عزالي
بالتقرب منك وفيك أرى سعودي
قال لي لازم .. صبرك من وصالي قريب
الدخول في قبرك من زمن يا عشوق
لي قاهر أمرك والعفاف يمنع قلبي
ليك يتحرك .. والجفا شهودي

قلت له بحق .. ربك أسلي كل ...... أهلي
لو حظيت بي قربك حظي لو ... ساعد
ثانية بس أظفر بك بعد ذلك أموت
ما في شك بفخر بك أنت مريودي
__________________

مرسل: **الجمعة 2014.7.18 9:43 pm**

مرضان باكى فاقد ....الشاعر محمد على عثمان بدرى

مرضان باكي فاقد......فيكى علاج طبيبي
قالوا ترك سكونك .....يادار وين حبيبك
******
يادار من بقاياك...فوحي وجيبي طيبي
أو عاتق شميم ......النرجس من رطيبي
ماردت سؤالي.......وأجابت دار حبيبي
سدت حلقي عبره.....نفسي متين تطيبي
******
أنا لي مدة طالت .......ما شاهدت قمري
ما شاهدت غصن .....اليانع فيه ثمري
أنا ماشفت محبوبى.......البفيداه عمري
اسكر من عيونه ....هي كأسات فيها خمري
******

حبي الغير خافي.....ياالانت بتخبرى
اسألي منه قلبك......ومن نيراني تبرى
مروا على ناسك....وليك شالوه خبري
هل عرفوني حائر.....وهل ادوك خبرى
******
كيف طغى لي حبك....دائي متين تزولي
لولاك ما نزلت .....عن مقدار نزولي
ليك بنثر جواهري...... وبلغيها زولي
قالت كترت عليه......صديقي الما عزولى
******
فاكهه جميلة يانعه.....شتاها طاف بدري
دره يتيمة انسه.....ظبيه حواها خدري
حوره فى نعيمه......طواها جبينها بدرى
انا فى ناره ساهر....باكى أريتها تدرى
******
لو كلمتي طيفك .......قلت يزور ضريحي
أو قلتيلو داوى.......علل عاشقي وجريحي
لا باس من عذابي.....وبكاء جفني القريحى
ما دام انت نائمه....... وهادئه وتستريحي
******
أنا غافل غرامك.......دون اعلم شحني
دمعي إذا طريتك....بين الناس فضحنى
أنا شاعر فؤادك....في الحب امتحنى
برضك جافيه نافره ....لي متين تحنى
__________________

مرسل: **الجمعة 2014.7.18 9:44 pm**

يا ناعس الاجفان
كلمات : محمد بشير عتيق
لحن وغناء : كرومة

يا ناعس الاجفان أنا من صفاك مسحور
بالله انت ملاك والا من حسان الحور
***
تذرف عيوني بحور
أقضي الليالي قيام ما بين شوق وهيام
وارعي النجوم في سحور
وفؤادي آه منحور
مقتول بغير سلاح وأقول بكل صراح
سبب العيون الحور
***
فيك الكمال محصور
أكظمت كل حسود وحسنك مقامه يسود
علي كل جيل في عصور
طرفك لحاظه تريع أسدا شجاع وهصور
ليك نفرة الغزلان مع جبرة الفرسان
في هيبة المنصور
***
أهيف رشيق متبور
تتهادي تيه ودلال ما بيت غرف وظلال
نعمة وترف وحبور
وسهمك علي مهبور
أيه ذنبي غير هواك وانا يا جميل
بهواك من قلبي ما مجبور
***
يا البي العفاف مشهور
نيدك عبير فياح وقوامك المياح
أينع ثمار وزهور
بي حبي دمعي جهور
أنا في دجاك يا ليل نجمك بقالي خليل
فارقت نومي دهور
***
أنا من زمان مأسور
هجراني ما هماك يا ليلي قاسي لماك
من طول جفاك محسور
وحياة خديدك وجيدك وطريفك المكسور
أنا شعري ما بيوفيك مهما أبالغ فيك منظومي والمنثور
__________________

مرسل: **الجمعة 2014.7.18 9:44 pm**

بت ملوك النيل
كلمات الشاعر / سيد عبد العزيز

يا بت ملوك النيل يا أخت البدور

مين لى علاك ينيل فى البدور والحضور

الجبرة فيك بتخيل محمية الحما

الما حام حداه دخيل

ما أبوكى بخيل بت عز الرجال

أهل الدروع والخيل

والهنا... والسرور

يا السامية ست الجيل طرفك من حياء

فى عصر السفور خجيل

حسنك وضع تسجيل فى صحف الدهور

يتلوه جيل عن جيل

لى يوم النشور

الهيفا يا الخنتيل حروف آيات محاسنك

أرتلن ترتيل

يعجبنى فيك تمثيل أخلاق الملاك

فى سطوة القتيل

الفارس الجسور

غضنك رطيب وعديل شعرك ليل

جبينك يخجل القنديل

النور عليكى سديل يا معنى الجمال

الما أتوجد له عديل

فى ناس ولا حور

فقتى الكانوا قبيل ما خدات فى الجمال

جائزة نوبيل

حيرتى كل نبيل عيناك سحرهن

يسحر سحر أبابيل

يخترق الصدور

يا صاحبة الأكليل ما أظن النهار

العين تدور له دليل

محياك نوره جليل كنت أقول شمس

لو ما الزمان كان ليل

أن عليك نور

لا زلت ليك أميل يا رمز السعادة

الما أتوجد له زميل

يا آية التكميل يا مراية الجمال

الفيكى كل جميل

ريحانة العصور
__________________

مرسل: **الجمعة 2014.7.18 9:45 pm**

ماهو عارف قدمو المفارق
- خليل فرح

ماهو عارف قدمه المفارق
يا محط آمالي السلام
في سموم الصيف لاح له بارق
لم يزل يرتاد المشارق
كان مع الأحباب نجمه شارق
ماله والأفلاك في الظلام
يا دهر أهوالك تسارق
منها كم كم شابت مفارق
ما علينا الفات كله فارق
رقنا وله نعيد الملام
من حطامك أنا غصني وارق
في شن أبقيت للطوارق
غير قليبا في همومه غارق
ولسانا برده الكلام
ويح قلبي الما انفك خافق
فارق ام درمان باكي شافق
يا أم قبايل ما فيك منافق
سقي أرضك صوب الغمام
يا بلادي كم فيك حاذق
غير الهك ما أم رازق
من شعاره دخول المأزق
يتفاني وشرفك تمام
مسرح الغزلان في الحدايق
والشوارع الغر والمضايق
قول لي كيف أمسيت دمت رايق
دام بهاك مشمول بالنظان
مجلس اللذات في النمارق
والترف لا زال وصفه خارق
ضاري حسك فاح جانا مارق
وله قاطعو الريح ما هو لام
في يمين النيل حيث سابق
كنا فوق أعراف السوابق
الضريح الفاح طيبه عابق
السلام يا المهدي الامام
أين مني الودعته شاهق
باكي ناهد لسه مراهق
عيني ما بتشوف الا شاهق
أين وجه البدر التمام
أين مني الفي زهوه باسق
في شبابه نقي من مفاسق
بين ثيابه البيض المناسق
حولك اشبه رتل الحمام
يا بريد الجو فوقي حالق
ميل علي الروح ليها خالق
عدت سالم قول وأنت عالق
مقرن النيلين كيلو كام
الحبايب لفتوا الخلايق
بيني وبينهم قطعوا العلايق
ان دلال ان تيه كله لا يق
حن ما مجينا الخصام
يا جميل يا نور الشقايق
أملأ كأسك واصبر دقايق
مجلسك مفهوم شوفه رايق
عقده ناقص زول ولا تام
من فتيح للخور للمغالق
من علايل ابروف للمزالق
قدله يا مولاي خافي حالق
بالطريق الشاقه الترام
ما يئسنا الخير عوده سايق
الحي يعود ان أتي دونه عايق
الي يوم اللقا وانت رايق
السلام يا وطني السلام
__________________

مرسل: **الجمعة 2014.7.18 9:45 pm**

أنة المجروح
كلمات : سيد عبد العزيز
الحان : الحاج محمد أحمد سرور

يا أنة المجروح يا الروح حياتي تروح
الحب فيك يا جميل معني الجمال مشروح
للحب لهيب فى الجوف زيو الزناد مقدوح
منه الجبابرة تلين لصوت بلابل الدوح
تصاحبو النسمات تفضل معاها تدوح
من نغمة الأشواق ومحاسن الممدوح
الناس تحب رؤياك بالخاطر المشروح
يا ملفت الأنظار يابسمة المفروح
حوريه فى السودان بحبى ليكى أبوح
عنب جناين النيل أتمنى منه صبوح
وانشد فؤادى الضال بين الرياض مذبوح
أرى الهلال فى ظلال تلك الخميلة يلوح
أنا لو ضمنتو رضاك اكون سعيد ممنوح
يا من تسر رؤياك تفرح تنسى النوح
تكسو النهار بجمال خديك جمال ووضوح
منو الغزالة تقف فى موقف المفضوح
من الوله للقاك دمعى العزيز مسفوح
ناقم على الأيام مع أنه طبعى صفوح
انا والخيال فى جدال وانت بنداك منفوح
__________________

مرسل: **الجمعة 2014.7.18 9:45 pm**

صباح النور

صباح النور عليك يازهور
صباحك يوم يقاس بدهور

يا الزهر الفى رياض وزهور
فى خدرك وحسنك مشهور
هلال محيك المابى ظهور
هلال ما هلت متلو شهور

زاهر طاهر ما المغرور
عليه جناح الرضا مفرور
صباحه سعاد وكل سرور
جماله يغنى عليه سرور

نظرتك جالس بين خدور
بدرى حداك انكسفوا بدور
تفوق نيشان ممتاز فى صدور
العظماء المثلوا أعظم دور

جلاله جلال ملكاً منصور
ودلاله دلال مقصور فى قصور
فيه جمال الكون محصور
بديع ما شافت مثله عصور

يلوح للعين من نورك نور
شعاع الشمس على البلور
جهرت عيونا كفاك يا نور
قلوبنا رميتن فى التنور

فريد حسنك ودلك موفور
وأنا دمعى يجر وجرى البسفور
تزيدنى عناد ودلال ونفور
وبرضى أقول ذنبك مغفور

يا صاحب الطرف المكسور
كسرت قلب شعاع وجسور
تتجاهلنى وأنا بيك مأسور
حسابى معاك بقى كلو كسور

سيد عبد العزيز
__________________

مرسل: **الجمعة 2014.7.18 9:46 pm**

جاهل وديع مغرور فى احلام صباه
نايم خلى ومسرور ماعرف الهوى
فى سورو داخل سور فى روض الزهور غنى
قصور فى قصور
آية جمال مبهور.. احلام الربيع فى هيبة المنصور
باهى الدلال موفور.. محجوب الخدور
ماهو الخليع وسفور
يزداد نفور فى نفور
واصبح قلبى فى ايدو اليمين عصفور
لو ينفع المحزون مالى ومالو اهو الضامر المفزور
قاسى ومنيع مابزول لكن دابو سال جاهل صغير مغرور
خلى الهلال فى حجور.. متقلب نجوم لافح حزار لايجور
مابرحم المهجور.. محسور الجمال قال برضى حكم الجور
ناعس لواحظ حور.. هاروت لو رلآهن مثلى كان مسحور
فاق الحسان الحور ..فى خدو الزهور زاهية وجواره بحور
__________________

مرسل: **الجمعة 2014.7.18 9:47 pm**

أعطف على يا ريل .. يا نافر الغزلان
خصرك رقيق وعلىّ .. قلبك حجر ما لان

بحسب دقائق الليل .. أنا والنجم زملان
تابع هواك ومجافى .. الأهل والخلان

يا العالي صدرك .. ومالو ضميرك الهذلان
لو عينى تنظر خدك .. ومتّ ما زعلان

أنا يا جميل بهواك .. فعلاً وقول لسان
بالنظرة تسقينى .. وبالنضرة والميسان

فادع رحح خصرك .. ولسيف لحاظك سان
وأنا يا مدلل قصدى .. من الحسن احسان

يا آية الحسن .. وريحانة السودان
غاية محاسنك جيل .. في كافة البلدان

ساكن بشاطىء النيل .. وبداخل الأبدان
في حارة فيها محاسن .. جنة الولدان

يا أكحل العينين .. يا نائر الأوجان
شكلك بيشيل .. قلب الأنس والجان

شوفنا البدور تسرى .. في البسمة كالسريان
ما بين بياض الدر .. وخضرة المرجان

يا آية الحسن .. وريحانة أم درمان
غاية محاسنك جيل .. في كافة البلدان

يا آية الحسن .. وريحانة السودان
غاية محاسنك جيل .. في كافة البلدان
__________________

مرسل: **الجمعة 2014.7.18 9:52 pm**

الأغنية : قائد الإسطول ..
إسم الشاعر/سيد عبد العزيز ..

مناسبة الأغنية :

أعجب سيد عبد العزيز بإحدى بنات المهدي في حي الأمراء وتقدم لي خطبتها ولكن طلبه رُفض وكان سبب الرفض انه مغنى وشاعر..
وكانت البنت طالبه في كلية المعلمات في أمدرمان وكان يذهب الى هناك كل يوم ينتظرها ليراها وهى خارجه من الكلية ثم يعود. وكعادت الطلاب يخرجون من المدارس فى شكل مجموعات كل مجموعة تذهب من ناحية. وفى يوم من الايام خرجت هى بمفردها من غير المجموعة التى تعود ان يراها معهم ، ولكن بعد لحظات خرج خلفها البقية ، واصبحت هى فى المقدمة والجميع من خلفها .. وشاعرنا سيد عبد العزيز لاحظ المشهد وشبه البنت المعجب بها بقائد الاسطول لانها كانت تسير فى مقدمة البنات وباقي الطالبات من خلفها بالجنود ..وصوره في أجمل لوحة وقال :

يا قائد الأسطول تخضع لك الفرسان
ياذو الفخار والطول أرحم بنى الإنسان

واصل فى القصيدة وقال:

مين لسماك يطول ما يطولك اللمسان
معناك شرحه يطول والله يا إنسان
أصدق كفانا مطول ياذو الحسن إحسان
أنا عقلى بيك مختول والناس عقول ولسان
ما بنكر المعقول آمنت بالأيمان
بالطلسم المصقول بدل لخوفى أمان
بالنور سحرت عقول كانت صميمة زمان

وتابع قائلا :

يا من تحق القول قتل النفوس حرمان
وما الجندى والمكتول و طالب الغفران
من أيده راح منتول واتوهد النيران
فاقد الصواب مبتول مما رأى حيران
أصبح زهر مشتول وفاح ملا الجيران
يا علة المعلول كم أومى ليك بنان
كم من أٍسير مغلول مالاقى فى لحظة حنان
يرى وعدك المحلول زى حجة الوسنان
والكان سكونه تلول ما ببدلهم بجنان
يا حبيبي كون ممهول وليكون ماكان ..

الى نهاية القصيدة وختمها بقوله:

الفى غد مجهول والماضى أسمه الكان
نفديك شباب وكهول ونبقى ليك أركان
فى حبك المأهول ونخدم السكان
يالفى سماك مفصول تنشاف عيان وبيان
ما عرفنا ليك وصول وما دنيت أحيان
إنت الخطاك أصول يعلم الديان
مثلت فينا فصول ما بدرسها النسيان
__________________

مرسل: **الجمعة 2014.7.18 9:53 pm**

حاول يخفي نفسه
الشاعر سيد عبدالعزيز
غناها الحاج محمد أحمد سرور والكثيرون

حاول يخفي نفسه وهل يخفى القمر في سماه
أبداً لا وطبعاً لا شفناه شفناه

حاول يخفي نفسه وغير اتجاهه
سطع النور في أفقه وكل إنسان رآه
خلنا البدر أشرق كامل في علاه
وخلنا الزهر فتح من أنفاس شذاه

جذاب حسنه رايع لادن خلقه مايع
رقص البان مشيه تحب تنظر وشيه
عيونك تختشيه من قوة ضياهو
ومن شدة حياهو
مرة إذا نظرته ونظره إليك رناه
قلبك ينشرح له وترتاح لي لقاه
دون تشعر تحبه وتلهج في ثناه
مرة تقول كبدر ومرة تقول كزهر
مرة تسمي شعري ومرة تعممي سحري
تقلب فيه أسما وبرضه تشوفه أسمى
كل وصف تراه أقل من مستواه
مترفع عظيم عالي بعيد مداه
ملأ العين جماله الزاهي رشح نداه
يلالي والكواكب تتناثر حداه
فيه الحسن أودع ما ملكت يداه
مفرح وشوفته تفرح
بتلقاك باسم كالزهر المنسق في زمن المواسم
تشوف في مقلتيه حياه دلاله تيه
واللحظ البجرح والوجد المبرح
أنا من دون أصرح
لي قلب اصطفاه وهسه هناك معاه

أغنية حاول يخفي نفسه وهل يخفى القمر في سماه ، قيل والعهدة على الراوي
أن الشاعر سيد عبد العزيز .. كان يسير في الطريق .. وكانوا في ذلك الزمان . لا يرون الفتيات إلا نادرا .. وفي بيوت الأفراح فقط ..
وفي أثناء سير الشاعر وصاحبه فتحت احدى الفتيات باب الشارع (( لرمي شيء ,, أو لغرض آخر .. وكانت تحسب أن الشارع كان خاليا من المارة .. وفجاة رأت الشاعر وصاحبه في مرورهم بجوار بيتها ... وعندها أغلقت الباب بسرعة وتخفت خلفه .. مذعورة ..مرعوبة .. لأن أحد غريبا نظر اليها ... وكان ذلك عيبا . وهنا ألهمت هذه الحركة منها الشاعر .. هذه الأغنية الجميلة .. وهكذا قال : حاول يخفي نفسه وهل يخفى القمر في سماه ..
أبدا ... وطبعا ... لا ... شفناه ... شفناه
__________________

مرسل: **الجمعة 2014.7.18 9:55 pm**

الشاعر محمد ود الرضي طبعا كتب قصائد كثيرة جدا في الغزل ويحكى ان زوجته زعلت منه وقالت ليهو كتبت قصائد كثيرة الا انا ما كتبت فيني اي قصيدة قام شاعرنا علي طول كتب قصيدة ست البيت وقال فيها

ست البيت البيت بريدها براها ترتاح روحي كل ما تراها

قالت جارتها مجاوراها تجي شايلة وتجي مزاوراها
تلحظ احتياجنا براها ونشكر سعيها بي وراها

ما قالت بقيت حبوبة وتركت بوختها المحبوبة
لو جات من رياحها هبوبة بتحي عروقك المهبوبة

مي العزاية دائما حادة مي الغبشة المغبرة سادة
مي اللهفانة بي وراء المادة دي اللي البوخة ديمة موادة

ليه ما اشكرها مطاوعاني حافظة لي متعتي وحافظاني
حاوية من الانوثة معاني ومهما ابقي مر بالعاني

لو كان يوم حبيب وصل لي الكرم العريض يوصل لي
منها قط خلاف ما حصل لي بس ازعاجها لي قوم صلي

مرسل: **الجمعة 2014.7.18 10:00 pm**

بدور القلعة
وهي كُتبت في حي القلعة بامدمان .. وهذه مناسبتها كما نقلت عن الراوي

حى القلعه الشهير فى ام درمان
وتغزل فيه ..الام درمانيون ..زمنا طويلا ..اغنيات ما
زالت باقيه ..يترنم بها جيل اليوم ..مثلما تغنوا
لحى الاسبتاليه والمسالمه والمورده وابوروف وبيت المال
تخليدا لسكان هذه الاحياء ..البشوشين الطيبين ..ايضا
تغنوا لبدور القلعه وجوهره

العيون النوركن بجهره
يا بدور القلعه وجوهره

وهى من كلمات والحان الشاعر صالح عبد السيد ..ابوصلاح
كتبها فى حى القلعه الذى يقع وسط ام درمان
القديمه ..ست الاسم ..التى يحدها من الشمال فريق
ودنوباوى ..وتحديدا مسجد الشيخ قريب الـلـه ..الطيار
وغربا حى الركابيه وجنوبا حى السيد المكى ..وشرقا
وددرو ..ومنها يقودك الطريق اذا رغبت الى سوق الشجره
ثم ابوروف حيث المعديه والمشرع ..وعبور النيل الى
شمبات فى ايام الجمع والزيارات الاسريه والترفيهيه
والشاعر ابو صلاح كتب اغنيه بدور القلعه فى احدى
المناسبات بهذا الحى العريق ..حيث ان حفلات الزواج
فى تلك الايام ..كانت الفتيات فيها يجلسن على
السباته ..البساط ..وليس على الكراسى على ايامنا هذه
..فى اتجاه معاكس للفنان والضيوف
وكان فنان الحفل فى تلك الليله هو فنان الحقيبه
المعروف والمشهور كرومه ..وكان الشاعر ابوصلاح من
بين حضور الحفل ..وكان كداب الشعراء فى مثل تلك
المناسبه ..ان يقف منزويا فى ركن قصى حتى تتاح له
فرصة مراقبة الحفل ومشاهدة الحسان وحتى يتمكن من
وصف ما يشاهده ويعكس ذلك عبر قصيده تكتب فى اجمل
حسان الحفل

وبينما الفنان كرومه يقدم فاصله الغنائى
فى الحفل قال العريس لاحدى الحسناوات ان
الشاعر ابو صلاح موجود فى الحفل ..ولربما
كانت محظوظه فيكتب قصيده يصف فيها جمالها
..اشار لها العريس فى اتجاه الشاعر ابوصلاح
ويبدو ان الحسناء لم يعجبها ..حال ..شاعرنا
ابو صلاح اى الشكل العام للشاعر ابو صلاح
..قصيده على عكس ايامنا هذه حيث صارت رغبات
الحسان اليوم ما تعبر عنه اغنية البنات التى
تقول ..بالضراء يا ابوشرى ..بالضراء ان شاء الله
راجل مرا
علم الشاعر ابو صلاح من العريس ان الحسناء لم
يعجبها ..شكله ..وعلى وجه الخصوص شكل عينيه
وكان الشاعر ابو صلاح لها بالمرصاد ..فاخذ
يخاطبها فى صمت ..وشرع على الفور فى كتابة قصيدته
:الشهيرة
العيون النوركن بجهره
غير جمالكن مين السهره
يا بدور القلعه وجوهره
السيوف الحاظك تشهره

حى القلعه مثله مثل باقى احياء ام درمان ..يمتاز
بالصفاء والعلاقات الاسريه المتميزه ..وهو مثل
حى العرب ..تقوم فى داخله احياء صغيره مثل
فريق الشفايعه ..وفريق الشيخ الجعلى ..وفريق
المقابيل والفتحاب ..ولهذا الحى ايضا نكهه مميزه
..فهو قد ضم الفنان المشهور الحاج محمد احمد
سرور

مرسل: **الجمعة 2014.7.18 10:01 pm**

أنا ما بقطف زهورك
للشاعر / عبيد عبدالرحمن

أنا ما بقطف زهورك
بعاين بعيونى

ياالغصن الفى نفورك
ويا البدر الفى خدورك
مترقب ظهورك
أتأمل فى محاسنك
وأتمتع بمناظرك
وأتوسع فى فنونى

لعبت بى دورك
وأصبحت مسحورك
سبحت فى بحورك
وعرفت أوزانك
وعزفت الحانك
آهات توالينى

لازلت مأسورك
وما قادر أزورك
ملأ العيون نورك
كشف الظلام بسمك
واتجلى لى رسمك
شخصك ملى عيونى

أضنانى تأثيرك
وما بشكى لى غيرك
أعيانى تفسيرك
يا الرمز الحيرنى
وهواك صيرنى
اتحدى العزلونى

يا الغالى موهوبك
يا الراقى أسلوبك
الناس يآنسوبك
يا العالى تعليمك
أنا من مظاليمك
ايه ذنبى ورينى؟

مرسل: **الجمعة 2014.7.18 10:02 pm**

ليالي الخير

ليالي الخير جادن................من المحبوب
نسائم الليل عادن................من المحبوب
**********
شفت في الأحلام ظبى يتهادن.....برخيم نغمات خلى تنادن
عبرات الشوق بى ازدادن......تلكم أحلام ليت تمادن
****************

شفت الحسن الحافل رافل .....في ثياب العز والعز كافل
رانع واحل تايه غافل........لادن هادل ضامر كافل
*************
هادئ ساكن آمن قادل ........بهجة هيبة حاكم عادل
لافح فره وطارح سادل......ليل عسعس كاسى الهادل
*************

بوبح جيده وأبصر واقل ......ظن مراقب صدق العاقل
قلب المخضوب فوق الفاقل........تل اليمنى ومشى متاقل
************
رنا متخاوف بارق لجّ.........بعضه فى بعضه ترادف لجّ
نصفو تثنى وآخر لجّ ...........لاطم أمواج من غير لج
************
رفع الهدب شفت محور ..........نوره تدفق صعد أتدور
فكر في شئ فضل أتصور.....بسم النوار فتح نور
**********
فيه تأمل أيسر بند ..........لدن المثمر غصنه البندى
مايقه ترقرق شهر الهندي ......... فوح منو العرف الرّندى
**************
وصحيت ندمان نومي انقل........تناوم غش وقواي كل ّ
حاولت النوم لكن كلا.........هيهات يعود الكان ولّى
*************
أغنية ليالي الخير جادن من اغانى ود الرضي الجميلة كلمة ولحنا أغنية ليالي الخير سجلها للإذاعة الثنائي المبدع ميرغنى المأمون واحمد حسن جمعة والفنان بادي محمد الطيب كما تغنى بها الفنان مبارك حسن بركات..ولقد سكب ود الرضي عبرات الشوق في هذه الأغنية ...وللأغنية قصة حدثني عنها الفنان مبارك حسن بركات والطيب ابن الشاعر محمد ود الرضي وهى قصة حقيقية وواقعية لكن الشاعر صورها في شكل حلم جميل تمنى أن يستمر طويلا ولا يستيقظ منه ...
شفت في الأحلام ظبى يتهادن.....برخيم نغمات خلى تنادن
عبرات الشوق بى ازدادن......تلكم أحلام ليت تمادن
والقصة تقول إن الشيخ محمد ود الرضي كان يحب إحدى الفتيات وكان يريد الزواج منها ولقد غاب فترة من البلد إبان عمله بخزان سنار ولكن حين عودته وجدها قد تزوجت من احد الرجال المعروفين ( لا أريد أن اذكر الاسم تفاديا للحرج ) ..وتصادف إن مرّ ود الرضي بأمام منزل الملهمة وكانت أبواب المنازل تصنع من المطارق وهى أعواد الأشجار ويمكن لاى شخص أن يرى ما بداخل المنزل من بينها ...فشاهد ود الرضي هذه الجميلة..فماذا شاهد...
شفت الحسن الحافل رافل .....في ثياب العز والعز كافل
رانع واحل تايه غافل........لادن هادل ضامر كافل
**********
هادئ ساكن آمن قادل ........بهجة هيبة حاكم عادل
لافح فره وطارح سادل......ليل عسعس كاسى الهادل
هذا هو الجمال والحسن والروعة التي شاهدها ود الرضي...ولكن هذه الجميلة شعرت هنالك من يراقبها وينظر إليها من بين الفتحات ....فماذا فعلت ؟..من عادة النساء في السودان في الأيام التي ليس فيها مناسبة أو عيد يخضبن الكف الأيسر...فلما رأت هذه الملهمة من يراقبها هزت جيدها ووضعت يدها المخضبة وهى اليد اليسرى على وسطها وتلت اليمنى ومشت على مهلها يتثنى قوامها ويتمايل بعجن يكاد أن ينقسم ..
بوبح جيده وأبصر واقل ......ظن مراقب صدق العاقل
قلب المخضوب فوق الفاقل........تل اليمنى ومشى متاقل
وعندما وقلت بعينها مستغربة رأى ودالرضى العيون التي يشع ويتدفق النور من كل جوانبها ...وترقرقت عيونها بالدموع فأصبحت جارحة كالسيوف الهندية ...أما قوامها اللادن فقد أثمر وفاحت منه العطور الطيبة ..
رنا متخاوف بارق لجّ.........بعضه فى بعضه ترادف لجّ
نصفو تثنى وآخر لجّ ...........لاطم أمواج من غير لج
************
رفع الهدب شفت محور ..........نوره تدفق صعد أتدور
فكر في شئ فضل أتصور.....بسم النوار فتح نور
**********
فيه تأمل أيسر بند ..........لدن المثمر غصنه البندى
مايقه ترقرق شهر الهندي ......... فوح منو العرف الرّندى
العرف هي الرائحة الطيبة أما الرندى فهو من الرند وهو شجر طيب الرائحة...أما في نهاية الأغنية فيقول ودالرضى انه قد صحي من هذا النوم وحاول أن ينام مرة أخرى حتى يستمر الحلم ولكن هيهات يعود الكان ولى...
وصحيت ندمان نومي انقل........ترخرخ جسمي وقواي كل ّ
تناوم غش لكن كلا.........هيهات يعود الكان ولّى
وفى رواية أخرى ...حاولت أنوم لكن كلا ....هيهات يعود الكان ولى
والعبادى جارى ود الرضي في كسرة هذه الأغنية أيضا حيث قال في أغنية بلابل الدوح ...عيد لي النوم من اجل خيالك

مرسل: **الجمعة 2014.7.18 10:04 pm**

أم جمالاً يشفى السقيم
للشاعر/ سيد عبدالعزيز

يا أم جمالاً يشفى السقيم
مريضك كيفن دواه

فى صراط الحب مستقيم
قلبى لكن كلت قواه
يا أم جمالأً يشفى السقيم
طال عذابو الليكن غوى

حق نبينا وموسى الكليم
فر عقلى وشالو الهواء
يا الحشيمة وذوقك سليم
كيف علاجى ودائى الهوى

ما بفيدنى فكى أو حكيم
طبى ليمك ما لى سواه
لو نظرتى نظرة حكيم
ما رأيتى العالم سوى

كفى عنى الصد الأليم
بى يا ما الهوى قد لوى
من فراقك ربك عليم
جد شوقى وعودى اتلوى

يا الجويهلة وقدرك عظيم
حسنك أبدع عن ما اتروى
زى سناك الدر النظيم
يافريع البان الروى

هيفاء خصرك كاد ينقسم
عالى صدرك تابع هواه
والجسيم الجرحو النسيم
لى خلاصة الحسن احتوى

يا الوحيدة وأصلك كريم
طار منامى وقلبى انكوى
يا أم طباعاً فى ذاتها ريم
أدركينى وسيبى الجوى

منتدى أنا سوداني

كلمات الأغاني السودانية

رد: كلمات الأغاني السودانية

رد: كلمات الأغاني السودانية

رد: كلمات الأغاني السودانية

رد: كلمات الأغاني السودانية

رد: كلمات الأغاني السودانية

رد: كلمات الأغاني السودانية

رد: كلمات الأغاني السودانية

رد: كلمات الأغاني السودانية

رد: كلمات الأغاني السودانية

رد: كلمات الأغاني السودانية

رد: كلمات الأغاني السودانية

رد: كلمات الأغاني السودانية

رد: كلمات الأغاني السودانية

رد: كلمات الأغاني السودانية

رد: كلمات الأغاني السودانية

رد: كلمات الأغاني السودانية

رد: كلمات الأغاني السودانية

رد: كلمات الأغاني السودانية

رد: كلمات الأغاني السودانية

رد: كلمات الأغاني السودانية