منتدى أنا سوداني

ود ابنعوف كتب:

المرسيل


كل حلة محروقة وانتا طيب والجاتك فى حلتك حرقتها اقصد سامحتها


ربنا يتولاكم فى حرق حلتكم ويخلف لكم بتقلية خير منها

مرسال الشوق كتب:

تسلم ياغاتنتيمنت

آآآقصد ياغالي اها شايف انا من الجوع الشديد الكتابة ماقادر عليها
مانجيك في شينة ونحن خلاص اتعودنا وبقينا مسجلين في غينيس
من اعلي الدرجات في حروق الحلل والعندو حلة عاوز يحرقة
يجيبه لينا والله نحرقه ليه قبل ان يرتد اليه طرفه

ود ابنعوف كتب:

حلتك صعبة اقصد حالتك صعبة


الله يعينك بس والكاشف سارح وين حرق الحلة

اعمل ليك كاشف حريق

kaydoo كتب:والله يا المريسيل غلطانين تربط حجر في بطنك وود كبوشية موجود في الرياض ؟؟؟ علي الاقل كان تستعين بي صديق

هوووي يا مورسال الشوك مالك ياخي علي الظول المصكين ده
تبقي عليهو إنت والزمن.. غايتو أنا لو في محلو كان وديتك تسكن مع
ودكبوشية
عالم تاكل وتنكر زي اللهم إنّي صائم
برمة:
أضفت علي الرسالة أنشر ولك الأجر
أول واحد ردّ علي هووومي وكان نص رسالته:
مالك ياود
الشمالي سوي شنو انا صائم ما زيّكم حا ارد عليكم بعد رمضان كااااااااااااك
طبعا الموضوع عاجبو وألذّ حاجه الكاااااااااااك التي أضحكتني كثيرا كثيراااا

أبو صديق كتب:هوووي يا مورسال الشوك مالك ياخي علي الظول المصكين ده
تبقي عليهو إنت والزمن.. غايتو أنا لو في محلو كان وديتك تسكن مع
ودكبوشية
عالم تاكل وتنكر زي اللهم إنّي صائم
برمة:
أضفت علي الرسالة أنشر ولك الأجر
أول واحد ردّ علي هووومي وكان نص رسالته:
مالك ياود
الشمالي سوي شنو انا صائم ما زيّكم حا ارد عليكم بعد رمضان كااااااااااااك
طبعا الموضوع عاجبو وألذّ حاجه الكاااااااااااك التي أضحكتني كثيرا كثيراااا

ابو الصديق حمد لله على السلمة

اللمتدى منور ولله ورمضان كريم مع انو انتهى اليللة عشرة فيه

تعرف لما قريت البوست افتكرت الحلة الساكن فيها شايفة الكارو السيقو دة قلت الزول يكون ساكن فى

قطاطى قش سااااااكت ههههههه

حلة العزابة .. وديك بتاع صاحبك .. والله حالتك صعبة يا هناى ...!!

خايف اقول ليك الدليفري تعمل فيهاحسن حسني
علي جثتي!!
هههه
ضحكه صايم مااتسحر

dreem-lady كتب:

عشان كده حللكم محروقة ومسودة وهباب
الله يعين الحلل عليكم

هههه بس الحلل بتاعتنا المحروقة
دريم دة احنا قلوبنا تحرقت

مرسال الشوق كتب:

امس وعند اذآن المغرب وانا مجهز كل شعوري بفطور دسم يرم الجسم بعد يوم حافل من التعب والشغل
والعطش الشديد تم بحمد الله حرق الحلة الكانت عليها الرك وكل امالنا العراض راحت في مهب الريح
وطبعا كانت الحادثة فاجعة بالنسبة الينا لانها كانت في وقت وصلت فيه المصارين الحناجر واخذ الجوع والعطش منا ماخذ .
اشم ليك ريحة حريق اخذ طريقه مباشرة الي انفي وكذبت في بادي الامر المشهد ولكن عيوني مابتخيب
وصقعت من هول المفاجاة وبدون مااشعر مسكت في بطني بحرقة وقلت حلة وحرقت ويابطني الليلة كتبت
عليك صيام نهار وليلة متواصلتين .
وطبعا اخوي الكاشف اول ماشاهد المنظر اول شئ قالو لي علي طول الحق البقالة طبعا الكلمة دي غاظتني
شديد وقلت ياربي انط في كرشو دي اعضيهو فيها ولا اقرم ليه اضانو العاملة ذي فردة المركوب القديم دي ومااخفي عليكم في اول الفاجعة زعلنا شديد ولكن في الاخر فكيناها ضحكة عالية لدرجة انها سمعها الجيران
وقلنا بصوت واحد ماعندنا فيها نصيب .. لكن المحيرني نصيبنا دا طوالي كدا والله عدد الحلل المحروقة عندنا فاقت الحروب العالمية وبقينا مشهورين اكثر من توم وجيري ظاااااتو
ومااخفي عليكم انا من امس رابط لي حجر علي بطني وعيوني بقن صغااااار ذي البلي ولو قمت علي حيلي ساااااكت طاااخ اقع في الواطة والدخلت فينا امس منظمة الاغذية العالمية مابتقدر تحلها

انت تتسوّد عيشتك عامل اضنيك الذي التبروقة .
يعني الواحد ما ياخد ليهو حبة سرحة ولا كيف , كلمتك
ياا جني قول اعمل الحلة قامت قيامتك , قلت لا بقطع
ليك البصلة , البصلة التخلي خشمك ملوحة ياالسجم
قالوا ليك انا بكضب علي الجزيم حرقتها تنحرق واقف
علي طولك , هي ياكين (لكن ) الواحد كان سرح بغنم
ابليس انت مالك ما تمشي علي الحلة ايديك محننات
ياا السجم , علي اي حال انا معذور الايام دي وقلبي
هنااااك سرح وسرب , علا انت قلت ربطت ليك حجر
حرم كضاب علي
الجزيم بعد حريقها ده وقعت فيها براسك ومسكت العضام
ديل خليتم كربريتر فاكيهو ميكانيكي وقمت بالحلة كلها
وحال ما عجيتك قلت لي احرق كلو يوووم !!!!!!!
مخير الله وبرضو تقول ربطت حجر الجحر بالدقنوس
وعشرة فتلات اخيطكم ليك القمر الممرض واي فتلة
ماشها علي اتجاه غاااااااااااااغ

برمة
ما قلت لي طعم الشيط كيف ؟ غااااااااااغ