منتدى أنا سوداني

السودان الي اين؟
كان يامكان في قديم الزمان بلد اسمة السودان ...
مساحته مليون ميل من جمالها غنا لها كثر من الشعراء والفنانين...
كان به ارض خضراء تسمى مشروع الجزيرة ... اشتهر الانجليز بالقطن الذي كان يزرع فيه...
سمي السودان ب سلة غذاء العالم ...
كان بة شركة طيران تسمى سودانير ... تنقل كل من سكن في وسط وشرق افريقيا الي العالم والي الحج...
كان التلميذ البليد يرفد من المدرسه لكي يذهب الي التعليم الخاص ...
كان المواطن فيه لة عزة ومكانه خاصة في كل بلاد العالم بالاخص العالم العربي ...
اشتهر المواطن السوداني بالعلم والثقافه والامانه وكل الخصال الحميدة ...
كان تمشي المركز الصحي او الشفخانة يعالجوك ويدوك الدواء ويقول ليك تعال بكرة نشوفك بقيت كيف ...
كان فيه شركة مواصلات اسمه ابورجيلة تلف العاصمة والاطراف والطالب عندو "ابونيه" ب نص السعر ...
كان تخش الحلة تسلم من اول الشارع لحدي البيت ...
كان فطور رمضان في الشارع عشان الماشي والعابر ...
كان وكان وكان وكان و........................
نسأل الله السلامه...