منتدى أنا سوداني

يا غمام

يا غمام أحترت فيك
وكيف تحاكي سيل عيوني
كيف تغطى نور شمس
زي حزن ما غطى كوني
كيف تجود وتجيب مطر
وحسرتي ناساُ سلوني
بعت كل الدنيا ليهم
وهبت ليهم نور عيوني
يا خسارة عمري ليهم
وهم كمان صدو وجفوني
قالو أني ليس شيء
واني عابر عذبوني
واني بايع للكلام
واني سطراُ يمسحوني
واني كنت أقل من
في كيانون يحتوني
يا حليلك يا زماني
ديمه دافن لي غرامي
يا مطر أنزل وانزل
يا دموع عيني سيلي
لو بكاك يفيد مواجع
لو يفك حسرت قليبي
ذنبي اني كنت صادق
لا أجيد كذباً في قولي
كل شيء أصبح ممثل
يا حسافه عليك زماني.

آه ثم آه
غاليتي نهر المحبه
هي امنيات أن يحمل الغمام
أمطار تغسل كل ما بنا.
سعيدة انا بمرورك
الذى ينير اسطري
كوني قريبة.

مها كتب:بس وحاتك يا حنينه
الفرح من بدرى هاجر
وياما خانتنا الغناوى
وياما فينا الحزن تاجر
اركمانيه دائما كلماتك مضيئه
لك كل الود

إضائتها من أنعكاس شعاع منك
تسلمي مها
وكوني قريبة.

آه يا غمام
الجفاف يبس عيونا
والمقل صبحت صحاري.
نرقب الافق ابتسامه
او رنين الهمسة يصدح
الكان هناك خلف المواجع
لمن نسرق الفرحة المكابره
جيبه لينا يا غمام
لو مره بس في لحظة عابرة.
مشتاق رزازك لو يبلل
شفاه خاطر مودر.
مضعون يقاتل في الظلام
وكل يوم احزاناُ تمرمر.
برجاك تجيبه في رزاز
او خد وردة بتقطر.

اركمانيه كتب:آه يا غمام
الجفاف يبس عيونا
والمقل صبحت صحاري.
نرقب الافق ابتسامه
او رنين الهمسة يصدح
الكان هناك خلف المواجع
لمن نسرق الفرحة المكابره
جيبه لينا يا غمام
لو مره بس في لحظة عابرة.
مشتاق رزازك لو يبلل
شفاه خاطر مودر.
مضعون يقاتل في الظلام
وكل يوم احزاناُ تمرمر.
برجاك تجيبه في رزاز
او خد وردة بتقطر.

مان المان كتب:

قطر الندى حرك هدير الامكنة
كل المشاهد والمشاويرو التصاوير والحلم...
ارجاك في كل السطور الممكنة....
بين الالف وتحت السطر وفوق النص وكل النقاط الحائرة...
جف الحبر ....
اصبح قلم واصبح الم
غلبو الكلام ....
وبرضو كتب بمداد الدم الانهزم...
ريدك علم
وريدك فهم
حتى لوجف القلم مابنهزم
مابنهزم..

برجاك في كل السطور الممكنة
والقوافي السارحه فايتة
في بدايات الكلام
في نهايات السطور متوقفة
في همسات غرام
بين الحرف وهمسة شكل متلونه
مرسومه بشكل المأقي
متفردة.

يا غمام طال أنتظاري
والجفاف يبس زماني
الهجير البكوي يشوي
الجسم معتل يعاني
حنضل الايام عرفني
الشراب المر غذائي
الفجر الديمه غائب
الظلام أصبح توالي
غربة النفس شابت
كل أشراقات زماني
الرحيل أيامه طالت
المقام ضد استعابي
الخطى بلا نهى
وألانتماء خاوي
يا ودود دوام ترجي
العذاب فاق احتمالي
يا عطوف يا رءوف
أنت عالم بعتلالي
أنت عادل أنت حاكم
جور عبيدك أمتهني
برضو صابر ولسه صابر
راجي عطفك لو يصلني.

اركمانيه كتب:نرقب الافق ابتسامه
او رنين الهمسة يصدح
الكان هناك خلف المواجع
لمن نسرق الفرحة المكابره
جيبه لينا يا غمام
.

ود الهادى كتب:

ـــــــــــــــــــــــــــــــ
أركماااااااانيه .........
عندك حتى
للهمسة رنين ,,
ما أبلغَ ما
قُــلــتـى ......
............

نعم لها رنين
لمن تكون أكوان
بترحل من مأقيها.

الضراع كتب:

ياالله علي الابداع
والله كلي اسف علي ماضاع من عمري
في هذه الايام التي ولت دون ان اعبر
علي كلماتك تلك التي حركت دواخلي
وهزت مشاعري .............
ووجدت طيب المقام ..........
اركمانية
ماشاء الله تكتبين من دواخلك فكلام القلب مصبة القلب

أرحل يا حمام شيل اشواقي وارجوك لا تغيب
وصل كل مشاعري وريدي لي دار الحبيب
قولو قليبي يا محبوبي غيرك ما بيطيب
واي ديار بلا عينيكَ فيها اكون غريب
السبب المعذب قلبي وخلى الراس يشيب
فراقك يا اعزّ الناس بعد ما كُت قريب

أيها الضارع بالحروف
أنها جمال دواخلك هي ما يجمل
خربشاتي.
ولاتأسف على ما فات فالحاضر
أجمل.والحروف مراسيل بين
القلوب.


أرحل يا حمام وقت المغيب
جيب السلام من زولاً قريب
قول ليه طال البعد والقلب
أصبح سليب.

اركمانيه كتب:نعم لها رنين
لمن تكون أكوان
بترحل من مأقيها.

ود الهادى كتب:

ـــــــــــــــــــــــــــــــــــــــ
لكنها ذهب
الجفون .....
دفء الظنونِ
وأريحية الخياااااالْ ..
إبداع حد الوجوم ..

تبر وهاج
يلفح سناء
يوشح المخيله
برشح شذى.

تألق حد النهى.

mihrab كتب:

روعة يااركمانية تسلمي ويسلم ذوقك والله مباالغة
فاقت كل الووصف والمشاعر
تسلمي

mihrab
أنها روعة حضورك
وهمسة دواخلك
تسلمي
كوني قريبة.

ياغمام

اركمانية هل استطيع ان ارتحل عبر غمامك الرائع
فاظفر ببعض الظل وبعض الرحيق

اركمانيه كتب:تبر وهاج
يلفح سناء
يوشح المخيله
برشح شذى.

تألق حد النهى.

مهاجر في البلد كتب:

انا يا غمام الحب بشوفك ومضة من نبض المشاعر
واحــة من شمس الهجير ورحلة ما اظن ليها آخر
يا غمام الريدة واصل واروي من فيضك مشاعر
عاوز اخليك يا غمام تبقى للحلوين معابر
وتبقى للعاشقين سفينة في بحور الشوق تسافر
انا أصلو زاهد في الحبيبة وعمري بين الناس مهاجر

ياغمام

اركمانية هل استطيع ان ارتحل عبر غمامك الرائع
فاظفر ببعض الظل وبعض الرحيق

يا غمام الحب حبابك
في دروب الريد معاشك
ماشي في وديان غرامك
سائل عن مكانك
عن صباح بزدان عشانك
وعن شمس تشرق لشانك..

كسوت الغمام هطولاً
عاطراً
ونرجس فايحاً
فيا مهاجر غيثنا
من مطرك رزاز.
كون قريب.