منتدى أنا سوداني

Batta كتب:

ولسة زايد بيك أنيني



ولسه جرحك فيني غاير



ولسة فاقد نور عيونك



وبرضو مفتقد البصاير !!!!



ولا أزال أنا في نحيبي



وعمقو في جوة الضماير



ياااااااااااحليلك ؟؟!!!!!



كنتا لما يطل صباحك



فيني تكتمل السعادة



ولما أسمع قولة "أحبك"



بنتعش !!! سطوة وسيادة



وأفضل أوصف في محاسنك



ولون مفاتنك ... والريادة



وفي سماوات المودة



وتحتي غيم الود وسادة



أفضل أنثر في القوافي



ومن دمايا يكون مدادا



وفجأة .... أمرق من خيالي



وسكة الجن وإرتيادا



وصمتي يصرخ ..... يااااااااحليلا



ياحليل ( سين ) السعادة



الأضحت السم الزعاف



وياحليل ( لام ) التلاقي



الجابت الدم والرعاف



وياحليل ( ميم ) المودة



الباقية لي موت وإنجراف!!



يا حليل ( ألف ) الأناقة



الفي الضمير صبحت جزاف



بل .... وإنجراف



وكل أسباب الجفاف !! وياحليلا



عد خيول سطوة محاسنك



وعد جريها .. وعد صهيلا



ياحليلا .... ويا حليلا .... وياحليلا