يحكى زمان في واحد اسمو حامد عايش مع اسرته الصغيره وفيها الاب والام والاخت
عاش حامد كل طفولته مع هذه الاسره وما فارقهم نهائي من زمن لعب الطين والبلي
وام لعاب وجر الحبل وشليل واركه عميه والكار والبلي
صاحبنا من اللعب الكتير يجي يتمسح بزيت الكركار ويضرب الفطيره باللبن وينوم
والصباح نفس الموضوع..........................
اها الزول دا كبر واحلامو كبرت وبقى ما بلعب مع بنات الفريق متل اول لانو كبر خلاص
والفتوات كبرن ومع هذه الهموم كلها صاحبنا جاتو مرضه قويه ما خلو ليهو دكتور اي محل
ودوهو حتى بالنار اتكوى كلو ما جاب نتيجه اها في النهايه ودوهو لشيخ علشان يشوف الحاصل شنو
الشيخ قال ليهم الزول دا ما عندو مرضاً يقولوا عليهو انا بنصحكم تعرسوا ليهو وبسرعه كمان
اها تمت مراسم الزواج والزول متكل بالعصي وبعد العرس الزول بقى كويس وهاك يا ضبايح
وهاك يا كرامات .
وبعد فترة اختو كمان حست بالوحده وبقت براها في البيت وبعد تفكير كتير عملت فيها عيانه
بقت ما بتتكلم قالوا ليها نوديك الدكتور قالت لا طيب نوديك لي شيخ قالت لا طيب ورينا مرضك شنو
والموجعك شنو .
بعد كم يوم قالت ليهم عندي مرض حـــــــــــــــــامد قاصده العرس طبعاً وطوالي عرسوها لود عمها
اها ياناس عايزين نشوف حامد فينا منو واخت حامد منو
غايتو انا الشيخ الوصف العلاج لحامد
عاش حامد كل طفولته مع هذه الاسره وما فارقهم نهائي من زمن لعب الطين والبلي
وام لعاب وجر الحبل وشليل واركه عميه والكار والبلي
صاحبنا من اللعب الكتير يجي يتمسح بزيت الكركار ويضرب الفطيره باللبن وينوم
والصباح نفس الموضوع..........................
اها الزول دا كبر واحلامو كبرت وبقى ما بلعب مع بنات الفريق متل اول لانو كبر خلاص
والفتوات كبرن ومع هذه الهموم كلها صاحبنا جاتو مرضه قويه ما خلو ليهو دكتور اي محل
ودوهو حتى بالنار اتكوى كلو ما جاب نتيجه اها في النهايه ودوهو لشيخ علشان يشوف الحاصل شنو
الشيخ قال ليهم الزول دا ما عندو مرضاً يقولوا عليهو انا بنصحكم تعرسوا ليهو وبسرعه كمان
اها تمت مراسم الزواج والزول متكل بالعصي وبعد العرس الزول بقى كويس وهاك يا ضبايح
وهاك يا كرامات .
وبعد فترة اختو كمان حست بالوحده وبقت براها في البيت وبعد تفكير كتير عملت فيها عيانه
بقت ما بتتكلم قالوا ليها نوديك الدكتور قالت لا طيب نوديك لي شيخ قالت لا طيب ورينا مرضك شنو
والموجعك شنو .
بعد كم يوم قالت ليهم عندي مرض حـــــــــــــــــامد قاصده العرس طبعاً وطوالي عرسوها لود عمها
اها ياناس عايزين نشوف حامد فينا منو واخت حامد منو
غايتو انا الشيخ الوصف العلاج لحامد
نعومي
الكلام حلو بالدارجي
الكلام حلو بالدارجي
