حق الفطور والمواصلاااااااااااااااات

[السيف القاطع]

«®°·.¸.•°°·.¸¸.•°°·.¸.•°®»صهيب وبكرى اصدقاء من زمن الطفولة نشاء كتفاً بكتف , ودرساصفاً بصف , وكانا يتميزين عن بقية التلاميذ بالواقعية الشديدة جداُ , ففى حصة الرياضيات عندما يسأل الاستاذ عن حاصل قسمة عشرة على اثنين يعمل عقلهم الواقعى على تخيل ان هنالك عشر رغيفات وهم يريدون ان يعملوا صحنين فتة فكل صحن نصيبة خمس رغيفات , فيجاوبان بسرعة حاصل قسمة عشرة على اثنين خمسة يا استاذ , فيقول الاستاذ شطار يا اولاد , وهكذا استمرا بهذة الواقعية حتى وصولهم المرحلة الثانوية وامتحان الشهادة السودانية واصبحوا على اعتاب الجامعة , وفكروا فى الكلية التى يدرسونها فقال بكرى لصهيب : رايك شنو نقراء طب ؟؟ رد صهيب : الطب دا برنامجه طويل ستة اعوام فى الكلية وسنة امتياز وسنة الزامية لا لا احسن اخليهو لاخوى الصغير !!1! وسأله رايك شنو نقراء صيدلة ؟ رد عليهو: والله الصيدلة دى جهجهه لادكتور ذى الكاترة ولاعنقالى ساكت , وفى النهاية تقعد تبيع فى دكان علية يافطة صيدلية وكلو كريمات وادوات تجميل ومستلزمات اطفال واسكراتشات . قال بكرى والله شكلى كدا حاء اقراء هندسة ,,, تذكر راديو جدى (الله يرحمة ) بفكو مسمار مسمار وبرجعو تانى احسن من الاول ,وتلفزيونا فى البيت كان ابيض اوسود وفكيتو ورجعتو ملون , والعجب ناس الحله اى حفلة ماسك الاضاءة وشبكات الكهرباء براى , قال له صهيب : والله احسن ليك تكون مهندس بالفطرة كدا مما تخربها بالشهادة , كليات الهندسة العاملنها من سنة حفروا البحر والبلد مليانة مهندسين الكبرى يجيبوليهو مهندسن من اخر الدنيا والبترول يجيبولهو مهندسين من اخر الدنيا وكل المشاريع مهندسينها اجانب وصينين , وخليك واقعى يابكرى لازم نقراء قراية تجيب لينا (قروووش ) , لذلك قررالاثنان ان يدرسوا كلية التجارة لانها من وجه نظرهم علم قروش وفعلا اجتهدوا اجتهاد ما عادى ونجحوا فى دخول كلية التجارة وفى الكلية كانو فى قمة الواقعية واتجاهم اتجاه واحد المحاضرة ,,البوش ,, المكتبة ,,البيت,,وبالعكس , لاجكس ,لاخلط , لااركان نقاش , لاروابط , لارحلات ,ولاغيرو, حتى السنة النهاية وفى سنة التخرج وعند اختيار بحث التخرج كان زملائهم يختارون بحوث بعناوين مثيرة من الناحية الاكاديمية مثل التجارة الاكترونية ,او سوق الارواق المالية , او محاسبة الصرفات الالية , ولكن صهيب وبكرى قرروا ان يكون بحثهم واقعياً وملموساً فاختروا بحث بعنوان (حل مشاكل السودان الاقتصادية ) لشعورهم بانها شئ واقعى ومملوس على الاقل فى حياتهم كطلبة , وفعلا ما خلوا وزارة مالية ولا البنك المركزى ولا مشروع الجزيرة ولا مكتبة ولاموقع فى الانترنت له علاقة بالاقتصاد الا اخذوا منه المعلومات المطلوبه ولانهم كانوا يقيسون الاشياء بواقعية شديدة فقد بداءت تظهر عليهم مظاهر (فط السطر) وقربوا يجنوا عدييييييل لانهم وجدوا عدم واقعية لكل النظريات الاقتصادية فى الكتب مع الواقع ,, فظهور البترول ترتب عليه ذيادة اسعار الوقود , والاتجاه للانتاج الزراعى مفقود مع تدهور مشروع الجزيرة , ومكافحة الفقر غير موجودة فى الواقع مع زيادة الرسوم , مما جعل صهيب يصاحب (ناس علم نفس) والسايكولجى , ويحصل على جلسات علاجية بالمجان كمان , وكانت حاجة واقعية جداً لانو ناس علم النفس نجحوا فى انهم يخرجونه من الحاله التى كان فيها , اما بكرى فقد لازم شيوخ الصوفية ويتحصن بالاوراد صباحاً ومساءً , وفى نهاية السنة وعند مناقشة البحث كان من اميز البحوث التى وضحوا فيها حل مشاكل السودان الاقتصادية بصورة جملية وشملت الانتاج وتشجيعه والاهتمام بالزراعة واستخدام عوائد البترول فى تمنية البدائل والغاء الرسوم غير الشرعية وترشيد الانفاق الحكومى وهكذا ومما جعل البروفسير المشرف يعلق بحماس شديد : جميل ,,, جميل جداً ,,, وكلام واقعى , وبمثل هذه البحوث تحل ممشكلة السودان الاقتصادية و نصبح من الشعوب الغنية جداً , وبينما كان البروفسوير يتحدث همس زميلهم التاج فى اذن صهيب قائلاً : بعدما حليتو مشكلة البلد الاقتصادية ناوين تعملوا شنوا رد عليه صهيب هامسا : حاء امشى اجازف الفين جنيه ( للفطور والمواصلات ) واحاول احل مشكاتى الاقتصادية اليومية ليوم الليلة والله البلد دى الجن الاحمر ما يحل مشاكلها الاقتصادية دا كلام بحوث فى الورق وبس …«®°·.¸.•°°·.¸¸.•°°·.¸.•°®»

[احلى دلع]

مشكور بس ليه دائما الصورة فيها واحد على فمه لصق

[السيف القاطع]

شكراً يادلع على تعليقاتك الظريفة,,, والصورة فيها لزقة تعبير عن حالة نفسية ما قادر اوصفها

[waya]

جميل ,,, جميل جداً ,,, وكلام واقعى

معليش يا sas اقتبست الجملة دي للتعبير .. تسلم

[ANA]

تسلم يا sas
على الواقعية
ويا ريت نتعامل بالواقعية المطلوة وليست الموجودة
ودمتم ...

[aboalseem]

والله ده الحاصل ايام الجامعة........ وموضوع مجازفة حل المشكلة الاقتصادية اليومية ده البحصل كل يوم... وانا شكلك مقتبس القصة من واقعك انت...... ولا شنو يا ساس