منتدى أنا سوداني

فى مداخلة سابقة للاخ نور الاسلام فى احد مواضيع المنتدى استوحيت منه فكرة هذا الموضوع..........السكن بالنسبة لابناء المغتربين اللذين يلتحقون بالجامعات السودانية مشكلة كبيرة جدا قد لا يشعر بها الا ابناءنا او اولياء امورهم...... طبعا الكلام ده بيكون للناس المستمرين فى الغربة ويلتحق احد الابناء او البنات بالجامعة.......

تذكرت هذا الكلام بالامس وكان معى صديق قديم واخدتنا الونسة عن ابنته الملتحقة بالجامعة بالسودان العام الماضى وتذكرنا لقاءنا قبل عام كامل وكانت ابنته ياداب ماشية للجامعة وجانى فرحا باخبار من السودان بان الجماعة فى السودان فرحانين ببته وكل زول دايرة تقعد معاهو فى البيت العم والخال والخالة والعمة.......
قعدت اضحك شديد واستغرب منى وقال البيضحكك شنو..........قلت ليهو بضحك عليك لان دى المرحلة الاولى وهناك مراحل اخرى ....قال لى وضح................ قلت ليهو عن تجربة شخصية الحكاية ليها 3 مراحل

1) المرحلة الاولى : يتشاكلوا عليها ( كل زول دايرها تسكن عنده )
2) المرحلة الثانية : يتشاكلوا معاها( اتأخرتى برا لشنو- شنو اللبس ده - بتتكلمى فى الموبايل كتير ليه- شنو دا
يابت او ياولد كيف ترد علينا بالاسلوب دا......... الخ )
3) المرحلة الثالثة : يتشاكلوا بسببهم ( كل زول ما بيرضى فى جناهو ويبدا الشكل بين اولياء الامور وناسهم فى
السودان بسبب الابناء)

لمن قابلت بالامس قالى والله كلامك طلع كله صح ونحنا حسع فى المرحلة الثالثة وبنفتش للبت على داخلية

طبعا دايرين مشاركات من ابنائنا اللى عايشين هذه المشكلة او من اولياء الامور عشان نخت ايدينا على السبب

ازيكم ..... الموضوع بتاعك اخوي احمد مهم جدا وشكرا انك طرحتو .... لأنو بصراحه اكتر ناس متضرره من الحكايه دي الابناء زاتهم ما اولياء الامور , لأنو الاهل قاعدين بره وما عارفين حاجه , وما متخيلين انو الناس في السودان اتغيرو, ومافي زول متحمل زول ,,,,, ومافي اسره في السودان بتقدر تمسك ليها ولد ولا بنت معاها,,,, وبالتالي تبدا المشاكل ,,,, انا ما بلومهم , لأنواكل العيش في السودان صعب والمكان يادوب شايل اسياده الظروف مره ومافي زول طايق نفسه في الحر دا . كمان يشيل ليه مسؤلية زول تاني., غايتو ربنا يسهل ويحل مشاكل المغتربين ويرجعهم لأهلهم سالمين ,,,,,,, انا دا رائي وشكراااااااااا . تمبشه

الاخ صلاح
الاخت تمبوشة
شكرا على المشاركة وفعلا يا صلاح انا داير ناسنا فى الداخل يشاركوا فى الموضوع سواء ناس البلد او ابنائنا الضيوف عليهم
تمبوشة المشكلة جزء منها اقتصادى زى ما قلتى نسبة لان احوال الناس بقت صعبة شديد ولكن الجزء الاهم هو اختلاف التربية فى الزمن والمجتمع .
منتظرين مشاركات ابنائنا الطلبة وسرد تجاربهم حتى تعم الفائدة

موضوعك جميل يا احمد لكن بس في مواقف ظريفة بيمروا بيها الشباب بالذات في أول أيام, أنا شخصياً سافرت أنا وتومي برانا وصلتي أول يوم الخرطوم, تاني يوم كنت عاوز أمشي كبري أم درمان أنط منو في الموية (لكن ربك ستر) , أخوي خش الأبخانة (الله يكرمك) وخالتي ملت ليه الإبريق موية وادتوا ليهوا ما اقتنع بفكرة الإبريق دي مشى وصل الخرطوش من حوش الجيران نزلوا لحدي جوة الأبخانة, أما أنا أخدت لي بنطلون وماشي أودي للمكوجي قلت ليهوا هاك أكوي البنطلون دا ولقيتوا خاتي عنقريب برا وراقد فيهوا قال لي خش أكوي براك قلت ليهوا وأحاسبك عليهوا قل أيوة خشيت واوكلت على الله لقيت المكوة مكوة فحم, فرشت البنطلون عشان اكوي, كويت الجهة الأولى ختيت مكوة الفحم برأسها زي ما بنسوي في مكوة الكهرباء اكتشفت انو مكوة الفحم فيها فتحة بوراء, رمت الفحم كلوا في الملاية والمرتبة وحرقت الدنيا وملابس الناس اللي عاوزة تكوي عند الراجل الكسلان دا, اخدت رجولي وووو (بف) طيران على البيت لقيتوا جاني عاوز غرامة (350) ألف جنيه.

الاخ ابراهيم
ههههههههههههههههههههههه
ضحتنى كتير فى موضوع اخوك اللى موصل الخرطوش من بيت الجيران ............ افرض زول منهم شد الخرطوش من جهة الجيران............... اها اخوك يسوى شنو يعنى دا غير الفضايح لانهم بالتأكيد حا يسمعوا المؤثرات الصوتيه من خلال فتحة الخرطوش...........................

Dear All,
This is a nice topic :001- shows that Sudanese abroad change every thing from clothes to morals!! in the last!! son or daughter do not know how to deal with Sudanese society in Sudan - this is nothing called but TOTAL FAILURE. Also to belame Sudanes ein Sudan is not good.

[glow1=00FF66][/glow1]

الاخ احمد يسن ..تحياتي وشكرا على الموضوع القيم والطرح البناء
لدي ملاحظة عامة ...عندما يسكن اولاد المغتربين في بيوت وداخليات وبعضهم في فنادق خاصة بعيدا عن الداخليات وبالرغم عن تقديم الخدمات المتكاملة لهم ....الاحظ فشل اغلبهم اكاديميا..عكس من يساكنون ويختلطون مع عامة الطلاب.[/b]

السلام عليكم ورحمه الله وبركاته
الموضوع جميل ومحتاج انو الناس تتناقش فيه
الحل شنو ؟ الطلبه يجبوا معاهم كونديشن وعربات اخر موديل وياجروا شقق عشان الخال او العم او ايا كان من الاهل مايسالوهم كنتوا وين واتاخرتوا مالكم
انتوا في رايكم انو الحاجات دي بتقيد الطالب وبتكبد حرتو
والله لو كان اي واحد منكم قاعد في السودان كان حيسوي نفس الشي مع اولادوا
ماتشيلوا الناس العايشين في الداخل الذنب.

الأخ العزيز أحمد يس

كل التحية والتجلة

يا أخي أنا من المغتربين القدامى وبأمانة بعد السمعته لم أرسل أى من أبنائي الى السودان ورغم الإمكانات المحدودة فقد آثرت أن يدرسوا في الغربة بدلا من البلد لأن ما ذكرته هو الشئ اليسير وهناك ما هو أعظم وصدقني لدي بنت هي الثالثة وأخذتها بنفسي ووجدت لها القبول اما في جامعة الخرطوم أو مأمون حميدة ووجدت الخانتين وفي آخر لحظه وبعد ما رأيت بنغسي ما يحدث لأبنائنا في البلد رجعت بها وأدخلتها جامعة في الأمارات.
الوضع أصبح لايحتمل ولا يمكنك ضمان ابنك أو بنتك مع أخوك أو أختك أو للأسف وأي من أقاربك وهم معذورون نسبة لظروف المعيشة وسمعة الجامعات وسرطان الزواج العرفي والخلل الإجتماعي الذي يحدث في السودان أصبح مصيبة كبيرة والله يكون عونا جميعا

ود أب دقن
كنت عارف انك جاى بيجاى.........................من قلت زول كبير واقبلونى على المنتدى
طبعا دى وجهة نظرك.......................فى ناس تانية بتشوفها فرصة كى يندمج ابناءهم اللى اتربوا برا السودان
فرصة لاندماج فى مجتمع السودان...........................
شكرا لمرورك من هنا

الأخ أحمد والأخ المشرف
تحياتي العطرة

صحيح ما ذكرتم بأن الأبناء لابد لهم من التواجد في بيئتهم الأصلية وكذلك لابد لهم من الإبتعاد عن البيئة الحاصلة بقدر الإمكان ولحل هذه المعضلة فقد عملت على أن ينزلوا الى السودان سنويا وطوال الإجازة السنوية مع أمهم وألحق بهم في آخر شهر حتى يزورون الحبوبة والخالة والعمة والصديق والأهل ويزدادوا معرفة بوطنهم مما زاد ارتباطهم بالجميع وصاروا والحمد لله محل احترام ومحبة الأهل والأصدقاء ووجودي وأمهم معهم زاد من اداركهم ببلدهم وأهلهم .

أما الدراسة وفي هذا الزمن الأغبر فالأفضل قدام عينك وقد تخرج ولله الحمد اثنان منهم وقد رشحتهم الجامعات التي درسوا فيها للعمل في الشركات الجيدة ومواصلين للدراسات العليا وكل ذلك أمام أعيني .

وصدقوني حتى مع ضعف الإمكانات وخاصة الدراسة الجامعية فالأجدي أن تستثمر في أبنائك بدلا من أي شئ آخر وفي النهاية سوف يكونون هم سندك الحقيقي.

وطبعا كل له رأيه في المسألة ولكن هي تجربة شخصية أردت عرضها من ضمن التجارب ولا أدعي أن أكون على صواب 100% . فأنا من جانب أري انني ولله الحمد تمكنت من تنشئتهم أمام ناظري ونالوا الشهادات التي أرادوها وعملوا وهم يساعدون الآن بقية اخوتهم ماديا وعلميا .
التحية للجميع

الاخ العريقى

اسعدتنى مشاركتك فى هذا الموضوع المهم................. وطبعا ماينطبق على ابناء السودانيين يعانى منه معظم المغتربين ....... وانتم اليمنيين اقرب شعوب الارض للسودانيين من حيث العادات والتقاليد....
ما ذكرته يا عريقى فى مداخلتك هو لب الموضوع الاساسى..................... اقصد هو سبب المشكلة
والنتيجة معناة للابناء والاباء وتدهور فى المستوى العلمى وانحرافات................

شكرا مره اخرى لمرورك من هنا