صفحة 1 من 2
حكايات من داخلية البنات
مرسل: الجمعة 2012.9.21 2:21 pm
بواسطة القطرة الاخيرة
[align=center]بيقولوا الحياة مدرسة, وكل يوم بنتعلم منها اكتر واكتر , يعني لو عشت فيها 100 سنه اكيد ماحتكون
اتعلمت كل شي.......
بس في مجتمع او عالم الداخلية حتدخل مدرسة الحياة وفي ظرف ايام قليلة ممكن تتخرج منها بدرجة امتياز
لان كل تجارب الحياة وكتبها التعليمية والاستاذة موجودين في هذا المجتمع,ا
لداخلية عبارة عن مجتمع او عالم مدهش
اكيد في ناس من العنوان حيقولوا يعني حتحكي عن شنو كل الحتحكيه عن الفجور البيحصل من بنات الداخلية,
ودا طبعا التفكير الشائع في كل السودان لا اعتقد بس في العاصمه يعني الخرطوم, الواحد من يسمع فلانه قاعده في داخلية بتدور في راسو الف فكره عنها..
بس كمان زي مابيقولوا لاتحكم علي الكتاب من غلافه ولا حكم الا بعد التجربة.
الحكايات الانا حاكيها انا عشتها بنفسي وانا وحده من البطلات العاشو كل الحكايات الحتقروها وحتعيشوها معانا
وطبعا تشجعت وصحباتي شجعوني اني اكتب كل لحظه مرت بينا سواء كانت حلوة او مره لحظات سعادة وفرح
ومرح ولحظات حزن والمغامرات العشناها
ولحظات ماقدرت ادي ليها اي وصف .
بس قبل كل شي ياريت اني القي منكم التشجيع اوالنقد سواء اكان نقد سلبي او ايجابي.[/align][/i][/b]
رد: حكايات من داخلية البنات
مرسل: الجمعة 2012.9.21 8:30 pm
بواسطة The Sniper
اولا مرحب بيك اختي في المنتدى و ان شاء الله اقامة طيبة ليك وسط اخوانك
وفي انتظار مداد اقلامك و بدء مشوار القصة ...
رد: حكايات من داخلية البنات
مرسل: الجمعة 2012.9.21 8:52 pm
بواسطة ناجي عثمان عبد الرازق
[align=center] مرحب بيك ومرحب بنبض قلمك ، أهلا وسهلا بك في المنتدى
[align=center]
[/align][/size][/align]
رد: حكايات من داخلية البنات
مرسل: الجمعة 2012.9.21 9:50 pm
بواسطة بت السرف
هلا بيك نورتى ..
يللا فى انتظار بوح قلمك ..
رد: حكايات من داخلية البنات
مرسل: الأحد 2012.9.23 3:56 pm
بواسطة القطرة الاخيرة
[justify]تسلمو ع المرور وانشاءالله اليوم حيكون اول جزء من الحكايات[/justify]
رد: حكايات من داخلية البنات
مرسل: الأحد 2012.9.23 6:35 pm
بواسطة القطرة الاخيرة
رد: حكايات من داخلية البنات
مرسل: الاثنين 2012.9.24 7:46 pm
بواسطة القطرة الاخيرة
رد: حكايات من داخلية البنات
مرسل: الاثنين 2012.9.24 8:22 pm
بواسطة القطرة الاخيرة
رد: حكايات من داخلية البنات
مرسل: الثلاثاء 2012.9.25 7:18 am
بواسطة dream-lady
اولا هلا بالغلا ومليون مرحبا 
اختنا الغالية القطرة الاخيرة
ومتااااااااابعة من الصفوف الاولى
رد: حكايات من داخلية البنات
مرسل: الثلاثاء 2012.9.25 8:01 am
بواسطة مها
سرد جميل وممتع
تسلمى يا راقيه
ومتابعين
رد: حكايات من داخلية البنات
مرسل: الثلاثاء 2012.9.25 7:33 pm
بواسطة القطرة الاخيرة
dreem-lady و مها
مشكورين ع المرور والتشجيع
رد: حكايات من داخلية البنات
مرسل: الخميس 2012.9.27 6:37 pm
بواسطة القطرة الاخيرة
رد: حكايات من داخلية البنات
مرسل: الخميس 2012.9.27 6:58 pm
بواسطة القطرة الاخيرة
رد: حكايات من داخلية البنات
مرسل: الخميس 2012.9.27 8:51 pm
بواسطة القطرة الاخيرة
رد: حكايات من داخلية البنات
مرسل: الخميس 2012.9.27 9:18 pm
بواسطة القطرة الاخيرة
اتصلت بامها وادتها خبر انها لقت الداخلية ووصتها بانها لازم تكلم خالها اليوم.
تالا لما رجعت البيت لقت خالها ولاول مره بيقابلها والابتسامه ماليه خشمو 
وقالت لنفسها(شكلو امي ادتك الخبر)
الخال: حمدلله ع السلامه
تالا: الله يسلمك
الخال: يلا ياتالا غسلي يدك وألحقينا علي الغداء
تالا: والله الحمدلله اكلو انتو انا اكلت قبل ماجي
الخال: عاد يابتي دا كلامك هو اكل برا دا زي اكل البيت يلا بسرعه
تالا: طيب خلاص دقيقة وبكون معاكم(سبحان الله يعني لو عارفاك بتعاملني كده كنت من زمان طلعت ليك من البيت)
* أثناء الاكل الخال فتح لتالا موضوع الداخليه: والله ياتالا يابتي امك قالت لي انك حتمشي تسكني في داخليه دا كلام شنو دا يابت نحنا قصرنا معاك
تالا بينها وين نفسها:(والله انت بالذات ماقصرت بس انت قطعتو عدييييييييييييييل) لا ماكده ياخالو بس انت عارف الجامعه بعيده من هنا وانا لقيت داخليه قريبه من الجامعه وكمان لقيت بنات ارافقم في الداخليه من نفس دفعتي وبكده اقدر ادرس معاهم كمان انت عارف الدراسه الجماعيه بالنسبه لي مهمه كيف
الخال: يعني انتي ماماشه عشان نحنا قصرنا معاك ولا ازعجناك
تالا: ابدا ياخالو
الخال: والله عارفه يابتي لو علي اشتري بيت جمب جامعتكم عشان ترتاحي من المشوار الطويل بس انتي عارفه الايد قصيره والعين بصيره
تالا: والله عارفه ياخالو مابتقصر
الخال: وطبعا امك رسلت ليك قروش عن طريقي جزء قالت للداخلية والجزء التاني مصاريفك الشخصية
تالا:وطبعا ياخالو امي قالت ليك انني لقيت الداخليه وانا عايزه بكره انشاءالله ارحل فيها بس طبعا قبل دا كلو لازم ولي الامر يمشي ويتم باقي الاجراءات
الخال: جدا مافي اي مشكله بكرا الصباح اصلا ماعندي شغل نطلع مع بعض نروح الداخلية ونكمل باقي الاجراءات ومنها تروحي الجامعه وانا اروح شغلي
تالا:(مستعجل للدرجه دي) خلاص انشاءالله ياخالو
(الصباح طلعت تالا مع عمها وراحوا وكملوا بقية الاجراءات اللازمه وقررت تالا انو المغرب لازم يلقاها في الداخلية وطبعا خالها وعدها بانو حيجي بدري عشان يوصلها بنفسو للداخلية وكمان قررت تالا انو اليوم ماحتروح الجامعة حتروح بيت خالها عشان تلم كل حاجاتها وتستف الشنط واتصلت بصحبتها عشان ماتاخد ليها الحضور للمحاضرات لو لقت طريقه)...
*وعدت الساعه تالا بتعاين للساعه وتلقاها الساعه 5 عصرا وللان خالها ماشرف البيت وسألت زوجه خالها عن انو خالها حيتاخر ولا لا بس مالقت منها اجابه غير :اتصلي وشوفيه وين
تالا اتصلت بخالها
تالا: الو خالو كيفك
الخال:الحمدلله تمام انتي كيفك
تالا: تمام ياخالو بس اتصلت عشان اعرف انت وين عشان مواعيد الداخليه جات
الخال: اوووووووووووووووه والله صدقي نسيت خالص انتي عارفه جانا فجأة شغل لخم لينا راسنا كلو كلو
وعشان كده رايك شنو تاجلي المشيه لغاية بكرا لاني اليوم ماحصل قبل العشاء
تالا: لا ياخالو مامشكله اصلا اقرب امجاد حاخدها واروح
الخال: امجاد براكي يابتي
تالا: مافيها شي ياخالو بعدين لسا الزمن الشمس ماغابت بس انت ماتشيل هم اول مااصل بديك تلفون
الخال: خلاص طيب بس ماتنسي اول ماتصلي تديني تلفوني
تالا: خلاص ياخالو اوكي يلا مع السلامه
الخال: مع السلامه
*وجهزت تالا نفسها وطبعا لبست احلي لبسه عندها وكمان استشورت شعرها لدرجه ان زوجه خالها لما شافتها قالت ليك:اليشوفك يقول رايحه عرس
تالا: هههه والله ياخالتو ياريت دا انا لي زمن ماحضرت عرس
وودعت زوجه خالها واولاده وراحت جابت امجاد ورجعت لملمت كل حاجه ورفعتها في الامجاد وباي باي بيت خالو
(رحلة موفقه ياتالا لغاية ماتصلي بالسلامه للداخلية)
فلة
(لما الشمس غابت وقبل اذان المغرب جا ابو فلة داخل ولقا فلة في طريقها للمطبخ)
ابو فلة:سلام عليكم
فلة: وعليكم السلام ياابوي
ابوفلة:عليك الله جيبي لي كباية موية
فلة:حاضر
وراحت وجابت لابوها كباية مويه وقررت طوالي تفتح ليه الموضوع
فلة: ابوي انا كنت عايزه اكلمك في موضوع كدا
ابو فلة: خير انشاءالله
فلة:لا خير ياابوي
انت عارف انو انا لي كم سنه اتزوجت وكان لازم استقر بس زي ماانت عارف مصطفي خارج السودان وانا لازم اكمل الجامعه
ابو فلة: انشاءالله كلها سنه وتحصليه
فلة : انشاءالله ياابوي بس انت كمان ياابوي عشان المشاكل الحصلت و.....
ابوفلة: والله انا قلت الموضوع دا تاني مايتفتح انتي مالك عايزه ترفعي لي ضغطي
فلة: والله ياابوي ماعايزه ارفعو بس انا وانت من يوم حصل الحصل وانت شايف علاقتي بيك كيف بقت
المكان الانت فيه انا ماقدره اقعد فيه عشان عيني ماتجي في عينك
ابو فلة: انتي عارفه انا خلاص نسيت الموضوع دا وانا قلت ليكي انسيه
فلة: والله ياابوي لو بعد مية سنه ماظنيت اقدر انسي الحصل وعشان انا ارتاح وانت ترتاح انا قررت اقعد في داخليه
ابوفلة: داخلية ليه هو في زول في البيت دا ضايقك ولا اشتكي منك
فلة: لا ياابوي بس انا حاسه لو انا طلعت حترتاح شويه مني
ابو فلة: ارتاح انا ولا انتي
فلة:وبعدين ياابوي الداخلية قريبه من هنا ويمكن تكون سمعت عنها اسمها..........
ابوفلة:ااااااي سمعت عنها علي العموم انتي اي حاجه شايفاها في مصلحتك اعمليها اصلا انا بقي ماعندي شور عليكي
فلة:(اخدت نفس عمييييييييييييييق وعليهو دمعتين) اوكي ياابوي بس كمان لازم انت بكرا تروح وتسجل معاي بصفتك ولي امري
ابوفلة: بكل استغراب(ولي امرك) حاااضر انشاءالله
بس اكيد مصطفي عندو علم بكل شي
فلة: اكيد ياابوي
(وقررت فلة انها من بعد العشاء تستف كل شي بيخصها عشان بكرا الصباح ترحل للدخليه نهائيا)
رد: حكايات من داخلية البنات
مرسل: الخميس 2012.9.27 10:50 pm
بواسطة محسية
سرد شيف وممتع
واااصلى
متااابعين معكى
تحيااااااااااتى
رد: حكايات من داخلية البنات
مرسل: الخميس 2012.9.27 11:26 pm
بواسطة ابو ايووودي
متابعين وقاعد في الصفوف الامامية جمب دريم والظاهر تالة دي نهايتها ح تكون سودة ربنا يستر
شرفتينا يا بت الداخلية
رد: حكايات من داخلية البنات
مرسل: الجمعة 2012.9.28 10:22 pm
بواسطة القطرة الاخيرة
سرد شيف وممتع
واااصلى
متااابعين معكى
تحيااااااااااتى
تسلمي محسيه ويارب تستمتعي اكتر واكتر في الاجزاء الجاية
متابعين وقاعد في الصفوف الامامية جمب دريم والظاهر تالة دي نهايتها ح تكون سودة ربنا يستر
شرفتينا يا بت الداخلية
ابو ايوووووودي نصيحة مني ليك خليك مكانك وماتقوم عشان ماحد ياخد مكانك وبالاخص انو ما اي مكان دا جمب دريم
وبالنسبه لتالا كل شي جائز يحصل معاها بس دعواتك ليها
وتسلم يارب ع المرور
رد: حكايات من داخلية البنات
مرسل: الاثنين 2012.10.1 8:53 am
بواسطة القطرة الاخيرة
الجزء الثالث
فلة
[align=center]فلة اليوم الثاني لما اصبحت الصباح وقبل ماتروح الداخليه مع ابوها اتصلت علي مصطفي وكلمتو بكل التفاصيل واعتذرت منو لانها كانت المفترض تتصل عليه اول مالقت الداخليه بس اعتذرت لانها كانت تعبانه ومافكرت خالص في كدا, مصطفي حاول انو يبن ليها انو لا عادي ولا يهمك بس من جواهو كان زعلان من فلة وعدم مبالاتها واهتمامها بأدق التفاصيل, المهم ابوفلة نده عليها وقال ليها اذا جهزتي ياريت تطلعي وفعلا جهزت نفسها وراحت رفعت كل شنطها علي عربية ابوها وطبعا قبل ماتمشي ودعت اخوانها من ابوها وكمان ودعت زوجه اابوها وقالت ليها" ياريت بعدا تررتاحي" ....ولما وصلو الداخلية وكملوا كل الاجراءات ابوفلة قال ليها ياريت تكوني مسؤولة وعاقله وماتنسي اذا حبيتي تلعبي وقبل ماتلعبي اتذكريني انا و....ولا بس اتذكري امك التحت التراب وماتتذكريني انا خالص لاني عارف ماحصل يوم كنت بهمك ,وفلة كانت بتسمع كلام ابوها ودموعها علي خدها وراح ابوها حتي من غير مايقول ليها مع السلامه في اللحظة دي حست فلة ان ابوها كان منتظر اللحظة دي من زمان ولو ماكان وصية امها ليه ولازم يخلي بالو عليها كان ممكن من زمان يطردها من البيت بس مجبور عليها..........
مسحت دموعها وطلعت كل شنطها علي الغرفه الحتسكن فيها وراحت ورقدت علي السرير وفضلت تبكي وكل ماحاولت تمسح دموعها لسا بتلقاها علي خدها وفي اللحظة دي اتصل عليها مصطفي عشان يعرف انها وصلت ولا لا بس شافت المكالمه وماقدرت ترد لانها حست بانها مخنوقه وماحبت تتكلم مع مصطفي وهي في الوضع دا وفضل مصطفي يتصل ويتصل وفلة راقدة علي سريرها وبتبكي...........
[/align][/size]
*************************************
تالا
تالا اول ماوصلت دخلت المبني وراحت للمشرفه عشان تعرف مين المسؤول عن انو يرفع الشنط بس للاسف رد المشرفه كان انو اي حد بذات نفسه هو البيرفع شنطه بس تالا قالت كيف يعني ارفع كل الشنط دي لغاية الطابق الثاني لان كانت غرفتها بالطابق الثاني, و اضطرت طبعا انها ترفع كل شنطها بنفسهاولما كان دور اخر شنطه ترفعها حبت تستريح في الطابق الاول ,عشان تأخد نفسها وفجأة سمعت صوت بيقول ليها( لو سمحتي يااخت الطريق عشان امشي) تالا قامت من علي السلم ولما اخدت الشنطه عشان تزحها وقعت عينها في عين البنت وطبعا ماصدقت العينها شافتو .....................
********************************************
سيمو
سيمو صحت الصباح علي صوت دوشة البناات المعاها الفي الغرفه وسلمت عليهم وراحت اخدت حمام واتوضت وصلت وبعد الصلاة اتصلت علي ابوها عشان يتصل علي عمو كمال ويجي يتم باقي اجراءات التسجيل , وفعلا اتصل علي عمو كمال الاتصل بسيمو واداها خبر انو حيمر عليها العصريه بعد الشغل.... وبعد مخلصت من عمو كمال لقت بت من البنات المعاها في االغرفه جايبه ليها كباية شاي وقالت ليها:دي ليوم الليله بس دا واجب الضيافه , سيمو اعتذرت منها لانها ماكانت بتشرب شاي بس قالت ليها عشان مااحرجك اكيد حاشربو واثناء شرب الشاي سيمو اخدت تحكي هي والبنت المعاها والبنت طبعا ماقصرت شرحت ليها كل التفاصيل الفي الداخلية وكمان حكت ليها عن البنات المعاهم في الغرفة وعرفت سيمو ان كل البنات المعاها في الغرفه طالبات , وسألت سيمو البنت وقالت ليها هي الداخلية ليه غيرو مكانها: البنت قالت بيقولو ان في مشاكل قانونية والله اعلم, وبعد الانتهاء من شراب الشاي والونسة سيمو استاذنت البنت وقالت ليها حابه الف كل الطوابق واشوف البنات البعرفهم لسا موجودين ولا لأ,وقبل ماتطلع من الغرفه لقت وحده من البنات بتفتح الباب وطوالي راحت لسيمو واخدتها وسلمت عليها بالاحضان: سيموووووووووووووووو والله مامصدقة
سيمو: وبكل برود لا صدقي
البنت: ياربي والله مشتاقه ليكي وقدر مااتصل في رقمك بيديني قافل
سيمو: انا غيرت رقمي
البنت: ياستي انشاءالله خير بس برضو ماعرفتي مين القال لي انو انتي هنا
سيمو: منو القال ليك ياستي
البنت: طه وحكي لي كل الدراما الحصلت معاكي ياحليلك والله
سيمو مع نفسها(يخرب بيتك ياطه طواااااااااااالي ماصدقت وصلت ليها الخبر طيييييييييييييييييب لو ماوريتك)......
************************************************************
جوري
جوري فضلت علي حال انها كاتمه الجواها وكمان فضلت عايشه دور انها مبسوطه بين اسرتها وحبت تشيل الفكرة الفي راس امها عنها, وفي يوم واثناء ما الاسرة مجتمعه علي وجبة الغداء رن تلفون جوري بس وحبت تقوم عشان ترد بس امها قالت ليها اكلي اول بعدين ردي,وبعد ماخلصت راحت عشان تشوف مين المتصل عليها ولقت عدة مكالمات لم يرد عليها من رقم من السودان وكمان لقت رسالة مكتوب فيها ( رغم انك قطعتي عني كل وسيلة اتصال بيكي بس فضلت افتش اي شي يقدر يوصلني ليكي واخيرا لقيت رقمك, ودا كلو عشان اقول ليكي ان الموضوع عدا علي خير وياستي اعتبريني اصلا مامريت علي حياتك في يوم , ورقمي دا امسحيو من عندك.....بس كمان خليلكي متأكده انو انتي زي ماوعدتك دايما في بالي وحتكوني كدا لاخر يوم في حياتي)
جوري فضلت تقرا في الرسالة كذا مرة وبتقول لنفسها يااااربي الموضوع بجد اتحل زي ماطلال بيقول ولا بيكذب علي لاااا انا لازم اتصل واعرف الحاصل منو, وفعلا اتصلت بس للاسف لقت ان االرقم مقفول وحاولت تتصل وتتصل بس برضو بيديها مقفول......
رد: حكايات من داخلية البنات
مرسل: السبت 2012.10.6 7:31 am
بواسطة القطرة الاخيرة
اسفة للاخطأء الحصلت في الاسماء ياريت تتقبلوا اعتذاري
اكتر وحده طموحه ومرحه بس حساسه حبتين. 
برضو من احدي مدن السودان وفيها جمال سبحان الخالق المعبود بتحب اي شي اذا عينها وقعت عليه لازم يكون ليها 
وعيبها انها بت ملوله وكمان هي من اسرة متوسطة الدخل. 
بس ياماما انا المغرب لما يأذن انا بكون في البيت وبعمل المستحيل عشان اصل البيت قبل المغرب عشان ماينق فيني ويكورك فيني وانتي عارفه محاضراتي بتنتهي متأخر ومسافة السكة في البلد دي المفترض اصل وش الصبح مش اصل المغرب وبعدين هو عارف انو بيتو في اخر الدنيا بس بعد دا كلو بيكورك والله بعدا الا يشوف لي هليكوبتر عشان اصل ليه في الموعد المحدد 
وكمان معدلي التراكمي حيرتفع 
عطالة وملل بعدا حيكونوا ملازمني لمتين انا حاسه انو لو قعدت يومين زيادة في البيت 
...برنامج مافي بعد ما خلصت الخدمة اصحي الصباح انضف البيت واشوف التي في وانوم عرس ومافي يايمه كل البنات الفي الفريق عرسوا الا انا رجعت بالشهادة وقعدت في البيت لا عرس ولا شغل و.....فجأة سمعت ابوها بيناديها يابت ياسيمو 
يوم كامل ماتتصل علي ليه يعني انت ناسي انو انا مرتك 
) وتالا ياحرام قامت مخضوضه ونفضت كل الكانت شايلاه , بس فجأة سمعت ليها صوت جنبها بيقول ليها: قولي بسم الله الحمدلله حصل خير 
(دا طبعا صوت الجار الكان قاعد في المقعد الجنبها) 
انا بوصلك معاي وكمان لوعايزه ترجعي معاي لانو انا عندي خالي الصباح بيغشاني لما يروح الشغل لانو شغلو قريب من هنا وكمان في الرجعه 
وقررت انها اليوم تروح تكلم خالها عشان بكرا بالكتير لو في طريقة تنتقل للداخلية...... 
واخدت اول امجاد واقفه عشان توصلها للداخليه طبعا بعد الاتفاق علي سعر المشوار ولما وصلت للداخلية اتفاجات ان باب المبني الخارجي مطبل بطبله كبييره احتارت 
عشر دقائق و عليهم خمس دقائق ولقت طه قدامها وبعد السلام اداها مبلغ من المال وطبعا بعد ماسيمو وعدتو انو المبلغ حيكون دين عليها منو وهو طبعا يعجبكم(والله ياسيمو المبلغ دا لو رجع تاني لاتعرفيني ولا اعرفك) 