هنا نحكي قصة أغنية- بوست متجدد

[ناجي عثمان عبد الرازق]

جوهر صدر المحافل
(( الشاعر صالح عبد السيد " ابو صلاح " ))
(هذه الاغنية من درر الحقيبة ومن اروع الكلمات لان الشاعر ابو صلاح
استخدم فيها مفردات رائعة وسلسلة واستخدم فيها من فنون البلاغة الكثير والمثير
فكانت واحدة من اعظم اغنيات الحقيبة واكثرها استماعاً )

ياجوهر صدر المحافل روحي معاك اتلطفيله
مالدور الفي حليه رافل في حكمك لقلوبنا قافل
كالظبي الفي مقيله غافل تارة يميل والتانية جافل
وجه ينور والبدر آفل فوق للبدر يزيد نفيله

ليك جوز عين نعسان وكاحل زي وجدي اللي جسمي ناحل
بحر الشوق ماليه ساحل بنسب نوحي علي البلابل
وانتي القمره بتنسبيله

الغصن البتنى مايل طيره ينوح بي غصنه مايل
أهوى نسيم لي فكري شاتل الأسد الفي القيد يناتل
يتأكد ماليه كاتل غير مكحول ظبي النتيله

المرنوع بي كنفه هادل درعه يميل بي خصره جادل
أنا نايم والليل سادل شرط الحاكم يبقى عادل
مايمنع طيفك يغازل أنا في الحب لي روحي بازل
داخل قلبي ليك منازل يا لايم لاتبقى هازل
هل عاشق يسمع لعادل خلي نصيحتك عني زيله

يوقد شوقي ودمعي هامل جمر الحب لي جسمي شاعل
كيف لا تشعل في مشاعل لو الدهر بي حالي جاهل
في الأنجم أسأل سهيلة

أنا في الريد مالقيت وسائل غير بث النسمات وسايل
أغرب شي وعجبنا سايل حلم الصاحي ودمعه سايل
لو شكيت في أمري سائل البدري كونك مثيله

يوقد شوقي ودمعي هامل جمر الحب لي جسمي شاعل
ضاق بي الكون مع إنه ماهل دمي يخضب للأنامل
هل يرضيك كدا ياجميله
هل يرضيك كدا ياجميله
هل يرضيك كدا ياجميله

[ناجي عثمان عبد الرازق]

كدراوية

ما دايما الاغنية بتكون نتاج لاحساس جميل او موقف رائع او حتى ملامح باهية .

قليل و ربما يكادون لا يتجاوزون اهل المنطقة المحيطة
" و الذين شهدوا قصة البت الكدراوية "
هم من عرفوا القصة و التي تكتم عليها اهلها تجاوزا لاشياء كثيرة جدا .

الكدراوية هي فتاة جميلة بسيطة من عائلة بسيطة تقطن بمنطقة " ابو حليمة "
بعد الكدرو بكيلو مترات لا تتعدى اصابع الكف .

عاشت حياة تتمنى فيها الستر بعد رضا ربها و الوالدين .
بعد ان بلغت مرحلة الانتقال من حياة بيت والدها الى بيت صاحب نصيبها تقدم لها الفنان النور الجيلاني ,
فالتزمت الرفض بشدة رغم اجبار الاهل و كل من دخل بيتهم لها .

فما كان من كدراوية الا ان تسرق الخطوات مسرعة لتلقي نفسها بين احضان النيل ليبتلعها
و يخلف لنا اسطورة الاغنية و التي صارت و ما زالت في نظر الكثير ..
اغنية حفلات لها طابع الفرح هو الغالب فيتراقص كل من سمعها طربا .

و من الاخطاء الشائعة ان اسم الفتاة كان " صفية " و هذا ليس صحيحا _ . اذ نجد مطلع الاغنية

فكري مشغول بصبية " و ليس صفية " .

رحمك الله يا كدراوية

كلمات الاغنية

فكري مشغول بصبية
وشال النوم من عينيا
والقمر شاف العليا
نزل اسال مين دي هيا
والزهر ادي التحية
والفراش حام حوليا
جناحو صفق
كدراوية.....كدراوية


ما حرام منك ازيا
وما حرام انت الازيا
وانت اقرب زول اليا
بشكي ليك مر الشكيا
والقليب نيرانو حية
والعيون دايما ملية
والمنام فارق عينا
الله لي روحي الوفية
شايلة ريدك والاسية
ما بتحن مرة وترضيا
قايله ايه الدنيا فيها
الدنيا رايحة فايتة رايحه لا دايمة ليك
ولا دايمة ليا

يا طيور الريد ي قمريه
وصفوك دايما وفية
طيري شيلي معاك وصية
ودي للكدرو التحية
تلقي زول ناير المحية
والبسيم برق العشية
والعيون وهج الهدية
والخدود كيف بلوريه
قولي ليهو بحنية
الصدود صعبان عليا
تهون عليك الروح ضحية
قايلة ايه الدنيا فيها
الدنيا رايحة فايتة رايحة
لا دايمه ليك لا دايمة ليا

انت ي طيب الاقاحي
ف المساياك والصباح
روحي راحتي ورواحي
لا بتحس يوم بجراحي
ولا نتقول اه من نواحي
يا العاملة هجرك ليكيا ليا
لشنو كيا ليه كيا
قايلة ايه الدنيا فيها
الدنيا رايحة فايتة رايحة
لا دايمة ليك ولا دايمة ليا

كدراوية ....كدراوية

[ناجي عثمان عبد الرازق]

: قائد الإسطول ..
للشاعر/سيد عبد العزيز ..

مناسبة الأغنية :

أعجب سيد عبد العزيز بإحدى بنات المهدي
في حي الأمراء وتقدم لي خطبتها ولكن طلبه رُفض
وكان سبب الرفض انه مغنى وشاعر..

وكانت البنت طالبه في كلية المعلمات في أمدرمان
وكان يذهب الى هناك كل يوم ينتظرها ليراها وهى خارجه من الكلية ثم يعود.
وكعادت الطلاب يخرجون من المدارس فى شكل مجموعات كل مجموعة تذهب من ناحية.
وفى يوم من الايام خرجت هى بمفردها من غير المجموعة التى تعود ان يراها معهم ،
ولكن بعد لحظات خرج خلفها البقية ،
واصبحت هى فى المقدمة والجميع من خلفها ..
وشاعرنا سيد عبد العزيز لاحظ المشهد
وشبه البنت المعجب بها
بقائد الاسطول
لانها كانت تسير فى مقدمة البنات
وباقي الطالبات من خلفها بالجنود ..
وصوره في أجمل لوحة وقال :

يا قائد الأسطول تخضع لك الفرسان
ياذو الفخار والطول أرحم بنى الإنسان


واصل فى القصيدة وقال:

مين لسماك يطول ما يطولك اللمسان
معناك شرحه يطول والله يا إنسان
أصدق كفانا مطول ياذو الحسن إحسان
أنا عقلى بيك مختول والناس عقول ولسان
ما بنكر المعقول آمنت بالأيمان
بالطلسم المصقول بدل لخوفى أمان
بالنور سحرت عقول كانت صميمة زمان

وتابع قائلا :

يا من تحق القول قتل النفوس حرمان
وما الجندى والمكتول و طالب الغفران
من أيده راح منتول واتوهد النيران
فاقد الصواب مبتول مما رأى حيران
أصبح زهر مشتول وفاح ملا الجيران
يا علة المعلول كم أومى ليك بنان
كم من أٍسير مغلول مالاقى فى لحظة حنان
يرى وعدك المحلول زى حجة الوسنان
والكان سكونه تلول ما ببدلهم بجنان
يا حبيبي كون ممهول وليكون ماكان ..

الى نهاية القصيدة وختمها بقوله:

الفى غد مجهول والماضى أسمه الكان
نفديك شباب وكهول ونبقى ليك أركان
فى حبك المأهول ونخدم السكان
يالفى سماك مفصول تنشاف عيان وبيان
ما عرفنا ليك وصول وما دنيت أحيان
إنت الخطاك أصول يعلم الديان
مثلت فينا فصول ما بدرسها النسيان ..

[ناجي عثمان عبد الرازق]

قصة أغنية: ماتهتموا للأيام


كلمات: عوض جبريل

غناء: كمال ترباس

يقال إنها كتبت في احد الفيضانات التي اجتاحت مدينة الثورة ويقال إن الشاعر عوض
جبريل في ذلك الوقت كان يسكن في الثورة الحارة 11 ومع شدة الفيضانات وقعت
أجزاء كبيرة من منزل شاعرنا عوض جبريل وأصبح المنزل مكشوفاً ووجد عوض
جبريل زوجته في حالة حزن على ما أصاب منزلهم فكتب يواسيها:

ماتهتمي للأيام
طبيعة الدنيا زي الموج تجيب وتودي
ما تهتمي للايام
ظروف بتعدي ما تهتمي للايام
سبيل الزول عشان يفتح طريق يا دوب
يكون زادو البشيلو معاهو شوق مشبوب
عشان يلقي انتصارو يا زمن محبوب
يضوق المرة يتوشح بي صبر ايوب
ما تهتمي بالايام
ظروف بتعدي ما تهتمي للايام
وما تهتمي اصلو الناس حياة ظروف
بتتحكم تغير كل خط مالوف
مصير الزول حياتو ياما فيها يشوف
وفي دنيانا بنلاقي الفرح والخوف
ماتهتمي للايام
ظروف بتعدي ما تهتمي للايام
جمال الدنيا في بسمة سرور وجمال
وفي فرح الخواطر الطيبة في الامال
وفي شروق الصباح في بسمة الاطفال
ومهما تظلم الايام ضياها الفال
وما تهتمي للايام
ظروف بتعدي ما تهتمي للايام
الأغنية تحولت بعد أن اشتراها الفنان كمال ترباس
إلى ماتهتمو للأيام
وبقروش الأغنية
أعاد عوض جبريل بناء ماوقع من منزله.

[ناجي عثمان عبد الرازق]

بحر المودة :
يحكي أن شاعر الاغنية الاستاذ السر عثمان الطيب
انو قبل سنين طويلة سافر من البلد قاصد الخرطوم عشان يشتغل فيها وطبعاً حنية قلب الوالدة عليهو
قالت ليهو ما تسافر يا السر يا وليدي لكن اقنعا بانو لازم يسافر فوافقت على مضض ..

سافر السر للخرطوم وعاني ويلات الغربة عن الام والاهل وعاني من ظروف الحياة الصعبة والعمل الشاق
وصورة امو اصلاً ما فارقت خيالو وطبعاً هو كان اصلاً زول فنان وشاعر عندو ملكة الشعر من الصغر ،
قال مرة جاء واحد من البلد ونزل عندهم في البيت بتاع العزابة في السجانة ،
السر سالو عن امو زينوبة
الراجل قال ليهو والله تسلم عليك كتير السلام ومشتهية تشوفك وتسمع اخبارك ،
والسر ما رهيف وقلبو حنين مو شايقي وبحب امو طوالي الدمعة فرت من عينو
ومشى الاوضة بتاعتو وقعد يفكر في الوالدة وكتب الكلمات دي من صميم قلبو وهو بيبكي ..

بعد كم يوم كدي قام لاقى الفنان محمد جبارة لانو صديقو وحكى ليهو الحصل وشوقو للوالدة
قام محمد جبارة قال ليهو ان شاء الله تكون كتبتها ..
السر قال ليهو اي والله كتبتها في شكل جواب لامي ، محمد جبارة قال ليهو خلاص ادني ليها انا بلحنا واعملا اغنية ،
لسر ضحك وقال ليهو اغنية شنو ما اظنها تتلحن دي كلام ساي محمد جبارة قال ليهو ما عليك ادني ليها.

و بعد الحاح محمد جبارة السر اداها ليهو وبعد كم يوم قابلو قام محمد جبارة قال ليهو تعال اقعد داير اسمعك اغنية
وفعلاً غناها ليهو لاول مرة وتاني السر قعد يبكي لانو ما مصدق انو كلامو دا يبقى اغنية جميلة بالروعة دي واللحن الحزين دا

ودي كانت بداية انطلاق للتعامل بين محمد جبارة والشاعر السر عثمان الطيب
وكانت بحر المودة الاغنية الجميلة والحنينة دي ..

كلمات الأغنية

شوفى الزمن يا يمة ساقنى بعيد خلاص
دردرنى
واتغربت
واتبهدلت يا يامة
ورينى الخلاص
ساقنى القدر منك بعيد
جرعنى كاس
يا يمه
يا فيض الحنان الما كمل
يا يمه
يا بدرى البشع دايماً يهل
يا يمه
يا نور الصباح وكتين يطل
واشرى يا (زينوبه) ولدك فى دروب الشوق كتل
محروم من الحب والمحنة
وراك همل

يا يمه
يا بحر المودة وكت يفيض
يا يمه
يا شعلة أمل زادت وميض
يا يمه
يا عنقود كلام منظوم قريض
يا يمه
يا نغماً حس بالشوق يرن وافكارى فيهو .. بيرتعن
دمعاتى شانو .. بينزلنواتذكرك يا يمه
فى الدغش النسايمو يهبهن
قايمى الصباح متكفلتى
شايلى الحليلى على المراح
والساعة ديك يادابو ديكنا بدا فى الصياح
والطير صغارو يغردن .جبتى اللبن بانشراح
واتذكرك يا يمه
ساعة الهجير صالاكى نار الدوكى
عُستيلنا الفطيررشيتى قلتى اكلوهو خير
واتذكرك يا يمه
يا بسمة الطفل الغرير وكت الخلوق ترقد تنوم
واسهر براى أرعى النجوم
والشوق يرف جنحيهو
بى فوق لى يحوم
هتف باسمك فى الخيال
[طيفك كمان بي فوقى جال
واتمنى لو لحظات يدوم
[لكنى فجأة القاهوو زال

واتذكرك يا يمه
ساعة الناس يجونا من البلد
ناعم ترابا على جسيماتن رقد
ريحة التمر فوق الهدوم
[لون الخدار خانس لّبد
والشوق أوارو بيشتعل
كان ظنى فيهو يكون خمد
واتذكرك يا يمه والناس قالو قايمين البلد
رصو الهديمات ..عدلوا
ركبوا اللوارى وقبلوا
خلونى وحدى بلا أنيس
[كيف انفرادى ..اتحملوا
شالوا السلام من عندى ليك وان شاء الله عندك يوصلوا

يا يمه
ساعة يوصلوا
ويقولوا ليك ..شفناه فى بلد الامان
مبسوط ورايق فى امان
أنبسطى يا نبع الحنلن
وانا حالى يشهدبو يايمة
رسلى لى عفوك ينجينى من جور الزمان..

[ناجي عثمان عبد الرازق]

حبي انا ليك كان زادي
القصة بداءت في قرية وادعة من قرى الشايقية بين فتاة وشاب من نفس القرية كانوا في المرحلة الثانوية
ونشاءت بينم علاقة حب عفيفة واتواعدو انهم يكونو لبعض وعاشوا فترة من الحب الجميل دا والايام كانت ماشى في طريقم ..
المهم الولد سافر وانقطعت اخبارو والبت تشيل وترفض في العرسان عشان منتظرة حبيب القلب ،
المشكلة والطامة الكبرى انو اخونا دا كان عامل ليهو قصة حب تانية مع بت من احد القرى المجاورة ليهم
والفتاة ما عارفة القصة دي ومفتكرة انو الشاب مخلص ليها هي بس.
مرت سنين وصاحبنا عمل ليهو قريشات ورجع القرية وهو بفكر في الزواج ،
الفتاة طبعاً فرحت بانو فارس احلاما رجع وحا يجي يخطبا ، في اليوم الرجع فيهو العصر
البت مشت انتظرتو في ضفاف النيل في المكان المتعودين يقعدو فيهو مع بعض زمان ...
انتظرت وطال بيها الانتظار لحدي المغرب وصاحبنا لا حس ولا خبر ..
زهجت البت وراجعة على الحلة ، وفي الطريق سمعت صوت زغاريد قلبا بداء يدق بشدة
واسرعت الخطى تمني النفس بانو يكون سبقا على بيتم وخطبا من ابوها ...
وصلت البيت ومافي اي خبر الزغاريد طالعة من بيت الشاب ..
رضو العشم ما انقطع وافتكرت انو صارح اهلو بانو دايرا وناس بيتم زغرتو .. و
هي بين الحلم والحقيقة سمعت ابوها بيسال في امهاوبيقول ليها..
انت ياالحرم الزغاريد العند ناس حاج الضو دي شنو
ردت الحرم : دا وليدم عادل رجع الليلة من البندر وقالوا خطب بت الحسن ود الامين في حلة عباس ..
من المفاجاءة الفتاة سقطت مغمى عليها وما صحت الا في المستشفى
وصاحبنا ولا يهمو عرس والمسكينة زبلت زهور عمرها الضاع وراهو وهو ما حاسي بيها ولا بمعاناتا ..
حكت الفتاة قصتا للشاعر وحلفت ليهو انها تعاقب قلبها بانو ما يحب بعد الزول الخدعا دا وانشاء الله هو يكون سعيد ومتهني
فكتب الكلام دا وكانت حبي انا لي كان زادي ..واحدة من اجمل الاغنيات ...
كلمات اغنية
حبي انا ليك كان زادي

حبي انا ليك كان زادي كان جوه الحنايا دفين
كتن بضاري من الناس وخايفه عليهو من العين
عليهو انا كنت بصوم وافطر عليهو بكابد النارين
وكنت بحسب سنين الغربه ولما تعود تجيني متين
وكنت برجاك فوق النار لما وكت لقانا احين
نونس في براءة اطفال وفي الحب نروي ننهل زين
وكل مايوم ازيد البينا لما بقينا قاب قوسين
اتاري انا كنت فيك مخدوعه وكم من زيي مخدوعين
وما قايلاك تلعب بي تعيش اللحظه بس والحين
وماقايلاك حبيب الاف وقلبك قبله للضالين
وماقايلاك تنسي حبيب صبر راجيك سته سنين
كيفن هان عليك تنساهو زولا كان عليك حنين
تشغل بالك الاشواك لمن تزبل الياسمين
وكنت دايراك بسمه عريضه في وش الزمان الشين
وكنت دايراك وكت الحاره تبقي لي دخر خزين
وكنت دايراك مقنع حوبه وكتين المضاره ابين
وكنت دايراك فارس احلام تشاركني ونتم الدين
وكنت دايراك شريك الروح اخدمك حافية القدمين
وكنت بحلمبك انت معاي مجرتك بالعديل والزين
وجنبك في شمالك قاعده تسمع في دقر ياعين
تبشر زين مع الاصحاب وتتشبل من الوزين
وانا الابحرت راكبه الموج اكيد مرساي بين موجتين
وداعا ياسراب خداع محال مابيروي عطشانين
وداعا ياحلم عابر يسعد ويفرح النايمين
وداعا ياكلام معسول حدو ومكمنو الشفتين
وداعا ياسحابة صيف شايله مطر بليله رهين
تبشر بي مطر جايينا وياما الناس رجوهو سنين
وكل زولا يفكر فيها ومامعروفه تنزل وين
والف سلام عليك ياقلبي المسالم وديمه طبعو حنين
يتاورو الشوق ويلعب بيهو تنحر في حشا السكين
تعاودو الزكري تنتر جواه وحالو احنن المسكين
اخيرا ليك الف سلام قبل ماتجف دموع العين
وقبال مني ماتعدي وقبال الفراق مايحين
بخيت وسعيد عليك انشالله ويبقالك عمار وبنين
وقلبي انا خلي في اناتو بعدك ياما راجي انين
ولو كان ياقلب حبيت بعدو وبعد قسمت يمين
انشالله ماينتم ليك مراد وماتضوق لا حلو لازين
وعمرك ماتجيك سعاده وما تتهني قول امين
وتاني الحب عليك حرمان وعد الحر امانه ودين

[/QUOTE]

[ناجي عثمان عبد الرازق]

ذى القمر

كان حفلا غنائيا جميلاً مع بداية ستينيات القرن الماضي ،
والمدينة هي الخرطوم بحري ، والحي هو حلة خوجلي بجوار بيوت السادة المراغنة ،
وقد ظهر وقتها الأستاذ الفنان صلاح بن البادية علي الساحة الفنية
حيث كانت الأوصفوك تتسيد الساحة وقد أداها صلاح بصوته الطروب ذاك
( يبرق سناك في غيهب الليل الحلوك ..أغرب شمائل زاملوك ..
وهم أكملوك .. وأدبك هبة .. وحسن الظباء ..
وفيك موهبة .. وطبع الملوك ) ورحم الله عتيق.

كان في ذلك الحفل عميد الفن يشرف علي الإعداد للفرح ، كانت له علاقة دم أو صداقة مع أصحاب الفرح ،
وقد شارك أيضا بالغناء ،
نعم إن الراحل أحمد المصطفي قد كان زعيما للمجاملات الإجتماعية ،

وهنا... كان السر قدور حاضرا في ذلك الفرح بحلة خوجلي
للمشاركة بإسكتش فكاهي تمثيلي مع الراحل أحمد حميدة ( تور الجر ) ،
حيث كان من الطبيعي في ذلك الزمان أن تجد الفكاهة خلال فقرات حفل الزواج ،
أو تجد منلوجيست يشارك في الفواصل بمنلوج فكاهي .

وفي أثناء الحفل أتت فتاة وقد كانت بازخة الجمال ، وهي تعرف أن السر قدور قد تسيد ساحة الشعر الغنائي
في ذلك الزمان مع الكاشف والعاقب محمد حسن بجميل أشعاره الطروبة حيث اطلت وقتها
( الشوق والريد .. ياصغيـّر يامحيرني ومتحير .. وإتلاقينا مرة .. وتدللي)
إلي آخر الأغنيات الحسان للسر قدور .

فقد طلبت تلك الحسناء من السر قدور أن يؤلف فيها قصيدة تـُغني ،
غير الأستاذ قدور لم يعر للأمر إهتماماً ..
إلي أن إنتهي الحفل ، وقد كان العميد يشرف علي توفير الترحيل للفنانين والموسيقيين المشاركين في حفل الفرح ذاك ..

و كان السر قدور واقفاً خارج المنزل ، وإذا بتلك الفتاة – وهي تمتلك جرأة عالية -
توجه عتاباً له عن طريق أحمد المصطفي قائلة له تصدق يا أستاذ أحمد لقد طلبت من الأستاذ قدور أن يعمل لي قصيدة
ويعطيها للفنان الجديد هذا ( تقصد إبن البادية ) ،
( لكنه طنشن طلبي ) ،
وهنا ضحك أحمد المصطفي
موجهاً اللوم للسر قدور شنو ياقدور ..
يعني بنـتـنا دي ماعجبتك وللا شنو ؟
فأجب السر قدور ، كيف لم تعجبني ، ثم أردف قائلاً أدوني ورقة وقلم ،
فلم تصدق الفتاة وأحضرتها علي وجه السرعة من داخل المنزل ..

وهنا قال السر قدور لأحمد المصطفي كيف تقول يا بوحميد أن البنت دي ماعجبتني .. مضيفاً
( دي زي القمر والله )
وقد إنهمك في كتابة النص فوراً


ذى القمر والله... احلي من القمر
يا حلوا يا ست البنات .. يامتعا للروح والنظر
طولتي بتخطي الغرام .. الليلة في عيونك ظهر
في نظرتك.. في بسمتك .. في خدودك الحلوات ظهر
خلاك احلي من البنات ... والله احلي من القمر

يا حلوة ذي ليل السهاد بي فتنه دليتي الشعر
جل المصور يا ملاك خلاك في احلي الصور
وخلاني تايه في الغرام راجيك شهر وراء شهر أكثر من شهر الليلة
اليوم عيونك قالوا لي
بحبي لي قلبك شعر.. خلاك شعلة تضوي نور ...والله احلي من القمر

يا حلوة بس خجلان ليه ايه ...الغريب والحب حلال
في نظرتك اجمل كلام.. دايماً تقول للحب تعال
بقيتي ذي زهر الربيع وجميلة ..احلي من الجمال
علمتي عيني السهر... ساهرتي بالمحبوب شهر
الليلة حبك طال عليك خلاك.. أحلي من القمر
ذى القمر والله ... حلي من القمر

[امال الناس]

احبابي اعضاء منتدي انا سوداني هذا البوست انزلته لكي كل عضو لديه معرفة بسبب قصة من اجلها نزلت الاغنية يحكيها لنا وانا ابدا لكم الافتتاح

حبي أنا ليك كان زادي

أهلنا الشايقية خلقوا للفن وللشعر والحب لذا تراهم مجيدين في كل شكل ونوع خاصة في مجال الشعر وقد اشتهروا فيه ببساطة كلماتهم وعفويتها وصدقها وكثيراً ماتاتي اشعارهم بلهجتهم الحلوه معبرة عن واقع حقيقي بكلمات مع بساطتها قوية تهز المشاعر وتلمس الأوتار الحية فتسيل الدموع وتخرج الأهات والزفرات حادة وقوية 0
شايقية اصلية اخلصت لحبيبها وفارس احلامها وأفردت له كل مساحة قلبها سافر بعيداً عنها في سبيل تحقيق احلامها ولم يكن حلمها سوى الحبيب نفسه تجاذبه الحديث وسط النخيل نهارا وعلى الرمال تحت ضوء القمر ليلا ورغم ذلك رضيت وانتظرت وكانت رسائل الشوق دهرا وعاد الحبيب المنتظر وتهيأ الكل في القرية الوادعه لرؤية لقاء الاحبة الذي ليس من بعده فراق وكانت المفاجاة ان طلب الحبيب يده الصديقة (الامينة ) التى كانت تراسله سرا فبادلها الاسرار والعواطف وتزوج الحبيب الصديقه 0
الشاعر الرقيق علاء الدين ابو سير كتب القصيدة على لسان الفتاة المخدوعة وأبدع في تلحينها وأدائها بصورة رائعة وموثرة الفنان عبدالرحيم أرقي وكثيرا ماكانت الدموع تسيل عندما يشاركه الغناء الفنان صديق احمد 0



حبى أنا ليك كان زادى وكان جـوة الحنايـا دفيـن
كتّ بضارى من الناس وخايفة عليهو مـن العيـن
عليهو أنا كت بصوم وأفطر عليهو بكابـد الناريـن
كت بحسب سنين الغربة لما تعـود تجينـى متيـن
وكت برجاك فوق النار لمـا وكـت لقانـا يحيـن

نونس فى براءة أطفال وفى الحب نروى ننهل زين
وكلما يوم يزيد البينـا لمـل بقينـا قـاب قوسيـن
اتارى أنا كت فيك مخدوعة وكم من زيى مخدوعين
ما قايلاك بتلعب بى تعيش اللحظـة بـس والحيـن
وما قايلاك حبيـب آلاف وقلبـك قبلـة للضاليـن
وما قايلاك بتنسى حبيب صبر راجيك ستـة سنيـن
وساهر كم ليالـى طـوال يتقلـب شمـال ويميـن


كيفن هان عليك تنساهو زولاً كـان عليـك حنيـن
وتشغـل بالـك الأشـواك لمّـن تزبـل الياسميـن
كت دايراك بسمة عريضة فى وجه الزمان الشيـن
وكت دايراك ساعة الحاجة تبقى لىّ دخرى خزين
كت دايراك مقنع حوبة وكتيـن المضـارى يبيـن
وكت دايراك فارس أحلام تشاركنـى ونتـم الديـن
وكت دايراك أمل بسّام يزيل ألـم البعـاد والبيـن
كت دايراك شريك الروح واخدمك حافية القدميـن

وكت بحلم بك إنت معاى مجرتق بالعديـل والزيـن
جنبك فى يمينك قاعدة نسمع فـى دقـر يـا عيـن
تبشر زين مع الأصحـاب وتتشبـل مـن الوزيـن
أنا الأبحرت راكبة الموجة أكيد مرسايا بين موجتين

وداعاً يـا زمـن ظالـم وبالأفـرح علـىّ ضنيـن
وداعـاً يـا قلـب قاسـى لا بيحـن ولا بيلـيـن
وداعاً يا سراب خداع محال مابيـروى عطشانيـن
وداعا يا كلام معسـول حـدو ومكمنـو الشفتيـن
وداعاً يا سحابة صيف شايلى مطر ضليـلا رهيـن

تبشر بى خريف جايينا ياما النّاس رجوهـو سنيـن
كل زولاً يفكـر فيهـا مـا معروفـة تنـزل ويـن
وألف سلام عليك ياقلبى المسالم وديمة طبعو حنيـن
يتاورو الشوق ويلعب بيهو تنحر فى حشا السكيـن
تعاودو الذكرى تنتر جوا حالـو يحنـن المسكيـن

أخيراً منى ليك سلام وقبل ماتجف دمـوع العيـن
وقبال منّـى ماتعـدى وقبـال الفـراق مـا يحيـن
بخيت وسعيد عليك ان شا الله يبقالك عمـار وبنيـن

وقلبى أنا خلى فى أناتو بعدك يامـا راجـى أنيـن
ولو كان يا قلب حبيت بعـدو بعـد قسمـت يميـن
ما ينتمّ ليك مـراد لا تضـوق لا حلـو ولا زيـن
وتفضل طول حياتك تبكى طول عمرك تعيشو حزين
وعمرك ما تجيك سعـادة مـا تتهنـا قـول آميـن
وتانى الحب عليك حرمان ووعد الحر أمانة وديـن

[امال الناس]

قصة اغنية : بحر المودة
وهذه واحدة من اجمل الاغنيات الشايقية عامة لانها فيها حنين للام وللبلد بصورة خيالية وفوق العادة وتقريبا كل سوداني حافظ لهذه الاغنية او جزء منها وملم بلحنها تماماً بالذات المغتربين الذينهم في مثل حالتنا هذه .
وهذه الاغنية كتبها الشاعر بعد تجربة حقيقة عاشها الشاعر شخصا فخلدت من ضمن الكلمات الخالدة في وجدان كل السودانيين
الى النص وبعده الى قصة الاغنية والكلمات ...



بحر المودة
كلمات الاستاذ / السر عثمان الطيب
الحان واداء الفنان/ محمد جبارة
===============================
شوفى الزمن يا يمة ساقنى بعيد خلاص
دردرنى
واتغربت
واتبهدلت يا يامة
ورينى الخلاص
ساقنى القدر منك بعيد
جرعنى كاس
يا يمه
يا فيض الحنان الما كمل
يا يمه
يا بدرى البشع دايماً يهل
يا يمه
يا نور الصباح وكتين يطل
واشرى يا (زينوبه) ولدك فى دروب الشوق كتل
محروم من الحب والمحنة
وراك همل

يا يمه
يا بحر المودة وكت يفيض
يا يمه
يا شعلة أمل زادت وميض
يا يمه
يا عنقود كلام منظوم قريض
يا يمه
يا نغماً حس بالشوق يرن وافكارى فيهو .. بيرتعن
دمعاتى شانو .. بينزلنواتذكرك يا يمه
فى الدغش النسايمو يهبهن
قايمى الصباح متكفلتى
شايلى الحليلى على المراح
والساعة ديك يادابو ديكنا بدا فى الصياح
والطير صغارو يغردن .جبتى اللبن بانشراح
واتذكرك يا يمه
ساعة الهجير صالاكى نار الدوكى
عُستيلنا الفطيررشيتى قلتى اكلوهو خير
واتذكرك يا يمه
يا بسمة الطفل الغرير وكت الخلوق ترقد تنوم
واسهر براى أرعى النجوم
والشوق يرف جنحيهو
بى فوق لى يحوم
هتف باسمك فى الخيال
طيفك كمان بي فوقى جال
واتمنى لو لحظات يدوم
لكنى فجأة القاهوو زال

واتذكرك يا يمه
ساعة الناس يجونا من البلد
ناعم ترابا على جسيماتن رقد
ريحة التمر فوق الهدوم
لون الخدار خانس لّبد
والشوق أوارو بيشتعل
كان ظنى فيهو يكون خمد
واتذكرك يا يمه والناس قالو قايمين البلد
رصو الهديمات ..عدلوا
ركبوا اللوارى وقبلوا
خلونى وحدى بلا أنيس
كيف انفرادى ..اتحملوا
شالوا السلام من عندى ليك وان شاء الله عندك يوصلوا

يا يمه
ساعة يوصلوا
ويقولوا ليك ..شفناه فى بلد الامان
مبسوط ورايق فى امان
أنبسطى يا نبع الحنلن
وانا حالى يشهدبو الزمان
يايمة رسلى لى عفوك ينجينى من جور الزمان..

[امال الناس]

قصة هيثم ونجوى
كلمات / الاستاذ علي الخضر
غناء/معاوية المقل و محمد النصري
=========================================

هيثم احكيلكم حكايتو قولى صِح مافيهو ريبه
قصتو المشهوره كانت حاصله قبل سنين قريبه
تبدأ بى مشوار عواطف بى قلوب مليانه طيبه
وريده فى عمق المشاعر كل يوم يزداد لهيبه
نجوى بت خالتو الوحده ريدته اصبح مبتليبه
واشتياق للقيا دايماً كان يسوقو على دريبه
كاتم الريد فى دواخلو وبرضو كاتمه هي فى قليبه
مطوى فى الوجدان غرامن ذى خلايق ساتره عيبه
كان هي يومه الماتشوفو نهاره كلو تكون كئيبه
تبكى لمن الليل يهود ويسمعو الجيران نحيبه
مابتغيب من عينو لحظه وهو لحظه مابقدر يغيبه
منو لو غابت ثوانى كان تضيق دنياهو الرحيبه
الموده الفى قلوبهم نادرة من نوعه وغريبه
فداها كان الروح بترخص ومابتساوى ولا السبيبه
رغم انو زمانو عاندو والظروف قاسيه وعصيبه
خواطرو ماجرى فيها لحظه يوم من الايام يسيبه
مرت الايام وعدت والسنين مرت رتيبه
ونجوى بين احلامه كبرت وكان معاها كبر حبيبه
رسمو ليل الفرحه بينهم الليله يصدح عندليبه
بى ثنا الافراح موشح فاح وعم الدنيا طيبه
الا فى زمنو المعاكس ودنيتو الجاريه وعنيده
ملازمو قصر الايد ودايماً حالتو للناس يشتكيبه
للزواج فى نيتو فكر خاف تقوم تحصل مصيبه
قال بعد تأكيد عزيمتو امو شورته يبتديبه
وكان هو فى كل المواقف يحترم لى امو شيبه
موكتير جات امو داخله ودابه وصلت عنقريبه
وبى حنان الام بتسألو مالو راقد لعلو طيبه
اجتر حبل الكلام ووقعت الكلمه الرهيبه
نجوى دايره فى حياتى تكون لى من اليوم خطيبه
الدموع من عينا سالت وليهو قالت بى نحيبه
انا من ذمان خايفاهو قلبك ريدة البت يمتليبه
البنيه هى زين سميحه وخاتى من شيتاً يعيبه
اي صح هى جميله ايه وفاق جمال تاجوج نصيبه
العفاف لابساهو مقنع وفى الضهر مردوم سبيبه
الا ياهيثم جنايا خالتك انت رضع حليبه
وفى الشرع تبقالك اختك ومابتكون لى اختك خطيبه

والله كلمات تسرق الدمعة من العين وماساءة تبكي ولعل القصة واضحة من الكلمات وايه الحصل لهيثم من خلال السرد الشعري ، لكن القصة هل هي حقيقة ام من خيال الشاعر ؟ هذا هو السؤال ..
القصة حقيقية وتدور احداثها في في احدى القرى والذي حكى احدهم القصة الى الشاعر الذي حولها الى اجمل تصوير ممكن ان يجسد واقع عاشه شخص ما .... التحية الى هذا الخيال الشعري ... ويقال ان هيثم دا بعد ما اتولد بكم يوم امو اصيبت بالملاريا وخالتو ام نجوى كانت عندها ولد صغير لسا بيرضع المهم حبوبة هيثم شالتو مرتين ورضعتو عند خالتو ام نجوى والناس نست الحكاية دي لانها بتحصل وعادية والحبوبة اتوفت ومرت السنين وما في زول جاب خبر لهيثم ولا نجوى لكن لما الموضوع بقى فيهو عرس وحرمة ام هيثم اتذكرت الموضوع دا وربنا الهما عشان ما تقع مصيبة لو اتزوجو.
فاي خيال شعري يمكن ان يصور مثل هذه القصص الى درر شعرية ... وان شاء الله لنا عودة مع قصة لاغنية لديها ابعاد حزينة ومؤلمة لدى كاتبها ..
في امان الله

[وحـــيد]

[align=center]روعة والله روعة

غنية حلوة شديد
[/align]

[امال الناس]

الغربة وما ادراكم الغربة .. سيف مصلط على جميع الرقاب وشرٌ لا بد منه ، يعاني منها المغترب بابتعاده عن الاهل سنين وسنين من اجل حياة كريمة له ولاسرته قد يتحقق حلمه وقد يفشل والنهاية سنين تُحتسب من عمره .. ويعاني منها اهل بيته وهو غائب عنهم فالام والاب يشتاقون اليه في كل صباح ويتمنونه بينهم والزوجة تحسب الايام ليعود اليها شريكها يقاسمها حلو الايام ، اما الابناء فهم الحلقة الاضعف في هذه الزاوية لانهم ينشاون في المجتمع والاب غائب لا يسد مكانته الام ولا الجد ولا العم ، الاب هو الذي يزرع في الابناء القيم الفاضلة ويرشدهم الى الطريق الصحيح بتربيتهم تربية قويمة ، إذاً فالكل يعاني من ويلات الغربة والاغتراب ..
قصتنا اليوم قصة من نسج الخيال لكنها مستوحأ من مجموعة قصص واقعية تحدث كل يوم في البيوت السودانية التي تعاني من غربة الزوج ، والقصة بلسان زوجة اغترب زوجها خمسة اعوام وترك لها ذرية يحتاجون الرعاية والتربية في مجتمع اصبح مفتوحاً على مصرعيه للعالم الجديد . ضاقت بالزوجة هموم الدنيا ومعاناتها في تربية الصغار وتملكها الشوق والحنين لرفقة الزوج الغائب فانشدته بلسان حالها تحكي معاناتها في قصة خطاب يعتصر القلب فيه من المعاناءة الكثير وفيه من الشجن المثير وفيه من الادب الرفيع في المخاطبة والإستجداء صورها لنا شاعر فنان ومرهف يمتلك ناصية السرد القصصي باسلوب بسيط ولكنه كبير في مضمونه يخاطب البسطاء بلغة بسيطة توصل الرسالة من القصيدة في قالب شيق وممتع انه الشاعر حاتم حسن الدابي في قصيدة ( لسان الحال ) والتي تغنى بها المرهف جعفر السقيد وقام بتسجيلها في شريط كاسيت حقق اعلى نسبة توزيع في سوق الكاسيت السوداني في فترة وجيزة ولاقى قبول عند الناس وبالاخص اغنية ( لسان الحال ) اليكم النص شعراً ...

لسان الحال
كلمات / حاتم حسن الدابي
غناء / جعفر السقيد
===========================
معذرة.. لو معاك منى الكلام حـــــره ..و معليش الخطاب كاتباهــــــو مضطرة
حـــــــــــرام والله مننـــا إنت تتبرا .. خمسة سنين تفوت تجى فيها فد مرة
وراك أنا كم شقيت وعشت فى مرة .. وتعبـــت مع البطان الهم للعيون غرة
بيخاف الغرق الغاص ورا درة .. قالو أدب الصغار والعقــــدة من خدرة
حليلى أنا الزمن ضى فاطرى ما انفر .. وخمسة سنين غياب مابتحملن حرة
أنا الحاضنة العذاب وآمالى محتضرة.. وإنت الفى النعيم ما خات حساب بكرة
مسكينة التقول فى الإغتراب سترة .. وتتناسى القروش فى يوم تكون ضرة
حليل زمنك وكت عايشنا بالأُجــرة ..ياريت لاعرفت ولامرق بره
الكاتما فى جواى كتير متملك الجوف والعصـب.... وما كت دايرة أقولو ليـك لكن لسان الحال غلـب

ما بنسى يـوم ودعتـنا وسافـرت فى غـرة رجـب. ...خلـيت وراك الـدار حـزين يتباكـا والدمع انسكـب

أعذرنى والله العظيـم لو ما الضـرورة أنا ما كـتب.... وأنا خايفـة فى بعـدك يكون الضاع هو ضعف المكتسـب

اليومـة داك ناس البلـــد هنونى شايقيــــــى وعرب.... قالو لى مبروك خير وجاك يكتب سلامــــتو الإغــترب

قالو لى دوب نجم السعد طلاكى من بعـــــد إحتجــب.... يا دوبا بالك يستريح وتنسى العـــــــذابات والتعــــب

فضّلت أحسب فى الشهور قاعدالى فوق نيران لهــب.... صابرة وحريصة على العيال لا بيقو للريح فى المهـب

سديت خانتك مــن مشيت قايمـابو واجبــــى كأم وأب....والأســــرة يضنيها المسير .. وتتهاوى لو ما فيها رب

والله ما بنــــكر جميلك برضـــــــــو لينا ثناك وجب.... موكب هداياك ما انقطع .. كان سترة فى الزمـن الصعب

لابسين وماكلين والنعيم كايلنا فى يوم ما نضب .....وعايشين معيشــــــــــــة المترفين .. طولنا والطبع إتخرب

البيت مفرش بالحرير ومليانة إيدى بالدهب.... لكن خسارة على محل .. عاش سيدو خمســــــــــة سنين عزب

الشى المهم ما قلتو ليك وليهو إنت ما ظنيت حسب.... كبرو الصغيرونين خلاص .. خايفالم الطبــــــــــع الكعب

وصولوها مرحلة الخطر .. والأمن ما زال مستتب.... وانا كتّ قادراهم زمان لكـــــــــــــن بعد كبــــــرو اتغلب

حصلنى قبل الجد يفوت .. دوبنهم فوق العتب.... قبال نحصـــــــــــــــد الخير ندم .. ومابيجدى كان لمت وعتب

خايفالم الطيش فى الدروس .. ومابرضى لو واحد رسب.... خوفنى المتعبنى الكبيـــــــــر بعدين يمرقو بلا أدب

وريتك الحاصل على لا فيهو ثورة ولا غضب ....شان الحديث مايبقى نى .. والواحــــــــــــــــــة يكتنفا الجدب

أنا قلبى مازال لسة حى .. ونجمو الملاهج ماغرب..... وآخر كلامى ترد على .. لا أبقى بكـــــــــــــرة أنا السبب.

قصة تحكي عن نفسها ، معاناءة زوجة مغترب تستجديه ان يعود وتذكره بالخطر الذي يُحدق بابنائه وكل ذلك في قمة الادب مع زوجها
كما قالت ( وريتك الحاصل علي لا فيهو ثورة ولا غضب )
ترى كم واحد مناعاني من الغربة وسنينها الطويلة وفكر ملياً ان يعود ادراجه للوطن بعد ان سمع هذه الرسالة الحزينة ؟
اما ان لهذا السرب المهاجر ان يحُط الرحال ويستريح من عناء الإرتحال ...

على فكرة هذه الاغنية لديها رد جميل صوره احد الشعراء لتكملة القصة بان الزوج استلم الرسالة وقراء محتواها فرد على زوجته برسالة اخرى سوف احكيها لكم في اقرب وقت ...
لكن الود بيننا الى ذلك الحين
مع اجمل التحايا

[امال الناس]

[align=center]روعة والله روعة [/align]

غنية حلوة شديد

وحيد

يامراحب اسعدتني بمرورك

يا ود يا شقي

يديك العافية يا امير

ومشكور كتييير والله[/align]

[امال الناس]

بت ملوك النيل
أحدى اللواتى جاد عليهن القدر بالخلق والأخلاق…
فكانت آية التكميل ( ومراية الجمال الفيها كل جميل )
ومثلما أتت هذه الأغنية محتوية للنيل والأصالة السودانية
فقد عاصرت نقيض ذلك من أخلاقيات دخيلة علينا ،
فنسب آخرون صياغتها لأنفسهم والبعض أرجعها لأبائهم
ومهما يكن فأنها بنت ملوك النيل
ولا يمكن أن تكون يتيمة وحيدة
وانما هى منظومة فى عقد ..

يا بت ملوك النيل يا أخت البدور

مين لى علاك ينيل فى البدور والحضور

الجبرة فيك بتخيل محمية الحما

الما حام حداه دخيل

ما أبوكى بخيل بت عز الرجال

أهل الدروع والخيل

والهنا… والسرور

يا السامية ست الجيل طرفك من حياء

فى عصر السفور خجيل

حسنك وضع تسجيل فى صحف الدهور

يتلوه جيل عن جيل

لى يوم النشور

الهيفا يا الخنتيل حروف آيات محاسنك

أرتلن ترتيل

يعجبنى فيك تمثيل أخلاق الملاك

فى سطوة القتيل

الفارس الجسور

غصنك رطيب وعديل شعرك ليل

جبينك يخجل القنديل

النور عليكى سديل يا معنى الجمال

الما أتوجد له عديل

فى ناس ولا حور

فقتى الكانوا قبيل ما خدات فى الجمال

جائزة نوبيل

حيرتى كل نبيل عيناك سحرهن

يسحر سحر أبابيل

يخترق الصدور

يا صاحبة الأكليل ما أظن النهار

العين تدور له دليل

محياك نوره جليل كنت أقول شمس

لو ما الزمان كان ليل

أن عليك نور

لا زلت ليك أميل يا رمز السعادة

الما أتوجد له زميل

يا آية التكميل يا مراية الجمال

الفيكى كل جميل

ريحانة العصور

[/font]

[القعباوى]

الشمس تشرق من هنا
احيك واحى روعة البوسن
نسمع ساكت واتاركونى ماعارفين السبب

[امال الناس]

و قصة النشيد كما روته مؤرخة الأغاني الأستاذة فاطمة مدني،
ثمرة لقاء صدفة بين الموسيقار والشاعر في قاطرة حلفا في منتصف الأربعينات.
فقد كان الموسيقار عائداً من مصر في عطلته من معهد الموسيقي العربية الذي كان ملتحقاً به.
وكان الشاعر، من الجهة الأخرى، عائداً من جبهة الشرق الأوسط من الحرب العالمية.
وكان ميلاد "صه يا كنار" و .... التقى جيل البطولات بجيل التضحيات ..... فاشعل السودان نارا و اشتعل.

و الأغنية كانت تعبّر عن الأحاسيس الوطنيّة والنضال من أجل الحريّة.
وتعتبر أغنية "صه يا كنار" هي ثاني أغنية سودانيّة لها مقدّمة موسيقيّة بعد أغنية
"عزّة" (صلاح شعيب)

كلمات صه يا كنار

صَهْ يا كنارُ وضعْ يمينكَ في يـدي
ودعِ المزاحَ لذي الطلاقـةِ والددِ
صه غيرَ مأمـورٍ وهـاتِ هـواتناً
دِيَماً تهشّ علـي أَصِـيد الأغـيد
فإذا صغـرتَ فكـنْ وضـيئاً نَيّراً
مثلَ اليراعـةِ في الظـلام الأسود
فإذا وجـدتَ من الفكـاك بوادراً
فابذلْ حياتَـكَ غـيرَ مغلـولِ اليد
فإذا ادّخـرتَ إلي الصباح بسالـةً
فاعلمْ بأن اليومَ أنسبُ من غـد
واسـبقْ رفاقَكَ للقيـود فـإنني
آمـنتُ أنْ لا حـرَّ غيرُ مُقيَّد
وأمـلأْ فـؤادَكَ بالـرجاء فإنها
«بلقيسُ» جاء بها ذهـابُ الهدهـد
فإذا تبدّد شـملُ قومكَ فاجْمَعنْ
فإذا أبَوْا فاضربْ بعزمـة مُفـرَد
فالبندقيـةُ في بـدادِ بيوتـهـا
طلعـتْ بمجـدٍ ليس بالمتبـدّد

صه يا كنارُ فما فـؤادي في يدي
طـوراً أضـلُّ وتارةً قد أهتدي
وأري العواذلَ حين يملكني الظما
فأمـوت من ظـمأٍ أمامَ المـورد
وأرود أرجـاءَ البـيانِ دواجـياً
فأضـيق مـن آنائـه بالشُّرَّد
أنا يا كنارُ مع الكواكـبِ ساهدٌ
أسـري بخفـق وميضها المتعدّد
وعرفتُ أخلاقَ النجـومِ، فكوكبٌ
يهبُ البيانَ وكوكبٌ لا يهتدي
وكويكبٌ جمُّ الحياءِ وكوكـبٌ
يعصـي الصـباحَ بضوئه المتمرّد
إن كنتَ تستهدي النجومَ فتهتدي
فانشدْ رضايَ كما نشدتَ وجَدِّد
أو كنتَ لستَ تطيق لومـةَ لائمٍ
فأنا الملـومُ علي عـتاب الفرقد

صه يا كنارُ، وبعضُ صمتِكَ موجِعٌ
قـلبي ومُـوردِيَ الردي ومخلّدي
أرأيتَ لولا أنْ شـدوتَ لما سرتْ
بي سارياتُكَ والسُّري لم يُحمَد
حـتي يُثوِّبَ للكمـاة مُـثَوِّبٌ
ليذيبَ تاموري ويحصب موقدي
أنا لا أخاف مـن المنون وريبِها
مـا دام عزمي يا كنارُ مُهنَّـدي
سـأذود عن وطني وأهلك دونَهُ
في الهالكـين فيا ملائكةُ اشهدي

</B></I>

[امال الناس]

الكاسنجر

بلدا لمت الطنبور ودلقاي وموية النيل وحاج الماحي والقمحه كيفن ماب اغنيها
وكيفن ماتكون سمحه

النسمه التجيك مندلي شاقي اللوبي حين تصلك
تدلي رحاله جواك وتقالدك وانت بين اهلك
تنوم لامن براك تصحي

بلدا لمت الطنبور ودلقاي وموية النيل وحاج الماحي والقمحه كيفن ماب اغنيها
وكيفن ماتكون سمحه

الدرب البسوقك لا تحت علاك
النخل البلا تطلعلو يندلي ويقولك هاك
الزول البتمشي عليهو يمشي عليك ماب يرجاك
والحن البيملئ براحو مراق منو داني وجاك
نتقالد نحن لي بعضنا تبقي نفوسنا منشرحه

بلدا لمت الطنبور ودلقاي وموية النيل وحاج الماحي والقمحه كيفن ماب اغنيها
وكيفن ماتكون سمحه
الخضرة المقالد النيل
العز البسند الحيل
الليل البعقبو صباحو شايل فالو ابدا ليل نباهو طويل
والرزق البدردر سيدو ياهو حلالو ان جمالو ليهو يشيل
خيرك كلو بين ايديك مو دايرلو فد سرحه

بلدا لمت الطنبور ودلقاي وموية النيل وحاج الماحي والقمحه كيفن ماب اغنيها
وكيفن ماتكون سمحه


هذة القصيدة للشاعر القامه ابن القرير الاستاذ / الفاتح ابراهيم بشير

ويروى عن قصتها

أنها كتبت بالمجمع التقليدي لشعراء الدليب { صعوط نوري بالسوق العربي }
وكان شاعر الكاسنجرالكبير الاستاذ / وراق المجزوب وسأل الاستاذ الفاتح
قائلا
{ انت المناطق دي كلها غنيتلها الكاسجر دي مالك ماب تغنيله ما سمحه }

فكتب الشاعر هذه القصيده.

</b></i>

[امال الناس]

لأغنية الشايقية عند شعراء منحنى النيل (1)
حسن الدابي والنعام آدم ... بقت مشكلتي زي برلين
كتب: معتصم طه
منطقة منحنى النيل هي المنطقة التي تمتد من بحيرة سد مروي بالمنطقة الجنوبية وتمر عبر قرى المنطقة بالضفتين الشرقية والغربية وما بينهما من قرى نوري وتنقاسي والقرير ومساوي واوسلي وكورتي، وإذا عبرنا ضفة النهر شرقا وجدنا البركل الذي تغنى له الرائع السر عثمان الطيب بقوله:
يمين جواي انت خالد خلود البركل وزيادي
خلود النيل يجري دائما يعم الخير في البوادي
ونمر عبر مجاهل التاريخ لندخل الكرو ومقاشي والزومة وحزيمة والعفاض وكثيرا من القرى التي سيرد ذكرها إلى قرى الجابرية وتنقسي والغابة والكرد وهي مصطلح إن لم تخني الذا كرة أن أول من سوق له هو مبارك طه البشير الأستاذ الجامعي وإذا أردنا الحديث عن مفردات تلك الأغنية فإن الكلمات تتزاحم والأفكار تتراقص في ذهني هل تبدأ بأغنيات الدارة التي كان يستخدمها المغنون في حفلات الأعراس أم نبدأ بأغنيات الغزل والتشبب أم بمفردات الشوق والحنين؟ فلنستاذن القاريء بالدخول إلى من عقد لهم ثلاثي الجمال وهو الخضرة والماء والوجه الحسن فلندخل لديار الشاعر حسن الدابي ورفيقه الشاعر النعام آدم الذي غنى له ألحان الخلود فشاعرنا ولد بالقرير التي عناها الشعراء بقولهم
القرير معروفة أصول
كل زول فوق بلدو اليقول
إلا أنا كلامي كلام أي زول
لو مكذب فيه يا زول
زورا خصمتك بالرسول
أما النعام فقد ولد بقرية الكربة وهي من قرى المنطقة الجنوبية وعاصمتها مروي
تجيك الكربة بي عربانا
وقد أثار هذا الفنان عاصفة من الإعجاب لم تهدأ حتى الآن حتى إن محبي أغنية الطنبور أطلقوا عليه ملك الطنبور بدون منازع لمدة ثلاثين عاماً تربّع فيها ملكاً متوجاً حتى رحيله في أوائل التسعينات. ظلت الساحة حبلى بالمبدعين ولكن مكانه ظل شاغراً وسيظل حتى تطلع الشمس من مغربها.
وهو الفنان الوحيد الذي ترجم أشعار حسن الدابي للمستمعين وشنّف بها آذانهم:
ما دام طار جنا الوزين
يا دوب قلّ نوم العين
بشكيك يا دهر لي مين
للخلق البشر من طين
ويمضي في إرسال حزنه وشكواه وأنه ظلم مثلما ظلم ابنيّ علي بن أبي طالب الحسن والحسين، عليهم الرضوان وتعقدت أزمته حتى صارت مثل الجدار الفاصل بين الالمانيتين، وأنه قنع من شراب الماء وشرب الدموع والأنين والألم:
وقع عليّ ظلم الحسن وحسين
بقت مشكلتي زي برلين
وتغنى بروائع أخرى للشاعر حسن الدابي مثل (شتيلة قريرا) التي يؤديها ثنائي العمراب وفيها يوضح الشاعر صفات المحبوبة وطيب معشرها، ولما انتقلت إلى العاصمة بكاها بالدموع والعبرات وجاء النعام ليترجم تلك الأحاسيس غناءً جميلاً سارت به الركبان:
الرايقة شتيلة قريرا
الفجر نبحن بوابيرا
يا زهرتنا النضيرة
انتي لي تاجوج ماكي سيرة
حرام نقلك من الجيرة
ويمضي بنا واصفاً العربة التي أقلتها للعاصمة متمنياً تحطُّمها قبل أن تصل إلى مبتغاها:
ربنا مالك الممالك
يحرق الكومر الشالك
انتي يا زهرة جنان مالك
فارقتي القرير مالك
ومن المعروف أن رضوان خازن الجنة ومالك خازن النار. وانما أتى به الشاعر للحفاظ على القافية.
وغنى النعام "فاوضني بلا زعل" التي يؤديها الرائع صلاح بن البادية وهي تصلح للسياسيين الذين يتنقلون بين قطر وانجمينا وابوجا بحثا عن السلام في المناطق التي ما زالت تدور في رحاها الحرب ولكن هل قلوب السياسيين والمحاربين رقيقة مثل قلوب الشعراء؟ وتقول القصيدة
يا اخي فاوضني بلا زعل
يا اخي طمئني أنا عندي ظن
إلى أن يصل بقوله
يا سلام يالشيك أب جمل
يالبلاك ما تم الأمل
متين حبيبي لي يصل
وينقطع جياب الخبر
وقال يحيى بن معاذ الرازي: لو أمرني الله أن أقسم العذاب بين الخلق ما قسمت للعاشقين عذابا. وما بين أحاديث الرازي وحدائق الفنان النعام آدم وآهات وأحزان ولذا طلب لهم الرازي العفو من العذاب لأنهم نالوا عذاب الحبيب والمحب والصدود والنكران، ويعتبر النعام امام العاشقين الذين طلب لهم الرازي العفو، ولندخل يا عزيزي القاريء لحدائقه التي تضوع مسكا وأريجا ولنقف عند أبواب اسيا وهي تتعافى بمستشفى مروي وهي من ضاحية جلاس أرض الأستاذ المهندس الصافي جعفر وبعد أن امتلات الخدود بالدموع ولكن ما بال الشاعر يصر على اللقاء
ياعيوني كفاكن دموع
قالو شوف ناس اسيا ممنوع
بيها تفتخر المصلحة
اللبس رسمي مسمحة
من جماله البدر استحى
للمريض شوفتا مفرحة
من جبينه بيشلع النور
الخدود باقات من زهور
حسن الدابي وضح مواصفات ملائكة الرحمة بلباسهم الأبيض والتزامهم بالتوجيهات إنفاذا لرغبة الطبيب
قالي وقت الشوف انتهى
الزيارة دا ما وقتها
بالدخول الدكتور نهى
رحم الله النعام وحسن الدابي بقدر ما قدما من فنهما الراقي ليكون مسكا وعطرا للأجيال القادمة . نواصل

[امال الناس]

الاغنية الشايقية عند شعراء منحني النيل (2)
السر عثمان من ود كرم الله وود جبارة الي صدى الروح ووهج الوجدان
كتب : معتصم طه
في ر حلة بحثنا عن ادب الشايقية عند شعراء منحني النيل وقفنا في الحلقة الماضية علي اسوار مملكة الشاعر حسن الدابي والفنان النعام ادم واغترفنا منها غرفة صغيرة ،لعلنا قد نعود اليها يوما لنملأ دننا منها . والان نستأذنكم بالدخول الي حدائق الشاعر السر عثمان الطيب ومابين السر والفنان محمد كرم الله والاستاذ محمد جبارة حبال من المودة لاتنقطع فالاول كتب اعذب الشعر ، والثاني والثالث صاغا لها الحان الخلود ،ولكن هل الفنانون والشعراء في بلادنا تلك لهم قيمة ! وتستحضرنني هنا مقولة ملكة بريطانيا التي سالها محرر التايمز اللندنيه عن رأيها في مبدعي بلادها فقالت عبارتها الآسرة
لو خيرنا بين مستعمراتنا وبين شكسبير لاخترنا شكسبير هكذا يقيم الأدباء في بلاد الانجليز التي تفتقد دفء العشيرة التي عبر عنها اديبنا الطيب صالح في مقدمة روايته ( موسم الهجرة الي الشمال ) بقوله ( عدت الي اهلي ياسادتي بعد غيبة طويلة سبع سنوات قضيتها في اوروبا تعلمت فيها الكثير وغاب عني الكثير ولكن تلك قصه اخري المهم انني عدت وبي شوق عظيم الي اهلي الفت عيناي اشكالهم وتعودت اذناي اسماعهم لكثرة ما فكرت فيهم في الغربه فصل بيني وبينهم شيء مثل الضباب اول وهلة رايتهم ولكن الضباب واحسست كأن جليداً يذوب في دخيلتي ذلك دفء الحياه في العشيره فقدته زمانا في بلاد تموت من البرد حيتانها )
سقنا هذه الاضاءة لنتحدث عن الشاعر الرقيق الاستاذ السر عثمان الطيب والذي له اكثر من أربعة دواوين شعر صدي الروح ووهج الوجدان واناشيد الصعود .. آه يا بلد ..
وحينما هاجر الشاعر في اوائل السبعينات الي السعودية بعد ان ترك العمل بالمدارس الثانوية بالخرطوم فكتب رائعته التي تحدثه بالرجوع الي الوطن ولكن السر لم يحصره الوطن في قريته القرير وارسل اشواقه الي كل بقاع السودان قائلا :
عاد منادي الشوق ينادي داير ارجع لي بلادي
احضن الحلوين وأغرد أنسى آلامي وسهادي
اصلوا ما كان لي مرادي يوم افارق داري غادي
اهجر الاوطان واسافر بالسنين يبقي ابتعادي
ومن قطار الشوق الي بف نفسك يا القطار يظل القطار في افئدة الشعراء فماذا قال عنه الشاعر السر عثمان الطيب وهل تمددت الاشواق بين قطار البلابل ام ان لكل قطار وجهة ومسارا معينا فشاعرنا مع طول سهره وكثرة اغترابه كتب اشعارا كثيرة في مجموعتيه صدي الروح ونفس الوجدان ولان ليالي المحبين طوال مع الارق والسهر يظل يبحث عن الجواب بعد ان تيقن يوما ما بأنه سيرجع يوما الي دياره حيث دفء العشيرة الذي افتقده .
وما فتناك ولا الزمن السمح فاتك
ويوما ما
قطارات شوقنا ترجع لي محطاتك بلا جفوه
حترجع لي عيون حلوة
عيون كانت ومازالت
قصاد عينيا رقابة
رموش احلي هبابة
وعندما يعشق هذا الشاعر يرفع محبوبته الي الجوزاء ونجد ان هناك معاني انفعاليه تبدو في عواطفه ينشدها بعد ان سكن الحزن دواخله ويقول في علميني في مجموعته صدي الروح
كلما الاشواق تساسق القى غيماتك سخية
فيض حنانك لي دافق يا المشاعرك صادقه حيه
يا الحبيبة الشايله ريدي من سنين بينات ضلوعك
جوه في نبضات قليبك في ابتسامتك في دموعك
ونجد شاعرنا قد اذاب عواطفه وسكب مشاعره وكانت احاسيسه وقادة كنار جوانحه اشعلها الحب وألهبها الصدود فقذف بحمم وجدانية اضفي عليه جمال الاسلوب وفصاحة اللفظ ولكن هل المحبوبة هي القرية ام احدي بنات حواء
في انتظار الشمس تشرق ياما صاقرتي الليالي
تكتمي الشوق المبرح وتندهي الاحلام تعالي
ناسجه خط العمر ابيض فوق طريحات الصبايا
في دفاترن انت رسمه وهن يساسقن للقراية
تحكي ليهن عن هواكي وعن حبيب ريدو غالي
{ وعندما تعصف به رياح الغربة نجد قريته الصغيرة لا تفارق مخيتله ابدا وهو يرهف السمع ويعالج آلامه التي عبثت به ويظل يتذكر احدي المناسبات السعيدة التي تزين قريتهم ويكتب يا عيونك الرائعة التي يرددها الفنان محمد جبارة
يا عيونك لما تضحك
تضحك الدنيا وتزغرد
ماشي قادلي في احلي سيرة
شايلي حنه وحق ضريرة
والعريس فرحان يبشر
أمو رابطالو الحريرة
اختو جابلتو الجبيرة
يا عيونك
فرحة في عين العروسة
لما تلبس قرمصيصا
تمشي تمرق في السباتا
يا حلاتا ويا حلاتا
تضحك الدنيا وتزغرد
والعروس تخجل تغمض
ايدا فوق بتضاري عينا
الا اشواقا وحنينا
وعندما نقل معاوية بن ابي سفيان زوجته ميسون بنت بحدل من الريف الى المدينه قالت :
لبيت تخفق الاواح فيه احب اليّ من قصر منيف
وشاب من بني عمر نحيف احب اليّ من علج منيف
واكل كسيرة في عقر داري احب اليّ من اكل الرغيف
ونلمح تأثيرهم في قول الشاعر السر عثمان الطيب عندما ضاق بالغربة حرمانه من الاهل والاحباب متأثرا مفضلا أكل الكسرة على كل مطايب الإغتراب
إن نسيت ما بنسى مرة
كيف في بعدك ضقت مرة
كان اخير لي اقعد هناك
اعيش ولوبي كسرة مُرة
تبقي حلوي في بلادي
والسر عثمان قد برع في شعر الغزل واذاب فيه عواطفه وسكب مشاعره وكانت احاسيسه وقادة كنار جوانحه اشعلها الحب وألهبها الصدود فقذف بحمم وجدانية اضفى عليها ويقول في ( قهوة وعيون ) التي كتبها بجدة في يوم الاحد 7/7/2002 م
ولان ليالي المحبين طوال مع الارق والسهر يظل يبحث عن الجواب بعد ان تيقن يوما ما بأنه سيرجع يوما الي دياره حيث دفء العشيرة الذي افتقده .
وما فتناك ولا الزمن السمح فاتك
ويوما ما
قطارات شوقنا ترجع لي محطاتك بلا جفوة
حترجع لي عيون حلوة
عيون كانت ومازالت
قصاد عينيا رقابة
رموش احلي هبابة
والسر الان القي عصا الرحيل مستقرا في السودان وسط أحفاده ولكن هل إختفت الآهة التي يعبر بها الشعراء عن حبهم لاوطانهم . ،
آه يا بلد ومليون آهة
وحاتك غيرك ما لي عزة ومافي وجاهة ياه
=

[امال الناس]

الاغنية الشايقية عند شعراء منحني النيل (3)
الجمعة, 27 يوليو 2012 13:27 صفحات متخصصة - الاسبوعي
الاغنية الشايقية عند شعراء منحني النيل (3)
محمد سعيد دفع الله.............. وغربة الروح
كتب : معتصم طه
تبقي اشعار الشايقية في منحني النيل مثل فاكهة المانجو تضج رواء ونضارة ورغم سقياها من ماء واحد الا ان طعمها مختلف و كنا في الحلقة السابقة قدتحدثنا عن تجربة الشاعر السر عثمان الطيب ورفيقي دربه محمد كرم الله ومحمد جباره اللذان صاغا له الحان الخلود وجعلا اشعاره على لسان كل مدر وحجر والان نقترب من الدخول لديار الشاعر محمد سعيد دفع الله وهو خال للشاعر السر عثمان الطيب ولكن هل جينات الشعر اتت للشاعرين من جدتيهما؟ ام ان طبيعة المنطقة الساحرة القرير التي تربيا فيها اورثتهما تلك العبقرية !وفي
داخل غابات النخيل في قرية القرير التي تقع في منحنى النيل حيث بواسق النخيل ولد شاعرنا محمد سعيد دفع الله وتلقيى تعليمه بها ثم درس اداب جامعة الخرطوم وهو لا يحتاج لهذه الدراسة لانه تخرج اديباً لارتباطه بمنطقة تقتات الشعر وتصحو وتنام على مولد قصيدة.
وصاحبته ربة الشعر منذ سني صغره وعندما اغترب غربته الصغرى داخل الخرطوم وفارق القرير كتب لصديقه يحيي فضل المولى الطالب بمدرسة القرير قديماً والمدير المالي لمشروع القرير حالياً ويقول في خطابه
اخي العزيز يا يحيي يا أب قلباً عطوف
اهديك اشواق بالالوف
عن صورتن تعجز حروف
ويمضي يسأل يحيي عن كل صغيرة وكبيرة داخل قريته التي تركها من اجل اكمال دراسته الجامعية ويسأله عن حياة الداخلية بالمدرسة الوسطى ويطلب منه بعد نهاية الامتحانات ان يبث اشواقه لكل اهله
يا يحيي ارجوك ياخي فوت بعد انتهاء الامتحان
با الله طوف كل البيوت اغري السلام اهلي الحنان
قول ليها زولك داير يموت بالشوق
تلف منو الحنان
وعندما يغادر الخرطوم الي رياض السعودية وتبقى بينهم الاف الاميال يبكي ويستبكي وتسيطر على خيالاته احلام مزعجة ويخاف ان تكون نهايته في تلك الغربة.
بكيت خلايا كان ينفعني وارتاح لو قليل
وأقول جابتني يبقي التربة أموت عابر سبيل
مانا شبه بعاد أو غربة مالنا على الرحيل
مالو إن كان لزمنا بلدنا والخالق كفيل
وفي جامع التويماب بحي القلعة وهو ا حد احياء القرير السبعة نهل شاعرنا محمد سعيد دفع الله علوم القرآن ولذا بان اثرها واضحا في بعض اشعاره فلا غرو ان تأتي الكلمات طائعة منسابة تجرجر اذيالها و عندما مرضت والدته لجأ لخالق الكون مخاطباً اياه في قصيدته اشفها بحق قدرتك
طلبتك ربي يا الاكرم
تطيب امي لي تسلم
عليها العلة لا تدبي
بشوفه الليلة راقدة سرير
ويا مولايا انت قدير
تقول لها قومي كب هبي

ورغم ايمانه بالقضاء والقدر ويستسلم له تماماً باعتبار انه لا فكاك منه فلذا نستدعي فضيلة الصبر في قصيدة قيام قعاد وبعد ذلك يرثي لحاله ويتمنى ان ينعدل الحال ويطل الهناء والنعيم بديلاً للشقاء والبكاء
دا القدر يا خله يحكم وحكموا تب ما ليهو راد
ونحن شن نعمل ترانا الصبر يوت ساونو زاد
الى ان يصل بقوله:
ربي ليه .. لسه برانا ونحن من دون العباد
نبقى عايشين لي شقانا وبس متين ينتم مراد
ليل نهار نبكي وننوح والجسم خلي الرقاد
وان رقد عاد شن رقاده الدمو جاري على الوساد
يا كريم يا الانت داري وعالم الما في الفؤاد
عاد يروح وحالنا يصلح وتاني حبي يجيني صاد
وتظل مفردة القدر في ثنايا شعره لتطل مرة اخرى في قصيدته وداع قارناً اياها بالصبر مثلما
قتلوا عاد يا هو القدر وعارفو ما كان بي ارادتو
وماب نعلق المضاجع
يبقي صابر بالعلي وارضي للحرمان اكابد
وكل منايا يجيني راجع
عندما مرضت والدته دعى لها المولى الكريم ان يكلوها برحمته وكتب يا رحمان وهو يستعد للذهاب للعيد بالبلدليقضي معها اجمل ايامه
امي مصيرة في ايدك
كريم يا ربي يا رحمان
وانا النازل على عيدك
عشان افرح مع الحبان
سالتك ربي بي لطفك
تجبر كسري فيك عشمك
تراعي لامي بي عطفك
قلبي عليها اه شفقان
في رأس السنة التي كتبها ناقلاً مشاعر الناس تلك الليلة وهم يودعون عاما ويستقبلون آخر
الناس تعيش رأس السنة
وبايت وحيد يا اخوان انا
جل العزيز سطر حياتي ودونا
يوما يجي والغير يكون بهجه وهنا
والطيف منذ عهد البارودي مروراً بالشاعرين السر عثمان الطيب ومحمد سعيد دفع الله يظل حاضراً في مخيلة الشعراء وما بين طيف سميرة يظل طيف محمد سعيد حاضرا في كل الاوقات في الهمسة والشهقة ومع شرايينه.
حتي الطيف ر حل خلاني
ماطيب لي خاطر
لاتقول هي كدي استاني
بمشي واجيك باكر
يبقي انا مالم فيك تاني
وحمد سعيد القي عصا التسيار ايضا بعد غربة امتدت لخمسة وعشرين عاما برياض السعودية وهو الان بمدينة الثورة وسط ابنائة عدي وعلي وام اولاده بنت العم فوزية فتح الرحمن عبيد التي كتب فيها اعظم اشعاره