ملحوظة

[ام محمد19]

ياجماعة فى عنصريه فى المنتدى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ليه
انا بكتب مواضيع مهمه جدا ولى الاسف مافى اى تعليق او اى ملحوظة .
ولى الاسف فى مواضيع _____________وبلقاكمية من المشاركة فى شنو فى ضحك ولافى استفادة المهم انا ماعوزة اجبر زول على حاجة بس عوزه الناس تستفيت من المنتدى

[نهـاد]

الســـــــــلام عليكم ورحمة الله
أختي أم محمد أسمحي لي اولا أرحب بيك معانا
فمرحب بيك في منتدى انا سوداني وهو تقريبا بيتنا التاني

الموضوع الأساسي
انا بتفق معاك انو في مواضيع جادة وهامة بس مالاقيه حظها من الأهتمام بنفس قدر المواضيع الترفيهه
فعلا دي عايزة ليها وقفة ونتمنى يكون في أهتمام أكبر

بس في نفس الوقت حابة اوضح بعض من أسباب عدم الرد من وجهة نظري

والأسباب كتيرة البتخلي الأعضاء ما يردو على موضوع معين بس ما أظن انو العنصرية من ضمن الأسباب دي
ممكن يكون واحد من الأسباب دي ميول الاعضاء تقريبا اي عضو بكون عندو ميول معين بالنسبة للمواضيع المطروحة في ناس بكون دايما في الأسـلامي وغيرهم في الحوار العام وغيرهم موزعين على أقسام المنتدى المختلفة وأي واحد بشوف راحتو وين وبختار القسم المناسب ليه أكتر
وخاصة انو في ناس داخلة عشان ترفه عن نفسها وتخفف من ضغوط الحياة عن طريق المنتدى والضحك
ودا برضو ما يمنع انها تستفيد من ما هو مطروح في المنتدى

والأسباب لسة كتيرة يا أم محمد
منها مثل
1- طريقة تنسيق الموضوع لأنها عامل جذب للقارئ
2- العضو كاتب الموضوع يمكن يكون ما بشارك مع الاعضاء أو ما حاول يرد على مواضيعهم
لأنو غالبا العضو الجديد بشارك مع الاعضاء على الأقل لحد ما تعرف وجودو وبعديها ممكن يردو على مواضيعو .......الخ
3- أحيانا مزاجية العضو لا تسمح له البرد
ممكن واحد فينا يدخل الى موضوع ويعجب بالموضوع بس أفكارو ما بتكون مرتبة بالشكل الصحيح عشان يرد على الموضوع فـ بقوم بتأجيل الرد لوقت أخر ويكون بالشكل دا طلع من الموضوع من غير رد
والله أعلم انو يتزكر ويجي راجع تاني ويرد

والحديث يطول عن الموضوع
وأعتذر عن الأطالة
ولك تحياتــي

[مها]

الاخت ام محمد
ابدا مافى عنصرية فى المنتدى ونحن كلنا اسرة واحدة
بنتمنى نفيد ونستفيد............
وعدم الرد اكيد ..... اكيد ما عن قصد
وياستى اقدم اعتزار .... عنى وعن الكل
ولك العتبى حتى ترضى...... لك كل الود والاحترام

[الضراع]

اهلين ام محمد
المشكلة زي ماقالت نهاد ومها مش قصة عنصرية
لكن هي مشكلة بواجهها اي عضو جديد
العضو الجديد مفروض اول مايسجل في اي منتدي
اولا يعمل الترحيب وبعد كدا
يرد علي المواضيع قبل مايكتب ليهو اي موضوع
عشان الناس يعرفهو
بعد فتره وجيزه بلقي نفسو اصبح وسط الناس
ومجرد مايكتب ليهو موضوع ويشوفو اي واحد من الاعضاء
الكان هو رد علي مشاركاتهم سابقا برد عليهو
وطبعا احيانا الموضوع نفسو لازم كمان يتلائم مع شخصية العضو
في اعضاء كل الوقت بكونو بس في الالعاب
وبعضهم في الراكوبة
والبعض بحب اقرأويطلع بس
عموما سامحينا كان قصرنا معاكي
لكن اخت عزيزه وابقي واصلة

[الأسيد]

ياجماعة فى عنصريه فى المنتدى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ليه
انا بكتب مواضيع مهمه جدا ولى الاسف مافى اى تعليق او اى ملحوظة .
ولى الاسف فى مواضيع _____________وبلقاكمية من المشاركة فى شنو فى ضحك ولافى استفادة المهم انا ماعوزة اجبر زول على حاجة بس عوزه الناس تستفيت من المنتدى

[align=center]ام محمد لك خالص تحياتي:

اختنا نهاااد ما خلت فرض ناقص لكن دعيني اعقب علي موضوعك

تعرفي انتي جبتي الرايحه, واطلقتيها عيانا بيانا, وملاحظتك صحيحة ميه الميه ,مع التحفظ علي كلمة عنصرية ,مرات الواحد يقول في عنصرية او تكتلات , ومجموعااات, لكن بالعكس , اوريك كيف. الناس البترد علي بعض ومداخلاتهم مع بعض لو لا حظنا ليهم فترة في المنتدي اقدم مني و منك في المنتدي صح؟؟؟ يبقي صارت بينهم تعارف وتقارب فكري وصاروا اسرة واحده , والتقارب ده جاء نتيجة الدخووول في الناس ومشاركاتهم وإبدأ اراءهم فيما بينهم وده الشئ المفروض نحن نقووم بيهو , هو انك تفرض نفسك علي الاعضاء يردوا عليك , بطرح مواضيع مميزة , والتعقيب والرد الهادف لمواضيعهم ,لا ننسي ان هنااااك اناس يتمسكوا بمسألة الرد , يعني انت مارديت علي في موضوعي, والا ما حا ارد علي مواضيعك ,صدقيني المواضيع الهادفة التي تطرح هنا وان لم تحظي بالرد من الاعضاء فهي ادت الغرض وتمت قرأتها من اعضاء همهم الاستفادة ولكن اكتفوا بذالك.
والمنتدي فيهو الكبير والصغير والسياسي والشاعر والداعي ومواضيعك دي اكيد تخاطب إحدي هذه الشرايح ومسألة الرد تعتمدعلي نشاطهم .
كدي ادي نظرة علي منتدي الراكوووبة , وشوفي النشااااط الحاصل هناااااك والمواضيع.ده دليل علي الحب الكثير من قبل الاعضاء لهذا المنتدي ولكن استمري في كتاباتك ووطني نفسك واكيد ستجدي من يسمعك ويرد عليك وتعجبه مشاركاتك
عزرا للإطالة وتقبلي مروري[/align][/b][/size]

[رجويه]

ياجماعة فى عنصريه فى المنتدى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ليه
انا بكتب مواضيع مهمه جدا ولى الاسف مافى اى تعليق او اى ملحوظة .
ولى الاسف فى مواضيع _____________وبلقاكمية من المشاركة فى شنو فى ضحك ولافى استفادة المهم انا ماعوزة اجبر زول على حاجة بس عوزه الناس تستفيت من المنتدى

تسلم اختي بجد كلام صح في عنصريه
يعني انت بتعرف الشخص الكاتب الموضوع انت بتقوم ترد عليهو
في كمان فئه بتدخل المنتدي عشان ناس معينه
وتاني حاجه في ناس ما بتدخل عشان تستفيد

[عصافير الخريف]

الســـــــــلام عليكم ورحمة الله
أختي أم محمد أسمحي لي اولا أرحب بيك معانا
فمرحب بيك في منتدى انا سوداني وهو تقريبا بيتنا التاني

الموضوع الأساسي
انا بتفق معاك انو في مواضيع جادة وهامة بس مالاقيه حظها من الأهتمام بنفس قدر المواضيع الترفيهه
فعلا دي عايزة ليها وقفة ونتمنى يكون في أهتمام أكبر

بس في نفس الوقت حابة اوضح بعض من أسباب عدم الرد من وجهة نظري

والأسباب كتيرة البتخلي الأعضاء ما يردو على موضوع معين بس ما أظن انو العنصرية من ضمن الأسباب دي
ممكن يكون واحد من الأسباب دي ميول الاعضاء تقريبا اي عضو بكون عندو ميول معين بالنسبة للمواضيع المطروحة في ناس بكون دايما في الأسـلامي وغيرهم في الحوار العام وغيرهم موزعين على أقسام المنتدى المختلفة وأي واحد بشوف راحتو وين وبختار القسم المناسب ليه أكتر
وخاصة انو في ناس داخلة عشان ترفه عن نفسها وتخفف من ضغوط الحياة عن طريق المنتدى والضحك
ودا برضو ما يمنع انها تستفيد من ما هو مطروح في المنتدى

والأسباب لسة كتيرة يا أم محمد
منها مثل
1- طريقة تنسيق الموضوع لأنها عامل جذب للقارئ
2- العضو كاتب الموضوع يمكن يكون ما بشارك مع الاعضاء أو ما حاول يرد على مواضيعهم
لأنو غالبا العضو الجديد بشارك مع الاعضاء على الأقل لحد ما تعرف وجودو وبعديها ممكن يردو على مواضيعو .......الخ
3- أحيانا مزاجية العضو لا تسمح له البرد
ممكن واحد فينا يدخل الى موضوع ويعجب بالموضوع بس أفكارو ما بتكون مرتبة بالشكل الصحيح عشان يرد على الموضوع فـ بقوم بتأجيل الرد لوقت أخر ويكون بالشكل دا طلع من الموضوع من غير رد
والله أعلم انو يتزكر ويجي راجع تاني ويرد

والحديث يطول عن الموضوع
وأعتذر عن الأطالة
ولك تحياتــي

ام محمد مرحب بيك ونحن جاهزين الي الي موضوع يكون من ام محمد

[ود الزوحي]

أعتقد الشباب كفو ووفوا ...

[الدويحي 2]

أعتقد الشباب كفو ووفوا ...

بالضبط كده ....

[نهر المحبه]

اول شيء مرحب بيك ام محمد في وسطنا
ونفس المشكله حقتك دي سبق وانطرحت قبل كده
برضو اغلب الاحيان بتكون من اعضاء جدد
بس عايزه ااكد ليك انه مافي عنصريه هنا
بس انتي يادوب جايه جديده وعدد مشاركتك يادوب بسيط
لسه ماتعرفنا عليك
بنرحب ليك للمره التانيه وكلام نهاد القالته مافضل شي
ياللا الباقي عليك

[ام محمد19]

مشكورين على المشاركة والرد على اصلا انا كنت مدايقة من الواضيع - وايمكن زى ماقالو بعض الاعضاء انا جديدة بس حابه الناس تستفيد من كل المواضيع عامه الفى المنتدى.
فى ملحوظه لاخوات انها قالت لو مارديت على موضوع ماحيردو علئ طيب دى ماهى العنصرية الانا بتكلم عليها

[نهـاد]

مشكورين على المشاركة والرد على اصلا انا كنت مدايقة من الواضيع - وايمكن زى ماقالو بعض الاعضاء انا جديدة بس حابه الناس تستفيد من كل المواضيع عامه الفى المنتدى.
فى ملحوظه لاخوات انها قالت لو مارديت على موضوع ماحيردو علئ طيب دى ماهى العنصرية الانا بتكلم عليها

مرحبا مرة تانية ام محمد

وانا في النقطة دي ممكن أختلف معاكي شوية
لأنها برضو ما بتعتبر عنصرية بل بتعتبر مشاركة
زي ما أنتي حابة الناس تشاركك وترد على مواضيعك هم برضو حابين تردي على مواضيعهم
يعني أذا كل عضو فينا بفتح المنتدى وينزل موضوع من غير يرد على مواضيع الأعضاء التانية
تفتكري انو ممكن حد يرد عليه
الخلاصة هي :- أذا أنتي أحجمتي عن الرد على مواضيع الأخوة الأعضاء حتلاقي نفس النتيجة وهي عدم الرد على مواضيعك
وعلى فكرة ما ضروري انو تردي على مواضيع كل الأعضاء يعني أي واحد برد على المواضيع البتناسبو بس على الأقل لازم يكون عندك نشاط وتجاوب من المواضيع عشان الناس برضو يتجاوبو معاكي

ولا رأيك أيه ؟؟