نفسي أقدّم لك جميل
نفسي أقدّم لك جميل
وفي حدود الإستطاعة
فليكن هذا الجميل
غنوة بين الناس مشاعة
ولاّ سرية وتقاوم
في الجمود .. حمّى المياعة
المهل ضيقا النبيل
شان بلد تاخد وساعه
وفي حدود الإستطاعة
فليكن هذا الجميل
غنوة بين الناس مشاعة
ولاّ سرية وتقاوم
في الجمود .. حمّى المياعة
المهل ضيقا النبيل
شان بلد تاخد وساعه
غنوة قالت يستحيل
يصبح الأسف البديل
للتماسك والتواصي
بي مشي الدرب العديل
راح تموت البركة بركة
واللي نيل راح يحيا نيل
يصبح الأسف البديل
للتماسك والتواصي
بي مشي الدرب العديل
راح تموت البركة بركة
واللي نيل راح يحيا نيل
ويا عروق السنبلاية
الأرض ما قط خيرة
لسَّه يا بيوضة جايي
ألفِ غيمة وألفِ غيره
لا تزال القبلي طايي
والأرض باشة عشيره
الأرض ما قط خيرة
لسَّه يا بيوضة جايي
ألفِ غيمة وألفِ غيره
لا تزال القبلي طايي
والأرض باشة عشيره
خابرتني نسيمة شافت
طيرة خالت لي شديرة
من الشديرات التلبِّد
كلمة السر في صديره
طيرة خالت لي شديرة
من الشديرات التلبِّد
كلمة السر في صديره
والعصافير ماب تكضِّب
لاب تحوم فوقا الإشاعة
قالت النار إندلاعه
في المساخر حار قراعه
و لابد الدنيا وضِياعه
عنوة ترجع لي جياعه
لاب تحوم فوقا الإشاعة
قالت النار إندلاعه
في المساخر حار قراعه
و لابد الدنيا وضِياعه
عنوة ترجع لي جياعه
وينطلق ضهر التواريخ
المعبية سيرة .. سيرة
تجي الطراوة ..
تجي المطيرة
تجي النقاوة
تجي الدميرة
بحر غنانا من الحجيرة
يغرِّق الذمم العضيرة
المعبية سيرة .. سيرة
تجي الطراوة ..
تجي المطيرة
تجي النقاوة
تجي الدميرة
بحر غنانا من الحجيرة
يغرِّق الذمم العضيرة
وللتقدم بي هداوة
التلاميذ البي خيره
بي ضراوة
تدق براوة ..
وبي شقاوة
تسوّي قيرة
للمطيرة المافي غيره
راتي ياخد لي خبيره
التلاميذ البي خيره
بي ضراوة
تدق براوة ..
وبي شقاوة
تسوّي قيرة
للمطيرة المافي غيره
راتي ياخد لي خبيره
تحكي عن عزة مهيرة
رزتا وهزة ضراعه
نفرته الولد المظفَّر
وكيف سفه دنياه ومتاعه
في سبيل سودانو قطّر
دمّو سطر فكرو واعي
سرُّو كان في اللهُ أكبر
ونفسِ شورتا بي جماعة
رزتا وهزة ضراعه
نفرته الولد المظفَّر
وكيف سفه دنياه ومتاعه
في سبيل سودانو قطّر
دمّو سطر فكرو واعي
سرُّو كان في اللهُ أكبر
ونفسِ شورتا بي جماعة
نفسي أقدِّم لك جميل
فليكن هذا الجميل
حكوة عن عبد الفضيل
التماسَك وما تداعى
ولاّ عن عبد اللطيف
ورحلة المنفى الشجاعة
فليكن هذا الجميل
حكوة عن عبد الفضيل
التماسَك وما تداعى
ولاّ عن عبد اللطيف
ورحلة المنفى الشجاعة
سنَّ حنجرتو الخليل
بينو بين حجر الجداعة
وكان مسبب من قبيل
وانتفض فارس رفاعة
بينو بين حجر الجداعة
وكان مسبب من قبيل
وانتفض فارس رفاعة
شلتَ من جودة الرماد
وقمت مورقت الزراعة
بتَّقت كل البلاد
بي ولاد طول باله باعه
وقمت مورقت الزراعة
بتَّقت كل البلاد
بي ولاد طول باله باعه
شهداك الهيلا قاموا
وبوغوا التاريخ جداعة
توروني وراحوا ناموا
في حِضن سيد الوداعة
اللي ما خان الوداعة
وبوغوا التاريخ جداعة
توروني وراحوا ناموا
في حِضن سيد الوداعة
اللي ما خان الوداعة
حملوني أمانة أغنِّي
معجزاتك بي براعة
ولا أبالي تكنِّي جنِّي
ماهُن أدُّوني الشجاعة
معجزاتك بي براعة
ولا أبالي تكنِّي جنِّي
ماهُن أدُّوني الشجاعة
يا برية متل جناياً
مستمِخ حصة رضاعة
أو شقية متل غناياً
سرُّو يدِّينا المناعة
ضد مناحات التسول
والتوسل والضراعة
مستمِخ حصة رضاعة
أو شقية متل غناياً
سرُّو يدِّينا المناعة
ضد مناحات التسول
والتوسل والضراعة
أيوا أحبِّك لا شكية
لا حراق روح لا إلتياعه
ذهني قادر بيك يفكِّر
إيدي قابضي على يراعه
لي ضراع أخضر يخدِّر
وكفِّي فالح في الصناعة
لا حراق روح لا إلتياعه
ذهني قادر بيك يفكِّر
إيدي قابضي على يراعه
لي ضراع أخضر يخدِّر
وكفِّي فالح في الصناعة
في بحار الحق مراكبك
ليْ صلاح يعجب شراعه
فيِّ سِر نهمة مواكبك
دون جرائد وهوشة إذاعة
ليْ صلاح يعجب شراعه
فيِّ سِر نهمة مواكبك
دون جرائد وهوشة إذاعة
ويات مطر بتشاور الريح
والبوادي دغت مجاعة
يات سيولاً ترجى تصريح
ولاّ تصديق لإندفاعه
والبوادي دغت مجاعة
يات سيولاً ترجى تصريح
ولاّ تصديق لإندفاعه
ماب أبدل فيك وأساوم
لاني تاجر لاك بضاعة
شعبِ غلباوي ومقاوم
وأمّة ما أنبل طباعه
لاني تاجر لاك بضاعة
شعبِ غلباوي ومقاوم
وأمّة ما أنبل طباعه
قول ونسمع لي كلامك
يا وطن سمعاً وطاعة
قلبي ضاق بالغنية حامك
ورؤيا زيّك في وساعه
يا وطن سمعاً وطاعة
قلبي ضاق بالغنية حامك
ورؤيا زيّك في وساعه
نفسي أشهد من غرامك
آخر آهاتك وداعه
وتشرق الدنيا السلامك
بينا يتبختر شعاعه
آخر آهاتك وداعه
وتشرق الدنيا السلامك
بينا يتبختر شعاعه
لو أغنّيك عمري أجاهد
وإستلف من ميتِّي ساعة
ماب أوفّيك دا أنا واحد
وإنتَ أمجادك جماعة
وإستلف من ميتِّي ساعة
ماب أوفّيك دا أنا واحد
وإنتَ أمجادك جماعة
