اديني فرصة
مرسل: الثلاثاء 2009.2.24 10:54 pm
أديني فرصة اغني ليك وأفضح مشاعري بدون خجل
يا اما مشغول بالمعاك يا اما كنت على عجل
وأنا شعري ما جهزتو ليك لكنو عفوي ومرتجل
ما انتي موال الجمال وفي عيونك الهام الزجل
بس منتظر لحظة صفاك ولكل مكتوب اجل
*******
أديني فرصة اقول كلام بين العتاب بين الغزل
أنا أصلو مكتوب لي هواك وبحن ليك منذ الأزل
مستني يوم افصح وابين وراجيك تصغي ولم أزل
لا عن مداركك انحرفت وفي مسارك لم اُزل
وانا قلبي ما بطرب سواك لي غيرك الغنا اعتزل
******
في صدري اتراكم كتير كوم القصيد اصبح جبل
لا قلتو لا لقيت ليهو رد كان اترفض او اتقبل
لا رجاي فيك خاب وانقطع لا لقيت امل لي ناري بَلْ
وارجع احاور في الظنون والقى الجواب بين لو و بل
وارعاهو زي باقة ورود وازرع سواهو اذا ذبل
******
قالو الصحاب اترك هواك وانسى النساك ولا تسل
لا يوم مسح دمعة شقاك لا عنك الاحزان غســــل
وفر غناك للبستحق للعاشقين اضرب مثل
لي غيرو ما انصاع الهوى ولي امرو طاوع وامتثل
اصلو العذاب زاد الغنا ومر الدموع زي العسل
يا اما مشغول بالمعاك يا اما كنت على عجل
وأنا شعري ما جهزتو ليك لكنو عفوي ومرتجل
ما انتي موال الجمال وفي عيونك الهام الزجل
بس منتظر لحظة صفاك ولكل مكتوب اجل
*******
أديني فرصة اقول كلام بين العتاب بين الغزل
أنا أصلو مكتوب لي هواك وبحن ليك منذ الأزل
مستني يوم افصح وابين وراجيك تصغي ولم أزل
لا عن مداركك انحرفت وفي مسارك لم اُزل
وانا قلبي ما بطرب سواك لي غيرك الغنا اعتزل
******
في صدري اتراكم كتير كوم القصيد اصبح جبل
لا قلتو لا لقيت ليهو رد كان اترفض او اتقبل
لا رجاي فيك خاب وانقطع لا لقيت امل لي ناري بَلْ
وارجع احاور في الظنون والقى الجواب بين لو و بل
وارعاهو زي باقة ورود وازرع سواهو اذا ذبل
******
قالو الصحاب اترك هواك وانسى النساك ولا تسل
لا يوم مسح دمعة شقاك لا عنك الاحزان غســــل
وفر غناك للبستحق للعاشقين اضرب مثل
لي غيرو ما انصاع الهوى ولي امرو طاوع وامتثل
اصلو العذاب زاد الغنا ومر الدموع زي العسل