حكايات من داخلية البنات

[القطرة الاخيرة]

[align=center]بيقولوا الحياة مدرسة, وكل يوم بنتعلم منها اكتر واكتر , يعني لو عشت فيها 100 سنه اكيد ماحتكون
اتعلمت كل شي.......
بس في مجتمع او عالم الداخلية حتدخل مدرسة الحياة وفي ظرف ايام قليلة ممكن تتخرج منها بدرجة امتياز
لان كل تجارب الحياة وكتبها التعليمية والاستاذة موجودين في هذا المجتمع,ا
لداخلية عبارة عن مجتمع او عالم مدهش
اكيد في ناس من العنوان حيقولوا يعني حتحكي عن شنو كل الحتحكيه عن الفجور البيحصل من بنات الداخلية,
ودا طبعا التفكير الشائع في كل السودان لا اعتقد بس في العاصمه يعني الخرطوم, الواحد من يسمع فلانه قاعده في داخلية بتدور في راسو الف فكره عنها..
بس كمان زي مابيقولوا لاتحكم علي الكتاب من غلافه ولا حكم الا بعد التجربة.
الحكايات الانا حاكيها انا عشتها بنفسي وانا وحده من البطلات العاشو كل الحكايات الحتقروها وحتعيشوها معانا
وطبعا تشجعت وصحباتي شجعوني اني اكتب كل لحظه مرت بينا سواء كانت حلوة او مره لحظات سعادة وفرح
ومرح ولحظات حزن والمغامرات العشناها
ولحظات ماقدرت ادي ليها اي وصف .
بس قبل كل شي ياريت اني القي منكم التشجيع اوالنقد سواء اكان نقد سلبي او ايجابي.[/align][/i][/b]

[The Sniper]

اولا مرحب بيك اختي في المنتدى و ان شاء الله اقامة طيبة ليك وسط اخوانك

وفي انتظار مداد اقلامك و بدء مشوار القصة ...

[ناجي عثمان عبد الرازق]

[align=center] مرحب بيك ومرحب بنبض قلمك ، أهلا وسهلا بك في المنتدى
[align=center]
[/align][/size][/align]

[بت السرف]

هلا بيك نورتى ..

يللا فى انتظار بوح قلمك ..

[القطرة الاخيرة]

[justify]تسلمو ع المرور وانشاءالله اليوم حيكون اول جزء من الحكايات[/justify]

[القطرة الاخيرة]

[justify]*تنويه
جميع الاسماء وهمية ولكن طبعا القصص حقيقيه
ابطال القصة:

* تالا 21 سنة من احدي مدن السودان ومن اسرة متوسطة الدخل لو اي حد شاف شكلها الخارجي او طريقة لبسها او طريقة كلامها بيقول البت دي مش شهادة عربية دي من شهادة لندن اكتر وحده طموحه ومرحه بس حساسه حبتين.

*سيمو بالرغم من ان عمرها 24 بس بيبان شكليا ان عمرها 17 سنة برضو من احدي مدن السودان وفيها جمال سبحان الخالق المعبود بتحب اي شي اذا عينها وقعت عليه لازم يكون ليها وعيبها انها بت ملوله وكمان هي من اسرة متوسطة الدخل.

*فلة 23 سنة هي من العاصمه او البندر واسرتها مقيمه في العاصمه ومع ذلك سكنت داخليه عشان..............
وبرضو من اسرة متوسطه الدخل وكل مشكلتها في الحياة عدم الثقه حتي في نفسها ودا عشان لما زمان......ماتستعجلوا كلو في وقتو حلو .


* جوري 20 سنة من بنات الشهادة العربية اذا شفتها بتديك احساس براءة الاطفال وكمان اول ماتشوفها بتحبها وبتدخل جواك طوااااااااااااااااااااااااااااااااااااااااااااااااااالي ....بس عيبها انها غيورة حبتين ومن اسرة متوسطة الدخل.
[/justify]

[القطرة الاخيرة]

الجزء الاول

[justify]تالا:[/justify]

في اثناء وجودها بالجامعه
تتلقي الخبر من امها عبر الموبايل طبعا عشان هي ماموجوده معاهم هم في ولاية وهي في البندر.
ام تالا: الو تلوية كيفك
تالا: بخير ياماما انتو كيفكم
ام تالا: والله نحنا بخير بس شوفي يابت انا فكرت في موضوع انك تكوني في داخلية عشان راحتك وعشان خالك
البقي مابيريحني دا كل يوم بيتصل ويقول البت اتاخرت دي مامواعيد تجي فيها بت تكون لغاية الوقت دا بره البيت دا....

تالامقاطعه امها : بس ياماما انا المغرب لما يأذن انا بكون في البيت وبعمل المستحيل عشان اصل البيت قبل المغرب عشان ماينق فيني ويكورك فيني وانتي عارفه محاضراتي بتنتهي متأخر ومسافة السكة في البلد دي المفترض اصل وش الصبح مش اصل المغرب وبعدين هو عارف انو بيتو في اخر الدنيا بس بعد دا كلو بيكورك والله بعدا الا يشوف لي هليكوبتر عشان اصل ليه في الموعد المحدد

ام تالا: عارفه يابتي والله عارفه ومصدقاك وعشان الكل يرتاح وانتي بالذات ترتاحي من تعب المشاوير دي انا كلمت ابوكي بموضوع الداخليه وقدرت اقنعوا وفي النهاية قال انا زاتي والله بدور علي مصلحة بتي وراحتها بس انتي عارفه كدا الميزانية حتخرب وم...

تالا: يعني ياماما مافي طريقة خااااااالص

ام تالا: اصبري خليني اتم ليكي الكلام هو ابوكي وافق وقال ممكن هي تمشي تقعد في الداخليه العامه ودي القروش البتدفع ليها ماتسوي بس انا اعجبك قلت ليه انت خالص ماتفكر في الموضوع دا وحلو عندي لانو انت عارف بتك مستحيل تسكن في الداخليه العامه وانا طبعا حاقدر ادبر ليها حق الداخليه الخاصة بس كمان شوفي تقومي تشوفي داخليه خاصة علي قدر القروش العندي ياتلويه
تالا: بس كده والله اخييييييييييييييييرا حارتاح من كلام خالي الكتير وكمان معدلي التراكمي حيرتفع
ام تالا : كيف يعني
تالا: والله ياماما انتي عارفه بيت خالو كان بعيد ومسافة ماارجع من الجامعه بكون تعبت وحيلي مهدود وبرقد انوم طوالي ومابصحي الا بكرا ومابيكون عندي طريقة عشان اذاكر الا الاجازه البدونا ليها قبل الامتحانات وعشان حاقعد في الداخليه اكيد حالقي طريقة للمذاكرة لاني حاختار داخلية تكون قريبة للجامعه وبكدا ممكن ارجع بدري ويكون عندي وقت اذاكر فيه.

ام تالا: خلاص ياتلويه رصيدي شكلو زاتو حيقطع بس ماتنسي بكرا تروحي تسألي
تالا : حاضر ياماما وماتنسي بوسي لي حمودي حبيب اختو
ام تالا: طيب و......وانقطع الخط(الرصيد خلص)

سيمو:-

وهي تجلس امام التلفاز في منزل اسرتها
اووووووووووف ياربي عطالة وملل بعدا حيكونوا ملازمني لمتين انا حاسه انو لو قعدت يومين زيادة في البيت
حاموت ...برنامج مافي بعد ما خلصت الخدمة اصحي الصباح انضف البيت واشوف التي في وانوم عرس ومافي يايمه كل البنات الفي الفريق عرسوا الا انا رجعت بالشهادة وقعدت في البيت لا عرس ولا شغل و.....فجأة سمعت ابوها بيناديها يابت ياسيمو
سيمو: اااااي ياابوي

ابو سيمو: تعالي عايزك

ابو سيمو: تعالي يابتي عمو كمال دايرك في التلفون

سيمو: الو ياعمو كمال انشاءالله تكون بخير

عمو كمال :تمام الحمدلله يابتي انا طبعا ابوكي كان كلمني وقال لي انتي اتخرجتي وبتقضي في الخدمه وتقريبا اسي انتهيتي منها صاح

سيمو: ايوا ياعمو انتهيت وجيت للعطاله

عمو كمال: عطالة شنو يابتي انشاءالله مافي شي من دا يحصل وعشان كدا انا اتصلت عليكي في موضوع شغل

سيمو: شغل (فرجت)
عمو كمال : ايوا شغل عندي صحبي في الخرطوم وقال حيفتح ليه معمل وكل شي جاهز بس ماعندهم محضر
سيمو:محضر يعني انا ياعمو اشتغل محضر

عمو كمال: والله يابتي قال بس ناقص محضر وانا قلت احسن اقول ليكي يمكن توافقي
سيمو: بس ياعمو انا اتخرجت تقني

عمو كمال: والله يابتي انا عارف انها صعبه عليكي بس قلت اهو اكلمك ومافي زول غيرك اكلمو

سيمو: خلاص ياعمو يحصل خير

عمو كمال: ماتنسي تديني خبر يومين بالكتير

سيمو: طيب ياعمو يلا مع السلامه

سيمو: ااااااااااااااااااااه انا بعد تعبي كل السنين دي في الجامعه اجي اشتغل محضر

ام سيمو: ومالو يابتي قولي الحمدلله اهو جا من عندو الفرج

ابو سيمو: شوفي يابتي انتي قولي بسم الله واشتغلي وانشاءالله يفرجا عليكي باحسن من كدا

سيمو: والله علي رايك ياابوي يمكن تفرج باحسن من كدا بس هو كمان ماقال لي حاخد مرتب كم

ابو سيمو: انتي عارفه يابتي انك حتشتغلي في قطاع خاص يعني اكيد حيدوكي حاجه سمحه

سيمو: ابوي انت ناسي اني حاحتاج لمصاريف سكن ومصاريف شخصية يعني لازم المرتب يكون مناسب

ابوسيمو: عمك كمال قال حيدوكي حاجه سمحه ماتخافي من الناحية دي
بس انتي فكري واديه الخبر

سمو: والله يابوي شكلي خلاص فكرت وبكرا الصباح بديه الخبر

ابوسيمو: الحمدلله يابتي ربنا يوفقك

اليوم التالي
سيمو تتصل بعمو كمال

سيمو: الو عمو ازيك معاك سيمو

عمو كمال: والله الحمدلله يابتي دا رقمك ولا شنو

سيمو: ااي ياعمو طبعا انا فكرت في الموضوع وخلاص وافقت بيه

عمو كمال: ابشري يابتي والف مبروك مقدما

سيمو : وهو الشغل حيبدا متين يعني

عمو كمال: والله يابتي علي حسب كلامو بعد اسبوعين

سيمو: معناه انا كمان لازم اظبط اموري واشوف لي سكن

عمو كمال: معقوله يابتي تفتشي ليكي سكن وبيت عمك مفتوح ليكي

سيمو: والله ياعمو عارفه انو بيتك هو بيتنا بس انت عارف انا خلاص اخدت علي جو الداخليات وكل مراحل الجامعه كنت في داخليه كمان جزء من الخدمة قضيتو وانا في داخليه يعني ماتشيل هم من الناحية دي
عمو كمال: خلاص يابتي شوفي البيريحك ولو مالقيتي داخليه ماتنسي انو بيتي مفتوح ليك

سيمو لمدة ثانية سرحت مع نفسها(والله ياعمو لو مابيتك ضيق وحتي انت واولادك ماشايلكم كنت جيت قعدت معاكم)

عمو كمال: الو الو الو وينك ياسيمو وين رحتي

سيمو : اااي معاك ياعمو خلاص انتي كلم صحبك وانا انشاءالله بجهز كل اموري

عمو كمال: خلاص يابتي يلا مع السلامه وسلمي علي ناس البيت

سيمو: انشاءالله ياعمو يلا سلام
وقررت سيمو تتصل علي وحده من صحباتها العندهم معرفه بداخليات الخرطوم

* (سيمو درست الجامعة باحدي ولايات السودان بس طبعا جزء من الخدمة قضتا في الخرطوم)

[القطرة الاخيرة]

فلة

يرن الموبايل

فلة: مصطفي والله مشتاقه لصوتك يوم كامل ماتتصل علي ليه يعني انت ناسي انو انا مرتك

مصطفي :الو الو ماسامعك كدي زحي من الجوطه الانتي فيها دي

فلة : معليش (كللمة دايما بتقولها لما تتنرفز في مصطفي وهو يعمل فيها ماسمعا ) اها كيفك وكيف صحتك وامورك

مصطفي: والله الحمدلله كلو تمام بس ناقصني حاجه وحده
فلة: ياروحي انا

مصطفي: وبعدين وين انتي الجوطه دي وين

فلة: انا في الجامعه انت نسيت انو انا قلت ليك انو اليوم النتيجه

مصطفي: اها وطلعت ولا لا

فلة : والله صدق كل يوم يقولوا لينا بعد بكرا اسي الطلبه كلهم جايطين بسبة تاخير النتيجه

مصطفي: ياستي انشاءالله ناجحه وكمان متفوقه

فلة: امييييييييييييين يارب يسمع منك حبيبي بس تعال انت مالو صوتك متغير

مصطفي: والله انا خلاص زهجت من القعده في الغربه براي وكمان مرت ابوكي دي يوميا تتصل تقول لي البت دي لو ماعايزا معرسا لي شنو وانتي عارفه انو انا مناي تكون معاي اليوم قبل بكره بس انتي المقوية راسك

فلة: مصطفي انت عارف انا لو ماخلصت دراستي ماحقدر اجي وبعدين انت لو كنت في السودان كان ممكن انقل لاي جامعه بس انت برا ومافي طريقه اني ادرس في الجامعات الهناك لانها غالية شديد وبعدين انت صبرت سنين اصبرسنه وكلها سنه وانشاءالله حبيبي اكون معاك

مصطفي: طيب والحاجه التانية مرت ابوكي بتقول انو انا مابصرف عليكي وانتي بقيتي عال عليهم و....

فلة: شوف يامصطفي انا قاعده في بيت ابوي اولا لو كنت قاعده في بيتها وهي البتصرف عليه كان ممكن يكون عندها حق تتكلم وانت والله مامقصر معاي في اي شي بس انت عارف ابوي ومابيرضي اني ادفع ولا مليم وانا قاعده معاه وبعدين غير الاكل الشراب والسرير البنوم عليه تاني مكلفاهم في شنو والله لو ماعارفه ابوي والحيعملو في مرتو كنت كلمتو انو هي بتتصل عليك و....

مصطفي: الله يخليك مافي داعي للمشاكل يافله وانتي عارفه اولادها هم اخوانك ومالازم تخربي ليهم البيت

فلة: خلاص قفل علي الموضوع مافي داعي ارفع ضغطي علي حاجه مامستاهله

مصطفي: والله انتي عارفه خالتي يوميا بتتكلم معاي وبتقول لي ياريت فلة تجي وتقعد معاي لانها عارفه مرت ابوكي

فلة: والله انت عارف انا كمان مشتاقه ليها وشكلي حامشي ليها الاسبوع دا بس كمان موضوع اني اقعد معاها في البيت دا مستحيل وانت عارف كدا

مصطفي: ياربي تااني حتقولي لي راجل خالتك وزول غريب

فلة: يعني انت عايزني اقعد في بيت فيه زول بالنسبه لي غريب

مصطفي: لا بس والله هو راجل طيب وخاتيك في مقام بتو

فلة: والله يامصطفي عارفه بس انا بحب لما اقعد في مكان اخد راحتي مابحب القيود بس انت عارف خلاص ليقيت الحل

مصطفي: الحل

فلة : ايوا حاسكن في داخلية يعني سكن خاص

مصطفي: نعععععععععععععععععععععععم

فلة: ايوا حاسكن في داخلية خاصة وبعدين مالك زي المات ليك زول كدا

مصطفي: انتي عارفه يعني شنو داخليه

فلة: والله يامصطفي الناس بتتكلم ساكت وبعدين تعال هنا انت كل اصابع يدك واحد

مصطفي: لا

فلة: طيب مش كل مجتمع في الخير والشر

مصطفي: ايوا

فلة: والله يامصطفي الداخلية ماكل البنت كعبات وبنات الناس الفيها كتاااااااااااااااااااااار بس المجتمع وكلام الناس ظالمم

مصطفي: بس والله برضو ماحكون مطمن

فلة: والله اطمن والله يامصطفي في داخليات كتيرة ومنضبطه ومن ديل انا حلاقي لي وحده وانا عندي وحده صحبتي ساكنه في داخليه والله لو شفتها تغير رايك دا

مصطفي: بس انتي عارفه والله بالي مابيكون مرتاح وانتي في داخلية

فلة: حبيبي انت مش عايز راحتي وراحتي هي راحتك يبقي خلاص حافتش داخلية مريحه ومنضبطه عشان كلنا نرتاح

مصطفي: خلاص من بكرا فتشي بس اهم شي الانضباط يافله

فلة: حاااااااااااااااااااااااااااااااااااااضر حبيبي تأمرني بحاجه تاني

مصطفي : لا بس خلي بالك علي روحك

فلة: وانت كمان حبيبي ولا اله الا الله

مصطفي : محمد رسول الله

جوري

[align=center](في مطار خارج السودان)
(طبعا الكلام نصو خليجي ونصو سوداني)
[/align]
[align=right]ابو أحمد (والد جوري) : جوري دلوعة بابا حمدلله الف علي السلامه نورتي الديرة والله

جوري: تسلملي يابابا والله متشعلقيييييييييييييييييييييييين عديل كده

ابو احمد باستغراب: نعم

جوري : مالك مافهمتها ولا شنو ياابوي

ابواحمد: وكمان ابوي والله شكلك اتأقلمتي مع ناس بلدك خالص

جوري: والله اتأقلمت لما بهناك

ابو احمد: والله الحمدلله اليشوفك من سنتين مايقول دي البت دي ممكن تروح السودان وتبقي مسؤوله من نفسها

جوري: والله يابابا الحياة بتعلم وبعدين انت ناسي انو انا خلاص كبرت وكان لازم اتعلم وابقي مسؤوله ولا شنو

ابو احمد: ونعم بالله يابابا هاذا انتي قلتيها الحياة بتعلم ولازم نتعلم خلينا نسرع عشان امك والله تموت وتشوفك

جوري: والله انا كمان ولهانه لشوفتها

ابو احمد: من الصبح دشت المطبخ تقول عايزه تحضر ليك احلي الاكلات البتحبيها من يدها

جوري: والله تقول حاسه فيني

ابوا احمد: اليشوفك يقول كنتي بتاكلي اصلا اكل البيت وماكان كل اكلك دليفري من المطاعم

جوري: انت ناسي اني لي سنتين ماضايقه اكلها وبعدين انا بقيت اكل كل شي من السودان وجميع اصناف الطبيخ والماكولات السودانية

ابو احمد: انتي قلتي مافي طباخين بالسكن من وين تتحصلون علي الطبيخ

جوري: والله يابابا معانا بنات مشاءالله عليهم بعرفوا يعملوا كل شي وايام العطلات اي وحده بتعرف تطبخ بتطبخ لينا طبعا بعد مانعمل شير حق الطبيخ

ابو احمد: بس انشاءالله تكوني تعملتي منهم شي

جوري: اووووووووووووو اعجبك تعلمت النعيميه والبامية المفروكه والمطبوخه والخضره وكمان تعلمت ملاح الكول(اكلا وطبيخا)

ابواحمد: لاتقوليها

فلة: ايوا والله باكلو وبكل شهية كمان

ابواحمد: والله حلو انك صرتي تاكلي الكول لو متذكره اول مره لما خالتك جاتنا زيارة وطبختو كان باقيلك تطردينها من البيت

جوري:هههههه والله ايام والله لو ماكنت مستعجلة كنت جبتو معايا كمان

ابواحمد: مامشكلة المرة الجايه تجيبيه
طبعا امس كلمني بن عمك خالد وقال انك كلمتيه بموضوع انك رح تنتقلي من السكن الانتي فيه وعايزاه يكون لك ولي امر يروح ويسجلك بس تاني ماجبتي ليه سيرة بالموضوع وبيتصل فيك وجوالك مسكرقلت ليه ايوا بكرا انشاءالله هي بتصل وانشاءالله بتصل عليك واخبرك

جوري: والله ذكرتني يابابا اصلا كنت حكلمك بس قلت مادام انا جايه عندكم اصلكم بالاول وبعدين اشوف رايكم في الموضوع

ابو احمد: ايش صاير بالسكن الانت فيه الان

جوري: والله يابابا تعاملهم صاير زبالة ولا المشرفه العينوها جديده تتنرفز في اقل شي

ابو احمد: وش تقصدين

جوري: والله يابابا جنها مشاكل اقل شي تخلق منو مشكلة

دي للان مكتباني 3 انذار بسبة اني تأخرت خمس دقائق عشان كنت بجيب لي اكل من السوبرماركت

ابواحمد: طيب انتي تعرفي سكن غير هذا

جوري: ايوا وكمان مريح وقريب للجامعه وتعاملهم زي الفل

ابواحمد: طيب مادام كدا الحمدلله حلو

جوري: بس يابابا ماتنسي لازم خالد يروح ويحجز لي عشان مايصير لما اروح مالاقي مكان

ابواحمد: انشاءالله يصير خير [/align]

[dream-lady]

اولا هلا بالغلا ومليون مرحبا اختنا الغالية القطرة الاخيرة
ومتااااااااابعة من الصفوف الاولى

[مها]

سرد جميل وممتع
تسلمى يا راقيه
ومتابعين

[القطرة الاخيرة]

dreem-lady و مها
مشكورين ع المرور والتشجيع

[القطرة الاخيرة]

الجزء الثاني
الفصل الاول

سيمو

وققفنا في انو سيمو قررت تتصل بواحدة من صحباتها العندهم معرفة بداخليات الخرطوم
بس للاسف لما فتشت في موبايلها مالقت ولا رقم اتذكرت انها استبدلت موبايلها بواحد تاني وكل ارقام البنات العندها محفوظين في الذاكرة الداخليه للموبايل وللاسف ماكانت عملت اي عملية نسخ للارقام في الشريحة ....
ومرت الايام وفاضل اسبوع من بداية شغل سيمو وقررت انها تستف شنطتا وتروح الخرطوم عشان تطمن ان كل امورها
ظابطه واول امورها طبعا الداخليه وقررت كمان حتروح علي الداخلية الكانت قاعده فيها لما كانت بتقضي جزء من الخدمه في الخرطوم , وفعلا اليوم التاني بعد ماودعت ناس البيت وبعد طبعا المصاريف الاداها ليها ابوها لغاية ماتصرف
المرتب ركبت البص واتجهت نحو الخرطوم.
في البص اخدت تسرح(ياربي حياتي كيف حتكون وحيكون عندي صحبات ولا لا وياربي حاقابل تاني وحده زي نانا
ولا يمكن اقابل نانا زاتها ,كدي يابت ياتالا اصلي اول و.....) فجأة سرحتا اتقطعت لان البص فجأة مال علي جنبه
وطبعا كل الفي البص اتخضوا (يارب خير بسم الله ) وتالا ياحرام قامت مخضوضه ونفضت كل الكانت شايلاه , بس فجأة سمعت ليها صوت جنبها بيقول ليها: قولي بسم الله الحمدلله حصل خير (دا طبعا صوت الجار الكان قاعد في المقعد الجنبها)
تالا: بسم الله هو بتاع البص دا نايم ولا سرحان
الجار: لا بس في عربية كدا حاولت تتخطي البص وبتاع البص حاول يعمل حسابوا
بالمناسبه دي شنطتك وقعت منك لما قمتي مخضوضه
تالا: شكرا ليك
واستمرت الرحله..........
كدي نخلي سيمو لغاية ماتصل ونشوف حصل شنو مع جوري.. ....

جوري

جوري من يوم ماوصلت البيت وهي بتحاول تكون عادية جدا ودايما في حالة حديث مع نفسها :
ياربي بابا صدقني في حكاية اني عايزه اسيب الداخلية دي ولا لا دا اكيد صدقني
دا حتي امس اتصل علي ود عمي خالد عشان يروح يسجل لي في الداخليه القلت ليهو عليها, بس دا كلو هين
الماهين المشكله الانا فيها ياربي..... (فجأة امها فتحت عليها باب الغرفه)
جوري: اهلين ماما
ام جوري:شوفي ياماما اتكلم معاك وبكل صراحة انا من دشتك للبيت من اول يوم رجعتي فيه من السودان وانا حاسه انك مو طبيعيه وكمان حكاية انك تسيبين السكن الانتي فيه وتروحين سكن تاني اسمحيلي انا مامصدقاها
تالا: كيف يعني ياماما مافاهماك
ام جوري: لا انتي فاهماني وبعدين لا تقاطعيني وسيبيني اكمل كلامي
انا قلت اسيبها تاخد لها يومين ترتاح فيهم من هم الجامعة والامتحانات وبعدها اكيد حتجي لغاية عندي وتحكلي الحاصل ليها زي ماكانت زمان بتعمل
تذكري ياجوري زمان اقل مشكله تحصل ليك كنتي بتجي جاريه وفي حضني بتقولي لي اي شي
جوري:ماما ليه ماعايزه تصدقي انو مافي شي بس انتي عارفه اني تعبانه عشان لي سنتين ماشفتكم ودي اول اجازة لي تكون معاكم
ام جوري: عشان انا ماما عشان كده مامصدقه انو مافيكي شي
ع العموم الوقت تأخر اسيبك تنامي ومارح اضغط عليكي عشان تتكلمي بس لازم تعرفي انو مهما كانت المشكلة كبيره
الله اكبر (مافي شي كبير علي ربك حبيبتي) قبل ماتنامي صلي ليكي ركعتين واطلبي منو المساعده.
يلا حبيبتي تصبحين ع خير
جوري : وانتي من اهله ياماما
(جوري فضلت تبكي من كلام امها وراحت تتوضأ عشان تصلي).....
نرجع ليها بعد ماتتوضأ....

[القطرة الاخيرة]

تالا

* تالا في نفس اليوم ادت خبر لصحبتها الفي الجامعه عن الحاصل وانها لازم تفتش عن داخليه وقرروا انهم يسألوا شؤون الطلبه بس قبل مايروحوا لشؤون الطلبه لقوا في طريقهم زميلتهم سوسو

# نبذه عن سوسو( تعتبر من الطالبات المثاليات في الجامعه مؤدبه وحترمه جدا ومابتلبس غير العبايات الفضفاضه ولو اتكلمت معاها تجبرك انك تحترما باسلوبها)

[OVERLINE]

وطبعا بعد السلام عليها صحبت تالا سألتها: سوسو انتي مش قاعده في داخلية خاصة
سوسو: ايوا بس خير ليه يعني السؤال
صحبت تالا: والله بنفتش عن داخلية لتالا ورايحين علي شؤون الطلاب نسأل بس انا قلت مادام لقيتك كدي نسألك أول لو في مجال نلقي في داخليتكم مكان ليها
تالا: والله ياريت ياسوسو لو لقيت مكان عندكم علي الاقل نحنا بنات دفعه وحده ونقرا كمان مع بعض ونبقي رفقه في الداخليه
سوسو: والله ياسوسو حظك كويس عندنا كم بت طلعوا الاسبوع الفات بس كدي اول اتصل علي الاشراف وأسالوا ليكي
تالا: بس ياسوسو هي الدخلية وين مكانها بالضبط
سوسو: هي ماقريبه شديد من الجامعه دي في........
تالا: بس انا عايزاها قريب للجامعه عشان اروح واجي الجامعه في زمن بسيط
سوسو: لو علي الزمن ماتشيلي هم انا بوصلك معاي وكمان لوعايزه ترجعي معاي لانو انا عندي خالي الصباح بيغشاني لما يروح الشغل لانو شغلو قريب من هنا وكمان في الرجعه
(تالا بينها وبين نفسها ياختي خالك دا شكلو ظريف شديد مادام مريحك في المشيه والجيه بس ياربي ماقعدتي معاه ليه لالا اكيد انتي ماكنتي مرتاحه في بيتو)
صحبت تالا: خلاص يا سوسو كدي ادينا الرقم ونحنا نسأل
سوسو: خلاص اوكي سجلوا الرقم وبعدين قولو لي عملتو شنو k:
تالا: اوكي شكرا ليكي كتييييير ياسوسو
وبعد ماراحت منهم سوسو

صحبت تالا: والله ياتالا تكوني محظوظه لو قعدتي في الداخليه بتاعت ناس سوسو علي الاقل حتاخد بالها منك وحتكون ليكي اخت
تالا: ااي والله صدقتي دي معظم البنات الفي الجامعه يتمنو يكونوا صحباتها
صحبت تالا: اها عندك رصيد نتصل علي الداخليه ولا زي كل مره
تالا: لا عندي اطمني
وفعلا اتصلوا علي الداخليه وعرفوا انو فيها اماكن فاضية وكمان اسعارها مناسبه لتالا وقررت انها اليوم تروح تكلم خالها عشان بكرا بالكتير لو في طريقة تنتقل للداخلية......

[/OVERLINE]

فلة

صبيحة اليوم التاني من بعد مااتخذت قرار انها حتروح داخلية قررت انها تروح الجامعه عشان تسأل وكمان قررت انها تدي ابوها خبر بعد ماتلاقي الداخليه المناسبه وفعلا جهزت نفسها ولبست وطلعت من البيت وأثناء ماهي ماشه جا في بالها
انها سمعت بانو في داخلية قريبه من بيت ابوها بس في اي مكان ماعارفه وقررت انها تسأل الجيران وسألت الجيران واكدوا ليها وجود الداخليه ومكانها واكتشفت انها بعد 4 شوارع من بيت ابوها وبدل ماتروح الجامعه عدلت طريقها عشان ماتمشي تشوف الداخليه الوصفوها ليها.......
وفعلا راحت الداخليه وسألت من كل التفاصيل وقالت لنفسها( ياربي احسن اني امشي واشوف خيارات تانية بس حست انها لازم تكون في الداخليه دي علي الاقل قريبه من بيت ابوها وفعلا قررت انها حتسكن في الداخليه دي بس ورجعت البيت وقررت كمان المساء لما يجي ابوها تكلموا بالموضوع)....

[القطرة الاخيرة]

الفصل الثاني

سيمو

واخيييييييييييييييييييرا وصلت سيمو الخرطوم واخدت اول امجاد واقفه عشان توصلها للداخليه طبعا بعد الاتفاق علي سعر المشوار ولما وصلت للداخلية اتفاجات ان باب المبني الخارجي مطبل بطبله كبييره احتارت وفجأة راسها كلو جاط سيد الامجاد قال ليها: يابتي انتي جايه للداخليه دي يعني
سيمو: ايوا
سيد الامجاد:بس دي شكلها مقفله انتي ماكان عندك خبر ولا شنو
سيمو: والله انا طولت منها
سيد الامجاد: بس اكيد هم رحلوا يعني ماقفلوا كلو كلو كدي نسأل ليكي بتاع الدكان دا
وسأل سيد الامجاد صاحب الدكان القال ليه بان الداخليه رحلوها لمبني تاني لانو المبني دا حاصله فيه مشاكل قانونية واداهو الوصف الجديد للداخليه
سيد الامجاد بعد ماشكر صاحب الدكان راح لسيمو وكلما بالحاصل طبعا سيمو فرحت وانبسطت من صاحب الامجاد
وقررت انو تديه حقو وزياده كمان بعد مايوصلا الداخليه.
وبعد ماوصلت(حمدالله الف علي السلامه يااحلي سيمو) وتأكدت انو دي فعلا الداخليه نزلت الشنطه من الامجاد
وفتحت شنطت يدها عشان تحاسب سيد الامجاد بس للاسف اتفاجأت بانو المحفظه الفيها كل القروش العندها ماموجوده
ماصدقت قلبت كل الشنطه علي مقعد الامجاد وفتشت برضو مالقت شي تاني فتشت وفتشت وفتشت بس للاسف مالقت شي وفتشت كل الامجاد علي امل انها تلاقيها يمكن وقعت(بس وقعت كيف ياسيمو اونتي اصلا مافتحتي الشنطه) وطبعا
واكيد مالقتها وفي اللحظه دي اتمنت لو الارض انشقت وبلعتها (ياختي ماللدرجه دي كل شي بيتعوض)
وبدت تبكي بس سيد الامجاد فضل يصبر فيها وقال ليها انتي ادخلي الداخليه وبعدين يحلها الف حلال وانا حقي عفيتو ليكي يابتي في اللحظه دي حست بانو البكا مابحل شي ولازم تتصرف بسرعه وقالت لي سيد الامجاد نك ماحتتحرك من هنا الا وانت ماخد حقك( بس ياسيمو من وين وانتي معدومه) وفكرت انها تتصل بابوها بس كيف حيتصرف وهو بعيد بس يمكن يتصل بعمو كمال ويجي ينقز الموقف وفضلت تقلب في موبايلها احتمال تلقي ليها زول بتعرفوا يجي ويحلها من المصيبه الوقعت فيها وفجأة مرا عليها اسم طه وماصدقت طوالي اتصلت عليه
سيمو :يارب يكون مفتوح ياااارب وفعلا لقتو فاتح والخط دخل معاها
سيمو:الو طه
طه:الو ايوا معاي منو
سيمو:ماعرفتني ولا عامل رايح
طه : هو الصوت ماغريب بس معاي منو
سيمو:انا سيمو ياطه
طه:اووووووووووووووووووووووووووه زمن والله اها شفتي لي حق اني انسي صوتك ولا لا
سيمو:المهم ياطه انت في الخرطوم اكيد
طه:ايوا
سيمو:طييب بسرعه الله يخليك انا واقعه في مصيبه
طه:يابت قولي بسم الله مصيبة شنو
سيمو:فضلت تحكي ليه كل الحصل معاها
طه:ولا يهمك ياسيمو 10 دقائق وبكون معاك
وفعلا(تقول سوبرمان) عشر دقائق و عليهم خمس دقائق ولقت طه قدامها وبعد السلام اداها مبلغ من المال وطبعا بعد ماسيمو وعدتو انو المبلغ حيكون دين عليها منو وهو طبعا يعجبكم(والله ياسيمو المبلغ دا لو رجع تاني لاتعرفيني ولا اعرفك)
وحاسبت سيمو سيد الامجاد وشكرت طه علي العملو وودعتو وقال ليه بينا تلفون ياطه وراح طه ودخلت سيمو الداخليه
وقابلت المشرفه وحكت ليها كل القصه ولقت مكان بس المشرفه قالت ليها لازم يجي ولي امرك يتم باقي الاجراءت وسيمو وعدتها بانو انشاءالله بكرا او بعدو حيجي ويتم باقي الاجراءات......
(وراحت للغرفه الحتسكن فيها واول شي عملتو لا ماعملت شي غير انها دخلت شنطة ملابسها وختت شنطة يدها معاها في السرير ونااااااااااااااااااااااااااااااااااااااااااااااااااااااااااامت) (ليكي حق والله تنومي بعد الحصل معاكي ونخليها تنوم عشان ترتاح وبعد ماتصحي نرجع ليها تاني وكمان نخليها تحكي لينا قصة سي طه (سوبرماااان).

جوري

*جوري بعد مااتوضت رجعت الغرفه وصلت وبعد الصلاة رفع يدها للخالق وبقت تدعي ودموعها جاريه

(يارب يارب انت ربي وانا عبدك وقد ضاقت بي الاسباب واغلقت دوني الابواب وبعدت عن جادة الصواب اللهم قد زاد بي الهم والغم والاكتئاب وانت المرجو ياربي سبحانك الذي لاترد دعاء المضطر اذا دعاك اللهم يامن اذا دعي اجاب وياسريع الحساب ويارب الارباب وياعظيم الجناب وياكريم ياوهاب ربي لاتحجب دعوتي ولاترد مسألتي ولا تدعني بحسرتي ولا تكلني الي حولي وقوتي يارب ارحم عجزي فقد ضاق صدري وتاه فكري وتحيرت في امري وانت العالم بسري وجهري اللهم اسألك بان تفتح لدعائي باب الاجابة يامن يقول للشئ كن فيكون اللهم اسألك بان لا تردني واعوذ بك ان يكون بيني وبينك حجاب اللهم لاتصرفني عن بحر جودك خاسره ولا ضاله ولا مضله واغفر لي يارب من ذنبي ماتقدم وماتاخر واغفر لي الي يوم الدين ياارحم الراحمين يارب العالمين. امييييييييييييييييييييييييييييين)
وبعدها رقدت جوري علي المصلاية ومن غير ماتشعر بالنعاس نامت نومه عميييييييييييييييييييييقه (زي المانامت ليها سنتين)

[القطرة الاخيرة]

تالا

اتصلت بامها وادتها خبر انها لقت الداخلية ووصتها بانها لازم تكلم خالها اليوم.

تالا لما رجعت البيت لقت خالها ولاول مره بيقابلها والابتسامه ماليه خشمو وقالت لنفسها(شكلو امي ادتك الخبر)
الخال: حمدلله ع السلامه
تالا: الله يسلمك
الخال: يلا ياتالا غسلي يدك وألحقينا علي الغداء
تالا: والله الحمدلله اكلو انتو انا اكلت قبل ماجي
الخال: عاد يابتي دا كلامك هو اكل برا دا زي اكل البيت يلا بسرعه
تالا: طيب خلاص دقيقة وبكون معاكم(سبحان الله يعني لو عارفاك بتعاملني كده كنت من زمان طلعت ليك من البيت)
* أثناء الاكل الخال فتح لتالا موضوع الداخليه: والله ياتالا يابتي امك قالت لي انك حتمشي تسكني في داخليه دا كلام شنو دا يابت نحنا قصرنا معاك
تالا بينها وين نفسها:(والله انت بالذات ماقصرت بس انت قطعتو عدييييييييييييييل) لا ماكده ياخالو بس انت عارف الجامعه بعيده من هنا وانا لقيت داخليه قريبه من الجامعه وكمان لقيت بنات ارافقم في الداخليه من نفس دفعتي وبكده اقدر ادرس معاهم كمان انت عارف الدراسه الجماعيه بالنسبه لي مهمه كيف
الخال: يعني انتي ماماشه عشان نحنا قصرنا معاك ولا ازعجناك
تالا: ابدا ياخالو
الخال: والله عارفه يابتي لو علي اشتري بيت جمب جامعتكم عشان ترتاحي من المشوار الطويل بس انتي عارفه الايد قصيره والعين بصيره
تالا: والله عارفه ياخالو مابتقصر
الخال: وطبعا امك رسلت ليك قروش عن طريقي جزء قالت للداخلية والجزء التاني مصاريفك الشخصية
تالا:وطبعا ياخالو امي قالت ليك انني لقيت الداخليه وانا عايزه بكره انشاءالله ارحل فيها بس طبعا قبل دا كلو لازم ولي الامر يمشي ويتم باقي الاجراءات
الخال: جدا مافي اي مشكله بكرا الصباح اصلا ماعندي شغل نطلع مع بعض نروح الداخلية ونكمل باقي الاجراءات ومنها تروحي الجامعه وانا اروح شغلي
تالا:(مستعجل للدرجه دي) خلاص انشاءالله ياخالو
(الصباح طلعت تالا مع عمها وراحوا وكملوا بقية الاجراءات اللازمه وقررت تالا انو المغرب لازم يلقاها في الداخلية وطبعا خالها وعدها بانو حيجي بدري عشان يوصلها بنفسو للداخلية وكمان قررت تالا انو اليوم ماحتروح الجامعة حتروح بيت خالها عشان تلم كل حاجاتها وتستف الشنط واتصلت بصحبتها عشان ماتاخد ليها الحضور للمحاضرات لو لقت طريقه)...

*وعدت الساعه تالا بتعاين للساعه وتلقاها الساعه 5 عصرا وللان خالها ماشرف البيت وسألت زوجه خالها عن انو خالها حيتاخر ولا لا بس مالقت منها اجابه غير :اتصلي وشوفيه وين
تالا اتصلت بخالها
تالا: الو خالو كيفك
الخال:الحمدلله تمام انتي كيفك
تالا: تمام ياخالو بس اتصلت عشان اعرف انت وين عشان مواعيد الداخليه جات
الخال: اوووووووووووووووه والله صدقي نسيت خالص انتي عارفه جانا فجأة شغل لخم لينا راسنا كلو كلو
وعشان كده رايك شنو تاجلي المشيه لغاية بكرا لاني اليوم ماحصل قبل العشاء
تالا: لا ياخالو مامشكله اصلا اقرب امجاد حاخدها واروح
الخال: امجاد براكي يابتي
تالا: مافيها شي ياخالو بعدين لسا الزمن الشمس ماغابت بس انت ماتشيل هم اول مااصل بديك تلفون
الخال: خلاص طيب بس ماتنسي اول ماتصلي تديني تلفوني
تالا: خلاص ياخالو اوكي يلا مع السلامه
الخال: مع السلامه
*وجهزت تالا نفسها وطبعا لبست احلي لبسه عندها وكمان استشورت شعرها لدرجه ان زوجه خالها لما شافتها قالت ليك:اليشوفك يقول رايحه عرس
تالا: هههه والله ياخالتو ياريت دا انا لي زمن ماحضرت عرس
وودعت زوجه خالها واولاده وراحت جابت امجاد ورجعت لملمت كل حاجه ورفعتها في الامجاد وباي باي بيت خالو
(رحلة موفقه ياتالا لغاية ماتصلي بالسلامه للداخلية)

فلة

(لما الشمس غابت وقبل اذان المغرب جا ابو فلة داخل ولقا فلة في طريقها للمطبخ)

ابو فلة:سلام عليكم
فلة: وعليكم السلام ياابوي
ابوفلة:عليك الله جيبي لي كباية موية
فلة:حاضر
وراحت وجابت لابوها كباية مويه وقررت طوالي تفتح ليه الموضوع
فلة: ابوي انا كنت عايزه اكلمك في موضوع كدا
ابو فلة: خير انشاءالله
فلة:لا خير ياابوي
انت عارف انو انا لي كم سنه اتزوجت وكان لازم استقر بس زي ماانت عارف مصطفي خارج السودان وانا لازم اكمل الجامعه
ابو فلة: انشاءالله كلها سنه وتحصليه
فلة : انشاءالله ياابوي بس انت كمان ياابوي عشان المشاكل الحصلت و.....
ابوفلة: والله انا قلت الموضوع دا تاني مايتفتح انتي مالك عايزه ترفعي لي ضغطي
فلة: والله ياابوي ماعايزه ارفعو بس انا وانت من يوم حصل الحصل وانت شايف علاقتي بيك كيف بقت
المكان الانت فيه انا ماقدره اقعد فيه عشان عيني ماتجي في عينك
ابو فلة: انتي عارفه انا خلاص نسيت الموضوع دا وانا قلت ليكي انسيه
فلة: والله ياابوي لو بعد مية سنه ماظنيت اقدر انسي الحصل وعشان انا ارتاح وانت ترتاح انا قررت اقعد في داخليه
ابوفلة: داخلية ليه هو في زول في البيت دا ضايقك ولا اشتكي منك
فلة: لا ياابوي بس انا حاسه لو انا طلعت حترتاح شويه مني
ابو فلة: ارتاح انا ولا انتي
فلة:وبعدين ياابوي الداخلية قريبه من هنا ويمكن تكون سمعت عنها اسمها..........
ابوفلة:ااااااي سمعت عنها علي العموم انتي اي حاجه شايفاها في مصلحتك اعمليها اصلا انا بقي ماعندي شور عليكي
فلة:(اخدت نفس عمييييييييييييييق وعليهو دمعتين) اوكي ياابوي بس كمان لازم انت بكرا تروح وتسجل معاي بصفتك ولي امري
ابوفلة: بكل استغراب(ولي امرك) حاااضر انشاءالله
بس اكيد مصطفي عندو علم بكل شي
فلة: اكيد ياابوي
(وقررت فلة انها من بعد العشاء تستف كل شي بيخصها عشان بكرا الصباح ترحل للدخليه نهائيا)

[محسية]

سرد شيف وممتع
واااصلى
متااابعين معكى
تحيااااااااااتى

[ابو ايووودي]

متابعين وقاعد في الصفوف الامامية جمب دريم والظاهر تالة دي نهايتها ح تكون سودة ربنا يستر
شرفتينا يا بت الداخلية

[القطرة الاخيرة]

سرد شيف وممتع
واااصلى
متااابعين معكى
تحيااااااااااتى

تسلمي محسيه ويارب تستمتعي اكتر واكتر في الاجزاء الجاية

متابعين وقاعد في الصفوف الامامية جمب دريم والظاهر تالة دي نهايتها ح تكون سودة ربنا يستر
شرفتينا يا بت الداخلية

ابو ايوووووودي نصيحة مني ليك خليك مكانك وماتقوم عشان ماحد ياخد مكانك وبالاخص انو ما اي مكان دا جمب دريم
وبالنسبه لتالا كل شي جائز يحصل معاها بس دعواتك ليها
وتسلم يارب ع المرور

[القطرة الاخيرة]

الجزء الثالث

فلة

[align=center]فلة اليوم الثاني لما اصبحت الصباح وقبل ماتروح الداخليه مع ابوها اتصلت علي مصطفي وكلمتو بكل التفاصيل واعتذرت منو لانها كانت المفترض تتصل عليه اول مالقت الداخليه بس اعتذرت لانها كانت تعبانه ومافكرت خالص في كدا, مصطفي حاول انو يبن ليها انو لا عادي ولا يهمك بس من جواهو كان زعلان من فلة وعدم مبالاتها واهتمامها بأدق التفاصيل, المهم ابوفلة نده عليها وقال ليها اذا جهزتي ياريت تطلعي وفعلا جهزت نفسها وراحت رفعت كل شنطها علي عربية ابوها وطبعا قبل ماتمشي ودعت اخوانها من ابوها وكمان ودعت زوجه اابوها وقالت ليها" ياريت بعدا تررتاحي" ....ولما وصلو الداخلية وكملوا كل الاجراءات ابوفلة قال ليها ياريت تكوني مسؤولة وعاقله وماتنسي اذا حبيتي تلعبي وقبل ماتلعبي اتذكريني انا و....ولا بس اتذكري امك التحت التراب وماتتذكريني انا خالص لاني عارف ماحصل يوم كنت بهمك ,وفلة كانت بتسمع كلام ابوها ودموعها علي خدها وراح ابوها حتي من غير مايقول ليها مع السلامه في اللحظة دي حست فلة ان ابوها كان منتظر اللحظة دي من زمان ولو ماكان وصية امها ليه ولازم يخلي بالو عليها كان ممكن من زمان يطردها من البيت بس مجبور عليها..........
مسحت دموعها وطلعت كل شنطها علي الغرفه الحتسكن فيها وراحت ورقدت علي السرير وفضلت تبكي وكل ماحاولت تمسح دموعها لسا بتلقاها علي خدها وفي اللحظة دي اتصل عليها مصطفي عشان يعرف انها وصلت ولا لا بس شافت المكالمه وماقدرت ترد لانها حست بانها مخنوقه وماحبت تتكلم مع مصطفي وهي في الوضع دا وفضل مصطفي يتصل ويتصل وفلة راقدة علي سريرها وبتبكي...........
[/align][/size]

*************************************

تالا

تالا اول ماوصلت دخلت المبني وراحت للمشرفه عشان تعرف مين المسؤول عن انو يرفع الشنط بس للاسف رد المشرفه كان انو اي حد بذات نفسه هو البيرفع شنطه بس تالا قالت كيف يعني ارفع كل الشنط دي لغاية الطابق الثاني لان كانت غرفتها بالطابق الثاني, و اضطرت طبعا انها ترفع كل شنطها بنفسهاولما كان دور اخر شنطه ترفعها حبت تستريح في الطابق الاول ,عشان تأخد نفسها وفجأة سمعت صوت بيقول ليها( لو سمحتي يااخت الطريق عشان امشي) تالا قامت من علي السلم ولما اخدت الشنطه عشان تزحها وقعت عينها في عين البنت وطبعا ماصدقت العينها شافتو .....................


********************************************
سيمو

سيمو صحت الصباح علي صوت دوشة البناات المعاها الفي الغرفه وسلمت عليهم وراحت اخدت حمام واتوضت وصلت وبعد الصلاة اتصلت علي ابوها عشان يتصل علي عمو كمال ويجي يتم باقي اجراءات التسجيل , وفعلا اتصل علي عمو كمال الاتصل بسيمو واداها خبر انو حيمر عليها العصريه بعد الشغل.... وبعد مخلصت من عمو كمال لقت بت من البنات المعاها في االغرفه جايبه ليها كباية شاي وقالت ليها:دي ليوم الليله بس دا واجب الضيافه , سيمو اعتذرت منها لانها ماكانت بتشرب شاي بس قالت ليها عشان مااحرجك اكيد حاشربو واثناء شرب الشاي سيمو اخدت تحكي هي والبنت المعاها والبنت طبعا ماقصرت شرحت ليها كل التفاصيل الفي الداخلية وكمان حكت ليها عن البنات المعاهم في الغرفة وعرفت سيمو ان كل البنات المعاها في الغرفه طالبات , وسألت سيمو البنت وقالت ليها هي الداخلية ليه غيرو مكانها: البنت قالت بيقولو ان في مشاكل قانونية والله اعلم, وبعد الانتهاء من شراب الشاي والونسة سيمو استاذنت البنت وقالت ليها حابه الف كل الطوابق واشوف البنات البعرفهم لسا موجودين ولا لأ,وقبل ماتطلع من الغرفه لقت وحده من البنات بتفتح الباب وطوالي راحت لسيمو واخدتها وسلمت عليها بالاحضان: سيموووووووووووووووو والله مامصدقة
سيمو: وبكل برود لا صدقي
البنت: ياربي والله مشتاقه ليكي وقدر مااتصل في رقمك بيديني قافل
سيمو: انا غيرت رقمي
البنت: ياستي انشاءالله خير بس برضو ماعرفتي مين القال لي انو انتي هنا
سيمو: منو القال ليك ياستي
البنت: طه وحكي لي كل الدراما الحصلت معاكي ياحليلك والله
سيمو مع نفسها(يخرب بيتك ياطه طواااااااااااالي ماصدقت وصلت ليها الخبر طيييييييييييييييييب لو ماوريتك)......

************************************************************

جوري

جوري فضلت علي حال انها كاتمه الجواها وكمان فضلت عايشه دور انها مبسوطه بين اسرتها وحبت تشيل الفكرة الفي راس امها عنها, وفي يوم واثناء ما الاسرة مجتمعه علي وجبة الغداء رن تلفون جوري بس وحبت تقوم عشان ترد بس امها قالت ليها اكلي اول بعدين ردي,وبعد ماخلصت راحت عشان تشوف مين المتصل عليها ولقت عدة مكالمات لم يرد عليها من رقم من السودان وكمان لقت رسالة مكتوب فيها ( رغم انك قطعتي عني كل وسيلة اتصال بيكي بس فضلت افتش اي شي يقدر يوصلني ليكي واخيرا لقيت رقمك, ودا كلو عشان اقول ليكي ان الموضوع عدا علي خير وياستي اعتبريني اصلا مامريت علي حياتك في يوم , ورقمي دا امسحيو من عندك.....بس كمان خليلكي متأكده انو انتي زي ماوعدتك دايما في بالي وحتكوني كدا لاخر يوم في حياتي)
جوري فضلت تقرا في الرسالة كذا مرة وبتقول لنفسها يااااربي الموضوع بجد اتحل زي ماطلال بيقول ولا بيكذب علي لاااا انا لازم اتصل واعرف الحاصل منو, وفعلا اتصلت بس للاسف لقت ان االرقم مقفول وحاولت تتصل وتتصل بس برضو بيديها مقفول......

[القطرة الاخيرة]

اسفة للاخطأء الحصلت في الاسماء ياريت تتقبلوا اعتذاري