منتدى أنا سوداني

[poem=font="simplified arabic,5,green,normal,normal" bkcolor="transparent" bkimage="" border="none,4,gray" type=3 line=1 align=center use=ex num="0,black"]

في عز الليل الضاوه نجومو=
وصبح العيد الطلا عبيرو=
وقفت عليك يا بت زي هالة =
وقلت معاك اتهجى حروفك=
وأبدا أماني الذكرى الفاتت=
لمن كنا اتنين في البال والخاطر=
وكنا بنحلم بيوم باكر =
ننهل حرف الريد الباهر=
كنت بأمل بذكراك=
إنك تلقي الدنيا أزاهر=
تقطفي زهرة تلامسي شفاها=
ويصدح قمري الريدة حداك=
وألقى نسيمك فايح ديمه=
وأحضن عبق الوله الحايم=
من أنفاسك =
وألمس إيدك =
وأرشف نبعك من طيب فاهك=
إلا صحيت ألقاك وأقابلك=
وأحصر مدك وأبقى مدارك=
برضي لقيتك حلما ضايع=
زي أيام العيد الفاتت=
لما بجيك وبسأل عنك=
وأفضل أقولك ياخي بحبك =
وانت ملامحك كانت تخجل=
وأبقى أداعبك وأرسم بسمك=
وأهدي قليبك وردة رسمك=
وأفضل أحبك =
وأفضل أحبك =
وأكتب فيك =
بحبك أنت وتاني أظنو=
محال الدنيا تجيب الزيك=
أصلك إنت بتملي عيوني =
وأصلو عيوني محال ما تقبل=
أنو بلاك تتحكر تسكن=
وأبقى بريدها وحبك يفتر=
تاني بقولك وعالم الله=
إني بريدك ليوم حسي=
وحفضل أحبك =
ولسه بحبك =[/poem]

بطوطة كتب:والله يا ود الزوحي حيرتنا انت وكلماتك النااااااااااااااااااااعمة دي تدخل جوووووووووووووة
قليبنا وتتسنتر.الا لاقية ليا اكتر من اسم في حبك الدافق



عبيروهالة وأماني وذكرى ولسسسسسسسسسسسسسسسسسه

تختلط المشاعر بالحروف فتشكل رسما رائعا ..

كروعة طيب النفوس حين يغدو المساء .. فتتناغم أصداء الطبول لتعزف نغما سلسا يعبر مسامات الحنايا والقلوب ..

أسعدني مرورك بطوطة ..


وخليك قريبة !!


تحياااااااتي

الغاليهـ بنت الغالي كتب:كلمات ناعمة ومعبرة وحلوة

يسلمووو يا مبدع

دائما ما يعجبني اسمك الغالية بنت الغالي .. فعندها أشعر بفوزك بحبك لوالدك وفوزه أيضا بلقب الغالي لديك ..

الابداع أن نجد من يدعون من أحرفهم تذكارا يعبر عن تقديرهم لنا .. وسعادة تغمر زوايانا ..


كوني بخير ..


تحيااااااااتي

أحيــــــك يا حبيبنا ..وإلى الأمـــــــــــــام ..

patshe كتب:أحيــــــك يا حبيبنا ..وإلى الأمـــــــــــــام ..

باتشي يا جار ..

وينك مشتاقين يا ملك ..

وبركة الحروفك لامست بوردينا ..

تحياااااااااااتي

الدهمشي كتب:

كلام والله اجدع لينا وااااااااااحدة بس خلينا النحشش بيها

هليت نورت صفحاتنا !!

الدهمشي ياخوي القصة قصة ريد موهط في الحشا ..
كترن علي دمعات خدودي مع الصباح وقت الفجر ..
قلت الحلل أكتب على ورق الندى ..
سطور ترسم توضح للمسألة ..
أنا أصلي زول مقتول متيم بالهوى ..

أها ده كيف ..

حرفك جميل زي كلمتك ..

تشكرات كميات ع المرور يا ملك !!

ام صبا كتب:

ودالزوحى لك التحيه
ما اقدر اقول غير انك مبدع

كيف من غيرك يكون العيد
وكيف من غيرك ابقى سعيد
حافضل احبك مهما كنت بعيد
واشيلك جوه قليبى محنه
مهما فى جورك انت تزيد
واحلم فى يوم القاك
وتبقى ايامى معاك كلها عيد
ونرجع تانى نعيد الريده
ونسقى الامل الفرهد
وافضل احبك

زي ما كنا زمان بنريدك انت
لسه كمان بنريدك أكتر
وانت براك جوايا محكر
عارف انك ممكن تقسى
بس مرات النيل بتعكر
ويرجع تاني جميل زي أول

أم صبا منورة يا كلمة !!

ود الزوحي كتب:
زي ما كنا زمان بنريدك انت
لسه كمان بنريدك أكتر
وانت براك جوايا محكر
عارف انك ممكن تقسى
بس مرات النيل بتعكر
ويرجع تاني جميل زي أول

أم صبا منورة يا كلمة !!

ahmede كتب:لو الاماني بايدي كنت اهديتك عيوني
كلمات تدخل في الصميم
تسلم يا مبدع

صديقي أحميدي .. جمال الكلمة في رقة سطورها معاك ..


فرحان بيك .. يا عزيز !!