منتدى أنا سوداني

مرسل: **الثلاثاء 2015.9.8 2:47 pm**

قد ساهمت المرأة بنصيب كبير من الاشعار ومن اولئك النساء الشاعرة بخيتة بت رحمة ود مصطفى تقول مادحة لأبيها:-

قوم يارجب
شدلوا على الطائع الادب
ابوى قولوا تام فى الوكت الكعب
ابوى ركازة العرب
قوم ياسرور
شدلوا فوق الغراء ام حجول
ابوى قولوا تام وفى الديوان يشور
المشايخ ترعة ابوى بحر المسور

مرسل: **الثلاثاء 2015.9.8 2:47 pm**

زينب بنت بابكر حاج المنصور فقد قالت فى احد اولاد رحمة

حرسك ياولد تركب عواتى الخيل
وتشنق كمايمك لى ضيوف الليل
يا اسياد الفى ابعدار بيتركبوه الغير
انتو كرمكم للأله ماعندكم عزيل
حرسك ياولد من عشر اجداد ملك وارباب
ونحاسات تدق وخيلا تقيف تيتاب
وفى الخلا والبحر بيتقسموا التيراب
اسألوا اهل البلد ان بقيت كضاب

مرسل: **الثلاثاء 2015.9.8 3:43 pm**

ابشر
كلام سمح بالحيل،،،

مرسل: **الثلاثاء 2015.9.8 10:05 pm**

ابشري بالخير ام اسامه

حبابك نورتي البوست

مرسل: **الثلاثاء 2015.9.8 10:08 pm**

ومن النساء الشاعرات بت عمسيب بت علان وقد مدحت احد ابناء الملك نصر الدين وذلك عندما تآمر الانجليز على ابناء الملك واخذوا يعينون على حكم بربر الاجانب قالت:

انت زينك موبى مدير
ود معزة واسما كبير
تدخل البارود الكرير
وفوق تنادل الخودات تغير
انت زينك مو بى ترك
ودمعزة وهيلوا الملك
تدخل البارود اليشك
شن تلم الصاغ والشرك

مرسل: **الثلاثاء 2015.9.8 10:10 pm**

وقد مدحت احدى النساء الارباب محمد ودحمزة ودبابكر ود الارباب فرح بقولها فيه :

امحمد يرفع المقدورة فوق الراحله
امحمد يحجز الناس ان بقت مشاخرة
موكايس شكر دايربوا يوم الآخره
امحمد يالعيال ماسوقوه الترتق
امحمد يالعيال ماشال شبيكتوا يمتق
فحل الضمر الشوفتوا وكرفتوا توتق
امحمد يالعيال قاعد لى ملاقات السناجك بجق

مرسل: **الأحد 2015.11.1 8:47 pm**

مشكووووووووووووووووووووور

مرسل: **الأربعاء 2015.12.30 6:09 pm**

منتدى أنا سوداني

نماذج من الشعر فى الميرفاب

نماذج من الشعر فى الميرفاب

رد: نماذج من الشعر فى الميرفاب

رد: نماذج من الشعر فى الميرفاب

رد: نماذج من الشعر فى الميرفاب

رد: نماذج من الشعر فى الميرفاب

رد: نماذج من الشعر فى الميرفاب

رد: نماذج من الشعر فى الميرفاب

رد: نماذج من الشعر فى الميرفاب