امـــثالنا السودانية السمحة

[وحـــيد]

الاعضاء الكرام

السلام عليكم

فكرة البوست توثيق لاكبر عدد من الامثال الشعبية السودانية


أنتظر مشاركاتكم

[وحـــيد]

((سرارة اللعوت تتلاقى يوم الموت ))

قرابتكم كقرابة شجر اللعوت لاتتلاقى أعواده الا عند حرقها بعد قطعها

ويضرب لشدة الجفا للأقارب اللذين لايتلاقون الا عند مناسبة عزاء

[وحـــيد]

((الناجحة من عشها زوزاية))

ويضرب المثل ليعني ان نتيجة كل شئ واضحة من بداياتها

[وحـــيد]

(( أهل الحـد غفرو والجيران كفرو ))

ان اهل المتوفى رفعو الحد(بكسر الحاء) وجيرانهم مازالو مواصلين فى حزنهم وكمان بلومو فى الناس

[وحـــيد]

(( المشتهي الحنيطير يطير ))

يضرب المثل في الشي المكروه

[وحـــيد]

(( مركب ود عون الله تقطع الحرامية وتجى تقطع القصاصين ))

[افكر]

بقولوا الصحن البتاكلوا منوا متوسخوا

[وحـــيد]

اللسان اللين غلب الحق البين

[وحـــيد]

الحسنه معطت شارب الأسد

[وحـــيد]

دخانكم يدخن وجوعكم يمحن

[وحـــيد]

البباري الجداد بيمشي الكوشة

[وحـــيد]

اب سنينة يضحك على اب سنينتين

[بانه]

الفات قديمه تاه .
يعني هذا أن من لم يتمسك بتاريخه بما فيه من عبر فانه قد لايستطيع بناء حاضره .

[بانه]

حبيبك كان عسل ماتلحسو كلو

[مرسال الشوق]

كتلوك ولا جوك جوك

[بانه]

العارف عزو كلام الناس ما بهزو

[مرسال الشوق]

الضايق قرصة الدبيب بخاف من جر الحبل

[مرسال الشوق]

اكان شالوه مابنشال واكان خلوه سكن الدار

[مرسال الشوق]

عينو في الفيل وبطعن في ضلو

[مرسال الشوق]

حبيبك كان عسل ماتلحسو كلو

بلحسووووووووووو وبعدمو النقطة