في السودان الحمد لله مختلف انواع الخضار متوفرة والواحد ما بحتار .. بس هنا والله بجد وبصورة يومية بصيبني التوتر لما نفكر بكرة نتغدى شنو ؟ الحاجة دي بالجد مقلقاني شديد فالخيارات محدودة
والنفسيات ما متوفرة والبيئة وطقوس العمل ما مساعدة على التفنن في التنوع عشان كدا بنفضل أكلاتنا السودانية
ملوخية
ام رقيقة
تقلية
مفروكة بامية او خضرة
رجلة
دا طبعا بالنسبة للغداء .. العشاء كتير بنجلدو ومرات نكسبها كبسة ولا فول ولا كمونية والحاجات زي دي ؟
اها يا اخواتي المغتربات في السعودية انتو بتاكلو شنو ؟
في تاني خضار تاني وصنف تاني يتعمل على المذاق السوداني ؟
بعد القيام بجولة تفتيشة بسوق الخضار في حي عتيقة وجدنا انه من الممكن طبخ :سلج بشمار اخضر مفرهد وفاصوليا بيضاء ومحشي (كرمب او كوسا مع سلطة
ملوخية مفرومة وطبق ارز وبامية خضراء تفتح النفس وسلطة خضراء
ام رقيقة اكل الملوك مع لحمة ضلع وسلطة بيضاء
بامية مفروكة مع صينية بطاطس بالدجاج وطبق ارز مكرونة بالباشميل والخضار مع شوربة و طبق سلطة ملوخية مفروكةبالكسرة ومكرونة باللحم المفروم وكفتة وسلطة خضراء سمك باي شكل (مقلي&مشوي&صينية)مع طبق ارز وسلطة خضراء الشطة الخضراء عامل مشترط طوال الاسبوع...والحلا يستحسن فواكة عدا يوم في الاسبوع يكون صينية حلا باردة او بالفرن... ويمكن التغيير في أي يوم ب(ملاح تقلية((ويكة)) أو دمعة مسبكة بالقراصة&أو فتة بسلطة ورز
ده جدول يكفيك لاسبوع أو أكثر حسب الشطارة فراديسو وانت وهمتك
ومرات نكسبها كبسة ولا فول ولا كمونية والحاجات زي دي ؟
