جلسة شــــــــــــــــــــعرية

[سلطان القلوب]

[align=center]وكتبتا ليك ..........وانا فيني منك كم حروف
وقعدتا أرتب فيك مسحات وإمتداد ....
يازول محكر فيني شوق .........الفة وجمال
مابين عيونك وأحتمال القاك ..مساحات من فصول
وما بيني بينك شوق ونور....
وأحساس فسيح بعودة المطر الهطول
وانا يا ربيع مستني طيفك يدخل الروح زي جمال روح الوليدات الصغار
وأتونسك الفة ودلال .....وكم من عبق وسنين خيال
وانا ياني قاعد بحبا في حرم الحروف ....
شان أرسمك كلمات جمال
وكتبت ليك .....
غيرك ولا طلة شمس جوة الفؤاد
غير ولا جاني الفرح يمحي السهاد
وانا فيك مركب جملتين
أبقاك وعارف روحي في محياك بتوة ......... والتانية تبعد مني لما الروح تموت[/align][/color][/size]

[عبدالله عوض الكريم احمد]

وقت القلم ينذف حرف تلقاهو في قاموس سلطان القلوب يعذف لحن
وفي قلم الدريم يجعل لياليك حلـــــــم
وتنضم للشلة ميسم تعزف نغم
ياسلام عليكم ياشباب يارائعين
ومني ليكم أجمل عقد فيهو التحايا
والاشواق منضوم نضم
نتمنى أن تطول جلستكم الشعرية
ولا تحرمونا من كلام الليل السمح ده

[dream-lady]

في اللحظة ديك...والدهشة تبصم بالألق
وهج الحضور...روعة قلم
بهجة ذهول..طيف الحلم
يبصم هنا...ياود مسكين...طلتك تبهج سنا
وترعش قلم
وتهب نسايم الليل عقد
تجزل حكم
وتغزل نغم
وياريت كمان اقدر ارسم حلم..
وياريييت كتير ...يتحقق,,,داك الحلم

[عبدالله عوض الكريم احمد]

الروعه منك وفيك انتهـــــت
والحروف والاقلام منك انبهـــــــرت
يا روعة الحرف والمشاعر عندك رســــت
ولقت الشواطي الليها قاست ماقاســــــت
سهر وهيام ورحلة تعب وفي النهاية راقت
لك دريم ولمن هم بصحبتك اجمل تمثال منحوت نحت
مرصع بنور بهائك الجميل فوق وتحت

تسلمي ايتها الرائعة الفضلى /دريم

[dream-lady]

...في روعة الليل البهيم
والجلسة تبهر ...تنعش في القلوب
ونسايم الليل العليل...تصدح تغني ...والأفق يرقص يميل
والسحب..تنثني...وتهز خصر الغمام
وتتكلم الانفاس...وتختصر الكلام
...ويتحرك موج البحر...يركض سريع..ناوي العناق
وتسكر رمال الشط...وتذهل الاصداف..والشط سكر مافاق
وتسحب اطراف الانامل...غاصت في هيام
وتنتشر شراع الزوارق...زي حمامات السلام
...والموية...تسرح وتنحسر مع كل دقة قلب..ورمشة هدب

والموية تفرح وتنتعش..مع كل ضحكة ترتعش

مع كل موجة تفترش....لحظة دغش
في لحظة ودع القمر..وغاب...واختفى وجه القمر بين الضباب
وظهرت الشمس من هنااااااااااااااك وسط اليباب

لحظة بانت شمس...وسلمت سطح الافق...ورمت الشفق
اشرقت ..أول وهج.....
فاقت امواج البحر من سكرتها...

ونفضت رمال الشط من سترتها

ولهبت شوق للسمر من جمرتها

وخطفت حبة شفق لحمرتها
ورسلت رسالة وداع لقمرتها
وازدانت سمار وجمال فوق سمرتها
ومانست..أثر الانامل في الرمال...دثرتها

وقامت -مانست الشمس...حيتها
وقالت...ليل السمر عود...انا قلبي بيك موعود...

[نجم النجوم]

ﻟﻤﺎ ﺗﺤﺐ ﺣﺐ ﺑﻲ ﻓﻬﻢ
ﻣﺎﺗﻤﻠﻰ ﻗﻠﺒﻚ
ﺑﺎﻟﻮﻫﻢ•●٠·
·٠●• ﺣـﺐ ﺯﻭﻝ ﻳﻜـﻮﻥ
ﻟـﻴﻚ
ﺍﻟﻄﺒﻴﺐ
ﻳﺴـﺄﻝ ﻋﻠﻴـــــﻚ ﻟﻤـﻦ ﺗﻐﻴـﺐ
•●٠·
·٠●• ﺍﺧﻠﺺ ﻋﺸﺎﻥ ﺗﻠﻘﻰ
ﺍﻻﻣﺎﻥ
ﻭﻗـﺪﺭ
ﻛﻤــــﺎﻥ ﺧﺎﻃــــﺮ ﺍﻟﺤﺒﻴﺐ
•●٠·
·٠●• ﺳﺎﻣﺢ ﺣﺒﻴﺒﻚ ﻭﻟﻮ ﻏﻠﻂ
ﺍﺻﻠــــﻮ
ﺍﻟﺒﺸــﺮ ﻣﺨــﻄﻲ
ﻭﻣﺼـﻴـﺐ •●٠·
·٠●• ﺍﻟﺤﺐ ﺩﻩ ﻣﺎ ﺫﻭﻕ
ﻭﺍﺣﺘﺮﺍﻡ
ﻓﻴﻬﻮ
ﻧﻘـــــﻮﻝ ﺍﺣﻠـــﻰ ﺍﻟﻜــــــﻼﻡ
•●٠·
·٠●• ﻟﻮ ﻧﻔﺘﺮﻕ ﻧﺤﺰﻥ
ﺷﺪﻳﺪ
ﻟـﻮ ﺍﺟﺘﻤـﻌﻨـﺎ
ﻧﻌﻴـــــﺶ ﻏــــــــﺮﺍﻡ ●
•٠·
·٠•
● ﺃﻋﻤﻞ ﺣﺴﺎﺏ ﻣﺎ ﺗﺄﺫﻯ ﺯﻭﻝ
ﺩﺳــــﺎﻙ ﻓﻲ ﻗﻠﺒـــﻮ ﺍﻟﻴﻤـﻴﻦ
•●٠·
·٠●• ﻓﺘﺶ ﻋﻠﻰ ﺍﻟﺰﻭﻝ ﺍﻟﺤﻨﻴﻦ
ﻳﺤﻔــــﻆ
ﻏﺮﺍﻣﻚ ﺑﺎﻟﺴﻨﻴـــــــــــــﻦ
•●
·٠●• ﺃﺳﻘﻴﻬﻮ ﻣﻦ ﻗﻠﺒﻚ
ﺣﻨــــﺎﻥ
ﺇﺣﺴﺎﺳـــﻮ ﺑﻴﻚ ﺣﻴﻜﻮﻥ
ﻣﺘﻴــﻦ
.
.
.

[نجم النجوم]

أصلو قالو الريدة دنيا وياما فيها تشوف .......عجااايب
ناس بتخلص في المحبة وناس بتنكر للحقيقة
في البريدك ريدة صآدقه وفي الببيعك في دقيقة
في الريدة ياما تشوف مأسي وأنت عابر في طريقه
زول بيلعب بالمشاعر وزول يقدس في الحبيبه
الريد سحآب شايل غمآم بغشي ويزور كل البيوت
ناس تعيش بالريدة دنيا وناس معاها الريد يموت
في البيخلص لي حبيبو وفي البسيب دربو ويفوت
الناس شعورها بيختلف والريدة زاتها خشم بيوت
الريد شعور مافينا زول بتحسسو
الريد كتاب لازم نذاكرو وتدرسو
الريد حنان بيدي الامان للبخلصو

[عبدالله عوض الكريم احمد]

الريـــد الريـــد يا أهل
متين لدياركــــم نصـــــــــل

[نجم النجوم]

مع إنو ضلام الكون جواي
انا كنت بتاوق ليك في النور
عميان وشايفك بالإحساس
راجيك تلقاي
تمرقيني عليك
فتحى عينيك
مدى لي إيديك
خليني أحسك في مغناي
ضهبان الريد
مشتاق البوح
نشفان الشوق
مبلول النوح
بديك عيني
وفداك الروح
مدى لي إيديك
انا محتاج
تتبكم قدامي الدنيا
وما اسمع صوته الرجاجه
مرقن أشواقي يلفن فيك
زي لف الكعبة وحجاجه
مديتلك إيدي قد ماتريدى
ما لقيت لي منك ولا حاجة
وشن فايدة ريد كلو ملامة
وشن فايدة تمشي تصلي الشوق
شان حاسة في عيوني قيامة
أوعاك تسمعيني أكان غنيت
أنا ساكت بربق وكلامه
ساسقت عشان أوصل حدك
سبقتني الدنيا واحكامه
"اعفيلي مواجعك لو مني"
ما إتى عارفة حالي وجني
غبيان وممكون وساهي
راجي الأحلام المتواهية
لليلة وحاتك ماجني
ومشكورة حروفك ياسلواي
الليلة الجني وحجني....

[نجم النجوم]

ما بيدى احكى ديمة برسل بالنيابة عنى الــــــــــــــحروووف
بتجبنى راجعه بشغف وتحكى لى عن زولى الولــــــــــــــوف
ساعات بحس بالريد جواى نطق ووصل احلى الحـــــــــروف
وساعات اقول خلاص القلب نزف ومليان بالجــــــــــــــرووح
ساعات احس بالوحدة رغم انى برسم الابتسامة وسط الالوووف
وساعات احس الكون حايطنى بالسعادة رغم قسيان الظـروووف
اصلو قالو البودك جد ما ببخل عليك حتى ولو بالحــــــرووف
والبعزك جد بواصلك جد رغم حرمان الظــــــــــــ،ــرووووف
اصلو المخلص في الريدة مصيرو التوهان وما بلقي نفسو وسط الزحوووف



خارج النص:
ايها الاحباء ها انا قد اتيت لكم وقلبى مفعم بالاشواق الاريحية
ولقد افتقدتكم جد في هذه الفترة ووحشتوونى جدا
بس مع اسفي الشديد تركت لكم بصمة وافتكرت لما اجى راجع القي زكراى وسطكم
لانى اتيتكم باجمل ما يمكن ان تنثر فيها الحروووف اللهي الجلسة الشعرية هذه
قلت امكن اجى القاكم متواصلين فيها لكن حصل العكس اين انتو واين مشاركاتكم واين شقفكم وحبكم لهذه الفقرة
بالرغم من ذلك انا لا اعاتبكم ولا الومكم والناااااااااس ظروووووف