دا أخر الحب في النت

[زووول سوداني]

ﺍﻟﻴﻮﻡ ﺩﺍﻙ ﻭﺍﻧﺎ ﻓﻲ ﺍﻟﻤﺤﻞ.. ﻭﻗﺎﻋﺪ ﻣﻔﺴﺒﻚ ﺑﻲ ﻣﺰﺍﺝ.. ﺍﻓﺘﺢ ﻭ ﺍﻗﻠﺐ ﻓﻲ ﺍﻟﺼﻮﺭ.. ﺍﺑﺤﻠﻖ ﻭ ﺍﻋﺎﻳﻦ ﻟﻠﻤﺰﺯ .. ﺭﺳﻠﺖ ﻟﻴﻬﺎ ﺍﺟﻤﻞ ﻃﻠﺐ ..ﻭﻭﻛﺰﺗﻬﺎ..ﻭﻭﻛﺰﺗﻨﻲ ﻟﻴﻚ.. ﻭﻛﺰﺍ ﻳﺸﻴﻞ ﻣﻦ ﺍﻟﻘﻠﺐ ﺩﻗﺎﺗﻮ.. ﻭ ﻳﺨﺘﻬﺎ ﻓﻲ ﺍﻟﺪﺭﺏ.. ﺭﺳﻠﺖ ﻟﻴﻬﺎ ﺭﺳﺎﻟﻪ ﻓﻲ ﺍﻻﻧﺒﻜﺲ ..ﻱ ﺑﺘﻨﺎ..ﺟﻬﺠﻬﺘﻲ ﺑﺎﻛﺎﺕ ﺻﻔﺤﺘﻲ.. ﻭ ﻓﺘﺤﺖ ﺍﺷﻌﺎﺭﺍﺕ ﻫﻮﺍﻱ.. ﻭ ﺑﻠﻜﺘﻲ ﻛﻞ ﺍﻻﻧﻜﺘﺐ.. ﺑﺎﻟﻠﻪ ﻳﺎﺥ ﺧﻠﻲ ﺍﻟﻮﻛﺰ.. ﻭ ﺩﻭﺳﻲ ﺗﺄﻛﻴﺪ ﺍﻟﻄﻠﺐ.. ﺭﺩﺕ ﻋﻠﻲ ﺑﺲ ﺍﻧﺖ ﻱ ﺯﻭﻝ ﻣﺮﺗﺒﻂ ؟.. ﻭ ﺑﺘﻘﺮﺍ ﻭﻳﻦ..؟. ﻭ ﺍﻥ ﺷﺎﺀ ﺍﻟﻠﻪ ﻱ ﺯﻭﻝ ﻣﻐﺘﺮﺏ.. ﻭ ﻟﻮ ﻓﻲ ﺻﻔﺤﺘﻚ ﻋﻨﺪﻙ ﺑﻨﺎﺕ.. ﺍﻧﺴﺎﻧﻲ..ﻭ ﺍﻟﻐﻲ ﺍﺭﺳﺎﻝ ﺍﻟﻄﻠﺐ.. ﺧﺸﻴﺖ ﺳﺮﻳﻊ ﻟﻲ ﺻﻔﺤﺘﻲ.. ﻭ ﺷﻮﺗﺎ ﻛﻞ ﺑﺎﻗﻲ ﺍﻟﺠﺮﺕ.. ﻭ ﻗﺖ ﻟﻴﻬﺎ ﻳﺎﺥI am .. divorced ﻭ ﺑﻲ ﺳﺮﻋﻪ ﺍﻛﺪﺕ ﺍﻟﻄﻠﺐ.. ﻭ ﺑﻌﺪ ﺣﻨﻚ..ﻭﻣﺴﺎﺳﻘﺎ.. ﺍﺩﺗﻨﻲ ﺍﻟﺮﻗﻢ.. ﻛﻤﻠﺖ ﻓﻴﻬﺎ ﺟﻨﺲ ﺭﺻﻴﺪ..ﻭ ﻛﺮﻭﺕ ﺷﺤﻦ..ﻛﺎﻥ ﺳﺪﺕ ﺍﻟﻌﺠﺰ ﺍﻟﺤﺼﻞ.. ﻭ ﺍﻗﻨﻌﺘﻬﺎ..ﻧﺘﻼﻗﻰ ﻳﻮﻡ.. ﺟﻨﺐ ﺍﻟﺒﺤﺮ.. ﻓﺎﺻﻮﻟﻴﺎ ﻃﻠﻌﺖ ﻱ ﺑﺸﺮ.. ﻃﻮﺍﻟﻲ ﻗﺎﻟﺖ ﻟﻲ ﺧﻼﺹ .. ﻧﺘﻼﻗﻰ ﺑﻌﺪ ﺍﻻﻣﺘﺤﺎﻥ ﻗﺒﻞ ﺍﻟﻌﺼﺮ.. ﻋﺸﺎﻥ ﺍﺧﻮﻱ ﺑﺎﻟﺠﺪ ﺻﻌﺐ.. ﻭ ﺑﺨﺎﻑ ﻳﺸﻮﻓﻨﺎ ﻣﻊ ﺑﻌﺾ.. ﻭﺭﻳﺘﺎ ﻣﺎ ﺗﺨﺎﻑ ﺍﺻﻠﻮ..ﺗﺐ.. ﻧﻘﻌﺪ ﺳﺮﻳﻊ ﺟﻨﺐ ﺍﻝ.. (river) ﻭﻧﺮﺟﻊ ﺑﻴﻮﺗﻨﺎ ﻧﺘﻤﻬﺎ ﻓﻴﺴﺒﻮﻛﺎﺕ ﺳﺮﻳﻴﻌﻪ ﻭ ﺩﺭﺩﺷﻪ..ﻗﺎﻟﺖ ﻟﻲ ﺧﻼﺹ ﺯﻳﺖ ﻱ ﻋﺴﻞ..ﻭ ﻣﻦ ﺍﻟﻴﻮﻡ ﺩﺍﻙ..ﺍﻧﺎ ﺗﺎﻧﻲ ﻣﺎﺷﻔﺖ ﺍﻟﺸﻤﺲ..ﻭ ﻋﻤﻠﺖ ﺳﺎﻭﻧﺎ ﻭﺻﻨﻔﺮﺓ.. ﻭ ﺣﻤﺎﻡ ﺑﺨﺎﺭ..ﻭﺍﻧﺴﻰ ﺑﺲ.. ﺑﻘﻴﺖ ﻋﺴﻞ..ﻣﺸﻴﺖ ﻋﻠﻴﻬﺎ ﻣﻦ ﺍﻟﺼﺒﺎﺡ.. ﻭﺭﺟﻴﺘﻬﺎ ﻃﺮﻑ ﺍﻟﺒﺤﺮ.. ﺟﺎﺕ ﺍﻟﻌﺼﺮ ﻣﻦ ﺑﻲ ﻭﺭﺍﻱ.. ﻭ ﺑﻲ ﺻﻮﺕ ﺣﻨﻴﻦ ﻧﺎﺩﻧﺘﻲ ﻟﻴﻚ.. ﻣﺴﺘﻨﻲ ﺯﻭﻝ ؟..ﻗﻠﺒﻲ ﻓﻲ ﺧﻔﻘﺎﻧﻮ ﺯﺍﺩ.. ﻗﺒﻠﺖ ﺍﺷﻮﻑ ﺍﺟﻤﻞ ﻗﻤﺮ.. ﻭﺷﻔﺘﻬﺎ..ﻭ ﻳﺎﺭﻳﺘﻨﻲ ﻟﻮ ﻣﺎ ﺷﻔﺘﻬﺎ.. ﻭ ﻣﺎ ﻋﺮﻓﺘﻬﺎ.. ﻭ ﻣﺎ ﺭﺳﻠﺖ ﻟﻴﻬﺎ ﻃﻠﺐ ﺻﺪﺍﻗﻪ.. ﻭ ﺿﻔﺘﻬﺎ..ﻳﺎ ﺭﻳﺘﻮ ﻟﻮ ﻣﺎ ﻋﻨﺪﻱ ﻓﻲ ﺍﻟﻔﻴﺴﺒﻮﻙ ﺣﺴﺎﺏ.. ﺩﻱ ﺑﺘﻘﺮﺍ ﻛﻴﻒ ﻓﻲ ﺟﺎﻣﻌﺘﻬﺎ.؟. ﻭ ﻗﺎﻋﺪﻩ ﻛﻴﻒ ﻣﻊ ﺷﻠﺘﻬﺎ.؟. ﻏﺎﻳﺘﻮ ﺍﻟﻤﻬﻢ ﻣﻦ ﻟﺤﻈﺘﻬﺎ.. ﺍﻃﻠﻘﺖ ﺳﺎﻗﻲ ﻟﻠﺮﻳﺎﺡ.. ﻭ ﻣﺸﻴﺖ ﻟﻠﻤﻘﻬﻰ ﺩﺍﻙ ﺍﻟﺠﻨﺒﻨﺎ.. ﻭ ﺍﺯﻟﺘﻬﺎ..ﻭﺑﻠﻜﺘﻬﺎ..ﻭ ﺩﻱ ﺍﻛﺘﻔﻴﺘﺪ ﻟﻲ ﺣﺴﺎﺑﻲ..ﻭ ﻓﺮﻣﺖ ﺍﺟﻬﺰﺓ ﺍﻟﻤﺤﻞ.. ﻭ ﻃﻠﻌﺖ ﻟﻲ ﺭﻗﻤﺎ ﻗﺪﻳﻢ.. ﺳﻮﺩﺍﻧﻲ ﻭﻥ.. ﻭ ﺧﺎﺻﻤﺖ ﻟﻴﻚ ﺍﻟﻌﻮﻣﻠﻪ..ﻭ ﻛﺮﻫﺘﻬﺎ.. ﻭ ﻛﺮﻫﺖ ﺯﻳﻦ ﻭ ﻋﻤﺎﻳﻠﻬﺎ.. ﻱ ﺣﻠﻴﻞ ﺟﻨﻴﻬﺎﺕ ﺍﻟﺮﺻﻴﺪ.. ﻭ ﻳﺎ ﺣﻠﻴﻠﻨﺎ ﻧﺤﻦ.. ﻭ ﻣﻠﻌﻮﻥ ﺍﺑﻮ ﺍﻟﻔﻴﺴﺒﻮﻙ.. ﻣﻠﻌﻮﻥ ﺍﺏ ﺍﻟﺤﺐ ﺍﻟﺮﻣﺎﻧﻲ ﻓﻲ ﺯﻳﻬﺎ

[Toma]

هههههههههههههههههه .... رائعة جداً، مجهوود موفق

[الأمير حسن مختار]

كيف تحب يا زول سوداني بالنت
ممكن تكون غفلت وسرحت ونسيت
في النهاية الواحد بخسر وينغلي بزيت
وتضيع فلوسه ويتحسر ويقول يا ريت يا ريت
أنا ما لي ما عندي رأس ولا جنيت
أنا ما خلاص اسرقت وانتهيت

[أبوبكر سيد محمد]

تسلم
بارك الله فيك