منتدى أنا سوداني

مرسل: **الجمعة 2007.5.11 5:48 pm**

[size=3]تعاني معطم النساء من عدم وجود تلك المساحة الحرة ذالك الوقت الخاص
عندما ترتبط برجل ما في علاقة عاطفية
يحاصرها هاتفيا
ويلازمها اينما ذهبت
لا يهتم اذا كان ذالك يضايقها
او يحرجها
او حتي يتسبب لها بمشكلة
فهو يحبها
ويريدها حاضرة له دائما
بالمقابل لايتهاون هو في مساحته او وقته
اصدقائه هواياته
عزيزي الرجل نعم احبك
لكنك اذا اقتربت مني كثييرا
اشعر بالحصار
واموت خنقا
واذا ابتعدت عني كثيرا
اشعر بالاهمال
واموت حزنا
فهل يمكن ان تمنحني
تلك
المنطقة الوسطي
فما رائك ؟[/size]

مرسل: **الجمعة 2007.5.11 5:54 pm**

والله احنا ما دايرين مساحه
دايرين فعلا متنفس ..
وكوكب كده نقدر نفكر فيه بعمق
نقدر نحس انو لينا شخصيه واهتمامات منفصله .. منفرده
عشان الواحده مننا كمان تعيد حساباته
وتعيد ترتيب أوراق وملفات بتكون مختلطه علينا
عشان ما نقع في اخطاء وخلافات
نحن في غنى عنها !

دي ونسه امبارح !؟

مرسل: **الجمعة 2007.5.11 6:06 pm**

[frame="2 80"]يا سودانيه شيلي مترين قصرت معاك

حق الحكومه مترين ذياده علي الشارع

هههههههههه

والله يا سودانيه صح كلامك في ناس بخنقوا احبتهم بس دا ناتج عن الحب الشديد والغيره القاتله عليهم

بس اعتقد لو اي بت قالت لي حبيبها اديني المساحه دي في ناس هتتفهم وناس لأ

وتسلمي يا عسوله علي الموضوع [/frame]

مرسل: **الجمعة 2007.5.11 6:21 pm**

عارفة يانار اذا تحققت لكن هذه المطالب .. بكره ح تكون في مطالب جديده ...

انت بتقولي المنطقة الوسطى .. اي ما بين الاقتراب والاهمال .. لكن مبدأ ان تقترب وتبتعد صعبة جدا ..

فمهما يكم فليس هنالك اكثر من مساحة حقيقية تعيشونها .. ولكن الملل قد يبعث فيك كأنثى شئ من الضيق يجعل عملية فرض المطالب شئ اساسي يقتل هذا الملل ...

محمد الامين غنى ؛ قرب تعال ما تبتعد ..
والجابري قال : حد يشعر بالسعاده ويمشي يختار البعاد ...

مرسل: **الجمعة 2007.5.11 6:53 pm**

بجد يا نار كلامك صح و100%
البنت مابتحب تحس انها تحت الحصار وانها مخنوقة طوالي
بعدين خير الامور الوسط ولا ما كدا؟؟
تحياتي

مرسل: **الجمعة 2007.5.11 7:41 pm**

يانار

لك الشكر على الموضوع الرائع

لكن......

غايتو انا شخصيا مابعرف ازح بعييد
ولا بعرف حتة وسط

بعرف حاجة واحدة سمعتها في اغنية بتقول

فراق اتنين الله لا سوى
نحن اما نعيش او نموت سوا

يعني.....
يبقى الحال كما هوعليه وعلى المتضرر اللجوء للقضاء
رفعت الجلسة

مرسل: **الجمعة 2007.5.11 7:53 pm**

صعب لكن ياود الدرديري!!!!!!!!!!!!!!

مرسل: **الجمعة 2007.5.11 8:05 pm**

لاتوجد منطقة وسطى بين الجنة والنار دة شاعر المراة قال كدة خلينا نحن العطشانين ودايرين نروي بالكلمة والنظرة -

مرسل: **الجمعة 2007.5.11 8:47 pm**

[B]السادة الرجال الاعزاء
لانحنا بنقدر نستغني عنكم
لاانتو بتقدروا تستغنوا عنا
بس
عايزين حبة نفس
اوكسجيييييين
مساحة زي ما قالت بت ابوظبي ننفرد بها الي روحنا
ونشتاق ليكم فيها
يا خي 24/24
حصار
والله
انتو ما بتستحملوها
خلي نحنا[/B]

مرسل: **الجمعة 2007.5.11 9:04 pm**

دي ونسه امبارح !؟

[/size][/B][/color][/QUOTE]

بت ابوظبي يا قمر
لا والله
ماقلنا كلام الليل بمحيهو النهار
ولأ كيييف

مرسل: **الجمعة 2007.5.11 11:48 pm**

[align=center]اول حاجة دي اسمة غيرة والغيرة في قاموسي مرض ما في ليو داعي

وبالنسبة للوسط دايما هو خير الامور

ويا بنات الموضوع حللوا بي يدكم

لانوا بالجد الانسان احيانا بيحتاج يغير الجو عشان ما يكون في فتور

ولا كيف[/align]

مرسل: **السبت 2007.5.12 7:47 am**

نجيكم تكوركو نكورك ليكم ما تجو ،،،،،،،يا سودانية .،،،:079:

هو اصلا المفترض يكون من الطرفين،،،بس احيانا المكابرة من المراة ،،والحياء بالرغم من حاجتها للتواصل بمنعها من ملاحقة الرجل ،بحكم طبيعة المراة،،،،

عموما ممكن ،،،تقولي شناة طبع من الرجال ،،،لضمان سير الحياة،،يجب الا تنظرواليها بذلك المنظور،،،

تشكري،،،

مرسل: **السبت 2007.5.12 8:37 am**

هي أصلا الكورة مباصاة،،، يعني هو بيخنقها فترة التشكيس وما قبل الزواج،، ودي فترة محدودة،،، لكن بعد العرس هي البتخنق، وتكون بتطارده في أي مكان، والسيء لما يكون فيها تحقيق،،، دي بتنفر الرجل،، وما تنسوا الرجل طبيعته متمرد،، ولو رجله ألمته ممكن يقطعها.

على العموم كلامي الفوق مجرد ومكاواة لأختنا سودانية نار. بعدين يا جماعة أفتكر انه الموضوع ده ما شيء مطلق، زي ما كلامي الفوق ما مطلق،،، ثم تانيا،، الشيء ده مش مؤشر حب،، بس بردة فعل غير مرشدة؟؟؟

مرسل: **السبت 2007.5.12 8:57 am**

سودانية نار كتب:[size=3]

لكنك اذا اقتربت مني كثييرا
اشعر بالحصار
واموت خنقا
واذا ابتعدت عني كثيرا
اشعر بالاهمال
واموت حزنا

[/size]

عزيزتي سودانية نار.....

أعتقد أن ما عاد في مساحات من الوقت تكفي للحصار ....

بل العكس بقينا نسرق من الوقت عشان ننعم باقوات فراغ ....

ومع ذلك ....برغم ايماننا أن الوسطية مهمة في كل شيء...

تلقي لسان حالنا يقول ....

يزيد اهتام ممكن..... وبنبلع الخنقة ......

أما البعاد .... ده اللي ما نقدر عليه ....

تقبلي مروري ....

.
.

مرسل: **السبت 2007.5.12 9:16 am**

الاخت سودانية نار بنفس المستوى انو البنت بتحس انها محاصرة كذلك نجد انو في رجال بيحسو انهم محاصرين من من يحبون وذلك عبارة عن صراعات الغيرة مع الاهتمام الزائد مع الخوف الزائد كلها تترجم في الحاجات اللي طرحتيها دي
واهلنا زمان قالوا :
ان مسكت ما تفك وان فكيت ما تندم (( قال مساحة قال ))

مرسل: **السبت 2007.5.12 9:18 am**

عزيزتى سودانيه

سبحان الله فينا معشر النساء

فى بعض الاحيان نعجز حتى عن فهم انفسنا 000000

احيانا اضيق زرعا بتلك المحاصرات 00000 واحيانا تدخل السرور على نفسى

واتسأءل هل هى مزعجا ام مفرحه 00000

اضيق لها وهى حاضره
واشتاق لها عند اختفاءها
فى لحظات الضيق تشعرك بكبت الحريات وعدم الثقه والاحتكار وفقدان الشخصيه
وفى اوقات الحبور تشعرك بالانوثه وتشعرك بالجلوس على عرش القلب وتشعرك باستحواذ الاهتمام 0000 واشياء كثر يحسها القلب نعجز عن تفسيرها

لواعج قلبيه مشتته لا تفسير لها سوى ان نقول ياااااااااااااااااا مثبت القلوب اجعلنى اخفق بقلبى خوفا وطمعا فى رحمتك 000000

ولكن كسياسه متبادله :
ــــــــــــــــــــــــــــــــ
اسلوب الخنقه بالخنقه 0000000 مالووووووو؟؟؟؟

مرسل: **السبت 2007.5.12 12:05 pm**

الأخت سودانية نار،، والأخوات المشاركات،،، في حقيقة نسيت أقولها في مشاركتي السابقة،، وهي حقيقة ان من تحبي هو رجل، وشاب،،، يدخل في عالم الشباب ويرى ما لا تريه،،، يجالسهم،، ويسمع ويتفاعل،،، يستغرب لأشياء، منها المدهش، ومنها المقرف ومنها المرعب (ده بإعتبار اني بتكلم عن الأشياء السلبية بس في الونسة بتاعتهم). يسمع ما لا تستطيع لا نفيسة، ولا زينب، ولا عفاف ولا أمل ولا نهى ولا منى ولا أي من الأسماء المؤنثة في كل الأجيال قد تسمعه.... قد تعرف البعض منها بعد أن تتزوج ويحكي لها زوجها حتى تفهم وتعرف لتتعامل بشكل صحيح في تربيتها لبناتها..... وأقصد بذلك شقين أو نوعين من الونسة،، الشق الأول فيه نوع من البنات تظن أنهن لا يعرفن الفرق بين الجزمة الرجالية،، والكدارة .... ولكن بالشواهد تكتشف أنهم من يلعبن بالبيضة والحجر..... ونوع آخر فيهن براءة الأطفال، ونقاء الحليب ووضوح النهار، وشفافية فطر الندى،، وكل ما تتمناه نفسك من صفات فيمن تحب،،، ولكن يقال عنهن ويقال ويقال... وهنا يكون الرجل بين ثلاث حراب.
الأولي شغفه لرؤية من يحب وإرتواء نفسه بكحل رؤياها، وطرب صوتها
الثانية خوفه عليها من أن تدرج في الفئة الثانية أعلاه،،، فيكون شغوفا لمعرفة كل تحركاتها،، لا شكا، بل ليطمئن قلبه حتى لا تقع في شبهات لا تدريها هي
والثالثة،،، حقها في أن تكون فراشة حرة طليقة،،، يراها ترشف الأزهار، وهو يعلم أنها إنما تجدد وتغذي نفسها لترتاح عنده في آخر المطاف.

طمئني من تحبي بأنك واعية لما يحدث حولك (وتكذب من تظن أنها كذلك)
طمئني من تحبي بأنك شفافة في علاقتك معه وأن لا أسرار بينكم،،، طالما أن هذا السر لا يخص حياة شخص آخر.
بثي فيمن تحبي الإحساس والطمأنينة بأنك تستشيريه في حياتك الإجتماعية
قولي له فعلا وليس قولا بأنك تحبية
حينها،،، سيكون الدرع حولك دونما أن يحجب عنك نسمة الهواء،،، ولا عبق الأزهار

مرسل: **الأحد 2007.5.13 10:13 am**

استاذ السني في رده
قال كلام حقيقي مائه في المائه
الرجال يحاصرو الوحدة قبل الزواج
ما تقدر تتنفس من الخنقة
وبعد الزواج فتح شديد
دا كلام دا

مرسل: **الأحد 2007.5.13 10:21 am**

أحسنت أخي السنى ...
الصراحة ... والصدق .... مفتاحين لنجاح أي علاقة ، عندما يشعر أي من الطرفين بصدق وصراحة الطرف الثاني فصدقوني ستكون الإمور بينهما بسيطة جداً ورائعة دون قيود وبدون أي (خنقه) ..

أختي سودانية نار ....
الحصار والخنقة احياناً ليها صدى جميل في نفس الفتاه لمن تكون خنقه من النوع اللطيف خنقه بكلمات لطيفة وعبارات ود وشوق وحنين كلمات تحسس فيها الطرف التاني انك توأم روحه وانو حبك ليه فايض لاخر مدى ... وإنك بتخاف عليه من نسمة الهواء الطاير ...
بس .. مع مراعاة وقت (الخنق ) يعنى اوقات الدوام و اوقات الراحة وغيره من اوقات خاصه يفك الحبل يعني يديها راحه ...

مع تمنياتي للجميع (بخنقه ) صادقه ونظيفه وحلوه على القلب ....

مرسل: **الأحد 2007.5.13 10:31 am**

سودانية تبرعين فى ترجمة تفاصيل كثيرة مهمة فى حياتنا فى ثوب قشيب
هل كنت تقصدين بالحرية الطموح ...
أم تقصدين بها المساواه والمعاملة على اساس الندية

عموما
سالب فؤادى وما عليك ............... انا فى الجحيم مشتاق اليك
يامن احبك واصطفيك انا لى روح مفتونه بيك

منتدى أنا سوداني

أرجوك اعطني تلك المساحة فانت تخنقني

أرجوك اعطني تلك المساحة فانت تخنقني

رد: أرجوك اعطني تلك المساحة فانت تخنقني

رد: أرجوك اعطني تلك المساحة فانت تخنقني

رد: أرجوك اعطني تلك المساحة فانت تخنقني

رد: أرجوك اعطني تلك المساحة فانت تخنقني

رد: أرجوك اعطني تلك المساحة فانت تخنقني

رد: أرجوك اعطني تلك المساحة فانت تخنقني

رد: أرجوك اعطني تلك المساحة فانت تخنقني

رد: أرجوك اعطني تلك المساحة فانت تخنقني

رد: أرجوك اعطني تلك المساحة فانت تخنقني

رد: أرجوك اعطني تلك المساحة فانت تخنقني

رد: أرجوك اعطني تلك المساحة فانت تخنقني

رد: أرجوك اعطني تلك المساحة فانت تخنقني

رد: أرجوك اعطني تلك المساحة فانت تخنقني

رد: أرجوك اعطني تلك المساحة فانت تخنقني

رد: أرجوك اعطني تلك المساحة فانت تخنقني

رد: أرجوك اعطني تلك المساحة فانت تخنقني

رد: أرجوك اعطني تلك المساحة فانت تخنقني

رد: أرجوك اعطني تلك المساحة فانت تخنقني

رد: أرجوك اعطني تلك المساحة فانت تخنقني