الزمان بي طبعو ظالم
العيون في حسرة تدمع والفؤاد مشتاق ومغرم
والزمان بي طبعوا ظالم خلى كل ايامنا مأتم
ما خلاص سبتينا إنتي وتاني كيف من شروا نسلم
وكان وجودك لينا واحة وراحة للمحتاج ومعدم
لو ربيع ماضيكي ولى برضي بي رؤياكي بحلم
في رجاك لامن أروِّح أو أعيش وأشيخ وأهرم
فيكي كم غنيت قصايد وفيكي ضقت المرة علقم
وإنتي كنتي سبب غنايا وصرت بيكي شهير ومَعْلَم
يا ما أبكي وراك وانوِّح بي فؤاد بالشوق مفعَّم
لا بيشوف لا حتى يسمع زي كفيف وأصم وأبكم
ولما ضاق الحال عليا ومن وراكي نهاري أظلم
سبت أرض القوز رحلت وفيها كنت عزيز مكرم
جيت مسافر للمداين قلت نار الغربة أرحم
وكنت عارف بكرة بحزن ولي فراق أصحابي بندم
وفيها لفيت لي شبيهك بس عشان ألقاهو أنعم
وما لقيتو ولا حألقى وما أظن والله أعلم
[align=left]محمد أحمد علي الحبيب[/align] [align=center]
[/align][/size][/align]
