مسدار الزول البخيل
مرسل: الأحد 2016.5.1 5:59 pm
بسم الله الرحمن الرحيم
الزول البخيل هاكم بعض طباعو
ما بخسر قرش خدمو يوم يضراعو
وفقد القرش بزيد المو وبزيد اوجاعو
ولو زاروهو ضيوف هلكوا بعد ما جاعوا
الزول البخيل عديم شعور واحساس
وفى الطريق لو مر بضارا من الناس
لاطفالو الصغار ببخل بحق كراس
ولتفادى الضيوف ساعيلو كلب جرقاس
الزول البخيل دوام صعبا جلدة
وفقد القرش بسيلو حمى ووردة
بيتو جالوص وفى كل خريف بتهد
ومسكينة مرتو لا دولاب لا هدوم لا عدة
الزول البخيل بنسى الموت ونهاية اجلو
وفى الدنيا ام قدود يومى زائد املو
بجمع الفلوس و ما بصدق تب على اهلو
ولو سألو مسكين بغضب وبظهر زعلو
الزول البخيل لا تسيهو ليك صديق
بضطر ابيعك وما بتلقاهو ساعة الضيق
بكتلك بالمقس وبولع جواك حريق
وما بتابعو زول الا اكون شليق
الزول البخيل احذر ياخى لا تباريهو
فى جيبو عقرب وكل قرش لاميهو
وبطبعو البخيل عايزك تصرف انت عليهو
ولو يوم مرض بشحدلو قرض اتعالج بيهو
الزول البخيل هاكم بعض طباعو
ما بخسر قرش خدمو يوم يضراعو
وفقد القرش بزيد المو وبزيد اوجاعو
ولو زاروهو ضيوف هلكوا بعد ما جاعوا
الزول البخيل عديم شعور واحساس
وفى الطريق لو مر بضارا من الناس
لاطفالو الصغار ببخل بحق كراس
ولتفادى الضيوف ساعيلو كلب جرقاس
الزول البخيل دوام صعبا جلدة
وفقد القرش بسيلو حمى ووردة
بيتو جالوص وفى كل خريف بتهد
ومسكينة مرتو لا دولاب لا هدوم لا عدة
الزول البخيل بنسى الموت ونهاية اجلو
وفى الدنيا ام قدود يومى زائد املو
بجمع الفلوس و ما بصدق تب على اهلو
ولو سألو مسكين بغضب وبظهر زعلو
الزول البخيل لا تسيهو ليك صديق
بضطر ابيعك وما بتلقاهو ساعة الضيق
بكتلك بالمقس وبولع جواك حريق
وما بتابعو زول الا اكون شليق
الزول البخيل احذر ياخى لا تباريهو
فى جيبو عقرب وكل قرش لاميهو
وبطبعو البخيل عايزك تصرف انت عليهو
ولو يوم مرض بشحدلو قرض اتعالج بيهو