منتدى أنا سوداني

ام صبا كتب:كيف من حبك اقدر اقيف

كان شوقى اليك في ليل العتمه
شعاع من نور يبلسم كل جروح
وكنت الفكره
رسمتك لوحه جميله بالوان الطيف
وشلتك دعوت عاشق بيدعى
في ربه ويقول يا لطيف
وكيف بس فى حياتك ابقى الضيف
وكيف من حبك اقدر اقيف
كنت في ليل الغربه
حنان ممتد ما ليك قيف
وشلت حنانك جوه قليبى محنه
والفه وكنت وليف
وكنت ربيع ايامى
كنسمه صيف
وكنت الماضى وكنت الحاضر
وكنت الزمن الما بيقيف
وكيف من حبك اقدر اقيف
كيف انساك
عشقت الدنيا عشانك
واتمنيتك تبقى وليف
ونعيش ايامنا افراح وامانى
وحب من غير تزيف
وبس قول لي
كيف من حبك اقدر اقيف

لبيب كتب:

وكيف من حبك أقدر اقيف
وحبك جوا فؤادي اصالة ودنيا
وجنة خير وظلالا وريف

نهر المحبه كتب:

ودائما إحنا من جمال كلماتك أم صبا...غصبا عننا بنقيف ....
لك مني خالص ودي...وتحناني

ود الزوحي كتب:
يكفي عنوان القصيد .. عزيزتي أم صبا ..


وان شا الله ما تقيفي ..



تحياااااااااااتي

الدغري كتب:لك التحية أم صبا الحب كأس اذا تجرعناه نظل دوما عطشى له

مان المان كتب:
الرائعة أم صبا ,,,,,
انت كاقمر تتواري حينا كي يشعر الناس ان لاجمال بدونه.

مها كتب:

عليك عينيك
ولون الفرحه فى هدبيك
ونوم الاهه بي رمشيك
عليك الفيك
الفينى ....انا كيف من حبك اقدر اقيف

تاج السماح كتب: [align=center]مشاركة رائعة يا أم صبا
وكلمات إبداع في التعبير تترجم الأحاسيس الدفينة
واصلي وأتمنى لك التوفيق ...[/align]

مرسال الشوق كتب:الحب حين يستوطن الدواخل يظل بها ولاسبيل لتجاهله او نسيانه او التخلص منه فهو عاطفة تتغلغل بدواخلنا وتغوص عميقا فينا ... تتخلل وتكون جزءا منا معها نسعد وبها نحس لذة الحياة ...
سلمت ايدك... ايتها الغالية....

تحياتي ...
مرسال الشوووق ،،،