الشئ دة حاصل ..أقرووووا اية الكرسى قبل ما تخشوووووا

[بت السرف]

حصلت لى حاجة غريبة ..

وقعدت افكر ..ياربى عشان ختيتها فى بالى ..

وللا الشفتو دة جد جد ..

هسة بحكى ليكم الحصل لى ..

دقائق أنقرأاية الكرسى ..: :

[بت السرف]

بسم الله ..زى الـــ فى زول جنبى ..

الحصل لى كالأتى ..
طلبو منى اتحرك امشى منطقة الطائف فى الخرطوم شرق ..
لانو فى زبون عنده عمارة محتاجة شغل ..
وطبعا كل المهندسين المعاى زاغووو (التقول كانو عارفين شئ)
المهم شلت مترى ودفترى واقلامى وطلعت مع صاحب العمارة ..
عمارة مبنية نظام فيللا من خمسة طوابق ..
وصاحلها طلب تتقسم لشقق..عشان يستفيد منها ..
وصلنى لحدى العمارة وفااااات..
وبقيت براااى ..
طلعت طابق طابق ..عشااان اخد تصور عن العمااارة ..

[بت السرف]

العمارة نظيفة زى الكانو فيها ناس ورحلوا منها..
المهم ..لقيت لى كرسى فى الطابق الارضى بتاع بلاستيك مكسور ..
قلت اشيلو معاى فوووق عشان اخت فيهو حاجاتى ..
وكنت شايلة معاى علبة عصير رانى حبيبات .. شبه مجمدة ..
وسندوتش طعمية بالشطة ..امممم رهيييب..
وطلعت ..بديت بالطابق الاول ..

[بت السرف]

بديت اشيل مقاساتى من الجانب الشرقى ..
الغرف واسعه وكبيره ..وجميلة جدا ..حتى كنت بتكلم واعلق
وانا عارفة انو مافى زول معااااى ..
حسيت بى عطش بعد انتهيت من الطابق الاول ..
قلت اقعد شوية اشرب عصيرى
واكل الطعمية ديييك ..
لقيت العصير لسة مجمد ..كأنو قاااعد فى تلاجة مع انو الجو حاااار..
مااشتغلت بيه كتير ..خليتو ..
فتحت السندوتش..انشيل لى قرمة واواصل ..
لفيتو ما سندوتش طعمية ..
دة سندوتش بيرقر وجامبو ..
قمت اتهيجتا ..الود الحبشى المغفل دة (معانا فى المكتب)
اقول ليه عايزة طعمية يجيب لى بيرقر ..
بس الــ نرجع المكتب .. مايرجانى الليلة ..
ولفيت السندوتش وختيتو فى شنطتى ..
وطلعت الطابق التانى ..

[احاسيس]

هههههههههههههههههههه تستااهلى عشان كنتى دايرة تجرينى معاك فى الموقع دا

سلام قولا من رب رحيم

[بت السرف]

بعد انتهيت من الطابق التانى ..
حسيت بالجوع ..بس قلت اصلو ماباكل البيرقر ..
من زمااان كايسة لى سبب اتشاكل بيهو مع الحبشى ..والليلة لقيتو السبب .. بس اليرجانى ..
شلت علبه العصير .. لفيها فكت شوية ..فتحتها وشربت منها بقة ..وختيتها وواصلت فى شغلى ..

لما انتهيت من الطابق التانى ..
وطلعت ..للطابق التالت ..
اتفأجات..



انو علبه العصير كانت مقفولة ..
مع انى متاكدة انى فتحتها ..
او يتهيأ لى انى فتحتها ..

[بت السرف]

هههههههههههههههههههه تستااهلى عشان كنتى دايرة تجرينى معاك فى الموقع دا

سلام قولا من رب رحيم

اصبرى لى ..موقع شارع المطااار مقاصدنى عمارة مسكونة الا اجيبك ليها

[ود الخير]

شوقتينا اها بعدين
حمدا لله على السلامه

[بت السرف]

قلت امكن بتهيأ لى انى فتحتها ..ماعلينا ..
فى الطابق التالت ..
كان وسخان شديد .. لما اتحيرت ..
زى الشفع الكانو بلعبو فيه ..
وبدبت اتذمر ..اهااا هسة اتوسخ بالتراااب دة
وهنا موية يغسلو بيها اليدين سااااى مافى ..
وجريت المتر بتاااعى ..
جريتو شديد لمن علق..
وقدر ماحاولت الفو تانى حلف مايتلفا ..
وبديت افككو ..لمن قعدت ليه فى الواااطة ..
نص ساااعه والمتر قدر ماا اجرو يأبى يتجراا معااى ..
لمن جرحنى فى اصبعى ..
والغريبة .. بعد انجرحتا ...
المتر فكا واتلف لى عاااادى ..
بس لما قمتا من الواطة ..الحتة الكنت قاااعدة فيها ..
زى الزول القشاااهاا بمقشاشة ..
ولقيت نفسى ماااتوسختا بالتراااب ..

[بت السرف]

شوقتينا اها بعدين
حمدا لله على السلامه

هندسسسسه ياغالى ...
الله يسلمك وحمدلله الشفناك طيب ..
وخليك قريب ..

[بت السرف]

شلت مقاسات الطابق التالت وطلعت الرابع ..
طبعا الكرسى المكسور ..
بشيلو معاى عشااان حاجاتى بختهم فيه ..

الطابق الرابع ادانى احساس انو الناس الكانت ساكنة فيه ..
زى العجائز كدة ..
مع انو العمااارة كلها مافيها عفش ..
بس كنت زى الشايفاها مفرشة ..
وبالذات الطابق دة ..احساس انو فرشو من النوع القدييييم
زى الفيه دانتيل ومطرزااات باليد ..

حسيت انى فترررت
قلت انقعد فى طرف الكرسى المكسور واكمل باقى عصيييرى داك ..
والحيرنى ..الكرسى ماكان مكسور ..

بسم الله ..
رفعتو وعاينت محل الكراااع الكانت مكسورة لــ نصهااا ..
لقيتهااا شلخة سااااى ..
والاغرب مافكرت فيه تانى ..
وشربت عصيرى ..
ورميت العلبة من الطابق الرابع .. للشااارع طوالى ..
وواصلت للطابق الخامس .

[احاسيس]

لوووووووووووووووووووول دا كلو حصل ليك ياثحبتى


برمة:ياشيخ ابو وردة انجدنا

[بت السرف]

لوووووووووووووووووووول دا كلو حصل ليك ياثحبتى


برمة:ياشيخ ابو وردة انجدنا

ابو وردة براهو مابنجدنى ..

شوفى شيخ هوووومى ..بتلقى عندو بخور تيمان

[بت السرف]

فى الطابق الخامس ..
ادانى احساس انو السكنوهو كانو عرسااان
يااادوب فى بداية حياتهم ..
وبديت اتكلم براااى ..
ياربى تهنيهم وتسعدهم ..

وبما انو الطابق الخامس كان صغير ..
اخدت مقاساتى سريييع ..
بس لقيت لى فى نص الصالة ..
زى كرت معايدة الصغنونات ديلاك ..زى البرسلوهم مع باقة الورود ..
شكلو حلو .. وفيه رسمة قلب مذهب ..
وكلمة وااااحدة مكتوبة بــ لون فضى برقش..
(شــــــــــــــــــكرا لكِ)
عجبنى الكرت شديد وكأنو مكتوب لى مخصوص ..
بس ختيتو فى مكانو ونزلت ..

[انا واحد]

انتي عمرك كم يابت السرف

لان الحالة 19 دي بتجي للناس الخرف ،، وبما انني اومن بها يابت السرف

[الأميرالحب]

فى الطابق الخامس ..
ادانى احساس انو السكنوهو كانو
عرسااان
يااادوب فى بداية حياتهم ..
وبديت اتكلم براااى ..
ياربى تهنيهم وتسعدهم ..

وبما انو الطابق الخامس كان صغير ..
اخدت مقاساتى سريييع ..
بس لقيت لى فى نص الصالة ..
زى كرت معايدة الصغنونات ديلاك ..زى البرسلوهم مع باقة الورود ..
شكلو حلو .. وفيه رسمة قلب مذهب ..
وكلمة وااااحدة مكتوبة بــ لون فضى برقش..
(شــــــــــــــــــكرا لكِ)
عجبنى الكرت شديد وكأنو مكتوب لى مخصوص ..
بس ختيتو فى مكانو ونزلت ..

سجمي يابت امي دا شيطان سلامآ من قول رب رحيم
بره النص
ركزي ع اللون الاحمر يابت امي
لكن خوفتينا يعني لمن نجي نعرس ما ناجر في الطائف ولا شنو
حمد الله ع السلامه انتي وفردة جناحك صافو العثل

[الأميرالحب]

فى الطابق الخامس ..
ادانى احساس انو السكنوهو كانو
عرسااان
يااادوب فى بداية حياتهم ..
وبديت اتكلم براااى ..
ياربى تهنيهم وتسعدهم ..

وبما انو الطابق الخامس كان صغير ..
اخدت مقاساتى سريييع ..
بس لقيت لى فى نص الصالة ..
زى كرت معايدة الصغنونات ديلاك ..زى البرسلوهم مع باقة الورود ..
شكلو حلو .. وفيه رسمة قلب مذهب ..
وكلمة وااااحدة مكتوبة بــ لون فضى برقش..
(شــــــــــــــــــكرا لكِ)
عجبنى الكرت شديد وكأنو مكتوب لى مخصوص ..
بس ختيتو فى مكانو ونزلت ..

والله ما دخلتي فوقي خوقه ما بتمرق
ركزي علي اللون الاحمر يا بت امي
حمد الله ع السلامه يا سروفه انتي وصاحبتك صافو نورتو البلد

[بانه]

حمد الله على سلامتك
اها باقى الحكاية شنو لما رجعتى المكتب تانى قولتى ليهم شنو

[مسلمة وافتخر]

كر عليكى يا بت امى

انا غايتو كان جرجونى جرجييير ما بمشى اعاين لى بيت من غرفة وصالون براى
بس الظاهر عليكى قلبك قوى يا سروفة يا اختى
هههههههههه قلتى لى لقيتى سندوتش الطعمية قلب بيرقر خوفى تانى يرجع طعمية
يا لهوووووى
انجدنا يا منجدنا
منتظرااااااااكى يا سروفة تتمى لينا الباقى

برمة علبة العصير الفاضية برموها من الشباك كويس انها ما جات فى راس زول

[إشراقه]

بت السرف كملى حصل ايه انا خوفت

لوحدى والله ما أكمل ربع دور وامشى