جلسه خاصه ... مع لبيب ....

[مها]

بسم الله الرحمن الرحيم
.
جلسه رائعه مع عضو من انا سودانى يعرفه الناس باسم ( لبيب )
اليوم ... نضع بين ايديكم الوجه الاخر لاخونا لبيب
...
بدا... اقول...
على وعد القوافي مداك
مدوزن شوق وغنوة ريد

نتعرف على شاعرنا

ابوبكر عبدالقادر عبدالله عبدالقادر
الجزيرة قرية ودالترابي

مواليد 1982م
خريج بكلاريوس تقنية المعلومات الادارية
الكلية الاردنية السودانية

[مها]

*

اول ظهور اعلامي نجوم الغد 2006
* المرحلة التانية من برنامج سحر القوافي في أول مشاركة
* حلقات اذاعية في اذاعات اف ام (الاقتصادية - الطبية - الاذاعة القومية - اذاعة ساهرون - اذاعة الصحة والحياة - اذاعة القوات المسلحة)
* برنامج شوارد تلفزيون السودان
*برنامج سباق المبدعن قناة الشروق

[مها]

سفر الحروف


****
وبكتب في مسارب روحي
مرحب بيك في دنياي
ومرحب بالبجوني معاك
حرفين ريدة
واحساساً يخلي الزول يساسق
بين مدى الرؤية
وصدى الذكرى القبيل كانت
حروف سطرت بيها غناي
********
وادوزن ليك ديوان قلبي
بى ريحة دعاش النيل
اوسر عنقريب الشوق
اوسرو بى حبال نبض الحنين جواي
واجيبو معاي ونتونس...
نجيب سيرة قطار احساسك الحرفين
وكت عبر المواني الشاربة
من عطش السواقي خريف
وفيني غشا الوداعة رواك .....
ونطرا وكت تجينا النسمة
تضحك وردة الأحلام
ونحن وسط جروف مليانة
بى خاطر خيال مليان
ينقط بالأمل تريان ....
وكيف كانت
بحور احساسك الحرفين
وسط رملة صحاري المستحيل
مدفونة كايسة نفس
عشان تطلع تفيض امواج .....
وكيف اصبح حلمنا حقيقة في أرض الخيال واقع ....
نلم وتر الفرح للناس
نوريهم شذى الإحساس
نوريهم فرايض الريد
= يكون صاحب هواك انت
= يكون انسان عيونك شوف
=يكون ليك اغلى من الماس
=تكون اللهفة بيناتكم سحاب
مشتاق يقالد وردة في بستان
= ويكون الحب حروف من غير كتابة
يكون جواب يكفيك من العنوان

[مهاجر في البلد]

الاخت الرائعة مها

شكرا لك على هذا التوثيق الجميل عبر جلسة جميلة مليئة بكل الابداع

الاخ والصديق العزيز لبيب شخص تتحدث عنه صفاته وتنبئك عنه حروفه المرتوية مسكا وطيبا
في موطنه شخصية محبوبة للجميع فقد سمعنا عنه كل ماهو طيب وهو فتى يضج بالنشاط والحيوية
متواصل مع الاهل والارحام وهو من اسرة ارتسمت على ملامحها التقوى وجمال الاخلاق وحسنها

باختصار وغير مبالغة ودون تزكية له
لبيب انسان بكل ما تحمل هذه العبارة من اطيب واروع واصدق المعاني

[العمرابى]

يلا نسمع الكلام الماقالو لسان بشر
تحياتى مها وعبرك للبيب

[مها]

الاخت الرائعة مها

شكرا لك على هذا التوثيق الجميل عبر جلسة جميلة مليئة بكل الابداع

الاخ والصديق العزيز لبيب شخص تتحدث عنه صفاته وتنبئك عنه حروفه المرتوية مسكا وطيبا
في موطنه شخصية محبوبة للجميع فقد سمعنا عنه كل ماهو طيب وهو فتى يضج بالنشاط والحيوية
متواصل مع الاهل والارحام وهو من اسرة ارتسمت على ملامحها التقوى وجمال الاخلاق وحسنها

باختصار وغير مبالغة ودون تزكية له
لبيب انسان بكل ما تحمل هذه العبارة من اطيب واروع واصدق المعاني

دائما نعجز في وصف كلمات الشكر خصوصاً

للأرواح التي تمضي خلال الأيام والتي تتصف بالعطاء بلا حدود

ودائماً كلمات الشكر تكون في غاية الصعوبة عند صياغتها

لك الشكر اجزله وانت تتحدث عن اخ وصديق ... و (ود حلتكم )
اكيد هنالك جوانب كثيره انت اعلم بها منا
سعيده جدا بتواجدك هنا

[مها]

يلا نسمع الكلام الماقالو لسان بشر
تحياتى مها وعبرك للبيب

لك الشكر العمرابى
نورت الصفحه

..
.. من كلمات الشاعر ابوبكر
...
بلقاك في غيمة الفرح
لمن تكب جواي نيل
وتجيني منك
نسمة الحب العليل
يا إنت خليني احتمال
بين البشاشة
وبين صباباتك أسيل

[بت السرف]

ابـــــــــــــــــــــــــــــــــــــــداع ..

حد الدهشة

سلمت اياديك يامها

[لبيب]

الأستاذة الأديبة والأخت الغالية مها

حقيقة تخجلون تواضعي بكلماتكم الضافية في حقي والتي ارجو أن تكون بقدر روعتها المنسابة عبركم
تحية لكم وعبركم إلى كل أعضاء المنتدى ومرحب بيكم
وحبابكم قدر ماتشتهوا ....

[لبيب]

الاخت الرائعة مها شكرا لك على هذا التوثيق الجميل عبر جلسة جميلة مليئة بكل الابداع الاخ والصديق العزيز لبيب شخص تتحدث عنه صفاته وتنبئك عنه حروفه المرتوية مسكا وطيبا في موطنه شخصية محبوبة للجميع فقد سمعنا عنه كل ماهو طيب وهو فتى يضج بالنشاط والحيوية متواصل مع الاهل والارحام وهو من اسرة ارتسمت على ملامحها التقوى وجمال الاخلاق وحسنها باختصار وغير مبالغة ودون تزكية له لبيب انسان بكل ما تحمل هذه العبارة من اطيب واروع واصدق المعاني

الغالي دوماً مهاجر في البلد لك التحية والتقدير وأنت تتمدد في دواخلنا بشاشة و سماحة وأريحية آسرة إلى حد الروعة أخي وجاري العزيز تعرفت عليك ولكنني أكتشف فيك مع مرور الوقت مايذهل السحر ذاته من طيبة وحسن معشر وتواضع جم وخلق وذوق راقي يسلبك من أول وهلة في تعاملك معه. عذراً إذا عجزت وعجزت حروفي إيفاؤك حقك لأنك فينا أكبر من ذلك .

[لبيب]

يلا نسمع الكلام الماقالو لسان بشر تحياتى مها وعبرك للبيب

العمرابي مرحب بيك

وتحت أمرك بس انت أسأل وانا بجاوب طوالي

[لبيب]

ابـــــــــــــــــــــــــــــــــــــــداع ..

حد الدهشة

سلمت اياديك يامها

ومرور رائع حد السحر
بت السرف

[لبيب]

[align=center]أول قصيدة اكتبها

الفرح المهاجر

يانسمة الفرح المهاجر
في خريف عمري وربيعو
ياسحابة تمني عمرنا
بالمحنة وبى نغم احلى المشاعر
..................
أصلي قاصدك تبقي بلسم
لى عواطفي ولى شقاي
ولى جراح عمري المسافر
قاصدك انت تعوضيني
عن أنين قلبي وسهادو
شارد النوم من عيوني
وبى خيالك
ديمة طول الليل مساهر
................
إنت ياسحر الأماني
ياجمال الدنيا فيك
نظمت ليك اجمل خواطر
عندك ابتدت المحنّة
وياسلام لو تبقى جنة
نطرد الخوف من حياتنا
ننسى آهانتا وشقانا
ونبقى في عش السعادة
وفي رحاب الشوق نسافر
..................
شوفي كيف دنيانا جنة
فيها من أحلى المناظر
فيها عصفور المحنّة
غرد الألحان
وطافت بينا آمالنا الجميلة
وفي خيال العمر كنا
وجينا نشرب
من رحيق الحب وننهل
وفي نسايم الليل نساهر[/align][/size]

[امال الناس]

حقيقة رائعة

زي روعتك يا لبيب


ربنا يحفظك وتزيدنا


من ابداعاتك الجميلة

[The Sniper]

لبيب , الانسان الرائع
تحية لكـ و انت تُزين المنتدى بحروفك الانيقة

مودتي ...

[waya]

الرائع " لبيب "
رجل لم يغلق قلمه في حيز مواضيعه وإنما يكتب أينما حل وشعر ووجد الإلهام
لذا يستحق التوثيق لإبداعاته المتناثرة في أرجاء المنتدى


تشكراتي لكم ,,,
ومتابعين ,,

[لبيب]

حقيقة رائعة

زي روعتك يا لبيب


ربنا يحفظك وتزيدنا


من ابداعاتك الجميلة

أستاذة آمال الناس
الروعة في مرورك الأنيق دا والله
وحبابك البيت بيتك

[العمرابى]

[align=center]أول قصيدة اكتبها

الفرح المهاجر

يانسمة الفرح المهاجر
في خريف عمري وربيعو
ياسحابة تمني عمرنا
بالمحنة وبى نغم احلى المشاعر
..................
أصلي قاصدك تبقي بلسم
لى عواطفي ولى شقاي
ولى جراح عمري المسافر
قاصدك انت تعوضيني
عن أنين قلبي وسهادو
شارد النوم من عيوني
وبى خيالك
ديمة طول الليل مساهر
................
إنت ياسحر الأماني
ياجمال الدنيا فيك
نظمت ليك اجمل خواطر
عندك ابتدت المحنّة
وياسلام لو تبقى جنة
نطرد الخوف من حياتنا
ننسى آهانتا وشقانا
ونبقى في عش السعادة
وفي رحاب الشوق نسافر
..................
شوفي كيف دنيانا جنة
فيها من أحلى المناظر
فيها عصفور المحنّة
غرد الألحان
وطافت بينا آمالنا الجميلة
وفي خيال العمر كنا
وجينا نشرب
من رحيق الحب وننهل
وفي نسايم الليل نساهر[/align][/size]

الروعة تكمن من هنا

بغنــــى عليهـــــــــا تــومتـــى السمحـــه 16 ربيــع عـُمـــرَا
وعيونـــا الفـــى ودِيهـــا ســارحِــى نـازل للصبــــاح مَطـــرا
عــالى صِـِديــرا ضـامِـر هــافــا مـا إتكـرّبْ الحِــزام ضـَمــرا
ســادِل دِيســـــا هـــادل أكتـــــــافــا غطــاهــا وغمـــر ضهــــرا
وحـَّـدّ مــا قـلدنهـــا غيـــرا مــا نالـــن جَمـــــــال شـَعــــــــرا

[لبيب]

الروعة تكمن من هنا

بغنــــى عليهـــــــــا تــومتـــى السمحـــه 16 ربيــع عـُمـــرَا
وعيونـــا الفـــى ودِيهـــا ســارحِــى نـازل للصبــــاح مَطـــرا
عــالى صِـِديــرا ضـامِـر هــافــا مـا إتكـرّبْ الحِــزام ضـَمــرا
ســادِل دِيســـــا هـــادل أكتـــــــافــا غطــاهــا وغمـــر ضهــــرا
وحـَّـدّ مــا قـلدنهـــا غيـــرا مــا نالـــن جَمـــــــال شـَعــــــــرا

أستاذ عمرابي
الروعة في مرورك الراقي وحقيقة متابعتكم شرفتني والله
البيت بيتك

[صلاح محجوب عبداللطيف]

إبننا لبيب سرق إنتبهنا بمواضيعه ومشاركاته
وغير كدة بأحترامه فى التعامل مع الجميع عضو مش عادى لانه
يتميز بالدقة والموضوعية عضو نحمل له كل حب وكل إحترام
عضو تعرفه بدون أن تنظر اليه فهو عضو ممتاذ ومازال مبدعا
نكن له وافر التقدير وعميق الإحترام وهو يستاهل كل خير
والشكر موصول لبنتنا المبدعه مها
وبصراحه كده أنتم الأثنين أحلا من بعض