منتدى أنا سوداني

مرسل: **الثلاثاء 2007.10.30 12:46 pm**

(أأأأأأأأأأأأأأي يازووووول)

دي الكان بيعرفوها زمان فقط,,, من نهاية التسعينات وبداية الألفيات

الوضع إتغيــــر

تأثير الشباب السوداني في الخارج, وخاصة في السعودية أصبح واضحاً لأبعد الحدود, وفي كل المجالات.

بداية مع الفن وأهل الفن,, رغم إنه الشاب السوداني أصبح أكثر شاب شاذ هنا من بين جميع الجنسيات الأخرى,, في أمور كثيرة بداية من لبسه تلاقي البنطلون بدايته مع الركبة,, ونهايته في الشارع,, مروراً بموضة الشعر (الخنفس) وسوارة في اليد اليمين وزيها ثلاثة في الشمال لحدي ما تصل للسلسل والحلق,,
الشاب السعودي تجده في المناسبات السودانية أكثر من الشاب السوداني بنفس مواصفات ما تم ذكره,,

ودي طبعاً حالة (قابس)خاصة بما يشاهدوه في الفيديو كليبات الغربية (الزنوج)

الغريب في الموضوع إنهم حافظين وحافظين أغاني لها وزنها يعني زي (نور العين) و (ست الودع),,
يعني حتى في الحلة بتلقاهم حايمين بسيارتهم و(سنتر الخرطوم) و(ناس الخرطوم بيتحبوه) و (طلعت كبري نزلت منه ومشيت وجيت),,

الرابطة الرياضية,, لا تقل شأناً عن سابقتها,, أصبحوا يشاركونهم في مختلف النشاطات الرياضية (الصالحية) و (أمل السودان),, حتى في فرقنا القومية متابعين ومتابعين بقوة لمشاركات المريخ والهلال الأخيرة.

في الحياة العاميـــة,, أصبحت بعض مفرداتنا اللغوية سلسة للتعامل فيما بينهم, تكون ماشي في الشارع تسمع سعودي بيقول لسعودي تاني أو أي جنسية أخرى (دقســـــــــــــت) (يارمة) (وين ياحب)

حتى في الأكل والشرب,, بذكر واحد سعودي أدمن (الويكة) تدريجياً,, لحدي ماوصلت إنه يطلبها من السودان ووصفتها ليه أم صديقه السوداني,, مشى يسويها في البيت,, أمه طردته

أما في العلاقات,, حدث ولا حرج ,, العنده علاقة مع سودانية,, والعكس تماماً العنده علاقة مع سعودية ويمنيةوغيرها...

بإختصار الشاب السعودي اليمني الفلسطيني التشادي,, إتاثروا واقتبسوا كثيراً من الطابع السوداني,,

عقبال أوربا,,,,:079:

مرسل: **الأربعاء 2007.10.31 8:03 am**

جيو

في تقديري المسالة دي بترجع لـ تاثير الشاب بالبيئة المحيطة حوله سواء كان سلبيا او ايجابيا !!

يعني الليلة ممكن يكون شاب سوداني اولاد حلتهو سعوديين اغلبهم بصلو الاوقات الخمسة ف المسجد يقوم يتاثر بدلا مما كان اصلا ما بصلي يبدا يصلي ف البيت وشوية كدا يمشب المسجد !!

وسلبيا بتكون زي الشباب البتأثر ببيئة بتاعت شباب ناس اهتماماتهم تانية غير !!

ببقي هنا في انك تقوم تسيطر علي اتجاهك ما بقصد انك تمشي عكس الجو الانت موجود فيهو بس ممكن تعمل موازنة يعني !!

وهي ما برة السودان بس هنا ف السودان في برضو في يعني اسي ف شباب ف السودان بلبسو برمودات وبناطلين لفنانين غربيين !!

بس ف السودان بقي بعيدا عن عادتنا وشنو وشنو الاجرءات دي ممكن اقول انه الشاب اصبح بيشكل ثقافته وشخصيته بالطريقة التي يحبها ويهواها.

انا شخصيا عادي عندي يا عمك ويا قريبك والجاحة دي جامدة وكدا يعني (راندوق ) بس دا من ثقافتنا برانا ما جيبتو من بره (في البتلقاو راسم في يدو وشم زي فيفتي سينت )!!

المهم ف النهاية الاقتباسات دي من البيئة عاوز اقول !!

في الحياة العاميـــة,, أصبحت بعض مفرداتنا اللغوية سلسة للتعامل فيما بينهم, تكون ماشي في الشارع تسمع سعودي بيقول لسعودي تاني أو أي جنسية أخرى (دقســـــــــــــت) (يارمة) (وين ياحب)

حتى في الأكل والشرب,, بذكر واحد سعودي أدمن (الويكة) تدريجياً,, لحدي ماوصلت إنه يطلبها من السودان ووصفتها ليه أم صديقه السوداني,, مشى يسويها في البيت,, أمه طردته

السوداني ممكن ياثر ف اي زول كويس اننا نجبرهم يقتبسو مننا من نقتبس منهم !

زكرتني نكتة عمك الجابو لولدو الخواجي يعلمه الانجليزي بعد شوية طلع الخواجي يتكلم عربي ،،

صباح الخير يا عمك

،،

مرسل: **الأربعاء 2007.10.31 10:37 am**

صباح الخير يا أصلي,,,

يا قريبك الحكاية لة تأثير سلبي أو إيجابي معليش,,, المشكلة كلها سلبي,, كلهم بقوا واحد,, زي لعيبة الفريق,,

كن بخير يا عمك,,

مرسل: **الأربعاء 2007.10.31 2:57 pm**

العزيز الجيو
اولا مشاتاااااقين وكدة
ثانيا الموضوع محتاج وزنة راس وكلام قدر حجمه
برجع ليك وقت الروقة
لانو في رائ
الموضوع بثير قضية مهمة
راجعين

مرسل: **الخميس 2007.11.1 2:53 am**

اولا/ مشتاقيييييييييييين موت يا ناس المنتدى

والله القرايه شغلتنا لكن:
نحن قوم لا تهزنا الجبال العواتي

فكيف بورقه كتب عليها اجب عن السؤال الاتي؟؟؟

ههههههههههههههههههههههههههه

شكرا يا ابراهيم على اثارتك للموضوع الاكتر من مهم وبصراحه انا برضو كنت داير اكتب بوست حول نفس الموضوع

المهم :
الشباب السوداني في السعوديه عموما وفي الرياض خصوصا بقى اخس واحقر شباب
يا حبايبنا الشفع صغار ناس اولى ثنوي وتالته متوسط بقو يسكرو

وفي الحفلات يعجبوك اللبس كيف والحلاقات كيف والسلاسل
حاجات مبالغه تحلف تقول انت في شيكاغو

في الفصل الانا فيو كيس الصعود لافي بالدور وبتشاكلو فيو

زمان الشرطي مما يشوفك سوداني بقول ليك اتفضل
الان اول واحد بوقفوه

لنا عوده.....

مرسل: **الخميس 2007.11.1 12:45 pm**

صباحتو ...... الجيو .... رجعت
هادخل في حتة اثرتها في موضوعك ..... وجعت قلبي
حلو الناس تتاثر بينا
وتتاثر بثقافتنا ومفاهيمنا وتراثنا الجميل
الما حلو
تاثرنا بغيرناسلبا وتاثر الغير بتاثرنا
انا في اعتقادي
السودانيين في السعودية بالذات
الشباب
واقعين في ظروف محيرة
بلد يعتبر قبلة المسلمين
ترتكب فيه اشياء من قبل المواطنيين والوافدين الزينا
ابعد ما تكون عن الاسلام
وابعد حتي ما تكون عن الانسانية

السوداني
بقت ثقافته سعودية غربية مع حبة لطشة سودانية
والبيكون ماشي البلد ديك جديد
طوالي بيدخل في الجو عشان ما يعتبر سخرية
ولانو السودانيين بقي عددهم في السعودية اكثر زاتو من السعوديين
طبيعي التاثير يظهر
بس الما طبيعي
الزول ينسلخ من دينه ..... بلده .... اخلاقه
ويبقي مهزلة
ويتحسب علينا
سوداني
الموضوع دا فاقع مرارتي بجيك فيه تاني

مرسل: **السبت 2007.11.3 12:40 pm**

[quote="mr.zoool"]اولا/ مشتاقيييييييييييين موت يا ناس المنتدى

والله القرايه شغلتنا لكن:
نحن قوم لا تهزنا الجبال العواتي

فكيف بورقه كتب عليها اجب عن السؤال الاتي؟؟؟

ههههههههههههههههههههههههههه

شكرا يا ابراهيم على اثارتك للموضوع الاكتر من مهم وبصراحه انا برضو كنت داير اكتب بوست حول نفس الموضوع

المهم :
الشباب السوداني في السعوديه عموما وفي الرياض خصوصا بقى اخس واحقر شباب
يا حبايبنا الشفع صغار ناس اولى ثنوي وتالته متوسط بقو يسكرو

وفي الحفلات يعجبوك اللبس كيف والحلاقات كيف والسلاسل
حاجات مبالغه تحلف تقول انت في شيكاغو

في الفصل الانا فيو كيس الصعود لافي بالدور وبتشاكلو فيو

زمان الشرطي مما يشوفك سوداني بقول ليك اتفضل
الان اول واحد بوقفوه

لنا عوده.....[/quote]

العزيز مسترزول..

فعلاً الأمور ساءت لحد لا يعلمه إلا الله,,,, وتأثيرنا بالغير وسمعتنا زي ما زكرت تحولت من الإيجابي للسلبي,,

أما بالنسبة للصعود وبقية المنشطات الأخرى فقد ساءت وإنتشرت بكمية خيالية لأبعد الحدود,,

وسكر الشباب الصغار في السن, هو الدافع الأساسي لي لكتابة هذا الموضوع, بذكر يوم الخميس كنت مع الوالدة وقررنا نطلع حديقة كلها سودانين بعد ما ظهجنا في البيت برانا:D ,, في الحديقة كل مجموعة مع بعض في لمات أسرية وصديقية جميلة جداً, وهنا مجموعة شباب بيلعبوا وهناك بنات بيضحكو,, ورانا مباشرة جو قعدوا كمية من الأطفال معاهم مسكر ودخان, وبعد ما عرفوني قاموا طوالي من جنبنا مشوا قعدوا في العربية,,,

ربك يستر,,,

مرسل: **السبت 2007.11.3 12:44 pm**

[quote="سودانية نار"] صباحتو ...... الجيو .... رجعت
هادخل في حتة اثرتها في موضوعك ..... وجعت قلبي
حلو الناس تتاثر بينا
وتتاثر بثقافتنا ومفاهيمنا وتراثنا الجميل
الما حلو
تاثرنا بغيرناسلبا وتاثر الغير بتاثرنا
انا في اعتقادي
السودانيين في السعودية بالذات
الشباب
واقعين في ظروف محيرة
بلد يعتبر قبلة المسلمين
ترتكب فيه اشياء من قبل المواطنيين والوافدين الزينا
ابعد ما تكون عن الاسلام
وابعد حتي ما تكون عن الانسانية

السوداني
بقت ثقافته سعودية غربية مع حبة لطشة سودانية
والبيكون ماشي البلد ديك جديد
طوالي بيدخل في الجو عشان ما يعتبر سخرية
ولانو السودانيين بقي عددهم في السعودية اكثر زاتو من السعوديين
طبيعي التاثير يظهر
بس الما طبيعي
الزول ينسلخ من دينه ..... بلده .... اخلاقه
ويبقي مهزلة
ويتحسب علينا
سوداني
الموضوع دا فاقع مرارتي بجيك فيه تاني
[/quote]

الرائعة,, دوماً دوماً دوماً سودانية ناااار,,,

مرارتك لو أنفعت حتأثر في صحتك,, محتاجينك والله,,,

التأثير فات حده,, وبقى بصورة سيئة جداً في جميع النواحي,,

ومن جميع النواحي مر علي الكثير منها,,, وأثرني الكثير والكثير منها,,,

وبيبقى دور الراعي في الأول والأخير مهم جداً,,,

كوني بود,,

مرسل: **السبت 2007.11.3 1:10 pm**

إبراهيم الجيو كتب:

الوضع إتغيــــر

أما في العلاقات,, حدث ولا حرج ,, العنده علاقة مع سودانية,, والعكس تماماً العنده علاقة مع سعودية ويمنيةوغيرها...

mr.zoool كتب:

المهم :
الشباب السوداني في السعوديه عموما وفي الرياض خصوصا بقى اخس واحقر شباب
يا حبايبنا الشفع صغار ناس اولى ثنوي وتالته متوسط بقو يسكرو

وفي الحفلات يعجبوك اللبس كيف والحلاقات كيف والسلاسل
حاجات مبالغه تحلف تقول انت في شيكاغو

في الفصل الانا فيو كيس الصعود لافي بالدور وبتشاكلو فيو

لنا عوده.....

إبراهيم الجيو كتب:

أما بالنسبة للصعود وبقية المنشطات الأخرى فقد ساءت وإنتشرت بكمية خيالية لأبعد الحدود,,

وسكر الشباب الصغار في السن, هو الدافع الأساسي لي لكتابة هذا الموضوع,

ربك يستر,,,

العزيز ابراهيم الجيو .....

ليك التحية وانت تثير دوما مواضيع رائعة ....

قراءت الموضوع أكثر من مرة .... مرات كثيرة ....

كثيرة شديد.....

...

...

بصراحة ......

حسيت اني عايشة في مكان مختلف .....

يمكن صدمة

..

يمكن ؟؟؟؟

أنا عارفة ان السودانين كغيرهم فيهم الكويس وفيهم ال.....

انما .....

تصل لكده ...

..

..

يبقى الخلل أكبر من أمكانية علاجه ...

..

مرسل: **الأحد 2007.11.4 5:19 pm**

الرائع ( صاحب البوست )
الأخوة الأفاضل ( أصحاب الآراء النيرة )

سلام الله عليكم ,,,

حقيقة ملموسه وباينة لكل من شأت به الظروف وخرج من سوداننا الحبيب قاصدا لبلد شمال افريقي أو دول الخليج ,, أن يلاحظ الفرق بين من تركهم خلفه ومن يراهم امامه
وحسب رأي الشاب السوداني أكثر وأسرع من يندمج مع البيئة والمكان الذي يتواجد فيه

مثلا في مصر ( طلاب الجامعات ) الوافدين من السعودية اغلبهم عبارة عن شكل مسخ للشباب السودانين
شكلهم أفريقي وملبسهم أمريكي وكلامهم سعودي ,, والطامة الكبرى (يتطبعون باساليب اصحاب البلد )
اليكم قصة كنموزج ( احد الشباب ) ود قبائل كمان ( ممشط شعره زي البنات ,, والسلسل في رقبته زي جنازير المساجين , وكل يد بها ثلاثة خواتم ووووو ,, برنامجه اليومي يبدأ بعد المغرب ,, طبعا النهار كله نايم ,, ديسكو وكابريهات خمر وعاهرات ,, يتفاخر بما يفعل ,, كل هذا وأباه لا يعلم ,, ويشقي كي يوفر له المصاريف والرسوم الدراسية ,, وأبنه في عالم آخر ,, وعندما يحين وقت الاجازة يقص شعره ويبدل ثيابه وكأنه انسان آخر ) اعتقد أن المعنى وصلكم

رأي كل هذا يحدث لغياب القدوة الحسنة
وفهم الحرية بشكل خاطئ

مرسل: **الجمعة 2007.11.23 3:47 am**

الله يكون فى عونا

منتدى أنا سوداني

الشاب السوداني بالخارج (قابس مقتبس)

الشاب السوداني بالخارج (قابس مقتبس)

رد: الشاب السوداني بالخارج (قابس مقتبس)

رد: الشاب السوداني بالخارج (قابس مقتبس)

رد: الشاب السوداني بالخارج (قابس مقتبس)

رد: الشاب السوداني بالخارج (قابس مقتبس)

رد: الشاب السوداني بالخارج (قابس مقتبس)

رد: الشاب السوداني بالخارج (قابس مقتبس)

رد: الشاب السوداني بالخارج (قابس مقتبس)

رد: الشاب السوداني بالخارج (قابس مقتبس)

رد: الشاب السوداني بالخارج (قابس مقتبس)

رد: الشاب السوداني بالخارج (قابس مقتبس)