منتدى أنا سوداني

mubark59 كتب:

أخواتى وأخوانى الاعزاء بكل المنتديات التى أشارك فيها يسعدنى وأنا أطل عليكم يومياً بدرس الصباح من مسجد برمنجهام والشيخ عبدالجليل الباكستانى أن أواصل الاطلالة فى مجال الشعر والمسادير المنجورة حتى تصبح فى الذاكرة محفورة والبينا معمورة وإن شاء الله تسكنو المعمورة وتنجح فى سودانا الكورة ،والمسدار الصباحى ليس حكراً على بشرى مبارك ولا ملك خاص له فأطلب من الجميع أن يشاركوا بإضافة مسادير صباحية وعليكم أن تجتهدوا والمابعرف بنساعدوا والحكاية لمن يرغب أسهل ما يكون والان دعونى أقول بسم الله نبدأ ونسأل الله أن يوفقنا فى إختيار الخفيف والظريف من المسادير .

مسدار الصباح بسم الله ببدابو
ولملم كل ناسو ولملم أصحابو
نبدأ بى الصباح مع شاينا وشرابو
وندعو للجميع الصحة الصحة وعقابو
ما فينا البغيب البغيب ويلوّم يلوّم أنسابو

mubark59 كتب:

فى النيّة الرجوع لكنى جد مشغول
بى تعليم صغارنا وخايفين من المجهول
بندور يعرف صغارنا البنقولو ليهو يقول
ويعرف يقرأ سورة ويحفظ ليها شورى ويعرف كمان لى إصول

mubark59 كتب:

دايماً يا لبيب ألقاك تسند ضهرى
ومسدارك رهييب مع البكور والبدرى
مره من القديم ومرات جديداً عصرى
وكل ما يقسى أمرى ألقاك تهَّون أمرى

mubark59 كتب:

التصويت بدأ للانفصال فى بلادنا
ونسينا الوصية الاوصو بيها أجدادنا
وصونا على الوطن الفى التراب ميلادنا
لكن الطمع الشجع الظلم ظهّر جميع أحقادنا
بدينا نقسمو لى كم قسم ونديهو لى نديهو لى أحفادنا

mubark59 كتب:

الاربعاء 12 يناير رابع أيام الاستفتاء---------------------------------------------------------------------

الفتن الزمان وصانا بيها نبينا
نصلى على ونسلم وندعو الكريم يحمينا
من شر التآمر ومن شر اليهود من شر اليهود يكفينا
نتمسك بى كتابنا وبى سنه نبينا ماظن نلقى شىء يلاوينا

mubark59 كتب:

أمييين يا لبيب دعاك يلقى إجابه
نشوف سودانا فوق ونارو نار تقابه
نحفظ فى السور ونحفظ للمعانى نعرف لكل أنسابه
لسانه لسان عرب وقرآن كريم وبالسيرة ما بنضل ونمشى فى أسرابه