همس القوافى

[waya]

ﻧﺤﻦ ﺑﻨﺤــﺎﻭﻝ ﻧﻘـــــﺮﺏ ﻭﺍﻧﺖ ﺑﺘﺰﻳــــــﺪ
ﻓﻲ ﺩﻻﻟـــــﻜـ
ﻭﻛﻞ ﻟﺤﻈﻪ ﺗﻤﺮ ﻋﻠﻴﻨــــﺎ ﻓﻴﻬﺎ ﻧﺤﻠــــﻢ ﺑﻲ
ﻭﺻـــــﺎﻟـﻜـ
ﻣﺮﻩ ﻧﻬﺪﻳﻚ ﺍﻟﻤﺸﺎﻋﺮ ﻭﻣﺮﻩ ﻧﺴــــﺮﺡ ﻓﻲ
ﺟﻤــــﺎﻟـــﻜـ
ﺑﺲ ﻋﺸﺎﻥ ﺧﺎﻃﺮ ﻋﻴﻮﻧﻚ ﻛﻞ ﻗﺎﺳﻲ ﻳﻬﻮﻥ
ﻋﺸﺎﻧـــــﻜـ

[مها]

وآآآآآآآآآه لوتدري........
بانو سنيني خراب من دونك
وطول ماتفضل عني بعيد
انا بفقد بصري لأني ......
لأني بشوف الكون بعيونك
ومنك ماطالبه حريه
وكل مناي اعيش مسجونك
وانسي معاك المر الضقتو
وافرح لحظه وانت معاي
وأنا............مجنونك
ولسه بريدك

[waya]

اظنك غافله من شوفي
وعامله من الطناش حُجه
انا البكتب حروف اسمك
وشوقك فينى بتهجى
ضارب فى النسيج الحي
وفارض فى الحواس ضجه
هو بالتييله النفس شلتو
وكت صوتك ملأ الفجة
وحتحت منى باقي الحيل
شعرت الدنيا تترجى
بقيت يوماتى عِز الليل
اسامرو وبيهو اتحجى
فيا ست الغناء الجواي
اطوفك كل عام حجه

[القذافى سليمان]

ولو ياغالى تذكر شراع الدهشه لمن بدأ
ومراكب ريدنا وكتين تصل
وروعه حرفك الاخضر
وكت تغزلى بيهو مويه النيل
وبيكى الميل بيتبهدل
تشابى ليك امواجو
تجيك فرحانه خلجانو
تدورك ليها تتقبل

[القذافى سليمان]

ابراهيم الرشيد..........................................
ذكرتنى ..دره الشرق هذه الكلمات الجميله
الرائعه كـأهل كسلا..........
رماد الزكري لو صحاك لا تهتم
جرح الماضي بعد الماضي لو في صمته بنزف دم
اصحي الصوره وباقي الصوره والتذكار
ودمعت خطوه عز عليها كم مشوار
عليك الباقي من باقينا لا تحزن ولا تشتاق ولا تندم
كنا اتنين مع الايام وضعنا معاها في لمحة
زي ماتضيع من المسكين تزاكر سفره للرحمة
وزي ما تضيع من الاطفال خطاهم ديمة في الزحمة
عليك الباقي من باقينا لاالاقينا لا نلاقيه لا نتلم
سيب تاريخنا للايام تصحح هي اخطاوه
وجرح الماضي لوقساك اقسي عليه وانساه
افتح شرفة للامال بالفات كل شرفة هم
عمري قصير عمرك كم
عشان نقضيه في الاهات
نفتش لمصير مجهول
وباب الريده مهما ندقه نلقي حقيقته باب مقفول
اصلو الحب بعيش مرات
وبموت مرات
وببقي رفاة حقو الناس لا تحزن ولا تشتاق ولا تندم
ولا تندم

[مها]

أطلق
عنانك للحــــروف وللأثر
واطرب
مسامعنا بعزفكيا وتر

أنعش
دواخلنا بزخاتٍ
ترش كما المطر

...

من كل أغنيةٍ لفنانٍ
تغنى واشتهر
...

من كل ولهانٍ تعلق
بالحبيب ...
له انتظر
...

أعزف
لتمسحها
دموع الحائرين
من البشر
...

أعزف
لتفرحها
قلوب الباحثين
عن السمر
...

[align=center]وأعزف
فكل الكون
في شوقٍ
لعزفك يا وتر
[/b][/align]

[مها]

[align=right]انا لي حبيب بهواه جد

[/color][/size][/font]

وسعادتي بيه ما ليها حد

يا ربي يا حي يا صمد

خليني مكتول بيه كمد

لامن اخش ود اللحد

/////////////

انا لي حبيب ما بشبه الناس الهنا

وانا لي حبيب عايش معاه كل المنا

وانا لي حبيب رتب حياتي ودوزنها

وانا لي حبيب نور حياتي وما وني

وانا لي حبيب جد اغلي مني علي انا

[/b][/align]

[waya]

ﺷﻮﻗﻲ ﻭﺷﻘﺎﻱ ﻭﻣﻌﺰﺗﻚ ﻭﺍﻧﻴﻨﻲ ﻓﻲ ﺍﻟﺰﻣﻦ
ﺍﻟﻀﺠﺮ..
ﻣﻘﺮﻭﻧﺔ ﺑﻲ ﻋﺸﻘﻲ ﻭﻫﻮﺍﻱ ﻣﺴﺠﻮﻧﺔ ﻓﻲ ﺣﺰﻥ
ﺍﻟﻮﺗــﺮ..
ﻣﻤﺰﻭﺟﺔ ﺑﻲ ﺻﺒﺮﻱ ﻭﺃﺳﺎﻱ ﻣﺮﺳﻮﻣﺔ ﻓﻲ ﻏﺮﺑﺔ
ﻭﺳﻔﺮ..
ﻻ ﻻﻗﻲ ﻟﻲ ﻗﺮﺑﻚ ﻃﺮﻳﻖ ﻻ ﻻﻗﻲ ﻓﻲ ﺑﻌﺪﻙ
ﺃﺛــــﺮ ..

[مرسال الشوق]

ما قلت ليك
يا قلبي توب من حُبها
وأحسن تفارق دربها
حبيتا ما سمعت الكلام
الليلة أحمل صدها
و أوعاك تبكي وتشتكي
من جور حنانا وودها
ما هي الدلال من حقها
وأصلو النفور طبع المها
وآيه اللي وداك تنتكي
في حدود مجالا وضلها
وآيه اللي خلاك تنتشي
تسكر تذوب بي حُسنها
أكيد عاينت في عيونا
أو شفت شامة في خدها
ولا يمكن شفتا لونا
أورسمِ حِنَّا فِيدَّهَاَ
بس تأكد يا قليبي
الحال ده حال كل اللي شافا
وحال أبوها وأمها
من زمان
وهي غايتي مشتهاي
وأُمنياتي و مُبتغاي
في الريد بدايتي ومنتهاي
وفي الآلام هي بس سلواي
أنا ما عشقت سواها زول
وعليك لغيرها
كتبت ممنوع الدخول
والليلة داير أمنعك ؟
مستني عيني تقنعك ؟
وأنا في الأساس ما مقتنع
أنساها يوم أو أمتنع
يا سيدي خليك عندها
وبجيك نعيش في حُبها

[مها]

[align=right]وأنـا ياني فيك سرحانة هايمة وفي دواخلك بلقى ذاتي وبنتشي

أبداك من ويـــــن وانتهيك وإنت المعاك وقفت خطاي من المشي

وكل ما تطل صورتك جواي اسرح واتوه وللدنيا مابفضل لي شيء

اترامى فــــــــــي عيونك وادوووووووووب وتظهر ملامحك في وشي

قول لي يـــــا زولاً حنين كيفن رويت قلبي الحـــــزين وسكنت فيه

صحيت جواهو الإنتعاش وحركت بالاشوااااااااااق ربوعو وعشت فيه

خليتني اساسق بالدروب كان يبقى لي جـــواك مشاوير او مشي

حيرت قلبي عديــــل معاك يا المافي شبهك في الرجال أبداً في شيء

[/size][/font][/b][/color][/align]

[القذافى سليمان]

ستاذنك شاد الرحـــــــــال
فايت خلاص راحــــــل انا
في الليلة ديك قبل الفجــــر
قضيت معاكِ كل العـــــــمر

مني انقطع حبل الصـبر
ماضقت في دنياك هنــا
فايت خلاص راحل انـــا
ماضقت يوم طعم الفرح

مات الامل قلبي انجرح نزل النزيف
دقـــــات قـــــــليبي بقـــــت تقيـــــــف
اصــــبحت كـــــهل بقيت ضـــعــــــيف
ومـــطروح عــــلي رمـــــل الرصـــيف

شوفيني بس اصبحت كيف
مـــــــــن بعد مافات الربيع
مرت سنين مضت ســـــريع
والباقي من كـــــــــل العمر
خايف عليه كمان يضــــيع

كل العمر قضيتو صيف متمني لوياتي الخريف
تمطر سحابات الفرح تغسل مسامات النــــزيف
وتشرق صباحات الامل ويتمدد العمر الــوريف
وتخضر واحات الحلم ويتفتح الـــــــــــــــحــــــــــــــــــــــــــــــــ ــــب العفيف

[القذافى سليمان]

قبل مانعرفك قليبك
يرضي ريدنا ولا يابة
جينا بي فرح الطفوله
زي شتل راجي السحابة
من زمن والدمعه قبلك
مابية من ديارنا ترحل
لما طليت دنيا ريدنا زي
حلم في عيونا طول
الخريف في غير ميعادو
جانا بي غيماتو ظلل
وانت لما تكون معانا
مااظن في الدنيا نسال
ده الفرح قبال تجينا
جينا كسنا ماخلينا وادي
ذي عصافير في الهجير
قابضه عشها قايله هادي
تاري جات الريح براها
وروحت بسراع رمادي
نحنا بعدك ياهو حالنا
ديمة للافراح ننادي
نبقا ذي احزان غريب
في الشمس مستني ضلو
انت لو خليتو ريدنا باقي
ريدك في محلو
برضو نغرق في انتظارك
والدموع في رجاك كملو

[لبيب]

ياشوق مدوزن في الوريد
ياروعة حد الإندهاش
بتقريفك حب وانسجام
رشة مطر ريحة دعاش

[القذافى سليمان]

فيك غالطت نفسي ومشيت



مشتاقه لجيتك بكيت ماأصلي غالطت الحزن




وقلت من مساحات ألمك مشيت




وكابرت قلت منو القال ليك يوم ليك هويت





ومنو الكذب عليك وقال يوم لضحكة ملامحك إصطفيت





غالطت جد وانا في الغلاط لالحقني زول لمن إكتفيت





وحلفت قلت أبدا في ضل ضراهو أنا ماني جيت





ولافي حلمي كابس لمن غفيت





لكن وكت صدقوني ناس مافي الغلاط بقيت





أستاذه قادره للإقناع وخليتم مشيت





شافوك في ضلي مرسوم وكت قبلت





وعرفوك فينيي إتحركت كان غالطت





وكان للحصاص قرشت لامن إكتفيت

[القذافى سليمان]

البت دى كملت الخرصانه .......حقتنا

[القذافى سليمان]

السماح الفى عيونك
يحكى عن وصفك حقيقه
والبسيمه الفى شفاهك
تطفى فى جوفى الحريقه
فى سلامك وفى كلامك
نغمه احلى من الموسيقه
فيك خدود بالفطره رائعه
يجذب الالباب بريقه
السماح عزك وثقافتك
يامهندمه ياانيقه
جالسه فوق عرش الوسامه
الفراش حاضن رحيقه
ياعسل مصبوب مصفى
حكمة الخلاق رشيقه
ما قدرت اوصف جماله
يبقى صاحب الحظ رفيقه
القوام لاد ن متبر
فى الدلال زهرة فريقه
واليعاين فى عيونه
يصبح الافراح صديقه
من حواري الجنه
تفتن بالورود مفروش طريقه
وطيفه وين ما امشى يظهر
مابرح عيني دقيقه
ليلى دون الناس مهود
والنجوم ظليت عشيقه
فى بحور احزانى هايم
روحى فى الموجات غريقه

[waya]

قلنا نشوف غلاوتنا....و نتأخر شويه عليك
نحرك فيك موج الشوق.. بعد تشفق علينا نجيك
*****
قلنا نشوف غلاوتنا ...و كم اللهفة و الاشواق
و كيف صبرك علي التأخير..و فعلا هو الصبر حرّاق؟
نشوف الحيرة في عينيك..وكيف بتعذبوا العشاق
قلنا نشوف شعورك كيف...مشتاق ولا ما مشتاق
*****
قدر ما زاد عذاب الريد..قدر ما كان وصالو جميل
قدر ما كترت الأشواق.. تحرّك بي هديرا النيل
قدر ما إتأخر الميعاد..قدر ما زاد سهاد الليل
قصير زمن الغياب لكن..علي زمن المحبة طويل

[مها]

أشتهيت طلة عيونك
وأي سكة عليك تودي
يا البقيت لي روحي روحا
ولي شجوني كمان بتهدي
وإنت فرحي وقت أقابلك
ومن حنانك لي تدي
ويا جراح بتفيض محنة
ويا سنين بالهم تعدي.!

[القذافى سليمان]

لو مشتاق حقيقة ما بتغيب دقيقة
ما بتبخل علينا بالكلمة الرقيقة

لو مشتاق ياغالي ما بتروح ليالي
تتفنن في هجرك ما بتسأل في حالي
يا شاغل قليبي يا مانع وصالي

قلبي أسير غرامك مما قام وتب
من ينبوع حنانك ينهل حبه حبه
بين عطفك ولطفك أترعرع وشب

كيف يرضيك تسيبه يا صداح حناني
في نار الصبابة يتعذب يعاني
عود جدد غرامك وابني صلاتنا تاني

[waya]

إتخيلي معاي ..
لو كلما فاض البحر
قامت حبيبة كما الشِدر
فتحت .. أزهرت
أثمرت للناس حنان ..
أو كلما غابت شمس
غنت سحابة كما الكمان
عزفت .. نزفت
غرقت بالريد مكان ..
ما كنا هسي بنتولد
في كل لحظة كمنجتين
شايلات نغيمات الشجن
حاضنات تباريح الزمان