صفحة 1 من 1
أمنية عكسية
مرسل: الجمعة 2014.1.31 2:34 pm
بواسطة مـجـدي
أول أمبارح , اللهو يوم الأربعاء ,
كنت وحيد في غرفتي في سكن الموظفين ,
أمامي اللابتوب , أعالج بعض التطبيقات ببرنامج فوتشوب ,
طبعاً بدقش فيهو ساكت يعني ما حريف خاااالص ,
و المشكلة إنو البرنامج ممتع و بيسرق الزمن ,
قدامي توجد ساعة حائط طول عمري بسمع دقاتها رتيبة و مملة ,
صادف إنو في اليوم داك كان عندي مشاكل في الشغل ,
إختلافات مع الزملاء , عادية لكن أنا أقل حاجة بتدبرس بي شديد ,
كنت كل 5 دقايق بعاين الساعة و أتمناها تفرمل عشان يوم الخميس ما يجي بسرعة ,
عشان ما أمشي أداوم و الجو في الشركة مكهرب ,
إكتشفت إنو الحياة فيها أماني غريبة ,
عشم إنو الزمن يقيف و ما يتحرك برغم إنك بعيد من أحبابك و محتاج الوقت يعدي ,
عايز مساعدتكم ,
كيف أوقف الزمن عشان عندي مشاكل عمل , و في نفس الوقت أخليهو يمشي عشان مشتاق لأهلي !!!!
رد: أمنية عكسية
مرسل: الجمعة 2014.1.31 2:41 pm
بواسطة dream-lady
رد: أمنية عكسية
مرسل: الجمعة 2014.1.31 2:55 pm
بواسطة مـجـدي
مجبور جبر أشتغل هنا ,
عشان الفرص في بلدنا قليلة و عايزة شوية حظ وواسطة ,
مصيري هنا , الدنيا ما أدتني خيارات ,
بقيت زي جيش طارق بن زياد لم فتح الأندلس ,
أصلا هو حرق السفن و قال لجيشو :
العدو أمامكم و البحر خلفكم ,
و طبعاً هسي أنا بواجه الظروف الهنا ,
و أمتلك الشجاعة الكافية لفتح الأندلس ,
يعني يا أكون و أستمر أو الغرق ,
عشان كدة ماسك حبل الصبر و مستعين برب الساعة و الزمن ,
يمدنا بطولة البال , و يرد غربتنا سالمين للأحباب و الوطن ,
تشكراتي يا دريم ليدي
رد: أمنية عكسية
مرسل: الجمعة 2014.1.31 3:02 pm
بواسطة dream-lady
ياعزيزي....
ماقلت ليك خلي الشغل وخلي البلد....
كده بكون بطالبك بالمستحيل وشبهه....
وبكون اتحشرت بين ظروف المعقول واللامعقول
بس قولة غير ناسك كان لقروب المزعجين...يعني جوة الدائرة الضيقة شوف ليك خرم ووسعو
والبحر خلفنا وقدامنا زاتو ...وربك يرد غربتنا غانمين ...ومازال الحلو جوانا ...والباقي نشيلو خارج النص...
تحياتي
رد: أمنية عكسية
مرسل: الجمعة 2014.1.31 3:15 pm
بواسطة مـجـدي
dream-lady كتب:ياعزيزي....
ماقلت ليك خلي الشغل وخلي البلد....
كده بكون بطالبك بالمستحيل وشبهه....
وبكون اتحشرت بين ظروف المعقول واللامعقول
بس قولة غير ناسك كان لقروب المزعجين...يعني جوة الدائرة الضيقة شوف ليك خرم ووسعو
والبحر خلفنا وقدامنا زاتو ...وربك يرد غربتنا غانمين ...ومازال الحلو جوانا ...والباقي نشيلو خارج النص...
تحياتي
ح أعتبر دي أهم وصية أسمعها بخصوص وضعي الحالي
رد: أمنية عكسية
مرسل: الاثنين 2014.2.3 12:03 am
بواسطة محسية
اهلييييييييين بيك اخى مجدى
تأتي الغمامه , بسوادها وهمومها بأحزانها ويأسها ............
تستطيع أن تخفى نور الشمس للحظات ,, او لساعات و يمكن ايام ......
ولكنها ابدا لا تستطيع ان تمحي وجود الشمس ...
فالشمس موجوده حتى قيام الساعه بأمر خالقها......
فلا تبتأس للظلام وانتظر الشمس لتعود.........
وتذكر دائما ان لولا الأختلاف لوقفت الحياه
فالاختلاف سر الحياه
تحياااااااااااتى
رد: أمنية عكسية
مرسل: الاثنين 2014.2.3 6:58 am
بواسطة معتبر
عارف يا مجدي عنوان موضوعك دا ذاتو موضوع ،،،،
ظبط شغلك تمام غصبا عنهم تتعبهم في كيف يمكن ان يضايقوك
البلد بتنتظرك ولو رجعت ولقيت ملامح الناس إتغيرت
دريمو دي معلمة امسك في كلاما
تحياتي
رد: أمنية عكسية
مرسل: الاثنين 2014.2.3 6:41 pm
بواسطة مـجـدي
مرحب محسية ,
دايماً أنا في إنتظار شروق الشمس ,
عمري ما قنعت منها ,
مهما طال الزمن مصير الغيوم ترحل ,
تسلمي على المرور
رد: أمنية عكسية
مرسل: الاثنين 2014.2.3 6:43 pm
بواسطة مـجـدي
هلا يا معتبر ,
ما بتوصيني ,
دريمو دي أنا ماسك في كلامها لامن غلط ,
بالمناسبة عنوان الموضوع أنا بظهرلي مجلي شوية ,
على العموم شكراً على المجاملة
رد: أمنية عكسية
مرسل: الاثنين 2014.2.3 7:06 pm
بواسطة سمارا
واجه كل صعابك بابتسامه صغنونه وقول بكره احلي خلي ثقتك في ربك كبيره
سبح استغفر كتير
ما تحاول تتناقش مع زمايلك او رد عليهم بكلمه " الله يسامحك " بسس
ع فكره الحياه دي حلوا ياخ
رد: أمنية عكسية
مرسل: الاثنين 2014.2.3 8:24 pm
بواسطة ريانه إمام
مراحب طيبه يا مجدي
..
خليك عايش بمبدأ طنش..تعش..تنتعش
(والله جد)
طالما انت بتعيش وتتعايش مع مجتمع..ح تواجهك مشاكل وناس يفقعو المراره
بس ما تسمح لزول ياخد منك حقك في انك تمارس حياتك بشكل طبيعي جدا
ما تكره شغلك عشان ناس فارغين.و تحبس نفسك في البيت
..
اتمني المعلومه تكون وصلت
رد: أمنية عكسية
مرسل: الثلاثاء 2014.2.4 11:34 am
بواسطة بت مختبرات
سلام مربع :)
الموضوع ما خطير يا مجدى، ما تزعج نفسك
سواء اتمنيت الزمن يقيف او يمر بسرعة ,, ما حتغير شئ ،مشكلتك ما مع الزمن ،ما ترهق نفسك وتردم الهموم فوق راسك
مشكلتك في العمل ، ودى حاجة عادية ، بتمر على كل الناس ، الخلافات مع الزملاء و المهاترات البتحصل ، عموما" نصيحة ليك ، أدى شغلك على أكمل وجه وما تخلى زول يمسك عليك غلطة ، خلى علاقتك مع الجميع طيبة ، حتى لو فى ناس ما بحبوك اتجنب تدخل معاهم في عداء ظاهر عشان ما تصعب التعامل معاهم بما انك مجبور تتعامل معاهم بحكم العمل البيجمعكم ، وفى الأول والاخر ما تخلى الشغل يأثر على مودك العام ، مشاكل العمل تنتهى بمجرد انتهاءه اخر الدوام..
تحياتى:)
رد: أمنية عكسية
مرسل: الثلاثاء 2014.2.4 12:08 pm
بواسطة dream-lady
بعض النقاط ك خُلاصة:
*أمشي عِدل يحتار عدوك فيك
*ارضاء الناس غاية لاتُدرك 
*اذا ركلك احدهم فاعلم انك في المقدمة 
*طنش تعش تنتعش 
*ولابُد لليل أن ينجلي 
رد: أمنية عكسية
مرسل: الثلاثاء 2014.2.4 12:14 pm
بواسطة مسلمة وافتخر
التطنيش لمن اراد ان يعيش 
رد: أمنية عكسية
مرسل: الخميس 2014.2.6 8:01 pm
بواسطة مـجـدي
سمارا كتب:
ع فكره الحياه دي حلوا ياخ
تسلمي كتير سمارا على التذكير الجميل دة
ريانه إمام كتب:مراحب طيبه يا مجدي
..
خليك عايش بمبدأ طنش..تعش..تنتعش
اتمني المعلومه تكون وصلت
وصلت ريانة , والمبدأ دة مريح جداً
بت مختبرات كتب:سلام مربع :)
الموضوع ما خطير يا مجدى، ما تزعج نفسك
ما ترهق نفسك وتردم الهموم فوق راسك
تحياتى:)
تسلمي كتير و إنشاءالله أطبق على طول
dream-lady كتب:بعض النقاط ك خُلاصة:
*أمشي عِدل يحتار عدوك فيك
*ارضاء الناس غاية لاتُدرك
*اذا ركلك احدهم فاعلم انك في المقدمة
*طنش تعش تنتعش
*ولابُد لليل أن ينجلي
على الراس و العين يا دريم
ذات الشجون كتب: التطنيش لمن اراد ان يعيش
و لا يهمك أخوك أفضل من يعيش التطنيش .
