منتدى أنا سوداني

الاخوة والاخوات

فرحنا نحن هنا فى الغربة بخبر هدية شركة سودانى لكل مشتركيها بمناسبة العيد.... وقلنا خير...المرة دى اهلنا ياهم المعيدين علينا...من صباح اول يوم فى العيد والجوالات جاهزه مشحونة.....طال الانتظار....وقلقنا....وانتهى اليوم وما سمعنا من اهلنا، قلنا معليش يكونوا مشغولين مع زنقة اول يوم فى العيد...من صباح اليوم التانى للعيد وحتى اليوم الرابع ...90 فى الميه من الخطوط للسودان مشغولة...بعد داك عرفنا انو حصل شبه انهيار فى شبكة الاتصالات داخل السودان.
السؤال الذى لابد من طرحه لماذا مثل هذه الدعاية؟؟؟؟؟ والشركة المقدمة لها ليس فى استطاعتها تحمل عدد هذه المكالمات والدليل على ذلك هذا الانهيار....وحرمتونا نضرب لاهلنا ونعيد عليهم.....وبعدين نجى لحكاية ال 10 دقائق......ياناس سودانى وله سوداتل...حرام عليكم......يا عالم ...اليوم وفى معظم الدول الاوربية...المكالمات الشهرية كلها مجانا..وعليها DSL كل اليوم وخدمات آخرى ذى الموبايل مجانا المودوم مجانا والتوصيل مجانا....وال 3 شهور الاولى مجانا والاشتراك الشهرى بحوالى 80 الف جنيه.
عاوز باختصار شديد اقول....كفاكم...كفاكم......ميزانية الموبايل فى السودان....خربت بيوت.
وارباحكم دى .......وبى الطريقة دى...حرام.
من كلام الناس....تبنو قصور؟؟؟؟
حرام عليكم
حرام عليكم

مع تحياتى

:mad: :mad: :mad:

كلامك في محله والله و فعلا حرام عليكم

لكن تقول شنو وتخلي شنو يادوب الشركة طلعت الخدمة الجديدة دي وداير تنافس باقي الشركات وناس البلد مامتعودين على عروض زي دي

الاخوان المشرف العام ونائبة
الموضوع هام جدا ولا يقتصر فقط على اداء شركات الاتصالات ولكن ينطبق ايضا على اى نشاط تم خصخصته فى السودان
المفروض ان اتاحة المجال لاكثر من شركة فى مجال الاتصالات تصب فى مصلحة المستهلك حيث ان كل شركة تحاول تقديم الافضل والارخص كى تستحوذ على اكبر عدد ممكن من المشتركين ولكن كما هو واضح هناك شركة مسنودة من الحكومة بسبب او باخر وبالتالى تحصل على تراخيص التمدد فى مشاريعها بكل سهولة ويسر وشركات اخرى غير مسنودة من الحكومة وتواجه عراقيل وتعقيدات روتينية.
ولكن على الشركات ان تكون صادقة فى الدعايات الاعلانية ولا تقدم شىء يفوق امكانياتها حتى تستطيع الفوز بثقة المشتركين وبمعنى اخر بناء الثقة بينها وبين المشترك حتى لو كانت هناك خسائر فى السنوات الاولى وبالتأكيد سوف تحقق ارباحها فى السنوات التى تليها ده بيحصل لو هناك فريق عمل متخصص فى الاستثمار والاعلان والتخطيط