منتدى أنا سوداني

jasmina كتب:

[grade="ff0000 ff1493 ffa500 4b0082 4169e1"]

والله فكرة البوست حلوة شديد وانا بقراها اتذكرت اغنية للاستاذهاشم ميرغني

انا اول مرة سمعتها ادمعت عيناي من عمق احاسيسوالكان بيوصفها ... الشاكوش

الاخدو جامد هو طبعاً سافر ولما رجع لقى حبيبتو اتغيرت وبكى في الاغنية عليها بكى

شديد وانا لحدي هسي لما اسمعها بزعل عليهو ... وعلى شوقو ولهفتو الاتكسرو ليهو في وشو [/grade]

[grade="ff0000 ff1493 ffa500 4b0082 4169e1"]

انتى مامشتاقة لي ولا ماعارفة العلي
يعنى مامشتاقة لي ولا ماعارفة العلي
لو خلاص خليتى ريدى يكفينى خاتمك فى اييدى
[/grade]

اختيار موفق يا جاسمينا وفعلا هاشم ميرغني اشتهر بانو فنان المشوكشين..
والناس من تشوف واحد بسمع عاشم ميرغني كتير ...بعرفو مشوكش...
وطبعا عندوعدد كبير من اغانيه...مليانه رقه وعذوبه وشجن....وهنا حا اجيب
اغنيه ليهو فيها بكا شديد وتوقع للشاكوش


من عرفتك كنت حاسس الزمن لى مابسيبك
كنت حاسس رغم ريدى انى زى الماحبيبك
والحنان البينا ولف لانصيبى ولا نصيبك
والزمان عارف مصيرنا حقو لى ماكان يجيبك
والفرح فى دربى عارفو اصلو مابطول كتير
زى غمام فى سمايا عد وسابنى فى عز الهجير
كم فراش على وردة طلت اصلو ما قايلة بيطير
فات ورا شايل هنانا خوفى من نفس المصير
وحقو ياعينى توالفى الصبر قبال فراقه
وانتى عارفة الجاي بكره وبرضو تغرقى فى اشتياقة
كم عيون فى الريده غرقت والزمن من ريدها ساقها
ما كتير القلبو حبه ياما كم فى هواها لاقا
يازمن علمنى انسى المحال نسيان عيونها
حتى لو ايامى طالت ما اظنى اعيش بدونها
ما اظن ايامى تانى تانى زى حنانها تكون حنونه


طبعا في الاغنيه دي في توقع وترقب للشاكوش
(من عرفتك كنت حاسس الزمن لى مابسيبك )
تحس انو زي بستمتع بالشاكوش...

محمد نعيم كتب:

زمان قالوا الغرام قسمة

حقيقة القسمة ما بالايد

اهواك والهوى يستحيل
لزول من الامال يئس
كان الله فيك قسم النصيب
ماكان شقى الحال تعس

jasmina كتب:

[grade="ff0000 ff1493 ffa500 800080 4169e1"]
فعلا اغانيهو اغلبها اغاني شواكيش بس مليانة احاسيس نبيلة جداً تخلي البيسمعها حتى لو

مااخد ليهو شاكوش يهيم مع احاسيسو دي ...... قمة في الاحساس وفي اغنية تاني للفنان عثمان حسين

سمعتها اول مرة عند جدوا ((خال امي بس صغير)) ماعارفة حجم الشاكوش الاخدو جدوا ده بس اكيد كان كبير [/grade]

[grade="ff0000 ff1493 ffa500 800080 4169e1"]
المهم اكتر حاجة حساسة في الاغنية دي انو رغم انو حبيبتو خلتو بس لازال بيوصفها بضنينو وربيعو و اخضرار ايامو

يعني رغم اي شي حبو ليها كبير جدا اكبر من انو يزعل منها ويشيلها من قلبو وبيبكي عليها ومستنيها لسة تحن عليهو

وده دليل انو واثق انو حبو ليها كبيييير جدا ونبيل لو حست بيهو حتحبو برضو ... وده حب نادر اليومين دي يعني

اغلب الناس هسي بمجرد شويكيش صغنوني حتى لو حق دلع بينسى الموضوع خالص [/grade]

[grade="ff0000 ff1493 ffa500 800080 4169e1"]
حبيبي ليه قلبي فاكرك..........وإنت ليه خالي قلبك خالي......خالي والله ما عليه
.كنت فاكر ألقى عندك ...الحنان تغمرني بيه......قلبي يرسى يلقى جنبك
الأمان و يدوم عليه.......بحنانك تحتويني......وبودادك تصطفيني
ليه تسيبني يا ضنيني.....لدلاك أشتكيك
[/grade]

فعلا اغنية زي دي ما بسمععها الا زول ماخد شاكوش محترم ....الله يكون في
عون جدو ...
وعلى سيرت الفناني الكبار والاغاني العظيمة عن الشواكيش في اغنية لي وردي
بنفس المستوى.....وطبعا دي برضو اغنيه بكا ...لكن الزول دا صحا شويه من
الشاكوش وبتكلم بكلام العقل

بعد ايه جيت تصالحني
بعد ما ودرت قلبي الكنت فيه
جيت تشكي .....جيت تحكي ....جيت تبكي لية ليه
اعتذارك مابيفيدك .....ودموعك مابتعيدك
العملتو كان بإيدك انا ما لي ذنب فيه
انا خلدتك بشعري في زمانك
وياما غنيت وكان كلو عشانك
وكان جزاي منك صدودك وهوانك
انا استاهل .. انا استاهل وضعتك في مكانا ما مكانك
روح .. القدر بي نفسو ما بقسو عليك
جيت تايب ياحليلك ...والفؤاد ملكوه غيرك
ربي يعدل ليك سبيلك ......كل مناي في الكون عديلك
ونهاية الخير نصيبك
ليه ... ضيعوك .....ودروك
انت مابتعرف صليحك من عدوك
استغلو الطيبة في قلبك وبي اسم العواطف خدعوك
حتى من كلمة حنانم وودادم حرموك
الله ياخد ليك حقوقك ويجازي الظلموك

mon كتب:

: :
:

اهلا ومشكورة على الشواكيش التلاته

mon كتب:

اهواك والهوى يستحيل
لزول من الامال يئس
كان الله فيك قسم النصيب
ماكان شقى الحال تعس

الحلاوية كتب:[align=center]أنا ما لي في ناس الحقيبة كتير

لكن الأغنية الذكرتا jasmina بتاعت عثمان حسين دي روعة و أنا بحب أسمعا

لكن الأغني اللي بتمثل وجهة نظري في الشاكوش

هي أغنية شكر الله _ الدمعة

و أكتر مقطع عاجبني فيها

لو جاني احساس بالأمل ترجع علاقة حبي بيك

لو جاني احساس بالحنين أتمنى ما أرجع اليك

أتمنى من كل الدروب تنسدى لو بتودي ليك

أتمنى من الليل يطول لو الصباح واقف عليك[/align][/size]

شواكيش ناس شكر الله دي طبعا شواكيش الجيل الجديد ....لكن كلمات
جميله جدا وهي بتعبر عن حب الايام دي...يعني فيها وعيد وتحدي ....ودي
زكرتني اغنيه شاكوش لاحمد الصادق ...فيها تحدي اكتر كمان....يعني بالعربي
الشاكوش ما هاميه ...وانا طبعا اشك في انو زول ما يحرقو الشاكوش


ان ما بكيتك سنه وخليتك باقي العمر
تتشه فوق الهنا انا ما بكون انا

ومشكوره على المشاركة الجميله

محمد نعيم كتب:

زمان قالوا الغرام قسمة

حقيقة القسمة ما بالايد

حبابك في حديقة الشواكيش العامره بفننا الجميل...
الغرام قسمه...ولولا القسمه ما كان زول او زولة اخد شاكوش
والرضا بالشاكوش...او بالقسمه موجود في اغاني كتيره....
لكن اجملها واشهرها اغنية المرحوم محمد احمد عوض

والله القسمه ما معروفه لي وليك كانت خافيه
يدوم سعدك مع غيري وتملا شبابك العافيه

وبقول فيها :
لكن قسمه شاءت لينا تبقي لغيري وابقا وحيد

روح رياضه تكفي جمهور الهلال والمريخ

مرسال الشوق كتب:ومن الشواكيش ماقتل
طبعا دا ماقولي انا وكل زول مسؤل من الكلام البقولو والشواكيش قسمت الي انواع ..
1 / شاكوش بارد ودا الانت بتكون بتفتش ليهو وهو بفتش ليك لحدي ماتطاقشو وفي الحالة دي مابيكون علي اي زول ضرر ومخلافته صداع بسيط ودا عادي لانو العلاقة في يوم من الايام كانت حلوة.

2/ شاكوش دافئ ودا كمان يخليك مجهجه ماعارف نفسك انت شايت وين يعني بين بين ولحدي ماتلملم اطرافك بتكون انت في الشارع ويمكن ان نسميهو شاكوش متفق عليه من الطرفين وبرضو في احتمال تلقط ورق.

3/ الشكوش الحار ودا الما بندار ودا البودي المصحة عديييييل ومرات يوديك القابر ودا الانت بتكون باني مستقبلك وكل امالك عليه وبتكون بتحضر لليوم البغنو ليك فيهو ياعديلة يابيضة وياملائكة سيري معاهو ويجي مغترب مفتح ويعمل ليك سايرين ويخليك لافي صينية .

بس لقيتك انت جائر
تظلم الحب بالمهانة
الدموع السايلة مني
ياماسالت حرقتني
والظنون الحارقة قلبي
بالماسي كم شقتني

*************

يومي الشفتك انت حسيت بالهنا
طويت ياحياتي شمعاتي انا
بعد الحب دا كلو يااجمل مني
ليه بكيتني عاودت الضنا
جربت هواهم
قلبي انكوي
تاريهم جاروا
وماصانوا الهوي

الله يكفينا شر الشاكوش رقم تلاته قولو آآآآآآآآآآآآآآآآآآآآمين :

مرسال الشوق كتب:mon الغااااااالية تسلمي علي التعليق .... شكلك الشواكيش دي عجبتك خااااالص .... الله يكفينا شر الشواكيش ماظهر منها ومابطن ....

omar babikir كتب:

فعلا اغنية زي دي ما بسمععها الا زول ماخد شاكوش محترم ....الله يكون في
عون جدو ...
وعلى سيرت الفناني الكبار والاغاني العظيمة عن الشواكيش في اغنية لي وردي
بنفس المستوى.....وطبعا دي برضو اغنيه بكا ...لكن الزول دا صحا شويه من
الشاكوش وبتكلم بكلام العقل thumbup.gif

[/color]