الشاعر " بشرى ابراهيم "

[waya]

[grade="00008b ff6347 008000 4b0082"]الشاعر بشرى ابراهيم الملقب بـ " بشرى البطانة "
شاعر فذ من ألمع شعراء جيله يجيد أغلب أنواع الشعر من الدوبيت والشعر العامي والشعر الفصيح والشعر الغنائي , وجرئ في تناوله للحروف والمعاني ويمزج بحنكة بين لهجة أهله البدو في أرض البطانة وبين الالفاظ المدنية , كما إنه ذو موهبة غنائية , وروائية عن شعر البطانة عموما
ومع ذلك لم يصدر له ديوان شعر حتى الآن .. فقط البوم شعري بصوته الجهوري المميز
وإن كان أغلب شعره موزع على بعض اللقاءات التلفزيونية ,, لذلك لا نجد منه ما هو مكتوب ,, وإن كان يستحق أن نفرد له مساحة هنا ,,,
المساحة متاحة للكل ,,

تشكراتي [/grade]

[waya]

ســــلامــــات

[grade="00008b ff6347 008000 4b0082"]
يا أمي يا بت العبيد
يالملكه ماك متزعمه
ياساريه فى الزمن النحل
ياضل على البلدات رمى
يالكادحه من أجل الوليد
شان راسو إصبح فى السما
ويالفوقا ماف غير الله شئ
وحتى الله زاتو معظما
والجنه أيه تصبح معاك
أرخص وأقل من مقدما
ودايساها بين كرعيك حبت
فى قاع مدايسك مرغمه
ويايمه شوق قطع حشاى
واوجعة الدمع الهما
إشتقتا لى مطر الخريف
وكتين حفايرو إحزما
وبهيمنا فر تال التبر
أماتو واردات الضما
كوعتا فوق العنقريب
بتشرف العيش اللتيب
والعفرا تتقاطر الرحل
منظر دواخلى يأزما
مرصوص متل عقد الكنار
منضوم على جيد السما
إتحكرتى فوق بنبر حطب
قهوة ضحا وجلسة لما
خيلانى وأعمامى الكبار
خالاتى والجد العمى
ونسه وصراحه وقرقراب
متفائله بالضل الرما
والتايا بت عوض الكريم
المالكا قلبى مقسما
منصره فى طرف الصريف
نادتنا هيي أصبحتو كيف ؟؟
بيناتنا شاشاق الحطب
همساً دقاق مو همهمه
قالولكم أبقو على الفطور
الليله أمى مكرمه
طرزتا ماراعيت كبير
عاد تايا كيف ؟؟ وإنشاالله خير!!
قاتلى شديده وإلا عيب
وسط الرجال بتناغما
وتب قبلت ماشفتا غير
كفلاً رطن كاجر الطريحه محشمه
إلا إمى واضيعة رجاك
من ولدك الطشطش عما
أنداح تبع زخم المدن
ضيّع بداوتو وحطما
وسلام من البلد السجم
سموها يمه العاصمه
ويايمه ولدك ضاع خلاص
تايه مبارى العولمه
ماياهو ضرغام الرجال
الكان قبيلتو معظما
وياحليلو روبك والسمن
ياحليل لذايذ الأطعمه
ضوّق لسانى طعم جديد
بيرغر .. وجامبو المفرمه
ومعدتى ذاتا إطوطوت
ما أظن عصيدتك تهضما
خدعتنى كندشة الوهم
حمام وريحه وهندمه
وراجيانى فوق النار أقع ؟؟
وأنا هالشمس مابلزما !!
دايرانى فوق دلوكه أهز ؟؟
راجيانى أسل سيفى وأرز ؟؟
وألعب مع التوم ود حمد
صقريه درقه محكمه !!
وأنا داك بقيت سيد الرقيص
مرات قرد ..مرات كتيفتى أبرما
دايرانى بى سوط العنج
أركز مع السر وادما؟؟
إنفره سروالى البجر
أربط بتينطى وأحزما
شبال من التايا وأهز
طاقيتى شنقا وأقرما
وفوق ضهرى داداب العنج
وأصفاحى نازفات الدما
أيمه ولدك ضاع زمان
زمان
وحكايتو بقيت مؤلمه
باريت لؤى وقصى ومى
وين تانى كاكوم وادما !!
مرناع إصيبعاتي الحمر
وجسيمي يابس المعضمه
ضهرى الممسح بتلصف
راقد لحايفو منعمه
ما أظنو بتحمل لبع
والخرشه ماأظن بلزما
سروالى ماياهو القبيل
سديريتى جكه مجضمه
حاجات مجبصه كلها
وطاقيتى كاوبوى وإنما
والكاوى قلبى وشاوى شى
كان شفتى واحده مقرضمه
لابسه البناطلين زينا
والله ماتفرزيها تب
كان فاقده شنبه تبرما !!!
لكنو مهما الزول بعد
تايتو القبيل مابهدما
جاييك وشايل بقجتى
جواها ورقه مختمه
أياهو حلمك وجبتو ليك
داب جمه ريقى من الظما
بتمنى من الله الكريم
إمد أيامك وإقدما
وتحجى فى كل عام إهل
وتعودى سالمه وغانمه
ويايمه في كل عام يهل
وتعودى سالمه وغانمه[/grade]

[waya]

عيد ميلاد

[grade="00008b ff6347 008000 4b0082"]إتـــقابلنا وانا من زمنا خدو مشلخ
وهى من ازمانا خدها ساده
اتعجبت سماحا مواتر
طبقات عالية وكلها ساده
وكانت بينا فوارق شاسعة
اتعارفنا
وكانت جاده
وقالت عيد ميلادى الشهر الجاى
ولازم تحضروا
قتلها خير
قتلها خيييييييييييييييييييييييييييير
ودخل فى اضافرى
تقصدى ايه بى عيد ميلاد؟
ايا ربى اتولدت يا دابا؟
يبقى الاعياد سوها زيادة؟
امكن ولدت وانا ما عارف؟
يمكن ميلاد عيسى واجدادها
يا ربى بدقوا الدلوكة؟؟؟؟؟؟؟؟؟
وبعزموا الحلال كالعاده
بس قتلها خير وانا جاييكم
وعديلة وزين
والشهر الجاى
مرق مركوبى من السحارة
داقاهو المطرة قبل شهرين
ونكت طاقيتى من العضاضة
سليتلى ثماد رقعتها زين
سديريتى ابوى مسويها لبد
فرتقت اللبده مرقتها طين
عراقى مغزوز فى الكوكار
كان سوهو وقاية وكت فازعين
سروال مدفون فى رحل العيش
ملفوف محشور بين شوالين
لميتن واديتن شطفة
شريتن فووووق فى زريبت الزين
والزين بقراتو مكوفرات تب
مدغن طاقيتى هرنها زييييييييييييييييييييييييييييين
شافتن السرة بت الهراف
طردتن وجابتلي النتاف
وغضبت غضب
وعزمت اقوم
جفن ما جفن
اقوم فى الحين
مرقت ووشى مطوطو تب
وصتنى الحلة رجال وعوين
وصتنى ام نوفل لى كركار
كان تلقى ودك جيب لى رطلين
وقروشى حلف صرة وبى خيت
وصتنى حليمة بت العجبين
سروال لى محمد ورطلين بن
بنبيعلنا شاة ونديك بعدين
وصانى الهابر لى مركوب
مخلوفة وسرج وكرباجين
عنقريب وموسر بى حبال قد
تيبار ومسلة وابريق طين
والناس بتوصى وغبيانة
والناس غبيانة وبتوصى
وانا ظرفى مكدر زى الطين
وبتوصى وزى بايعلى بعير
وانا بايع تيسى وعيش كيلتين
والتيس اعور ما جابلو سعر
والعيش بتاب ومسوس وشييييييييييييييييين
تتسود ختوة هالسفرة
انا ماشى لواجب اقوم بالدين؟؟؟؟
وركبت الباص مخلاتي دفس
كدوسي وحقتي وعود سكين
وانا راكب في الباص بتأمل
ياربي بجيبو الحكامات
بتسو دلوكة بيجوا الحلال
ضابحين تيران ام خرفان صر
مدققين كمين شوالات عيش
وانا مالي ومال عيد ميلادن
ان نقروا الدلوكة اولادن
انا بنزل حربي ومتعقط
وادارق اصقر في الدارات
وانا زول معروووووووووف خراب حفلا ت
وامسك صوتي المدهون قطران واركز واندق
شان السمحات ما يقولن ضيفنا قريزن ساكت
ووصل وسعل لامن جيتن
وهداك البيت يرقش لوحات
وصل ولقيت البيت مزرود لا حلقو بنات سمحات
شايلات هديات
وحدات وردات
وحدات زهرات
شايلات رسمات في شكل ارنوب
واسود ونمور سبحان الله زي الميتات
يضاحكو قر حايشين صينية تبق شمعات
ماف زول قالي انت منو مابعرفو الضيف زي الخواجات
لتيت عكازي وقفت طرف
ملص نعلاتي اتفرجختا
لي تفه خلالي مضنقلو تب سكيني ملسنه بالجمبات
تماكي وحُقتي مزرودا ولعتا كدوسي واخد جبدات
وان بتأمل هذا العالم ياتو البنوت وياتو الجنيات
وبحرت عيني لامن برقن
كل البنوت زيها سمحات
والبقر اشابه لي ضمة
ما عرفت الراحن والفايتات
لي حسن الحظ هي النقرتني
ما شالت شك من شافتني
ساقتني وقامت بالواجب هي اصيلة وراسية وست حوبات
نادت صاحباتا بنتعارف
نانسي وناندى وشيماء ولمياء ْ وحوراء وكفا
من وين! من لندن جينا امس راجعين باكر زي ها الحظات
من الطايف والمنشية ومدينة النيل وبلود راقيات
طيبات طيبة وكل كليمة معاها ضحيكة
ونضاااف ورهااااف زي اللعبات
واحدتاٌ فيهن سمحة سماح لكن مي طاعمة
وانا زول مستغرب في حاجات
انا زول اسراني سماحتاً قاسية
بنت البلد الهاديه وراسية وضميرا الحي التب مامات
وقالت لي ..
عرف نفسك بي عبارات
قتليها : انا الاسد الحرس غابتو الضريا
وانا الساعة الكتال بختف حديا
وانا الزايرني مابجيب لي هديا
وساكن مفسح ام هبج السخيه
مراتع اللبل الضان والسعيه
ادرج عاطفة الرقدن ستية[/grade]

[waya]

وهذه من كلماته حين عاد الى وطنه من السعودية مخاطبا المختربين الذين خدعوه بالمظاهر الكاذبة :

[grade="00008b ff6347 008000 4b0082"]السيتوها في بعد المــــكانه العاليه
ضاقت الواسعه تب مسخت علي الحاليه
أوهمتونا بي بقـــــجة شلتت باليه
أغريتونا بي كــروشا ملانه بزاليه

الشكــكني في نفسي وأحارَ سؤالي
أنا يا الليله ما شف لـي طرحه تلالي
ما شفت القدل لافـــح تويبو العالي
والاسكيرتو إلا تشوفو فوق بنغــالي

أما العزبه حالا بالمحـــل ذاكرنو
وما تشوف ها الفِقَر قبلك كتير خادعنو
من كترة نجوض البيض ويوت سالقنو
قعدنا وكت نشوف الديك بنخجـل منو

ما تطرى ام وضيب لا حولها شايله الحفه
سنتين في رجاك ودمعها اتصــــفى
عدم البوخه سالها شقــوق ونصها جف
فرقها منك آب كـــدار سجاره وسفه

عاجت الدنيا واتبدل عمـــاري خراب
نكبة حظ وجور أزمـــان ونجما غاب
أغرز إيدي في النعمه واخـــمو تراب
أقول جا القمري يا بيتاي واقبضو غراب[/grade]

[waya]

وهنا بعض كلماته في الغزل:

[grade="00008b ff6347 008000 4b0082"]أنا كان عندي والي ولا صاحبي صليح
كان جنزرني ما دام قلبي ماهو نصيح
بقيت في صلاتي اتذكر هواها واصيح
أنم في الركعتين والباقـي اتمو نويح

قريقس قول لو قلبي الليله طاري نديدو
واضحت حالي زي حال المتلت قيدو
لي أمل الرجوع والماضي تاني أعيدو
ولاّ حكايتي زي جمل الطريفي وسيدو

ظِبَيَّا كان بيردن فوق مشارعي ضعنها
ذخيرتو الحيه في تمرة فـؤادي ركنها
علي الماقالو خرتت من وليها رسنها
سينا مساسق النمله المواليه سـكنها

خَتَفِي الحرقصن قـبله ومزنهن رشّ
دغدغ مهجتي وضرع المـوايق بشَّ
ريدتي وحات سبيباً فوق قصارك نشّ
ما خلف لي غير طاعون وروح منقشه

الوقفت قصادي وغمــزت لي عينيها
ديسا كابي لا عند القصار كـــاسيها
الخلاني ارح طول النـــهار باريها
شوف عيني البنات مرات يشاغلن فيها

سماحة البقعه والغوش المـلون زيف
ما بنسوني مريودي الطبيعه ظــريف
حالي الليله من فرق الملمو عـــفيف
حال فرعون بعد ما موسى وصل القيف

آه يا نفسـي من هذا الأذى المـحقون
نفسي سقيمه من العافيه راقــد دون
أنا والله من فرق المـــــتبر لون
بشيل الليل نويح وارجا النهار مغبون

عندك قاهر الجــن والإنس غبيوها
هيبة عنتر الكـــل العرب هابوها
ان سلطت علي أعمار البشر ولوها
ترد الروح بعد مُلاَّكها ما يشيلوها

تواريب ليمنا كل خريف بتبطل كافيه
متين يصدف مسورنا وتفتكرنا الجافيه
نتلقاها بي لهفة قــــــلوباً وافيه
رجلا راكبه في نعالين ورجلا حافيه

يا اب حلق القعاد طولنا فيهو خلاس
لاكين للأسف قاعدين مع اولاد ناس
دفق الحِرته والبكري القلاه المحماس
وهجم اللونو أنضف من دهب عباس[/grade]

[waya]

ودى شكرة من بشرى ود البطانة فوق صاحبو :

[grade="00008b ff6347 008000 4b0082"]من قومة الجهل واعى وبعدل الميل
منسول من قبيلتينا عزاز بالحيل
كرما ماهو صب سارية وخريخر نيل
فات قبول معن فى السمتة الفين ميل

جدودك كانو ظاهرينا كذا الأعلام
قبيل بالسيف بريسو وحسى بالأقلام
الخلى النميم فوقك بسيل جمام
تواريخ يا الأصم حايشاك ورا وقدام

أبوك دود المحاصات أب نترتا زاهلة
فرتاك عركة اليوم أب حصانتا صاهلة
علما الدنيا كان مى من بحوركم ناهلة
تزعل ولا تقبل عندى قطعا جاهلة

زمن الصدمة والضيق والسنين الجافة
كفك وابل العين أب سيولا دافة
يا قشاش دمعة اللى الغباين سافة
...... لى الدين ومغفرة للقبايل كافة

ما بدبى لى الجارات حميدة صفاتو
مكانتو كبيرة عند الحاضرين والفاتو
عند الحارة ما بديك عجاج نعلاتو
بتسدر لها المحن الكبار ان جاتو

يوم العركة و الوغر البلا نسام
جاموسا بتيتل لا رسن لا لجام
وقيعة الفجعة يا الليل البسودو ضلام
حنضل قوز ولون قطران وشربا سام

ما بتبنى لى الفارغة وبقول سويت
وان جاهو العشيم ما بقل لو آه يا ريت
كرما فى الرجال كضب البقولى رأيت
بتقلب الردايف وتدفع المربيت

عيدك يا التلب يوم الكماج والدم
يا رعد الخريف مطر السوارى العم
قدر ما أنظم القافية وأجر النم
قولى عليهو زى ضرب السلاح فى اليم[/grade]

[jasmina]

حقيقه شاعر مميز ... جداً ..واعجبتني بالتحديد

الابيات التي خاطب بها المغتربين

تشكر على البوست الجميل وايا

[عاشق ابوعشر]

[quote="waya"]وهذه من كلماته حين عاد الى وطنه من السعودية مخاطبا المختربين الذين خدعوه بالمظاهر الكاذبة :

[grade="00008b ff6347 008000 4b0082"]السيتوها في بعد المــــكانه العاليه
ضاقت الواسعه تب مسخت علي الحاليه
أوهمتونا بي بقـــــجة شلتت باليه
أغريتونا بي كــروشا ملانه بزاليه

الشكــكني في نفسي وأحارَ سؤالي
أنا يا الليله ما شف لـي طرحه تلالي
ما شفت القدل لافـــح تويبو العالي
والاسكيرتو إلا تشوفو فوق بنغــالي

أما العزبه حالا بالمحـــل ذاكرنو
وما تشوف ها الفِقَر قبلك كتير خادعنو
من كترة نجوض البيض ويوت سالقنو
قعدنا وكت نشوف الديك بنخجـل منو

ما تطرى ام وضيب لا حولها شايله الحفه
سنتين في رجاك ودمعها اتصــــفى
عدم البوخه سالها شقــوق ونصها جف
فرقها منك آب كـــدار سجاره وسفه

عاجت الدنيا واتبدل عمـــاري خراب
نكبة حظ وجور أزمـــان ونجما غاب
أغرز إيدي في النعمه واخـــمو تراب
أقول جا القمري يا بيتاي واقبضو غراب

[عاشق ابوعشر]

[quote="waya"]وهذه من كلماته حين عاد الى وطنه من السعودية مخاطبا المختربين الذين خدعوه بالمظاهر الكاذبة :

[grade="00008b ff6347 008000 4b0082"]السيتوها في بعد المــــكانه العاليه
ضاقت الواسعه تب مسخت علي الحاليه
أوهمتونا بي بقـــــجة شلتت باليه
أغريتونا بي كــروشا ملانه بزاليه

الشكــكني في نفسي وأحارَ سؤالي
أنا يا الليله ما شف لـي طرحه تلالي
ما شفت القدل لافـــح تويبو العالي
والاسكيرتو إلا تشوفو فوق بنغــالي

أما العزبه حالا بالمحـــل ذاكرنو
وما تشوف ها الفِقَر قبلك كتير خادعنو
من كترة نجوض البيض ويوت سالقنو
قعدنا وكت نشوف الديك بنخجـل منو

ما تطرى ام وضيب لا حولها شايله الحفه
سنتين في رجاك ودمعها اتصــــفى
عدم البوخه سالها شقــوق ونصها جف
فرقها منك آب كـــدار سجاره وسفه

عاجت الدنيا واتبدل عمـــاري خراب
نكبة حظ وجور أزمـــان ونجما غاب
أغرز إيدي في النعمه واخـــمو تراب
أقول جا القمري يا بيتاي واقبضو غراب

والله كلام في محلوا ويالبشري ما قلت الا الحق عن الغربة ومعانتا

[عاشق ابوعشر]

حقيقة اشعار رائعة ومعبرة والبشري شاعر متمكن واجمل الابيات

هي التي تخاطبالمغتربييين واقول لة صدقت في التعبير والتشبيهة

[waya]

أم شوائل

يا طيان الزمن الغابر كل دقيقة بتبني اسية
وتبقي عجائب الدنيا تمانية لمن تسمع قصة رية
اولا قبل الاسلام يظهر واخرا هسا امام عينيا
زمن البت بتقش لي ابوها دقنو وبرضو بتدفن حية
التاريخ عاد قصة يوسف الجلاب الجب الدم الجلابية
وسبحان الله القادر يسوي ويربط بين يوسف وبين رية
ورية طفيلة ملانة براءة بتدشر حن وصفاوة نية
تسكن في طيات احلاما تكبر وتملاء الكون حنية
بنية بدوا بالصي بتشاشي تشبل كرباجا وسارحا سعية
وتدغش من دغش الله الباكر وتصد متراوحة مع العشية
ورية كما الجنيات في الحلة بتفتل وتحلب غنامية
بتحلم بي مرحاتا يقرنن ونجيضتا قل جزم مو نية
وباقي ضهر لي ابوها الكاسر- كاسر شان هو السوا السية
وشايلا الهاجرا مع الغنامة ولما تقوقي كما القمرية
وحد ضرعاتا ملانا حجبت بتسرب نص الليل زندية
ونسيت جاها دلالا جمالا وبتربط خنجر همباتية
وربيت بين معزاها وابوها وامها ميتة سنين منسية
يوم الكارسا الغرد بوما سرحت في احلاما الوردية
وراحن منها خمسة نعاج وفاكرا الشغلة تكون عادية
وقاتلو يابا نعاجي انطلقن وفجاءة انطلقت في النارية
وكشر وحمر ودنقر وصنقع وكنها قاتلو رميتلي جنية
قفل الكرنق وكتف اقداما سردلو قناية وطاح في عضاما
كسر فوقا قنايتو اتناول عنجاويهو قلاها قلية
ورية تكورك يا يابا بجيبن
هردت جليدي يا يابا بجيبن
قطعت قليبي يا يابا بجيبن
قصيت ضهري يا يابا بجيبن
وتفا عضاما يا يابا بجيبن
وحتا سنونا شليل قداما يا يابا بجيبن
كبدتي انهردت يا يابا بجيبن
وكنها ماها حتيتة كبدو بقطع فيها بلا حنية
ولما خلاص الحيلة انهدت وبكيت بين ميتة وحية
وقاتلا يا يابا هدومي انشرطن وخايفا الاولاد يضحكو فيا
وقف انسند وعنيهو شرارة فرحت يمكن سنا قرارا
سل سكينو ولسه يجوط وخيرا بين الموت والموت
اتكيك يا الشؤم واقطعلك راسك والله ارميك في البئر يا بنية
رفعت شوفا علي نعيجاتا وسالت وجفت دمعة سخية
وقاتلو كما اسماعيل لابوهو سوي الدايرو تراني ضحية
الا البئر يا يابا ارحملي يمكن ربي يضاري عليا
لفحها ودمعتا فوق اكتافو وقصد البئر في اتعس ليلة
ورية تلوح لي نعيجاتا ودمعة شوق لي كل سخيلة
وباقي اصرارا اللسه لين كرها - كبشها - باقي بليلة
وكل ما تدفق دم فوق هدمو تقولو يا يابا اعفالي مليتك
ودلني يابا واخدلك جمة وانا ببراك بي باقي الحيلة
اوصك سو لي غنمك زربة وبهمك شوفلو شديرة ضليلة
واسرح تال الساقي الخرف وروق للراحن جيهة ميلة
واحرص يابا علي باقيهن وانفق وادي انشاءالله قليلة
وابوها تقول مي ياهو ابوها وصل البئر واداها كحيلة
وقالا قولا مو قول مؤمن اخر يوم يا رية الليلة
وتحت الدود راجيك يتناكت وبكرة عفنتك تغشي العيلة
وتبقى غبينتي اتفشت دابا- وقاتلوودمعها هدها ميلة
يابا ارجوك لا تقول للحلة ولا تقول ليهم ماتت علة
شأن ما تشوه باقي سمعتك قول للناس خطفتا قبيلة
يمكن ايامي تكون ما تمت وحاسا رحمة المولى بهيلة
اجيك والقاك عينك مكسورة وتبقي حياتك يابا زليلة
وابوها تقول مي ياهو ابوها رفعها وكنها حاجة رزيلة
وطاحت جب في الجب -مرمية بتصرخ تهتف يا يابا يا يابا
يا بير ارجوك رفقا بي رية
هبطت وصوتا ملطخ دم منفرتا صرختا ما بتنلم
ويا ليل هول الجب لا حولا قبر الكافر وعاصي المولى
ضلاما يلوع فارس الجولة وكيف بتقاومو اللسه طفيلا
نامت رية لحافا دبايب وشوك عقارب بتن حيلا
شجاعا اقرع يسن اسنانو باقي عضام والدود وعويلا
رفاقتا يقوقن درب الري السارحة الفازعة اللاعبة شليلا
ورية مربعنا كبد البئر صوتا انبح وجوفا نحيل
وحتي الارضا هدت صفحتا وانسن العقروب وحشتا
اما الماساءة الهاردا الجوف ديسا الكان لا قصارا رميلا
ستو الارضا طعاما وزادا وسنو دبايب الجب اقلادا
والعقروب فرشنو وسادة ورية تعاين وعادما الحيلة
يوم من دون ما رية تحس نزل الهي رحمتو بهيلة
حامو اطفال بي حول الجب وكانو قبيل لعباها وجيلا
سمعو هجيج وضجيج وسكلب
قصدوا الحلة ورحلوا رحيلا يكوركو وزردوا الحلة كورك
البئر البئر يا ناس الحلة البئر في بطنو بتصرخ طفلة
وانا بي اضاني سمعت سكيلا - الا الناس ما ادوهم بال
لانو البئر مسكونا قبيلا - لمو الشفع وادوهم بخرة
وحذروا مافي زولا يمشيلا
الا المولي ان خت رحمتو ما ظنيتو العبد بشيلا
قام الفارس ود النائر ولدا كان للحلة دليلا
قال يا ناس انبقي شيطانا حلف بي طلاق امشيلا امشيلا
تبأ وقامت الحلة وراهو استعزى وترك الخوف بي قفاهو
وصل البئر والنائر سابتا فارس العركة البيعوي صهيلا
وناطرا جنس ام جن يا الشؤم قاتلو انس لكن مظلوما
وطرز هايش خاتي اللوم الا الشوك باقيلا مقيلا
وخفست ايدو الشوك لا حدو وصوتا بقالو مسافة قليلا
ورغم دبايب الجب تستبسل يصارع يقاوم لامن حصل
وهبش اتناول باقي سبيبا مرقا ممعطة هشة هزيلا
وكل الحاضرا تنوح تتاسف ورية احساسا ولا بتوصف
اما النائر مقشوط دهشة والف سؤال في جوفو قتيلا
اتي شنو والجاكي شنو اهلك وين من ياتو قبيلة
قاتلو انسان والدنيا رمتني بت العز من عيلة اصيلة
كيف والبئر دبوب وعقارب قاتلو الهي رعايتو كفيلة
كيفك شهر وزيادة تعيشي وعارفا البئر والدالا محيلة
قاتلو هناك يا ود النائر جاني رجل ذو وشا ناير
وكان بديني لبن هيل البل كل ما يوم بيملالي حليلا
ان داير المعجزة تبقي اسية قارن بس بين يوسف وبين رية
يوسف نبي خصاهو المولي لكن رية حكاية طويلة
يوسف ذنبو ابوهو بريدو ورية ابوها ياهو عدوها
وهو الوهطا النار بي ايدوا وانهى حياتا وطفئ قنديلا
يوسف غيرة اخوانو رموهو وحتما مو قاصدين يرموهو
شان اختارو دريب جلابا وبقعة دم ضبحولا حميلا
ورية جنيتا خمسة نعاج وبيرا عليهو حايمة محيلا
ورغم الجب الجب لكن يوسف راجل ورية طفيلا
ورية مربعنا كبد البئر ويوسف قضي ليالي قليلة
والقران ما عدا دبائب في بئر يوسف والله عقارب
يوسف عاش في قصور الامراء وديك يا الليلة سكنها حليلا
يبقي الوطن يا رية سمعبك يبقي اتعقط وشالو الشيلة
والله حكايتك لسه حكايتك كالعصفور واطياهو الفيلة

[waya]

بت المراح

في مراح الغنم
خاتالها قيد الالقعود
وشايلاله كوره الالت صرار
وكهيل وكرباجين قعود تحلبن لبن شاي
الصباح حكلت كراع عنزة وشلوت بي ايده
بتلافخ البهيم وتريم اليااادوب ولود
قتليها داير احلب معاك
وانا اصلي جيت بيك وبلاك
قاتلي غنمنا معورات وبهمنا
توب ما هن فرود لا تقمح البهم الدغور
بشيشا شوي خليك ودود
وهي بتحلب الشطر اليمين وانا بحلب الشطر الشمال
وهبشة اصابعه بالغلط كانت متل صف الجنود هبشتني
بي نار اليهود شلتني من تال اليمين وشليتها من تال الشمال
ورجفت وعرقت وصهضبت ورمت الكهيل واتكهربت خفزت متل حمل
الخريف وقفت تعاين بالقدود
قتليها:روقي وهجسي وجلسنا بين تقره
وعتود وضجة مضاغات البعوض والكوره والقيد والقعود
ورجعت بدافس
البهم الفر وانا حارسلها خشم الكر
قتلها: اقعدي وخل نتعارف قاتلي: يبقالي تراني سحيه
قتلها ياني اب قيدا طابق كارب الجد ما بسوي النيه
تلاته
موصى عليهن بدري سيفي وجملي وكلبا ليا
ودابي جيد ما جيت قبالي الا
مقامي يناطح ااابنيه
قاتلي: التايه وبت قسم الله بت الدخري البوزن ميه
تلاته موصيه ما اهملهن
ضيفي وشرفي ووبر والديه
وشاربه معاني البر بالفطره وسلفا شرفا غناميه
واذنك عندي عجين ما انبله وهسي سايقه سعين فيو لوقي
وكشت
ومسكت درب الري وكسرت بالتحتاني تقوقي
وانا قوصصتله بالفوقاني وكع لاقيتها
علي الباهوقي
محل اللقطو هناك قباله وقتلها قومي وارح ونسوقي
داك الوادي وتبرو متبتب ارح وتقشي عقابن فوقي
قمنا وبينا تلاته امتار مشينا وبينا تلاته امتار قعدنا
وبينا تلاته امتار وحفرت قلبي تلاته امتار
قصدنا الشجر الفوق القيف تشابي المويه علي العليف
دفرنا معوزنا علي الحنتوت
غشانا دعاش ورزاز وتحيف
جدعنا مخالينا وكوعنا وقلة البن بي روقه وكيف
ومره تداعب قش البلب ومره ملوده ومره تقيف
وكاجرة طريحته ياللشابكه ديسه وعرق الاضنه لفيف
تمد البكر علي حس ضلي ودا العشقني بنية الريف
جلسنا كننا ادم وحواء برانا وكل الدنيا رميمه
وكنها لحظة نفخو الصور لا جبال لا ناس لا بهيمه
وغير دبة المعوز بقفانا وكل ما مرة تدغي بهيمه
لكـّّ حديثنا وجابلو لاتابه وأي سؤال ما عندو اجابه
وكل ما تاوق عنز تتشابه اعضعض وانتفه بي درابه اعضعض وانتفه بي درابه
وهجدت فوق لي كتفي الايمن وهمست متل النسم نغيمه
وقاتلي امبارح لا لبياح سالده وما طلتني النيمه
وقلبي يدق داير امرق مني ورعشه وخوفه ونفسي سقيمه
ونفسي يخم واعضاي منحله وزي النار في جوفي سميمه
ومرّه خيالك يتاوك يتاور احسك جمبي واقول دي جيمه
ومرّه سلامك ومرّ كلامك ومره اباهو ومره ادورو وتاني كلام ما بقدر اقولو
وماني سليمه دا حين كلملي ابوي من فضلك وقلو بنيتك دايره عزيمه
ودردمت ايدي لهيتا ام دردم واعي وصاحي وماها شتيمه
الا مربى معوز اّ التايه وشفتي البهم وكت ارضع امو بدفر وبلكز وتاني بريمه
قتلا روقي وانسندي اّ بنيه ماك مرضانه انسندي شويه
مرضك زي ناس ليلي وغيث اسمو الريد والحب والغيه
شهقت وقتلي لبوي بكتلني زوزت وشرفت متل اب درقه
وحت وزحت وهمدت شوفها ومرقت كم زفرات منحرقه
بلعت ريقه!! وقاتلي بريـــدك بريدك الا بخاف ما القالك فرقه
وسال دماعا علي خداده شتات العيش الفوق الورقه
دموعها كما اللؤلؤ تندله طفت البن والتبر انبله
وشافنا الطيب ود عبدالله زولآ مفتن ومابخاف الله
عض شلوفتو
ورصع ايديهو وقام واتدله
ادي خبرنا وجاط الحله كلم ابوها وعقدو الشوري وسترو الموقف بينو
وغله

[waya]

الساها وليمه حريه مقشط قلبي غواين وعله اتوادعنا بلا موضوع
مسموم كلو تقول ملسوع لالبياح مالاقت عيني مقدد قلبي
يوح مفوجوع شقي حمارنا ختفت اصراري الاقي الفي نيارنا رتوع
الا لقيت الفاجعه ترح عاد لا حوله ان بقي بالصح!!
لقيت الكون ف لحظه اتسمم شترت الكورة وقف مفجوع ! لقيت الزرب الكان مشلوع
لمحت البيت والدار صقوع! قصدت البهم الكر مقلوع
جريت شرقت جريت غربت سفل صعدت وقف مفجوع
وآسفاي يا الرحلو البارح خلو
رماد و هديم مجدوع
رحلو ودفنو هواي في دارهم دابو يتاتي وعمرو اسبوع!
ايا الرحلو بيبك عربك وخطروا زملو اخر الليل واتقطرو
تراني بناجي الطير فوق شجرو ين آ القمري دا حينا شترو؟
سفلوا صعدوا ولا امبترو؟!
قصدت البيت ووصلت فسحتو اكوس كرعي وضلي كسحتو
ولقيتو دريبا الما بغباني بحر فيهو ونصو مسحتو مرقت نعالي وزهج رعصتو
رحلو...
وخلو لدايه وكوره وضقله وودعه وخنجر وباقي شلتت والمفراكه وسكسك
وودعه وشيل ضبليب ملول و لتاج و نص مسواك
وتجدا و محمس و الحكاك
فتيل وطبله ودار مرحاكه قرش الطره قرض في
صره وكورة بره و نعال السره وعبره ومره
ودمعي انخر يودع فيك يا اتايه الحره
رحلو وجدعو الحول بقفاي حوول والناس منكسره معاي
حوول والنار وبتوج في اعضاي
اللولي الحسره واتاتي اساي واااه يا التايه الماشافتني
انا مرضان والناس عافتني
والايام بقفاك حقرتني ماسكه ايدي والشوق كفتني
وانا بتصرع بيوم باكر ودرق الذكرة بعود امتني
لا الدكتور لالفوق سجاده لا النوناي لا النمه شفتني
يوم شديت والدنيا ضحي ركب عناجي قصدت الصي
ختيت فيهو الماهو ردي رايق وقاصد جهة الحي
ولمحت غنيما فوق العجمه
وقتلوهم سلام ي اهل كقامه لوخ جملي وجيت عانيهم قالي خبرك؟ قتلو سلامة!!
ناس قسم الله وولدو امحمد مالاقوكم يا الغنامة؟
مالاقونا
ما شفتولكم غنمآ شقرة وسمهن شقة وقطفة وعقرة؟
ماشفناهن
ما شفتولكم قمرة تلالي سايقة بهيم دردور قدامة
ماشفناها!! الا كتير الطاش والحايم وصفه قلنا فيها علامة
قتلو: بنية تساوق مثل النسمه تاوية وضامرة وعندها شامه
تسيه مردم فوق اردافها فارعه ومتل البانه قوامها
فيها ظليط في ساقه الايمن وتشة نار ف راس ابهامة
عندها فستانين وتيلة ايل اسموكن وايل ترفيله
بيضا وتعجا وكاحلة وحالي كلامه
وكل ما تمرق طالبه الشارع تلقي المتلي وراها قيامه
قالو: اوصافك كلها عندي كنت
تقولي التايه ام شامه
كانت حولنا وهسي انقطعت ليها ايام ماليها حيامه وماك براك الضايق نارها
نحن برانا هلكنا غرامه ارح ابراني ونرجي الليل براي رايق لي عليها اسباب
ارجاها بالليل ومسك تاتاب لامن جينا ديار التايه وفرزت حيس طشاش وضباب
رفعت طرف الشمله وصرخت واااااي وااشوقي هدي الارباب
خفست وجات حفيانه تدج بركت عندي وقتلي حباب
ياا الفقدت قليبي صوابو ياا الخربت فؤادي خراب
وهسي انكسفت وهمدت شوفها كانت بتنخس في الدراب مو بايدي
وحات اسم الله وعقبال سال دماعاه انساب
قتلها ما تنكسفي وتحكي ظروفك ارفعي راسك وانزعي خوفك
ما فارقني خيالك سانيه وكل ما يوم يا التايه بشوفك
في حدقات الماره بشوفك
تحت النجمه الخاره بشوفك
فوق الرعده الكاره بشوفك
بين الشفع ماره بشوفك
كل ما يتمايل قصب التقنب فوق رتابتو التاره بشوفك
في الرحات الشاره بشوفك
في النهرات الحاره بشوفك
بين نقاط المطرة بشوفك
فوق الغيمه الجاره بشوفك
بين العفرت مارة بشوفك
عند طق روحي الكاره بشوفك
وكل ما يوم ياا التايه بشوفك
قالت:لي املا فيك ما خاب ان بقي بالصح مو قول اكضاب وان بقي ريدتك زي ما ردتك
وان بقي انت هجلود وارباب انا قديتلك قعر البيت وانت كان راجل خش بالباب
نتلت ايدي ونفضت حجباتي برم شنبي عدل سكيني وقم من عندها قاصد ابوها
وقتلو سلام يا مر الكيني
قنب في الواطه اتفرشخت تب سالمني وهز يميني
لقيتو بوسر في عنيقريب مشقوقه كريعو وتب متنيه مركب فيها كويز ايل صلصه
لكن عادي تشيل الميه قتلو جيتك وشايل ريده فوق قلبي وعارفك بي روحك تفديني
جيت وواثق ما بتكسفني بدور التايه تتملي ديني
قال حرررررم من دون ما اشاور داير اديك قال توريني
من وقتك في الحله معانا غيرك ماف مين قاشط عيني
جيتا وقتلها شن القول؟!!
قاتلي: ضغري ومر وود عول ما قايلاك بتسادر النار وتواجه ابوي بي عرض وطول
قتلها انا؟
انا بقولولي ما بتسادر ابوك وانا الطين اب جلفط والعكوك
وانا ان فرسان هوايش الدنيا جوك بسيرهم يا ام ضفاير عوس عدوك
وانا الشر المقسم فوق شرورو وانا الموت البشيل يات من يدورو
وانا ان صادفت عنتر في عصورو عبله بشليه عنوة ولا بشورو