منتدى أنا سوداني

مرسل: **الاثنين 2012.2.6 10:47 pm**

حني مرة

حني مرة وعايني لي وعودي ختي اللوم علي
وسامحي لو عيني تاهة في خدار لونك شوية
قولي لي يا حلوة مرة عن طفولتك وعن سنينا
واحكي لي كيفن بدت تشرب جمال كسلا وحنينا
وأصبحت ياسمينة حلوة فتحت ياداب عيونا
تغمر الناس بطيوبا وفي الديار باقيالنا زينة
فيها أه لو عيني تاهة وشاقا لتوبك خـــدارو
قلبي حسي الطيبة فيكي والخضار طراه دارو
وصحي فيهو الذكرة تاني ودمعو كان زادو وعمارو
طاوعي مرة وداوي جرحو اصلو طول من ديارو
لي زمن انا يا اميرة من عيون القاش واهلو
لا حضرة ميعاد وصولو ولا الخضار باركة فصلو
إلا يو م لاقيتك إنتي وشفت في عينيكي شكلو
بس مناي في الدنيا مرة وجهي في توتيل اغسلو

مرسل: **الاثنين 2012.2.6 10:49 pm**

قسمة

ماخلاص إحنا إفترقنا وروحت ريدتي البريدها
قسمه غايتو اعيش بدونها لابإيدي ولابإيدها
يازمن ما بتنسى اصلك حالتي قايلك إنتَ ناسي
لا بتجيب الفرحه عُمرك لا بتهون يوم قواسي
لمَّا عشتا عيون جميله وفيها رسِّيت المراسي
جيت تبكي الفرحه فيني زي شموع باكيه الاماسي
ولمَّا نحنا بدينا ريدنا اصلو ما قايلين بنشقى
كننا قايلين قدري نيتو كلو زول في الدنيا بلقى
تاري لمَّا دروبنا لمَّت لينا كانت خاته فرقه
واصلو ما قايلين حنانك يازمن بنشيلو حرقه
ابكي ياعيني فراقها دمعه ما تخليها فيكِ
والزمان الشالها منك تاني شن خلاهو ليكِ
ابكي عيشي الدنيا آها في السعاده ولاعليكِ
ياحليلك وانتِ ضايعه وياحليلو البشتهيكِ
وماخلاص إحنا إفترقنا وروحت ريدتي البريدها
قسمه غايتو اعيش بدونها لابإيدي ولابإيدها

مرسل: **الاثنين 2012.2.6 10:50 pm**

في بعادك

كنا دايرينك معانا إلا أبيت طريقنا
ولسه ما قادرين نسيبك وانت سبته الريح تسوقنا
وقالوا يوم سألوك علينا لألأ في خدك شروقنا
وقالوا زي داريتو شوقك وشوف غلبنا نداري شوقنا
وشوف نجمنا كمان ظلمتو ولسه نجمك ضاوي فوقنا

***
الصباح كان بيك مندى وجيتك في دارنا تحلى
والغريب الطال غايبو عاد معاك بالفرحه طله
ياما غنت ليك بيوتنا وشالت اسمك حله حله
الغيوم ضحكت عشانك والفراشه جناحه ظله
الفرح فاتك معانا والحزن قال لينا يلا

***
ياما فيك نحن انظلمنا وفرقتك بكتنا ياما
ولسه برضو بندعي ليك تلقى في دربك سلامه
وتلقى ناس يدوك حنانهم واصلو ما يدوك ملامه
مافي عاشق عادي عاشق كان بشيل الابتسامه
بدل القاسيات محنه وظلل الساحات غمامه

***
قسمه غايتو تفوت دروبنا وتمشي مننا دون مرادك
نحن نسهر ليلنا كلو وانت تغرق في سهادك
فيك عيون بتحن لينا ما الحنان حتى في عنادك
انت ما بتحمل فراقنا ونحن ما بنحمل بعادك
وريدنا كان قصرته عمرو يبقى ليك في السكه زادك

***
اصلو ما تشيل لينا هم نحن اتعودنا نشقى
كم ندمنا وراك ليالي وفجاءه تاني فرحنا بقه
وبرضو ما بيكمل عشمنا مهما تبكى قلوبنا فرقه
ونحن على نياتنا دائماً والبنتمناه نلقى
والسعاده هي كان أبتنا البتبقى علينا تبقى

مرسل: **الاثنين 2012.2.6 10:52 pm**

حلوة الصدفة البيك جمعتنا
وخلت عيني تلاقي صباحه
وذي ما قالوا الصبر جميل
جنينا صبرنا بعد شقاء راحة
شفنا سبايب زى طول ليلنا
وفى عينيك لقينا الراحـــــة
بس يا دمعة خلاص فوتينا
كفاك سنين في العين سباحة
كم سنوات مرت يا حلـــوة
ونحن زي منتظرينــــــــــك
وكــدا من غير ميعاد نلقـــاكي
لو رحــتي وما جـــــــــيتينا
دا وحــــــاتك الخـــــــايفينو
وقبلك ضقنا قســاوة الفرقــة
ولو جيــتي يوم سلـــــــمتي
بس يا غـــالية يكون دا أمـلنا

مرسل: **الاثنين 2012.2.6 10:53 pm**

تزف لينا خبر زفاف قايلنا نقدر نجهلو
قايلنا نتعذر نغيب ونقول عزرنا بتقبلو
حاشانا ما نجهل حرف من زول طرانا ورسلو
حاشانا يا سيد القلوب يا منبع الشوق الحلو
ونلم خطانا عشان نجيك نبد العمر من أولو
ونعيش معاك بهجت حنان في كل خاطر نشتلو
والفرحة عاد تملئ الديار تجبر كسرنا وتعدلو
تعيش معااااك وتسعدك تمسح وشيك وتغسلو
ويوم التحن ساعة الفراق كيفن فراقك نحملو

مرسل: **الاثنين 2012.2.6 10:55 pm**

وعــــد الحـــــر

لا لا ما بحزن عشانك لو صحى اتبدلته خنت
إلا لسع ما مصدق وانت في أعماقي إنت
*********************
قالوا عنك ناس قرايبك إنت عندك غيري غايه
وبرضو ليك ميعاد معاهم زي ميعادك داك معايا
الرسائل هي ذاتها وحرقة الشوق والوصايا
وبرضى صدق ما ظلمتك وقلته ما بتخون هوايا
وقلته مهما أغيب عليك إنت برضك في رجايا
******************
ما بصدق مهما قالوا ريدي في عينيك هان
اصلى عارفك ما بتلقى غيري سكه أمان
والحنان الشفتو مني زيو مين يديك حنان
وبرضى عازرك لو نسيتني وبي ورأي حبيت كمان
ما البيخون في يوم حبيبو بكره بيخونو الزمان
يلا قول وريني آخرك في قليبك غيري مين
والمحبه العشنا فيها ورحلة الشوق بالسنين
وكل حاجه جميله بينا روحت الليله وين
لا لا ما أظنك بتنسى وكنت طول عمرك حنين
إلا وين وعدك معايا ما قالوا وعد الحر هو دين

مرسل: **الاثنين 2012.2.6 10:56 pm**

سامحيني

أنا إتأخرت سامحينى
ميعادى معاك ما نسيتو
ولو ما ظروفى شغلتنى
كان قبل الزمن جيتو
صدقى لى زمن بسأل
حتى الشافنى مرة معاك
ولما الناس عليك تسأل
وانا الطولت من لقياك
اقول ليهم دى لسة معاى
وانا الخليت زمان دنياك
أخاف اشواقى تفضحنى
ويعرفوا إنى سبت هواك
فراقك ..جد صبرت عليهو
الا غلبنى بس انساك
غريبة .....غريبة الليلة ذى سنوات
زمان ما كنا نتلاقى
عيونك شايلة نفس الشوق
وفاضت روحى اشواقا
غلبنى ادارى حزنى عليك
وخطاي احساسى ليك ساقا
صحي القالوه قبلي الناس
دروب الريد فراقا
وصحي الفي الدنيا حظو جميل
يوم الفرقة ما ضاقا
نسينا من الفرح باللقيا
سنين فرقتنا بي لوما
واتواعدنا نتلاقى
وسنين للدمعة ما نحوما
و اتشوقت لي لقياك
وقلت متين يهل يوما
ولما خلاص ميعادك جا
صحت أشواقي من نوما
أنا اتاخرت بى ظروفى
وحرام ترجينى مهموما

مرسل: **الاثنين 2012.2.6 10:59 pm**

في بعادك

كنا دايرينك معانا إلا أبيت طريقنا

ولسه ما قادرين نسيبك وانت سبته الريح تسوقنا

وقالوا يوم سألوك علينا لألأ في خدك شروقنا

وقالوا زي داريتو شوقك وشوف غلبنا نداري شوقنا

وشوف نجمنا كمان ظلمتو ولسه نجمك ضاوي فوقنا

***
الصباح كان بيك مندى وجيتك في دارنا تحلى

والغريب الطال غايبو عاد معاك بالفرحه طله

ياما غنت ليك بيوتنا وشالت اسمك حله حله

الغيوم ضحكت عشانك والفراشه جناحه ظله

الفرح فاتك معانا والحزن قال لينا يلا

***
ياما فيك نحن انظلمنا وفرقتك بكتنا ياما

ولسه برضو بندعي ليك تلقى في دربك سلامه

وتلقى ناس يدوك حنانهم واصلو ما يدوك ملامه

مافي عاشق عادي عاشق كان بشيل الابتسامه

بدل القاسيات محنه وظلل الساحات غمامه

***
قسمه غايتو تفوت دروبنا وتمشي مننا دون مرادك

نحن نسهر ليلنا كلو وانت تغرق في سهادك

فيك عيون بتحن لينا ما الحنان حتى في عنادك

انت ما بتحمل فراقنا ونحن ما بنحمل بعادك

وريدنا كان قصرته عمرو يبقى ليك في السكه زادك

***
اصلو ما تشيل لينا هم نحن اتعودنا نشقى

كم ندمنا وراك ليالي وفجاءه تاني فرحنا بقه

وبرضو ما بيكمل عشمنا مهما تبكى قلوبنا فرقه

ونحن على نياتنا دائماً والبنتمناه نلقى

والسعاده هي كان أبتنا البتبقى علينا تبقى

مرسل: **الاثنين 2012.2.6 11:00 pm**

حبة فرقه

أنا برجاك وعارفك جايه وما بتتأخري عني كتير
آسرك حبي وغالي عليكي وقلبي كمان في هواك أسير
ما العنقود لو جافي خمايلو نسمه تبكى ويشقى عبير
***
أنا ما ندمته على البيناتنا ولا جرحته مشاعرك يوم
وإنتِ هواي لو قايله ظلمتي ما تفتكري بعيش مظلوم
أن دنياي يا ستي محبه وعمرو الحزن على ما بيدوم
والدمعات لو مره بكيتها ما بتعيش في خاطري هموم
والأفراح ما بتجفى دياري مهما حبيابي يجيبوا اللوم
***
جابك درب الريده عشاني وبرضى لقيت في هواك دنيايا
وهسع فتى لناساً غيري وعايشه بقلبك لسه معايا
وقالوا بعد مرات بتغني وتبكي كمان يوم تطري غنايا
عارفك ما بتتهنى بدوني وأنا غيرك ما بلقى هنايا
ومهما تلاقي حنان عند غيري عمرك ما بتنسيهو هوايا
الأغصان بتعيش متشابكه ومره الغصن يجافي حبايبو
***
ولما الغيم ما يمر بي عندو يرجعوا ليهو وتاني يطايبو
وإنتِ بترجعي زي ما كنتِ وقلبك قلبي احن قرابيو
وما بتلقيني في اصلكِ وحبك إنتِ محال ما سايبو
اصلو البينا هي حبة فرقه وشاطيء هوانا بترسي مراكبو

مرسل: **الاثنين 2012.2.6 11:01 pm**

حان الزفاف

حان الزفاف وأنا حالي كيفن بوصفو
يا ريت هواك لي ما انقسم ولا قلبي ريدك نذفو
قالوا البعيش الدنيا ياما تشوفو
تشقيهو بي فرقة عزيز وبالحسره ريقو تنشفو
وإن شاء الله ما يحصل فراق لقلوب بعد ءاتولفو
***
بس قولي لي أنساك كيف وأنا قلبي ريدك محنو
أبحر سنين في كون هواك والليله فاقد مأمنو
وأنا من زمان عارف البيكون وقليبى كنت بيقنو
والليله يوم حان الزفاف أنا حالي مين ما حننو
ولو ده الحصاد من كل ريد ناس قيس صحيح اتجننو
***
جوني الصحاب وأنا قالوا لي شافوها في توب الزفاف
شافوا الدموع واتحسروا والشوق غمام في عيونها طاف
ومش عاد حرام ساكن الضفاف
ينشره في عمرو الجفاف
طول عمري بزرع في الورود وحصادي شوك آخر المطاف

مرسل: **الاثنين 2012.2.6 11:02 pm**

عشان أهلك

عشان أهلك بخليكِ وأشيل في جرحي ماضيكِ
أحاول وبرضى ما قادر عشان أنسى وأنسيكِ
*-*-*-*-*-*-*-*-*-*-*-*-*-
كتير الدمعه في عينيك تشوفيني وتخبيها
تخافي على أشيل همك وعيونك تحكى بالفيها
وقدر ما يقولوا ليك عني عشان ريدتنا تنسيها
تداري الآهه بالبسمه وريدتك لي تزيديها
ودائما ده المبيكِ وعشان أهلكِ بخليكِ
*-*-*-*-*-*-*-*-*-*-*-*-*-
غريبه نعيش زي الأغراب وما نتهنى بالريده
وكلما نشتل الأفراح تجي الأقدار تمد إيده
تشيل أمل العمر كلو وتبكى عيوني يوم عيده
وصحى القالوهو في الريده بتعرف بس ظلم سيده
وأنا الشقيان أرضيكِ عشان أهلك بخليكِ
*-*-*-*-*-*-*-*-*-*-*-*-*-
سنيني العشتها في ريدك حرام لا خنت لا خنتي
أغيب منك سنين وسنين وألاقيك انت بي إنتِ
وقدر ما يلوموني معاك عشاني اللوم كتير شلتي
وكلما يقيفوا في دربي أشيلك دمعه في صمتي
وبس مجبور أقول ليكِ عشان أهلك بخليكِ

مرسل: **الاثنين 2012.2.6 11:04 pm**

مات الهنا قبال يتم اول سنه

وانا كنت زى الما مصدق فى يوم هواك اصبح ضنا
لكنى جيت بى طيبتى ديك القى النهايه المحزنه

انا ما بلوم يوم الزمن ولا برمى دمعه على الظروف
لكن بعيش كل الشقى وبندم على قليبى الولوف
ياريتوا تاب من ساعتها ديك ياريتو ما كان ليك ولوف

ضيعتى فرحوا بعتى عزو ريدك اصبح منو خوف
لكن عزاي انا ما براى قالوا البعيش ياما يشوف

ما بصدق لو قالوا لى حبك سراب
سقيت عينيك محنتى دوبت فيك كل الشباب

لكن عينيك ما راعوا لى ولا حسوا يوم انى فى عذاب
سافرت ليك ضحيت عشانك فتحت ليك قليبى باب
ضيعتى عزت ريدى ليك دفنتى فى جوة التراب

رغم الاسى رغم الاسف رغم البيطعن فى القلب
ماظن اجيك واترجى فيك ولا بيك يجمعنى الدرب
مابقيت خلاص داير الخلاص من دنيا ما بتعز محب

ولاداير اعيش زي كل زول هو يعنى الا الناس تحب؟؟؟
مــا ضـــاع مــا مـــات مـــا راح

مرسل: **الاثنين 2012.2.6 11:05 pm**

طرونـــي ليـــك

طروني ليك وأنا كنت قايل أصلى ما بطراكا تاني
وكنت قايل طول فراقك بيمحي ريدك من زماني
إلا تاري البينا لسع لا نسيتو ولا نساني
***
وفجاءه اتذكرته ريدنا والزمان الكان معاكا
المشاوير والأماني والفرح ساعة لقاكا
حتى قلبي الكان نساك ما لو زي الما نساكا
صحه جرح الماضى تاني ومن جديد هسع بكاكا
رغم ظلمك وطول جفاكا حنّ لي أياما هواكا
***
وابتديت من تاني أندم زي كأني الكنت ظالمك
لمته نفسي وقلته يا ريت لو ظروفنا تلم وأكالمك
وأحكي ليك أنا كيف ظلمتك لما جيت غلطان ولايمك
ورغم طول الفرقه بينا اشتهيت لو بس اسالمك
وأسألك لو طاري ريدنا ولا سارح في عوالمك
***
كان لقيت ليك قدره تنسى عاد منو البديني قدره
أنسى زي ما نسيتني إنت وبرضى أرجع تاني أطرى
الليالي البينا كانت من جمالك شايله نضره
ياما بتذكرني بيكا وياما بتبكيني ذكرى
وانت لو هناك زمانك برضى راح أتهنى بكره

مرسل: **الاثنين 2012.2.6 11:06 pm**

غربــه عشانـــك

بس يا غربه آخرك وين تهنا في دربك وما عارفين
تاني الرجعه حتبقى متين يمكن بكره ويمكن بعدو
ويمكن ما نتلاقى سنين
***
الأيام اختارت نبعد ونحن مشينا مع الأيام
وكنا نخاف من سيرة الفرقه لو قالوها نشوفها حرام
غايتو ظروف الريد ساقتنا واصلو الريد للناس حكام
لا عارفين الباقي ورأنا ولا الراجينا كمان قدام
***
كان يا حنينّ لو بي إيدنا لا تفارقنا ولا نخليك
شلنا الدمعه عشانك وجينا وكنت معانا بنشتاق ليك
ونحن العمرنا ما اتغربنا شفنا الغربه شويه عليك
كلو يهون بس كيف عينينا بعد الفرقه تلاقى عينيك
***
كل منانا نعود نتلمه وتاني الآهه نفارق ليلها
والأيام الكانت قاسيه تبقى حنينه معاك وجميله
والساعات في لمحه تعدى وكانت قبلك ياما طويله
نحن رضينا الغربه عشانك كان بكتيره ولا قليله

مرسل: **الاثنين 2012.2.6 11:08 pm**

ده ما سلامك

ولا الكلام الكان زمان هسي كلامك
والا يعنى نويت تسيبنا وفي الخريف تحرم غمامك
وده ما سلامك
**
جينا بعد الفرقه نسأل قلنا نلقى محنه عندك
نحكي ليك عن ليك شقانا وعن متاهات نجمو بعدك
نحن سالمناك بطيبه وياما بكى عيوننا ردك
وليه زمان اديتنا ريده وجيت حرمتنا تاني ودك
وقلبنا الجرحت خاطرو برضو ما قادر ملامك
وده ما سلامك
***
كنا قايلين بي ورأنا إنت زينا طاري ديمه
وكنا قايلين نحن عندك زي عيونك لينا قيمه
قلنا تتلقانا إنت والزهور تحضن نسيمه
إلا ريدك تاري روِّح وعدي فات زي كل غيمه
جينا ليك بالأبتسامه إلا ما لقينا ابتسامك
وده ما سلامك
***
جينا شايلين ليك فرحنا وكان عشمنا تزيدو حبه
تطرى ناس فاقدين عيونك وبي وراك ما خلوا غربه
قلنا ننسى تعب سفرنا بي ليالي معاك أحبه
جينا ما لقينا في عيونك ذكرى ساكت للمحبه
شلنا شوقنا رجعنا بيهو وما ندمنا على سلامك
وده ما سلامك

مرسل: **الاثنين 2012.2.6 11:10 pm**

مـا اتـعــودتــ اخــاف مــن قـبـلـك

مـا اتـعــودتــ اخــاف مــن قـبـلـك إلا معاك حسيت بالخوف
أعـمــل آيـه ما القسمه اختارت وكل الناس حاكماها ظروف
عــارف ويــن خطواتك ماشه وآخري معاك هو المامعروف

يـامــا كـتـيــر فـكــرتـه اصــارحــك واستـنـيـتك تبدأ السيره
لا أتكـلــمــتــه ولا لـمــحــتــه ولا بـيـنـتــه الـريـــده مصيره
والحـنــيــه الكـنــت بـديــتــهــا هـســع بـقــت بتشوفه كتيره
وزي خليتنى اشك فى ريدتى وخفته تكون مشغول بى غيره
أنـا مـن قـبـلـك مـا اتـحـيرتا جيت وريتنى دروب فى للحيره

والله عـشــانـك يـامــا صـبـرتـه لـمـا الصبر فتر من صبري
ولـمـا نـسـيــت الـدنــيـــا وحاتك من أعمارنا سنينها بتجرى
لا اتـلـومـتــه مـعـاك لا لـمـتـك وقلته براك بتحـس بى قدرى
وقـلــتــا عـلـيـك بـكـره بتتغير وألقى فى ريدك فرحـة عمرى
إلا لــقـــيــــتـــك لـســع تـايــه فـى دنـيـــاك ومـتـــوه أمـرى

كـم حــاولــتـــا أعــانــد ذيـــك واقـســى عـلـيـك بكـلمة شويه
إلا وحــاتــك غـصـــبـــاً عـنــي قـبـــل عـنــادى تجـى الحنيه
ودربـــاً سـرتــو مـعــاك بـى قـلــبى منو بلاك ما بتبقي الجيه
مــا فــارقـتــه فـى يــوم ذكــراك وأنـا ذكــراي عـندك منسيه
أنــا مـجــبـــور أسـتـنــى رضــاك وانت أريتك ترضى علىّ

مرسل: **الاثنين 2012.2.6 11:11 pm**

دا الخلاني أحبكــ أكتر

دا الخلاني أريدك أكتر
انو حنانك لي ما اتغير
انو قليبك رغم الفرقا لا راد غيري ولا اتنكر
فت عشانك وسبتا عيونك
كان المنية أجي وألقاك
كان الخوف مرات في الغربة
انو سواي بوراي يهواك
انو عيونك تنسا حناني
وابقا غريب انا في دنياك
جيت ولقيتك برضك وافي
كتر الشوق للقاي بكاك
آآآ وانتا صبحتا فعيني أكبر
دا الخلاني أريدك أكتر

وانا يا حنين برضي وحاتك
عشتا سنين الغربة وحيد
مهما عيون ناداني جمالا
ما حاولت سواك أريد
دي الأفراح ما شفتها بعدك
كيفن أفرح وانتا بعيد
حتى العيد لو مر بدونك
زي حسيتو بلاك ما عيد
وانا بي غيرك ما بتأثر
دا الخلاني أريدك أكتر

يلا نعــيد أيامنا الأول
وما نندمـــ علي كل الراح
كل الناس نهديها فرــح ــنا
ليل الغربة نعيشو صباح
لا تنساني ولا أنساكــ
نملا الدنيا هنا وأفراح
الاح ــزان لو جات كايسانا
نقولها عدى زمانكــ رااااح
افضل أح ــبك اكتر واكتر
افضل اريدكــ اكتر واكتر

مرسل: **الاثنين 2012.2.6 11:21 pm**

إحباط الغربة

يمه جيت راجع عشانكم
وغربتي مليت دروبها
حزن دائم ودمعه كابه
وكل حاجه كمان غريبه
وناس قدر ما تحب عيونها
ما بتلاقي عيون حبيبه
شوق معذب وذكرى مره
وسيره ما بنقدر نسيبها
كل حاجه هنا بدراهم
وبي طرق قاسيه وصعيبه
بلدي أعظم وناسها اصدق
وعيشتهم في الدنيا طيبه
وان غلت في بلادنا حاجه
حتى كان قمره بنجيبها
أصلو عيشة الغربه قاسيه
وحتى ناسها كمان عجيبه

***
عزنا وعزة بلدنا فتنا منها وانخدعنا
موج سراب ودانا ليها ونحن سرنا وانقطعنا
قلنا رايحين قلتي لا لا ويمه قولك ما سمعنا
ودابو قولك جانا واقع إلا قبلو كمان وقعنا
ونحن مما فتنا دارنا في العيون يوم ما ارتفعنا
التمن يا يمه غالي ونحن ليهو الروح دفعنا
هم كبير ودرب خطير وسكه تب ماليها معنى
لا دراهم لا مظالم نحنا بس للعز رجعنا

***

الحياه لحظات قصيره يمه وين نلقاها تاني
وين بنلقى رضا الحبايب صبحوا يا حليلهم أماني
وبلدي مما فت منو ديمه سيرتو معذباني
والمكان الرحت ليهو أصلو يوم ما كان مكاني
ما قدرته أحس بفرحه والجمال غيركم عماني
وعقدة الذنب بي فراقكم يمه والاحباط شقاني
شلته دمعي وباقي شمعي وجيت أفتش عن حناني
ولو هربت أنا من بلادي كيف حاهرب من زمانى

***

يمه جد الغربه ذله والشقى اليوم هو المهاجر
يومو حسره وليلو آهات وعيشتو هم ما ليهو آخر
حتى ناس بلدي الهناك البسالمك يمه نادر
وحتى أقرب اقربائك لا بيحن ليك لا بيزاور
كل واحد يقضي ليلو ساهي في أوهامو ساهر
مره يحلم باللواري وهمو يصبح أغنى تاجر
ولما يصحى يبكي تاني لما يشعر روحو خاسر
أصلو دنيا الغربه سراً البيكشفو ما بيسافر

***

يمه أغفري لينا جينا لي بلدنا ولي ترابها
كلمي النيلين تصفق والصداقه تضوى بابها
والعصافير المهاجره خلى يبقى النيل شرابها
وتوتي بي خضرة جروفها وضىء أماسيها ورحابها
والمدن الزاهيه ترقص بكره بيرجعوا كل شبابها
وكل واحد فات بلادو ضاق شقا الغربه وعذابها
حس إنو بلادو أجمل مهما كل الغاليه جابها
أصلو عزك في بلادك وفيها سيرة الموت حبابها

مرسل: **الاثنين 2012.2.6 11:22 pm**

رجيتك وفى انتظار عينيك

رجيتك و فى انتظار عينيك كملت الصبر كلو
أنا و أشواقى و الساعة معادك جينا من قبلو
لمن راح زمان جايتك وطال فى دربى ما طلو
شفقتك عليك من السكة دموع عينى وراك كملو

قبل ما كنت جايينى كنت تغيب و اتودر
عشان ما بتنسى ذكرتك و قلت براك بتتذكر
ما خليت قلب فينى عشان ما قولت تتأخر
يعنى اقول نسيتنى خلاص وحاتك الله لا قدر

رجعت وأسفى فى عيونى و درب الرجعة ما عرفتو
وكل الجبته من أفراح فارق دربى يوم فوتو
حالى البيا أصبح كيف اريتك جيت براك شفتو
وحاتك ما بالومك يوم حتى لو ميعادنا أخلفتو

عشان عارفنى باستناك أبيت ميعادنا توفيه
أريتك كنت جيت ساكت وشلت قليبى بالفيهو

مرسل: **الاثنين 2012.2.6 11:24 pm**

إنتى مامشتاقة لي

إنتي ما مشتاقة لي ولا ماعارفة العلي
يعنى مامشتاقة لي ولا ماعارفة العلي
لو خلاص خليتى ريدى يكفينى خاتمك فى اييدى
مازمان قبال اسيبك فراقى كان صعب عليك
شلت جرحى وفت منك همى بس كان كيف اجيك
جيت بى شوق الدنيا كلو داير احس بى شوقى فيك
بس لقيت اللهفة راحت حتى عينيكى ما عينيك
مازمان قبال افارقك قلتى لى اوعك تطول
قلبى دايما فى رجاك المحال غيرك يبدل
عشت بعدك كلى ذكرى امسى بى طيفك واقيل
الليله قلبك لونسانى غير عيونك وين اقبل
شلت فرحى وجيت اسالمك قايلك انتى تحسى بى
انتى ما انتى الزمان لامن قليبك بالفرح يحضن اييدى
انتى ما انتى الزمان اصلى مامصدق عينى
داير افوت ياغاليه منك ابكى واحضن فى الاسيه

منتدى أنا سوداني

مكتبة الشاعر عزمى احمد خليل

مكتبة الشاعر عزمى احمد خليل

رد: مكتبة الشاعر عزمى احمد خليل

رد: مكتبة الشاعر عزمى احمد خليل

رد: مكتبة الشاعر عزمى احمد خليل

رد: مكتبة الشاعر عزمى احمد خليل

رد: مكتبة الشاعر عزمى احمد خليل

رد: مكتبة الشاعر عزمى احمد خليل

رد: مكتبة الشاعر عزمى احمد خليل

رد: مكتبة الشاعر عزمى احمد خليل

رد: مكتبة الشاعر عزمى احمد خليل

رد: مكتبة الشاعر عزمى احمد خليل

رد: مكتبة الشاعر عزمى احمد خليل

رد: مكتبة الشاعر عزمى احمد خليل

رد: مكتبة الشاعر عزمى احمد خليل

رد: مكتبة الشاعر عزمى احمد خليل

رد: مكتبة الشاعر عزمى احمد خليل

رد: مكتبة الشاعر عزمى احمد خليل

رد: مكتبة الشاعر عزمى احمد خليل

رد: مكتبة الشاعر عزمى احمد خليل

رد: مكتبة الشاعر عزمى احمد خليل