منتدى أنا سوداني

مرسل: **الخميس 2013.4.11 10:20 am**

اشتقت ليك كانت البداية
اشواقنا ليك دائما حضور
واحلي الكلام كلامك

لما هزني
ارعشني
دقات قلبي قالت أنتي
اطرافي تسمرت
عيوني ضحكت
روحي تعلقت

صدفة قدر إحتمال

قمر بهر
جمال سحر

همسات دلال
حنية حُنان

جمال إنسان

ذوق وفهم
لما سلم

دواخلي عماهاالفرح
اتبدلت والتغيرت

بقيت حساس
زول بقي لهو اهداف

قربها
حبها
دنياي
دنياها

وكان أحلي الكلام

مرسل: **الخميس 2013.4.11 10:35 am**

قُربها
حروف
جملُ ممدودة في المشاعر
في اوصالي وفي المفاصل

امكن في شرياني
وريدي ياهو ولا وريدا
بس العارفو بقت ست الريدة

اتاوق
اساسق

يلمنا الصباح
يضمنا النهار

ساعات دقائقها سريعة
ثوانيها تتلاشي تلحق عذاب ايام مضت

من فرحها اخدت فرح

ويبقي كلامها احلي الكلام

مرسل: **الجمعة 2013.4.12 4:57 pm**

افراح امتدت

تبدل حال القلب
دقاته ساعة تنظيمها كلماتها
صباحاتها الندية نتوقعها من مغرب ليلتنا

صباح الورد تجيك مموسقة منعشة
ممزوجة بحلاوة صوت ناعم
وبلكنتها الرهيبة

تسري فيك لتبدل حال سكونك
تعدل جلوسك
تهذب حديثك
ترددها جواك في لحظة مية مرة
وتبثها
صباح الورد ياروح الورد

تقول ليك
هو في أحلي من الورد

ويبقي كلامها احلي الكلام

مرسل: **الثلاثاء 2013.4.16 1:30 am**

أحلى الكلام .. كلامك

تشكراتي

مرسل: **الثلاثاء 2013.4.16 9:57 pm**

waya كتب:
أحلى الكلام .. كلامك

تشكراتي

وايا ياغالي

ولما الكلام يحلق بينا لعوالم الجمال
يبقي زي صفقة تُعبر عن فرح
وتعبُر بينا لدنيا جديدة

تقديري

مرسل: **الثلاثاء 2013.4.16 10:05 pm**

كلمات ليست ككل الكلمات ...كلمات بحار وشطآن صحاري ووديان ....

لذا يبقى احلى الكلام كلامك

جميل معتبر ما كتبت ....دمت بخير

مرسل: **الأربعاء 2013.4.17 6:36 pm**

ميسم كتب:كلمات ليست ككل الكلمات ...كلمات بحار وشطآن صحاري ووديان ....

لذا يبقى احلى الكلام كلامك

جميل معتبر ما كتبت ....دمت بخير

ميس

كلماتي هنا تزهو بعناق كلماتك

لتتحد حروفنا وتصبح شراع سفينة تعبر بنا البحار
لنصل لشواطئ الامان والدهشة ونرسم علي السواحل لوحة التقاء

ويمتد حنينها لحنين رمال الصحاري والوديان
ونسرج خيالات التمني قرباً

ومن جمال طلتك تبتهج روحي
يارونق الحسن والجمال

ويبقي كلامك احلي كلام

ودي ياغالية

مرسل: **الأربعاء 2013.4.17 7:18 pm**

ياوردة

عبيرك اخذني لعوالمي
فيها انتي وانا
وعوالمك فيها انا وانتي

تجادلنا
ارتفعت اصواتنا
تواعدنا بالهدؤ

واختلفنا فيما بدأ

واتفقنا باننا كل ُ واحد

وصمتت شفاهنا
ونالت احضاننا من التعبير كثير

يامجنون
ربي يخليك
ويخليك كان
احلي كلام

مرسل: **الخميس 2013.4.18 5:19 pm**

يامجنون

ان شاء الله اجن وازيد في الجن
وانتو تجافو ما تحنو

غنيتها في نفسي
خفت ان اسمعها تجافو وهي قريبة مني
ليس لانها جافية ولكن خوفاً
من هذه المفردة المؤلمة التي يعاني منها الحبايب

ضحكنا
ونفوسنا ارتاحت
ركزت نظراتي عليها
زاد اعجابي بها

تقاسيمها حلوة
ناديتها

يا حلوة انتي

قالت
عيونك هي الحلوة

ويبقي احلي الكلام

عيونك هي الحلوة

مرسل: **الخميس 2013.4.18 11:51 pm**

عيونك هي الحلوة

عجبني الكلام
وجاب كلام

عيوني حلوة لانها شافتك
زينت لي جمالك وفتنتك

خلدت نظرتك
رقتك
حتي جمال وقفتك
تابعت خطوتك
حجلك وقدلتك
لفتتك

واخر كلامي
كلك علي بعضك حلو

وكان كلامك

كلو من ذوقك

واحلي الكلام كلامك

مرسل: **الجمعة 2013.4.19 3:09 pm**

وارسم تفاصيل فرحتي
لمن اسافر
في الظنون والقاها كونك
عالم مبهرج بالغرام
وجوة في جواي ادسك
ومن عيون الناس اصونك

مرسل: **الجمعة 2013.4.19 9:47 pm**

مها كتب:وارسم تفاصيل فرحتي
لمن اسافر
في الظنون والقاها كونك
عالم مبهرج بالغرام
وجوة في جواي ادسك
ومن عيون الناس اصونك

مها الغالية

افرد شراع
الملم حروفك

ارسم لوحة
لونيها بفرحك

ابعدي احزانا
اوقدي شموع الامل
وعلي ضوها نستشرق كل جميل

ويبقي كلامك

احلي الكلام

ودي الكبير

مرسل: **السبت 2013.4.20 2:58 pm**

روعة يامعتبر متباعين معاك بي لهفة

مرسل: **السبت 2013.4.20 7:13 pm**

حيرهم هدوئي كتب:روعة يامعتبر متباعين معاك بي لهفة

لم تخالجني حيرة
هدؤ ينساب عبر المنبر

يتنقل برشاقة ليضع حروف مدهشة

وانتقلت اللهفة لنا
لترقب ما سيأتي
من بديع المفردات
وجميل الكلام

ويبقي كلامك احلي

حيرهم هدوئي ودي

مرسل: **السبت 2013.4.20 7:23 pm**

الكلمه هي اطول مشوار وبين كلمه وكلمه انا لا املك الا ان اكون .......

مرسل: **السبت 2013.4.20 8:17 pm**

ميسم كتب:الكلمه هي اطول مشوار وبين كلمه وكلمه انا لا املك الا ان اكون .......

ميس الغالية

الكلمة
حياة
حب
انسانية

نحملها امانة
نسافر بها ونستريح عليها
ولما تجي منك تبقي حلوة

تحلو بها المشاوير
وتسعد بها الاوقات
وتسمو بالارواح
ونعيش عوالم فرح ومحبة
وحينها تكونين كل شئ
ولا املك الا ان اكون ......

كوني بخير
لاكون بخير

ميسم ودي

مرسل: **الأحد 2013.4.21 10:38 am**

كلو من ذوقك

خليك معاي انت وردد الجملة
تلقاها مغلفة بحنية
تنطق بثقة

تصلك مباشرة تداعب مواقع الجمال الوجدانية

تسمو بك

تعاين ليها
تغمز غمزة
يعني اعجاب

معاها كلمة محبة
تخجل
تتورد خدودها

ترتخي شفاها لترسم بسمة معبرة

ترفع نظرها نحوك

وتقول
بالغت

وتبقي بالغت

احلي الكلام

مرسل: **الأحد 2013.4.21 11:30 am**

مأراوع قلمك حين يصول ويجول
بين الكلمات تختار الحروف بكل أتقان
تصيغ لنا من الأبداع سطور تُبهر كل من ينظر إليها
لك التحية أخي معتبر وتقبل مرورى
دمت بحب وسعاده

مرسل: **الأحد 2013.4.21 7:09 pm**

وحـــيد كتب:
مأراوع قلمك حين يصول ويجول

بين الكلمات تختار الحروف بكل أتقان
تصيغ لنا من الأبداع سطور تُبهر كل من ينظر إليها
لك التحية أخي معتبر وتقبل مرورى
دمت بحب وسعاده

وحيد يا حبيب
مرور يسعد
يفتح مسامات الطيبة
يبهج ارواحنا

ونسمو

وحيد ودي ياغالي

ويبقي كلامك احلي كلام

مرسل: **الثلاثاء 2013.4.23 8:42 am**

بالغت

ولما تكوني معاي بتكون المبالغة

احسها
في جمالك
في جلستك
في حركتك
في تسبلية عيونك
وضي جبينك

يا نعومة اطرافك
لما كفي يلامس كفك
يرتخي جسدي
وتتوهج مشاعري
لترسم شغفي
ياشغفي

ويتبدل حالي
تنتفض حواسي
وتحس الحس

واقول ليك ما احلاك

ويجيني ردك

حلو أنت

ويبقي كلامك احلي كلام

منتدى أنا سوداني

أحـلي الــكلام كــلامك

أحـلي الــكلام كــلامك

رد: أحـلي الــكلام كــلامك

رد: أحـلي الــكلام كــلامك

رد: أحـلي الــكلام كــلامك

رد: أحـلي الــكلام كــلامك

رد: أحـلي الــكلام كــلامك

رد: أحـلي الــكلام كــلامك

رد: أحـلي الــكلام كــلامك

رد: أحـلي الــكلام كــلامك

رد: أحـلي الــكلام كــلامك

رد: أحـلي الــكلام كــلامك

رد: أحـلي الــكلام كــلامك

رد: أحـلي الــكلام كــلامك

رد: أحـلي الــكلام كــلامك

رد: أحـلي الــكلام كــلامك

رد: أحـلي الــكلام كــلامك

رد: أحـلي الــكلام كــلامك

رد: أحـلي الــكلام كــلامك

رد: أحـلي الــكلام كــلامك

رد: أحـلي الــكلام كــلامك