عقلي إنشغل بهواك والحكمة عيني
لاجة ومجافية النوم يا أربعيني
****
هاك بعض حالي البي روقي أسمعيني
شافي الغرام ما لقيت لي منو عيني
لو كان كلام في الطيف مرة أسمعيني
خليني أصل النار في هواك دعيني
****
فوق الي جاري علي لا تجرديني
توب الغرام ودوام عنو أنشديني
طايع أريد لي قساك باهل يديني
مهما يلاقي عذاب قلبي السجيني
****
مهما يزيد ويصيد همي البجيني
لو كان يزورني الطيف مرة ويجيني
تلبس حظوظي السود ثوب اللجيني
أصبحت كل صباح يزداد أنيني
لو خلاص أنكرت حبي في النهاية
لا وحبك لن تكون أبداً نهاية
أنت عارف نظرتك كانت بداية
ما بتغير حبنا السامي وشاية
أنت وحدك يا حبيبي
اخترت قلبي و قلت حابك
كنت تتمنى أصف حسنك
و استجلي شبابك
رحت تغريني بحنانك
ومرة تأسرني بعتابك
كل يوم تزرع حياتي بالأمل
و يهون عذابك
عشت في قمة شعوري
قلت فيك أجمل غنايا
فجأة يتبدل مصيري
ألقى أحلامي في سبايا
لا وحبك يا وحيدي
مستحيل درب النهاية
حبنا اكبر من الدنيا
وأطول من سنينه
فيه من وطني المسالم
كلو طيبة و أغلى زينة
فيه من عاطفتي معنى
الإلفه و العشرة الأمينة
يسعد العشاق مداها
وتفرح الدنيا الحزينة
و برضو يحصل
تنسى عشك في النهاية
عشرة الأيام ما بصح تنساها
كأنو ما حبيتك وكأنو ما عشناها
وضمانا أحلى غرام
ليه فجأة دون أسباب
من غير عتاب أو لوم
أخترت غيري صحاب
وأصبحت قاسي ظلوم
هان ليك فراقي خلاص
وانا برضي حولك أحوم
كان عهدي بيك ترعاني
وأجمل صلاتنا تدوم
أمل المحبة سلام
بعدك أماني هواي
ياما جنيته عدم
ولا عرفت صديق
لي قلبي غير الهم
كم غيري يشدو سعيد
وأنا في هواك مغرم
ما اظني انا انساك
ومن العذاب اسلم
أسلم من الأوهام
ما كان فراقنا المر
في نيتي أو في إيدي
لكن ظروفك أبت
وقست ظروفي علي
واتلاشت الأحلام
وين حسن ظنك بي
وريني أيه ضراك
لو كا صبرت شوية
عمر السنين أيام
أنا حالي ظاهر عاشق نبيل ياجميل ليك حبي طاهر وشاعر مجيد لغناك فنان وماهر بسحر دلالك وكرم خلالك وعشان جمالك أهوى القمر والنيل و أهوى الأزاهر
ليل ونهار أنا لي حيك بهاجر أخذني نورك ياساحر المحاجر لاأخشى لوم في هواك لاأخشى زاجر مهما الأقي كم طول فراقي وفرط إشتياقي حافظ عهودك وحياة خدودك يااللي هاجر
حسنك بديع ياوديع في عصره نادر حكم صفاك مولاي ذو حكمة قادر مكتوب هواك لي ضناي يا حبيبي صادر ماكر شفاي وأراك على طبي قادر وأنا برضه آمل تعطف تجامل بمس الأنامل تشفي الجروح والروح ولي لقاى تبادر..
– اللهــفة.. زيدان ابراهــــــــــــيم
لو تعرف اللهفة والريد والعذاب..
والشوق بطرق فى دروبك الف باب...
لو تعرف دى الدنيا من بعدك سراب..
ماكانت روحت وكنت طولت الغياب ...
***
كنت فاكر الشوق يجبك والحنين..
وتعود لقلبى الفى هواك صابر حزين...
لكنو بس طال الصبر بالسنين...
يا الروحت طولت الغياب ..
لو تعرف اللهفة والريد والعذاب..
والشوق بطرق فى دروبك الف باب...
لو تعرف دى الدنيا من بعدك سراب..
ماكانت روحت وكنت طولت الغياب ...
***
الليل حزين دمعاتى صامته بتبللو...
ممتد طويل ماليهو حد فاقد نهايتو...
بالله كيف اقدر اطيق واتحملو...
يا الروحت طولت الغياب ..
لو تعرف اللهفة والريد والعذاب..
والشوق بطرق فى دروبك الف باب...
لو تعرف دى الدنيا من بعدك سراب..
ماكانت روحت وكنت طولت الغياب ...
ما هو باين في العيون وين ح نهرب منو وين
الهوى البعث الليالي العامرة بي زاد الشجون
يفتح قلوبنا ديار محبة .. .. ديار حياة للعائدين
ما بنقاوم كيف ح نقدر … وين ح نهرب منو… وين
ما افتكرت الحظ بيساعد عمري ويورد من جديد
من بعد فرقتنا ديك مين كان بيفتكرك تعود
كنت بحتاج ليك بي شدة وأنت عني بعيد
ما في عيشة بلاك بتبقى .. .. ما في نشوة و ما في ريد
والهوى الجمبك عرفـتو عاطفة ملتهبة وجنون
وين ح نهرب منو … وين
آه ادعينا وقلنا تاني ما ح نشتاق في عمرنا
وقبل ما تمر ليلة واحدة بي حرارة الشوق غمرنا
كم لهينا وقلنا ندفن الحب في سهرنا
الحياة صعبت علينا وبي اثر فقدك شعرنا
شفتا كيف حبك حياتنا آنت يا الحبك حياتنا
وكيف بدون حبك نكون
وين ح نهرب منو… وين
شفت كيف حبك بيعمل… يشغل الوجدان يعذب
وبرضو بتقول عني خادعك وإني بتلاعب وبكذب
ليك حق دنياك خالية لا بتشيل هم لا بتتعب
كنت تتعلم تجامل لو فؤادك مرة جرب
إنو ما يدق دقة واحدة .. .. إلا ويتفجر حنين
يفتح قلوبنا ديار محبـة .. .. ديار حياة للعائدين
ما بنقاوم .. كيف ح نقدر .. وين ح نهرب منو... وين
ما كنت قايل من عتاب تحكم علي ّ
بالوحدة والشوق والعذاب
انت القبيل شلت الصعاب
في دربو عديت ألف باب
لو انت زهو الحسن في عيونك بدا
خليك أمين في العشرة لي آخر مدى
كيف تنسى لهفة قلبي ليك
تنسى الحنان الكان لديك
لو مرّ اسمك في البعيد شايلو الصدى
بلّ النسايم الحلوة بي قطر الندى
تلقاني واقف مرتعش ضارع إليك
عارف تمام ده المستحيل
الحُسن والطبع النبيل
يغضب يجور
لحظات خصامو المُره تتمدد شهور
صدقني لو أغلط معاك دايماً أقول
انت الأصيل انت الوفي
عن حبي ما ممكن يميل
يضحك سلام الدنيا في عيونك دليل
من بعدو ما داير دليل
برضو غلطان وبعتذر
أيوحشني الزمان و أنت أنسي
ويظلم لي النهار و أنت شمسي
و أغرس في محبتك الأماني
وأجني الشوك من ثمرات غرسي
لقد جازيت غدرا عن وفائي
وبعت مودتي ظلما ببخس
ولو أن الزمان أطاع حكمي
فديّتك من مكارهه بنفسي
قالوا لي أنساه .. وامسح
من خيالك ذكرياتو
انسى كل الماضي .. وابعد
عن طريقو وعن حياتو
فات وخلاك للزمن
راحت آمالك سداً
ليه تحن من تاني
ليه تفكر في صلاتو
السنين العشت فيها معاك هنايا
أقوى من قول العوازل
واسمى من كلمة وشاية
لو خلاص قلبك نسى الأيام معايا
برضي راضي
في الغرام كم من ضحايا
بس تأكد يا حبيبي إنو حبك في دمايا
بالأمل صبرت قلبي
وعشت في دنيا الأماني
أهدهد الشوق بين ضلوعي
أترجم الآلام أغاني
تروي للناس سر عذابي
وتحكي ليهم ما شجاني
لا نفع دمعي السكبتو
ولا شفع عندك حناني
الغريب عن وطنو مهما طال غيابو
مصيرو يرجع تاني لي أهلو وصحابو
ينسى آلامو وشجونو
ينسى حرمانو وعذابو
إلا قلبي يا حبيبي
في هواك طال اغترابو
من أول نظرة لم آخد حذره
غير اني هويتو
في قلبي أويتو
قدرت جمالو وأغراني دلالو
أوريهو فنوني
يوريني فنونو
الحياء والنضره
والتيه والجبره
هم مصدر شوقي
ومصيبتي الكبرى
بالحب أبلاني وكمان خلاني
أهجد أشعارو حبيبي شعارو
ده جمال يسحرني
بي لونو ولونو
في كيادو الإمرة عاجباني رشاقة
تقسيمه وضمرة
في لونك سمره
في خدودك حمره
الليل والقمرة
ضدين واجتمعو
ثمارك ينعو
بقامتك رنعو
حواري زمنا وحسان الجنة
بالنسبة لحسنك
أيه يعني يكونوا
ما دام طراني وجاني ....بعد غيبة طويلة فاكر ما نساني ..اهلا بحبيبي رغم الحرمان والالم جاني كان عندي احساس ...لي ترجع تاني عشانك بنسى الفات ...ونبتدي من تاني لانك انت حبيبي....فرحتي واحزاني
لو قلت عيوني ...راجياك بحنانها شوقي ليك الزايد ...والعيون في مكانها خلاص تعال نتهنى ...ونسعد بلقانا وكنت دايما بامل .. تصفي لي ازماني
طيلة غيابك عني ..بطراك يوم والتاني ادعو واقول ياالله ..لمتين تعود لي تاني في الدنيا ما لي غيرك ..يالمسكنك وجداني تاني ما تخليني ..انا عايز اعايش في اماني
أقواس قزح تمطر فرح
تسكر شعور تطفي الشجون
همسات دلال فيها ابتهاج
تهدي الخيال أروع فنون
مهما الخيال يبدع جمال
يرسم ظلال حول الجفون
أنا ارجع أقول يا أحلى زول
أحلى الكلام لغة العيون
من غير خجل قول الحصل
كيفين جرير ناجى المقل
قال الحور حاضن قمر
وكلام لذيذ ممزوج غزل
فيه الخدود فوق للحدود
فيه الحنان يبرق أمل
ومهما الخيال يبدع جمال
يرسم صور من كل لون
أنا ارجع أقول يا أعز زول
ألطف كلام لغة العيون
سرحن بعيد عزفن نشيد
خلن عقول ترقص تدور
خفقات كمان يرشق حنان
رنة رباب بين الزهور
ونفحات حروف ياسمين تطوف
ورحلة عبير في ليل عطور
ومهما الخيال يبدع جمال
يرسم صور من كل لون
انا ارجع اقول يا أحن زول
الطف كلام لغة العيون
ما عشقتك لي جمالك
إنت آيه من الجمال
أوهويتك لي خصالك
أنت أسمى الناس خصال
أو لي روحك لي جلالك
إنت هالة من الجلال
الفؤاد دايماً بنادي
في اغترابي وفي ابتعادي
ليك لأنك من بلادي
شلت من النيل صباهو
ومن جمال النيل بهاهو
من مناظر الثغر صفحة
من رهيد البردي لوحة
من نخيل الباوقة طرحة
ومن مريدي السمحة نفحة
الطبيعة حنت عليك
خلدت بصماتا فيك
ليك غرد كل شادي
ما بصح وطريقنا باين
يا شبابنا نقيف نعاين
الأمل معقود علينا
والعمل ظمئان إلينا
بي سواعدنا ونضالنا
في جنوبنا وفي شمالنا
غير من يحرث أرضنا
يبني ويعمر بلدنا
غيرنا مين يفني الأعادي
نحن سافرنا وبعدنا
ما عرفنا هواك بعدنا
كل ما لاقتنا فتنة
الفؤاد حن ولفتنا
وكل ما اتمناهو بسمة
من ملاك أضناه حبو
حلمو كان في الغربة نسمة
من أريج بلدو البحبو
جينا في لهفة مشاعر
ليك تزحمنا الخواطر
نبني مجدك يا بلادي
عايز اكون تاجر عطور
أسرح وادور بين الحسان
علشان تجيني يا بدور
وتعطري لي المكان
يا ريتنى لو اعواد بخور
عشان افوح يوم فرحتك
واغزل من النّور والزهور
يوم السرور لون طرحتك
ياريـتني لو عطرا يـمر
يـمزج يخالط حـنتك
وياريـتنى لوعـصفـور طروب
سـجع نـغـم فى جنتك
عاجبني ليك يوم السرور
يوم السرور يوم الهناء
أنا فرحان عشانك يا دلال
كأنني الموعود انا
أنا من قلبي غنيت للجمال
دوبت روحي للغناء
ومبروك عليك يوم السرور
يا ستنا ويا بتنا
