صفحة 1 من 2
**دايرة احكى ليك عن غيابك**
مرسل: الاثنين 2011.11.14 8:11 am
بواسطة بت السرف
[align=center][grade="ff0000 ffa500 008000 ff1493 800080"]
**دايرة احكى ليك عن غيابك**
وكيف غيابك سوى فى قلبى المحن
خلى العوازل يتندروا ..
يحكو الغياب .. زى التقول انا كنت فى دربك براى ..
زى التقول .. انا كنت برسم ريدك حداى ..
وبخطط للزمن العنيد..احرف وهم ..ترسم هناى ..
زى التقول انا كنت ببنى ..فى حبك من رمال شوقى ونداى..
فى شاطئ افراحى ومناى ..
لما العوازل قالو لى ..
موج البحر ..جانى شال ..بنيان حبك ..الكان بنيتو ..
بى دموعى وبى شقاى ..
انا ياحبيب.. منك انت .. وانت اصلك من يومك معاى ..
انا مابصدق قول العوازل ..
انا عارفة هم حاسدين هناى ..
انا ياحبيب راجياك كتير ..لو كملتو عمرى ..
الا شوقك انت يكمل .. ولحظة ما بتكمل بلاى..
ارجع تعال .. خلى العوازل لعزولهم..بتلقى فى قلبى الامان..
ارجع تعال .. درب الريد مشيناهو .. وخطاوى الريد زايدة حنان..
وقلب الحب معانا ينادى .. اريتو الريد يعم اوطان ..
اريتك انت بس ترجع ..
ترجع وترجع لى دربى الامان ..[/grade][/align][/size]
رد: **دايرة احكى ليك عن غيابك**
مرسل: الاثنين 2011.11.14 8:14 am
بواسطة بت السرف
[grade="800080 ff1493 008000 ffa500 ff0000"]
***لسة دايرة احكى ...
الاشواق فى قليبى ..والاحلام معاى ..
والحروف الشايلة اسمك ..محفورة فى قلبى ومناى ..
انا ياحبيب واحشنى صوتك .. لما بتهدى من خوفى وشقاى..
انا ياحبيب واحشنى نبضك ..لما قلبك يئن معاى ..
ولما بتقشقش دموعى .. ولما تربت بايديك على يداى ..
انا ياحبيب.. منك وانت عارف ..
وبى غيابك .. زايد أساى ..
عارفة قلبك .. ومكانتى عندك ..
بس يا حبيب..
شوقى ليك .. سبب عذابى ووحشتى ..
شوقى ليك .. زاد من وحدتى ..
اريتك معاى .. تهدهد مهجتى..
وتروى بالافراح .. ظمائ..[/grade]
رد: **دايرة احكى ليك عن غيابك**
مرسل: الاثنين 2011.11.14 9:06 am
بواسطة بت السرف
[grade="ff0000 ffa500 008000 ff1493 800080"]
*** انا لسة فى غيابك ..
شاتلة احلام لقاى ..
شايلة ريدك فى عيونى ..
وريدك انت ..لى براى ..
انا ياحبيب ..
سايقانى سكة شوقى ليك ..فى دروب شقاى ..
جايبانى المشاعر .. وكلمات غناى ..
واحشانى الاحاسيس ..
الكنت بتقولها دايما حداى ..
انا ياحبيب ..واحشانى طلة عيونك ..لما بتفرح معاى ..
ولما تجينى شارد من افكار عوازل ..تطبطب الريد فى حشاى ..
تبرد الشوق فى قليبى ..تحكى بالفرح الجواى ..
انا ياحبيب ..طال بى غيابك ..
ودربى.. ودر من شقاى ..[/grade]
رد: **دايرة احكى ليك عن غيابك**
مرسل: الاثنين 2011.11.14 9:19 am
بواسطة بعد الزمن
احكى يا سروفة
وانشاء الله الغايب باكر اسجل في دفاترحكاياك (حضور)
رد: **دايرة احكى ليك عن غيابك**
مرسل: الاثنين 2011.11.14 9:24 am
بواسطة بت السرف
بعد الزمن كتب:احكى يا سروفة
وانشاء الله الغايب باكر اسجل في دفاترحكاياك (حضور)
برجع ليك يابعدو ..
وبحكى الحاصل كلو كمان ..
عشان تحكم ..وتشوف عوازلى ..شن سوو لى زمان؟
تشوف بعيونك ..دربى الكان مخضر وزاهى .. صبح عدمان ..
برجع ليك ..
رد: **دايرة احكى ليك عن غيابك**
مرسل: الاثنين 2011.11.14 10:42 am
بواسطة احاسيس
ماذا احكى ياعبقا عانق انفاسى فجر فيهن التحنان
يا اعمق اعماقى ياواحة خصب وحنان
سيظل هوانا مادامت فى صدر هوانا رئتان
سرا يحكيه القلب ولا ترويه الشفتان
احكى يا سروفة واحنا متابعين معاك وعلى قول بعدو يارب يسجل حضور قريييب وتانى مايغيب عنك
رد: **دايرة احكى ليك عن غيابك**
مرسل: الاثنين 2011.11.14 10:50 am
بواسطة امال الناس
القريب عن وطنه مهما طال غيابه
مصيره يرجع تاني لااهله وصحابه
الحي مصيره يلاقه يا سروفة
طال الزمن او قلة
رد: **دايرة احكى ليك عن غيابك**
مرسل: الثلاثاء 2011.11.15 12:14 am
بواسطة بت السرف
احاسيسو ...
وامال الفرح والشوق ..
منورين والله ..
البوست منكم وبيكم ..
مشكورين ياغالين .
رد: **دايرة احكى ليك عن غيابك**
مرسل: الثلاثاء 2011.11.15 12:18 am
بواسطة بت السرف
[align=center][grade="ff0000 ff6347 32cd32 ff1493 800080"]
لو تدرى كيف طال بى غيابك
وبرضو قلبى زايد باشتياقك..
ووعد النوار مفرهد..فى انتظارك..
ودرب الريد ماهو جابك؟
وللا شوقى من غلاه.. دق بابك..[/grade][/align][/size]
رد: **دايرة احكى ليك عن غيابك**
مرسل: الأربعاء 2011.11.16 8:25 am
بواسطة بت السرف
[align=center][grade="8b0000 ff0000 ff7f50"]
لسة عيونك غايبة منى .
واحرف غناك ..رنة .. رنة ..منك تجينى ..
طال بى غيابك ياسميرى ...
طال بى سهادى ... وطال بى أنينى . [/grade][/align][/size]
رد: **دايرة احكى ليك عن غيابك**
مرسل: الأربعاء 2011.11.16 12:10 pm
بواسطة بت السرف
[align=center][grade="ff0000 ffa500 008000 ff1493 800080"]
لسة شايفة فى عيونك ..
وعد النٌوار ...فرهد .. وليا فتح ..
اصلو بحكى عن غرامك ..
وكيف حبيبى ..من حنانى اصبح ..
وكيف دموعى ..لما سألت من عيونك ..
وكيف عيونى بلقاك ..ماقادرة تفصح..
الا شوقك مكتوينى ..
وجوة فى اعماق هناى ..نارو تنضح..
لسة بحكى ليك غيابك ..
وطيف خيالك فينى بسرح[/grade][/align][/size]
رد: **دايرة احكى ليك عن غيابك**
مرسل: الخميس 2011.12.1 11:49 am
بواسطة بت السرف
مشــتاقــة لـعيـــونــك
[align=center][grade="ff1493 800080 4b0082 b22222 ff0000"]لما طال بى سهادى ..
وزارت الاوهام ..مدارى ..
شفت ريدك ..كيف احتوانى ..
شفت نبضك لما تشتاق لحنانى ..
حسيتو ريدك ..حاضن احلام مناى ..
اريتك معاى .. وقاعد حداى ..
عيونك فى عيونى ..
وحزنك بقفاى ..
اريتك بس ... معاى .[/grade][/align][/size]
رد: **دايرة احكى ليك عن غيابك**
مرسل: الخميس 2011.12.1 12:04 pm
بواسطة امال الناس
الاحبة بعد ولفوا
مالهم جاروا صدوا وجفوا
قلبي كان ثابت خففوهو
علموهو الحب واختفوا
الصغير يا الضامر الهاف
من عيون الناس ليك بخاف
الشوفك من غير خلاف
ده ضاق زيارة الفي الكعبة طاف
رد: **دايرة احكى ليك عن غيابك**
مرسل: الخميس 2011.12.1 12:07 pm
بواسطة امال الناس
بت السرف كتب: مشــتاقــة لـعيـــونــك
[align=center][grade="ff1493 800080 4b0082 b22222 ff0000"]لما طال بى سهادى ..
وزارت الاوهام ..مدارى ..
شفت ريدك ..كيف احتوانى ..
شفت نبضك لما تشتاق لحنانى ..
حسيتو ريدك ..حاضن احلام مناى ..
اريتك معاى .. وقاعد حداى ..
عيونك فى عيونى ..
وحزنك بقفاى ..
اريتك بس ... معاى .[/grade][/align][/size]
ماودي أتخيّل حياتي / بليّاك!
دامك تبي الفرقا .. ف أنا اروح وياك
ما ابغى أقابل لين أموت .. امنياتي !
خذني وعذبني على كيفك هناك !
وان مت .. رجعني على ذكرياتي
رد: **دايرة احكى ليك عن غيابك**
مرسل: الخميس 2011.12.1 3:32 pm
بواسطة بت السرف
[grade="0000ff ffa500 ff0000 4b0082 ff1493"]
جاية لعيونك احكى عن غيابك
وعن شجونى ..
وعن عيونى لما بتفتش فى النواحى ..
وفى ظنونى ..
جاية ليك ..
جاية احكى عن عذابك ..
وعن همومى ...
وعن شوق عينيك ..
كيف زاد من جنونى ..[/grade]
رد: **دايرة احكى ليك عن غيابك**
مرسل: الجمعة 2011.12.2 12:23 am
بواسطة jasmina
انا ياحبيب في غيابك ..تفكيري بيتحكم بيه شوقي البيئن ألم
اجبر بخاطر قلبي وتعال ...يكفيه الانين ...يكفي البعاد ...
حروف في قمة الروعه الرائعه سروفه .....تقبلي مروري
رد: **دايرة احكى ليك عن غيابك**
مرسل: الجمعة 2011.12.2 3:28 pm
بواسطة بت السرف
jasmina كتب:انا ياحبيب في غيابك ..تفكيري بيتحكم بيه شوقي البيئن ألم
اجبر بخاطر قلبي وتعال ...يكفيه الانين ...يكفي البعاد ...
حروف في قمة الروعه الرائعه سروفه .....تقبلي مروري
[align=center][grade="FFA500 FF0000 8B0000 4B0082 FF1493"]
انا ياحبيب طال الامد من عمرى محسوب بالسنين ..
مكتوب على الشوق كتير ..احكى وازيد انا فى الأنين..
احكى ليك .. عن مشاعر دافئة ..وكيف يغمرنى الحنين..
وعن عيونك صادقة تحكى لى عنك وتشيل من عمرى الضنين..
دايرة احكى ليك عن غيابك ..
انا يا حبيب مشتاقة ليك..[/grade][/align][/size]
رد: **دايرة احكى ليك عن غيابك**
مرسل: الثلاثاء 2011.12.6 9:12 pm
بواسطة بحر الاشواق
واحشنى يا الخليت ملامحك ..
فى حياتى ،
واحشنى يا الرسيت مراسيك ..
جوة ذاتى ،
الا باكر لما ترجع ،
أنا بحكى ليك عن الحصل ،
وعن بعد المسافة وقربها
ولمن يفارق زول عيون
غاليات عليهو كتير خلاص وبحبها
والله أحكام يا قدر
والله أحكام يا مسافة ويا سفر
***
وانت لما بتسيبنى وتسافر
خت فى إعتبارك ،
انو دنياى فى مدارك
وجد- لفافات الصبر دخنتها
وكل المقاطع فى غناى طوعتها
وغريبة غنت ،
فرحة ... لا ... لا
غربة ..لا....لا
سروفة العسل مشتاقين يابت وينك تظهري ساعة وتختفي 3يوم
انتي ما شفتي القرارات الطلعا كيبو بلنسبه للغياب
رد: **دايرة احكى ليك عن غيابك**
مرسل: الثلاثاء 2011.12.6 11:36 pm
بواسطة بت السرف
رد: **دايرة احكى ليك عن غيابك**
مرسل: الثلاثاء 2011.12.6 11:47 pm
بواسطة بت السرف
[all1=66ffcc]
دايرة احكى ليك عن غيابك ..
وعن عيونك ..
وعن جريدة انت ختيتها ومشيت ..
؛؛؛؛؛؛
وعن خطاوى الريد ..
وكيف مشيتها ..
وعن حكاوى الشوق و الحنين ..
ال بيك تهأتى وتستكين ..
[/all1]
