يا حروم المغتربات في السعودية سؤال

[dream-lady]

مالفرق بين خضار السوق وخضار محلات الخضر والفواكه والمولات كبنده والعثيم؟؟؟

الافضلية للاسواق : مثل سوق عتيقة وأسواق الربوة والشمال والمروج

لماذا؟؟

لانة طازج
الخيارات اكثر من حيث عدد المحال ورخص الاسعار وكثةر الكميات (خاصة للاسر الكبيرة)
اما خضر المولات فهي دائما غير طازجة

[ميسا]

مالك واقف لى فى حلقى
لو مافى خضار المراه بتتصرف
لو المراه مافى وفى مليون صنف خضار الراجل ما بعرف يتصرف

زي ما قالت مها وهي على حق.. الواحدة صراحة بتقدر تصرف وتدبر .. ما سمعت يا الفردوس بملاح ام شعيفة وملاح البصارة..دا طبعاً غير ملحات الخلا البنعرفا في القضارف وكسلا وتندلتي وغيرها من انحاء السودان زي ملاح الموليتا والتمليكا..والكجيك ونحن المغتربات من تلك البيئة بيئة المباصرة وتدبير والاقتصاد ...وانتوالرجال غير البوش ما تعرفوا شئ..هههههه
بوست فكرتو جميلة ومثيرة لكثير من الافكار وكمان المباصرات...
تقبل مروري

[الفردوس المفقود]

[quote="مها"]انت ما دارنى اجى هناك عشان افتك لى المدام
بس اصبر كلها ايام وتلقانى فى وشك[/quote]

[quote="dreem-lady"]

بعد القيام بجولة تفتيشة بسوق الخضار في حي عتيقة وجدنا انه من الممكن

طبخ :سلج بشمار اخضر مفرهد وفاصوليا بيضاء ومحشي (كرمب او كوسا مع سلطة

ملوخية مفرومة وطبق ارز وبامية خضراء تفتح النفس وسلطة خضراء

ام رقيقة اكل الملوك مع لحمة ضلع وسلطة بيضاء

بامية مفروكة مع صينية بطاطس بالدجاج وطبق ارز
مكرونة بالباشميل والخضار مع شوربة و طبق سلطة
ملوخية مفروكةبالكسرة ومكرونة باللحم المفروم وكفتة وسلطة خضراء
سمك باي شكل (مقلي&مشوي&صينية)مع طبق ارز وسلطة خضراء
الشطة الخضراء عامل مشترط طوال الاسبوع...والحلا يستحسن فواكة عدا يوم في الاسبوع يكون صينية حلا باردة او بالفرن...
ويمكن التغيير في أي يوم ب(ملاح تقلية((ويكة)) أو دمعة مسبكة بالقراصة&أو فتة بسلطة ورز

ده جدول يكفيك لاسبوع أو أكثر حسب الشطارة فراديسو وانت وهمتك
[/quote]



تسلمي دريمو الله يديك العافية لا كدا جيهتيني جيهة صاح
الليلة يا السوق أمانة ما جاك زول

[الفردوس المفقود]

[quote="ميسا"]زي ما قالت مها وهي على حق.. الواحدة صراحة بتقدر تصرف وتدبر .. ما سمعت يا الفردوس بملاح ام شعيفة وملاح البصارة..دا طبعاً غير ملحات الخلا البنعرفا في القضارف وكسلا وتندلتي وغيرها من انحاء السودان زي ملاح الموليتا والتمليكا..والكجيك ونحن المغتربات من تلك البيئة بيئة المباصرة وتدبير والاقتصاد ...وانتوالرجال غير البوش ما تعرفوا شئ..هههههه
بوست فكرتو جميلة ومثيرة لكثير من الافكار وكمان المباصرات...
تقبل مروري[/quote]

ميسا شكرا ليك ما قصرتي
نحن مرات بجيبنا الحنين للمباصرة خاصة نص الشهر
لكن كلو من الغربة