هل اولاد المغتربين حناكيش؟؟؟؟؟ ادونا رأيكم...!!

[banota 7nona]

حبيت اوضح انو مو كل اولاد المغتربين حناكيش الحنكوش من يومه كده بس ما اى زول مغترب يعنى حنكوش وااله بالعكس

[عاشقه الحب]

انا في راي ما كل اولاد المغتربيين حناكيش لانو في السودان برضو في ناس حناكيش وانا عن نفسي ما حنكوشه

[الليبي]

واللهالحنكشة والحنكوش والحنكوشة العبارات دي مطاطية . يعني ممكن الواحد يكون مغترب وزيتو ا طالع لكنو زول انيق وظريف وحسن المظهر ناسنا (الغبش ) طوالي يقولوا ليك الزول دة حنكوش وبالمناسبة في خلطة بين الحنكشة والزوق والطافة واللبس الانيق ولا شنو ؟

[doom]

((الحنكوش / الحنكوشة هو ذلك الززززززوووول الذى لم يذق طعم البشتنه فى حياته الدنيا ..
ولم يتمتع بمذاق الشلهتة فى مدافرات مواصلات الكلاكلة القبة ...
ولم يستمتع بسكن رواكيب الحاج يوسف التى تقى حرارة الشمس ولا تغنى عن زمهرير الشتاء ..
وقضى جميع مراحله التعليمية فى المدارس غير الحكومية ذات الطوابق المتعددة
والبلدان العربية ذات الرفاهية المطلقة.. والمكيفات ذات الهمبريب الضاغط ...
ولم يشرب من المياه سوى المياه الصحية ))

صفات الحناكيش:-

الحناكيش ناس (بابــــــــا) و (مامـــــــا) وناس ال (جلكسي جواهر) و (البيرقر الجامبو)
وناس (أحواض السباحة) و (لعب البلياردو) وناس (عمرو دياب) و (نانسي عجرم) ...

طيب ياجماعه لفيت الدنيا كلها وافتش عن معني المصطلح ( الحناكيش ) ولقيت الناس كلها متفقه
علي التعريف اعلاه !!

طيب ماعندهم ذنب الناس ديل سوي انهم ظروفهم خلتهم يتغربو بعيد من السودان
ويكونو مسجونين في شقه ومايشوفو الشمس الا الخميس والجمعه ..

طيب ده مش عذاب سجن وغربه الناس تعمل شنو وماعندها موضوع غير التلفزيون

ولانو تلفزيون السودان مامشجع خاصه انو كلو اتفاقية السلام وموجهات السلام
بالتالي تبداء رحلة البحث عن قنوات افضل ووووووووووووو
ووولى عودة...!

مع تحياتى

موضوعك يا استاذي عباره عن سهم موجه لقلوب ابناء المختربين وهو ليس اول موضوع يتحرش
بنا بلـ هناك الكثير من المنتديات تنتهج نفس الاسلوب
في كلامك عدة نقاط لا ادري من اين اتيت بها نذكر بعض منها

ارتباط الحنكوش بالرفاهيه وانا اترك القارئ يحكم على هذه النقطه

ثم ذكرت ضفات الحناكيش

الحناكيش ناس (بابــــــــا) و (مامـــــــا) وناس ال (جلكسي جواهر) و (البيرقر الجامبو)
وناس (أحواض السباحة) و (لعب البلياردو) وناس (عمرو دياب) و (نانسي عجرم)

يعني يااخي كل من اكل بسكوت او حلاوه جلاكسي او سمع للمغني عمرو دياب او سبح بحوض سباحه
هو حنكوش وعلشان ما اكون حنكوش اروح اسبح في ترعه مثلا
وكل من قال بابا او ماما فهو حنكوش ؟

والنقطه الاخيره قلت

طيب ماعندهم ذنب الناس ديل سوي انهم ظروفهم خلتهم يتغربو بعيد من السودان
ويكونو مسجونين في شقه ومايشوفو الشمس الا الخميس والجمعه

بكلمتك هذه طلعت ابناء المغتربين مايعرفو عن الدنيا شئ بحكم انهم دوم مسجونين في البيت
ومايطلعو الا يومين بالاسبوع

وانا اخلافك الراي انه ابناء المغتربين ليس بسجناء كما تزعمون وان كان هناك فهي اقليه وازيدك من البيت شعر
تعرف ان ابناء المغتربين اكثر انفتاح من ابناء السودان المتربين داخل السودان
لان ابناء المغتربين اختلطو باكثر من جنسيه اختلط بالهندي وبالباكستاني وبالخليجي و و و و
لذلك عرف كيف يتعامل معهم وانا اعرف كثير من ابناء السودان يوم خرجو من السودان واغتربو
تلاقيهم منزوين لحالهم ...
صحيح ان ابناء السودان اذا راحو السودان لايفقهون شئ وهذا طبيعي بحكم تغير البيئه
والتعامل وكل شئ ولكن كلها ايام او شهور حتى نندمج مع اهلنا وهذا ليس بعيب
ثم قلت

وقضى جميع مراحله التعليمية فى المدارس غير الحكومية ذات الطوابق المتعددة
والبلدان العربية ذات الرفاهية المطلقة.. والمكيفات ذات الهمبريب الضاغط ...
ولم يشرب من المياه سوى المياه الصحية

سبحان الله اذا كان ربنا فاتحها علينا ليش نتعب ارواحنا واذا عملنا هذا فهو بمنطق واما بنعمة ربك فحدث
ربنا اعطانا فلازم نظهر ونحمد الله على ذلك

والحنكشه مثل ماقالو الاخوان ليس لها علاقه بنا ولا بغني ولا بفقير ولكن تربتط بالتربيه
فالتربيه هي اتي تحدد شخصية الانسان

والحمدالله هذا المنتدى يحتوى على كثير من ابناء المغتربين وهم اكبر دليل على كلامي
وانا احد هولاء فقد ولدت خارج بلدي ودرسة خاارجها فهل ترون في لهجتي حنكشه
وكلمة دائما ما اسمع ان الشجره المثمره هي التي ترجم بالحجاره فلا تكترثو لما يقال
فالقلب الحامي حامي مهما قالو فينا والرجال تنعرف وقت الشدايد
واسف ان اطلت عليكم
اخوكم
دووم

[الكابوس]

بسم الله الرحمن الرحيم
بصراحة الحنكوش عندو حق فى كل القالو اولا المغتربين ماحناكيش ولا اى حاجة يعنى عشان عايشين فى بلد تانى وبيرب مباه معدنية وبياكل بيرقر وبيسبح فى احواض سباحة معناها حناكيش هما بس كفاية انهم عايشين فى غربة وبتعامل مع شخصيات تانبة عندها انطباعات مختلفة وقدرو يتماشو معاهم ويثبت وجودهم فى البلد العايشين فيه ده براها تاكد ان المغتربين حناكيش يعنى لمن مات جون قرن وحصلت الفوضة السودان كل قرب ينقلب وع ان الجنوبين عايشين فى السودان والسودانين اى غبر الجنوبين ماعرف يتصرفو معاهم فى حيث ان النغتربين قدرو يتعاملو مع جنسيات مختلفة بكل بساطة ولو ان فى اولها ممكن تكون صعبة وتانى حاجو انا داير اعلق على موضوع تانى وهو التلفزيون السودانى بصراحة كل ما افتح مافى الااتفاقيات سلام اغلبه لسا اتنفذت ومواضيع مابتخلى المشاهد بتفرح عليها والمفروض ان التلفزيون واحهة البلد فى الدول التانية والله انا مرات اصحابي يضحكو على التلفزيون ويقول لى انت ماعندكم فنانبن بقول لبهم فيه بيسألونى يقولو ليه ما بتشوفهم فى قنوات الاغانى المعروفة بسكت ومابعرف اقوليهم شنو المهم انا ماعاوز اطول عليكم واسف لو كنت اطاولت على حد
وشكر
الكابوس

[reallove]

السلام عليكم
انا باحترم وجهة نظرك انا محمد من الامارات وقاعد فيها 12 سنة بس لو مرت سنة وما مشيت السودان بعيا الاجازة كلها .

سبب الحنكشة الهم فيها بسبب صحبتهم للزلمات والمواطنين ومحاولة تقليدهم
وعدم تواصلهم مع بلدهم ده كله سبب الحنكشة دي

يعني انا عندي اصحاب سودانيين ما بحبو سيرة السودان



وشكرا

[شايقية و افتخر]

و الله انا حتى عايشة في الامارات و صح كلام reallove
و في ناس كتار من النوع دة

[احسان]

حبيت اوضح انو مو كل اولاد المغتربين حناكيش الحنكوش من يومه كده بس ما اى زول مغترب يعنى حنكوش وااله بالعكس

يلا الكلمة دي بتعمل لي حالة نفسية
لما كنت في ليبيا كنا بنقول بنات السودان حناكيش
ولمن جيت السودان بقو يسموني حنكوشة ومنهم عمي كمان
وانا بجد بكره الكلمة دى
وبعد ما قلت ليهم ماتقولوها لي غيروها بواحدة تانية (سحسوحة )
اسوى ليهم شنو انا بس

[ودالشريف]

كلامك جد فى محلو...وده فعلا الحاصل...يعنى كتير من الناس فى السودان بفتكروا
مصطلح الحناكيش مربوط فقط باولاد المغتربين فى دول الخليج...وفى كتير من الشباب
عائش حنكشه تمام وما طلعوا من السودان خالص....ذى ما كنا زمان بنقول ليهم اولاد العز وناس القروش....!
بالمناسبة اخ احمد تعرف انو مصطلح الحناكيش او حنكشه اصلو مصرى!!!!!! وغير مصطلح سودانى عامى كما يعتقد الكثيرين....دى آخر معلومة وجدتها.

مع تحياتى

ده كلام صحيح الحنكشة لا تعنى اولاد المغتربين او اولاد الراحات الحنكشة مقصود بها الناس المايعة وتتصنع الدلع وتحس انهم خاتين نفسهم فوق الناس يعنى ناس ناس وناس انناس

ديل هم الحناكيش وياما ناس مرتاحة وهم رجال رجال وياما ولاد مغتربين فيهم الشهامة والنخوة


وربنا يبعد عننا الحنكشة والمتحنكشين

ولكم كل الود

[همسة عطر]

ماذا تعني كلمة ( حنكوش ) .. نحب أن نعرف معناها أو ما يقابلها في اللغة العربية الفصحى .. حتى نتمكن من التعليق ..
دمتم بخير ونعمة .

****************

لا نملِكُ الإجابات ، فلمَ تُطرحُ الأسئلة..؟

[كابو]

ماذا تعني كلمة ( حنكوش ) .. نحب أن نعرف معناها أو ما يقابلها في اللغة العربية الفصحى .. حتى نتمكن من التعليق ..
دمتم بخير ونعمة .

****************

لا نملِكُ الإجابات ، فلمَ تُطرحُ الأسئلة..؟

الحنكوش يا همسة زي ما قال المشرف
اذا اكل كسرة بي ويكة بجيهو تليف في كل حاجة
الحنكوش ما شاف المدافرة في مواصلات امبدة
الحكنوش ما بشرب موية الزير عشان بتعمل ليهو حساسية
الحنكوش ما بقدر يعيش في جو السودان الكلو كتاحة وغبار وسخانة وزحمة
الحنكوش بقول بابي ومامي وما بعرف يمة ويابا
الحنكوش سلامو هاي ووداعو باي
عرفت الحنكوش والا ازيدك

[angel100]

السلام عليكم ورحمة الله تعالى وبركاته
كيفكم يا شباب
انا حبيت اشاركم ف الموضوع
انا بقول انو اولاد المغتربين ما كلهم حناكيش
انا عشت كل حياتي تقريبا برة السودان و عشان اوفر ع اهلي حبيت ارجع السودان وادرس الثانوية هناك
لكن لقيت ف فرق كبير بين ابناء السودان وناس برة
انا ما بقول انو ابناء المغتربين ضحايا ابد بالعكس هم برأي ناس محظوظين لأنه جاتم فرصة يشوفو الدنيا إمكن من شباك صغير بس شافوها
اولاد المغتربين باعتقادي نضاجين اكتر ف تفكيرهم مش عشان انا بت مغتربين لاكن بالجد زي ما قال اخونا سابقاَََ امكن عشان احتكو بجنسيات مختلفة
(مثلا:اخوي كان جة السودان ودخل صف اول ثانوي واتخيلو لقة الأولاد بيلعبو بعربات سابق ولاحق ( الزمن داك
ف الامارات كان بتناقش مع اصحابو كيف يهكرو مواقع وكدة ويجي السودان ويشوف الحالة دي
بالنسبة ليهو كانت صدمة حضارية


انا ما بقول انو السودانين متخلفين لكن بالجد هم منغلقين و افكارهم محصورة ف اتجاهات معينة
باعتقادي عشان كدة هم بقول ع اي حاجة ما بتناسب آراؤهم مسميات ومنها الحنكشة طبعا
بعدين تعالو هنا هو انا براي ولا انتو ما شفتو اولاد القروش (ناس الحكومة) عاملين كيف كيف
وديل هم العايشين ف السودان جد

انا بعتقد الناس العايشين ف السودان هم برضو محظوظين
ما اطروا يقعدو السنة كلها يتعاملو مع اساتذة من جنسيات مختلفة وكل اساتذ طبعا متحيز لابناء بلده
قاعدين مقهورين لأنو ماف زول بيقدر يتكلم عشان دفتر الدرجات
ما عاشو اكبر مشكلة و هي التفرقة العنصرية الواضحة جدا طبعا
جد هم محظوظين لأنم ما قاسو المعانة دي كلها سواء ف المدرسة الشغل حتى بالطريق العام


بس برضو ما عدل انو الواحد برة بحاول يثبت للناس انو انسان كويس
ولمن يجي بلده يوصفوه بالحنكشة او انو سحسوح او اي من المسميات التانية
يعني جد مغسة

[محمد عثمان محمد حسان]

[color=003399]أنا برأي إنو [/color]الحنكشه على حسب الأولاد وعلى حسب تربيه الوالدين

[وين القاك]

[[3mr=backgrounds/16.gif][img]color=0000FF]انا بشوف انو مافي حنكشه في السودان والسبب طريقه الحياه في السودان وصعوبته لكن في فئه
قليله (متحنكشه) تحب تكون متميزه عن البقيه بشويه دلع,
بس في الاول والاخير الحنكشه خشم بيوت[/color][/img][/3mr]

[هجروك حبي وعملو السبب حبي]

والله الموضوع شيييييييييييييييييييق جدا واشكرك يا انا سوداني على الموضوع ده لانو فعلا هام جدا بنسبه لينا نحن كاولاد وبنات في الخارج
ونحن اكييييييييييييييييييد ما حناكيش بس ناس السودان اتعودوا علي انو الناس ماتتعامل بي رقه
يعني عاوزننا نكون مبهدلين ودفشين وما عندنا اسلوب في الحوار عشان ما اكون حنكوشه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
حنكوشــــــــــــــــــــــــــــــــــــــــــــــــــــــــــــه
والعاجبو عاجبووووووووووووووووووووووو

[sentimental]

بسم الله الرحمن الرحيم
اولا ما كل مغترب حنكوش
وماكل من قال بابا وماما حنكوش
وانا مع الشخص اللي قال الحنكوش هوا اللي ما ضاق البهدله برضو في ناس اتبهدلت وضاقت البهدله بكل انواعها والان بتحاول تتحنكش يعني محاوله لمجاراه الناس او طريقه تنسي بيها المر
انا شخصيا مغتربه وتقريبا عمري كلو عشتوا هنا في ليبيا بس يمكن التربيه هيا اللي بتساعه الشخص يبني شخصيتو او شخصيه الاب والام لمن تكون قويه بتتضطر الواحد يبقي زيهم
حالتنا الماديه كويسه والحمدلله وكل ما بنطلبو بنلقاهو بس لانو تربيتنا او شخصيتنا قويه وصح
ابدا لا مدلعين ولا حناكيش ل>لك من الصعب انو تحدد سبب الحنكشه يعني المثل اللي بيقول اولاد المغتربين غلط لانو انا شخصيا بشوف سودانيين وعايشين في السودان من زمان وحناكيش
والله اعلم دا رأيي المتواضع

[sentimental]

موضوعك يا استاذي عباره عن سهم موجه لقلوب ابناء المختربين وهو ليس اول موضوع يتحرش
بنا بلـ هناك الكثير من المنتديات تنتهج نفس الاسلوب
في كلامك عدة نقاط لا ادري من اين اتيت بها نذكر بعض منها

ارتباط الحنكوش بالرفاهيه وانا اترك القارئ يحكم على هذه النقطه

ثم ذكرت ضفات الحناكيش



يعني يااخي كل من اكل بسكوت او حلاوه جلاكسي او سمع للمغني عمرو دياب او سبح بحوض سباحه
هو حنكوش وعلشان ما اكون حنكوش اروح اسبح في ترعه مثلا
وكل من قال بابا او ماما فهو حنكوش ؟

والنقطه الاخيره قلت



بكلمتك هذه طلعت ابناء المغتربين مايعرفو عن الدنيا شئ بحكم انهم دوم مسجونين في البيت
ومايطلعو الا يومين بالاسبوع

وانا اخلافك الراي انه ابناء المغتربين ليس بسجناء كما تزعمون وان كان هناك فهي اقليه وازيدك من البيت شعر
تعرف ان ابناء المغتربين اكثر انفتاح من ابناء السودان المتربين داخل السودان
لان ابناء المغتربين اختلطو باكثر من جنسيه اختلط بالهندي وبالباكستاني وبالخليجي و و و و
لذلك عرف كيف يتعامل معهم وانا اعرف كثير من ابناء السودان يوم خرجو من السودان واغتربو
تلاقيهم منزوين لحالهم ...
صحيح ان ابناء السودان اذا راحو السودان لايفقهون شئ وهذا طبيعي بحكم تغير البيئه
والتعامل وكل شئ ولكن كلها ايام او شهور حتى نندمج مع اهلنا وهذا ليس بعيب
ثم قلت


سبحان الله اذا كان ربنا فاتحها علينا ليش نتعب ارواحنا واذا عملنا هذا فهو بمنطق واما بنعمة ربك فحدث
ربنا اعطانا فلازم نظهر ونحمد الله على ذلك

والحنكشه مثل ماقالو الاخوان ليس لها علاقه بنا ولا بغني ولا بفقير ولكن تربتط بالتربيه
فالتربيه هي اتي تحدد شخصية الانسان

والحمدالله هذا المنتدى يحتوى على كثير من ابناء المغتربين وهم اكبر دليل على كلامي
وانا احد هولاء فقد ولدت خارج بلدي ودرسة خاارجها فهل ترون في لهجتي حنكشه
وكلمة دائما ما اسمع ان الشجره المثمره هي التي ترجم بالحجاره فلا تكترثو لما يقال
فالقلب الحامي حامي مهما قالو فينا والرجال تنعرف وقت الشدايد
واسف ان اطلت عليكم
اخوكم
دووم

انا ماقريت كلام اخي دوووم الا الان
وكلامو عين الصواب وصح ميه في الميه
كلوووووووووووو من اول حرف لا خرو
بزيد عليهو حاجه تانيه انو المنتدي اغلبيتو ابناء مغتربين
وانو اول ما انا افتح والقي موضوع زي دا شخصيا بضايق ومرات كتيرة سبت اكتر من منتدي لاني حسيت بانو الكلام دا ماليهو اساس من الصحه بل جارح وهايف مع احترامي
لكن لقيت انو اثبت اننا عكس كدا من خلال تفاعلي وتواجدي في المنتدي
وشكرا لكم

[انا كوول]

انا وحده من الناس اللي بتايد دلوعه لامارات في رايها
و تانيا يااااااااااااااااااااااااا ما كل الناس حناكيش اوكي
و وي معلومة انتا ما عارفا امكن انو الحنكوشات على قولتك اللي في السودان حناكيش اكتر من المغتربين
و تانيا كلمة ماما و بابا دي احلى منها مافي يعني في رايك نقول ليهم شنو ياااااااااااااااااااااا عمو ....
نناديهم يعني باساميهم دي حاجه بتجرحهم و لا امكن انتا ما جربتا الاحساس ده اوكي ياااااااااااااااااااااا عمو


و كل الحق مع دلوعه الامارات
و بس

تحياتي انا كووول

[kereisto]

تحياتى د_صلاح واللة موضوع الحنكشة دة حقيقة
ماكنت بصدقو لمن شفتو بعينى الحقيقة نحنا مجموعة من الطلاب السودانيين
خارج السودان المهم جانا واحد من طلاب الشهادة العربية جديد
المهم صادف رمضان طبعا كل الطلاب بتجمعو للافطارفى مسجد السكن
الجامعى حتى الساكنين فى شقق خاصة بجوا بالاكل زى السودان اها الاخ دة
يابفطر فى مطاعم يابفطر فى غرفتو المهم مشينا ليهو وطلبنا منو اجى مع النالس
افتكرنا انو الود ماقادر اخش فى الناس عشان كدة منطوى..........
تخيل الود بقول لينا شنو ...
انتو لسة فى التخلف دة ماخليتوهو فى السودان
غايتو الود دة حلاهو اللة من ناس معانا كانو
ودمتم

[أبعاج]

والله أولاد السودان المرطبين صاروا أكثر حنكشه من أولاد المغتربين !! ومافى حد أحسن من حد