نجم التسجيلات
مرسل: السبت 2016.5.14 7:54 am
بسم الله الرحمن الرحيم
نجم التسجيلات
شوفونى انا لاعب كورة
ونجم سعرو مليون دولار
وزول مرطب وجد مروق
وفى البنوك قروشى كتار
ولاعب حريف وكمان مدلل
وبملك برادو بدل حمار
وسكن فاخر وكمان مكندش
خالى بعوضة عديم غبار
وقيود صارمة مفروضة حولى
ممنوع بتاتا حضور زوار
وبرنامج يومى لى محدد
نوم كتير كل النهار
ولو ادارى عائز انجح
اكون معاي عال العال
والصحيفة العائزة شهرة
لابد تجرى معاى حوار
وفى الميدان دائما منرفز
تسعين دقيقة فى شجار
ولو المدرب نادى لى
برفض بحزم اى غيار
ولو فريقنا هزايمو كترت
التحكيم شماعة لا محال
والادارى بقول لى هاردلك
فى التحكيم بنفتح نار
ولو لماتش يوم خسرت
جمهور بجيد قذف الحجار
ولو فى كورة يوم اصبت
ضرورى اسافر عبر المطار
وعند الهزيمة تلقانى ضالع
عامل مصاب فى رجلى الشمال
وبعد نهاية موسم فاشل
بكون مفكوك بدون جدال
وتبدأ الساقية تاااانى تدور
زى كديس يبحث عن فار
وعربات فارهة لى تطارد
وتبقى شمطة مريخ هلال
@من دفاترى القديمة
نجم التسجيلات
شوفونى انا لاعب كورة
ونجم سعرو مليون دولار
وزول مرطب وجد مروق
وفى البنوك قروشى كتار
ولاعب حريف وكمان مدلل
وبملك برادو بدل حمار
وسكن فاخر وكمان مكندش
خالى بعوضة عديم غبار
وقيود صارمة مفروضة حولى
ممنوع بتاتا حضور زوار
وبرنامج يومى لى محدد
نوم كتير كل النهار
ولو ادارى عائز انجح
اكون معاي عال العال
والصحيفة العائزة شهرة
لابد تجرى معاى حوار
وفى الميدان دائما منرفز
تسعين دقيقة فى شجار
ولو المدرب نادى لى
برفض بحزم اى غيار
ولو فريقنا هزايمو كترت
التحكيم شماعة لا محال
والادارى بقول لى هاردلك
فى التحكيم بنفتح نار
ولو لماتش يوم خسرت
جمهور بجيد قذف الحجار
ولو فى كورة يوم اصبت
ضرورى اسافر عبر المطار
وعند الهزيمة تلقانى ضالع
عامل مصاب فى رجلى الشمال
وبعد نهاية موسم فاشل
بكون مفكوك بدون جدال
وتبدأ الساقية تاااانى تدور
زى كديس يبحث عن فار
وعربات فارهة لى تطارد
وتبقى شمطة مريخ هلال
@من دفاترى القديمة
