مســـــــــــــــــــدار + مســــــــــــــدار

[waya]

فلسانة الخلق زهجانة مآدة البوز
قاعدين بالدككن واحدين هناك في قوز
ماالداير القرش وأغلي الحديد مركوز
يا يقلع عديل يا إما يصبح " كوز "

[waya]

الليل إنقسم والعين مجافية الغمدة

والناس من قبيل رقدت خرد منخمدة

الخلاني زي طير السقد ياعمدة

الشوق في القلب نيرانو مابيا الهمدة

[waya]

ﻣﻦ ﺩﻭﻥ ﺍﻟﺒﻨـﺎﺕ ﺣﺒﻴﺖ ﺑﻨﻴﺔ ﻋﻨﻴـﺪﻩ

ﺑـﻐﺮﻕ ﻓﻲ ﻋﻴﻮﻧﺎ ﻋﺸﻘﺖ ﻟﻤﺴﺔ ﺍﻳـﺪﺍ

ﺍﻧــﺎ ﺍﻟﺨﻼﻧﻲ ﺍﻗﻮﻝ ﺻﻔﺔ ﺍﻟﻌﻨﺎﺩﻩ ﺣﻤﻴـﺪﻩ

ﻛـﻞ ﻣﺎ ﺗﺰﻳﺪ ﻋﻨﺎﺩ ﺍﻧﺎ ﺑﻴـﻮ ﺯﻳﺎﺩﻩ ﺑﺮﻳــﺪﺍ

[waya]

وحات اسم الله احترتا وغلبني الشوره

والدنيا العبوس هردت كلاي بي جورا

وكل ما اشوف بنية الراس بياخد دوره

بشعر اني وحداني وبحس بي البوره

[waya]

ﻗﻮﻝ ﻟﻠﺸﺎﻳﻠـﻪ ﺩﻡ ﻗﻠﺒﻲ ﻭﻣﻠﺖ ﻭﺟﺪﺍﻧـﻮ

ﺩﺍﻟـﻊ ﻓﻴﻨﻲ ﺯﻋﻠﻚ ﻳـﺎ ﺍﻡ ﻋﻴﻮﻥ ﻧﻴﺮﺍﻧـﻮ

ﻭﺣـﺎﺓ ﺍﻟﺮﻳﺪﻩ ﻭﺍﻟﻄﺮﻑ ﺍﻟﻮﺟﻴﻬﻚ ﺯﺍﻧـﻮ

ﻣـﻦ ﺯﻋﻠﻚ ﻣﺒـﻮﻭﻭﺯ ﻭ ﺍﻷﻛـﻞ ﺣﺮﺩﺍﻧـﻮ

[لبيب]

الليل انصرم تلتينو عدن فوقي
ياقمرية في ذكراهو غني وقوقي
وصلي ليهو انو هواهو مالي عروقي
اقريهو السلام كل التحايا وشوقي

[waya]

وريتينا يا السمحه ام خمج وعرفنا
وتاني رجعنا للمسدار بعد ما خرفنا
شرفانين سماح عادي ان بقينا شرفنا
غرقتينا في غيك منو البغرفنا

[لبيب]

وريتينا يا السمحه ام خمج وعرفنا
وتاني رجعنا للمسدار بعد ما خرفنا
شرفانين سماح عادي ان بقينا شرفنا
غرقتينا في غيك منو البغرفنا

من ريدك شربنا ومنو ياما كرفنا
ومن بنك الهوى الجوانا ياما صرفنا
صب علينا سيل الشوق ونيلو جرفنا
راجين السلام قبال يجينا خرفنا

[waya]

شبيهة الغني في فرع الشديرة وقووقه
حرقت قلبي بي ريدا وجحايم شووقا
دي اللبست وقار وعليهو زادت رووقة
كل ماتشق دروب أبراها زي العووقة

[مها]

عاقل و راسي من ما قام ماهو هوين
صاين عرضو اكرم ضيفو إيدو تدين
صادق قولو و الدر العليهو مبيييين
دا الاسر رويحتي و عليها ديمه حنين

[مرسال الشوق]

عاقل و راسي من ما قام ماهو هوين
صاين عرضو اكرم ضيفو إيدو تدين
صادق قولو و الدر العليهو مبيييين
دا الاسر رويحتي و عليها ديمه حنين

دقيقة النقطع ليك واحد اخــــــــــــــدر هسع

[مرسال الشوق]

عاقل و راسي من ما قام ماهو هوين
صاين عرضو اكرم ضيفو إيدو تدين
صادق قولو و الدر العليهو مبيييين
دا الاسر رويحتي و عليها ديمه حنين

مها يابت الناس العزاز الماك هينة
ان جاتك الالوف بتكرميهم مرارة وشية
معروفة في الفريق بشهامة طه لي رية

[waya]

يوم .. ويوم
.

ﻳﻮﻡ ﺁﻧﺼــﺎﺭ ﻭﻧﺎﺱ ﻗﺮﺁﻥ ﻟﺒﺴﻨـﺎ ﻗﺼﻴــﺮ
ﻳﻮﻡ ﺑﻨﻠﻤﻠﻢ ﺍﻟﻨﺎﺍﺱ ﻟﻠﺪﻣــــــﺎﺭ ﻭﻧﺴﻴﻴﺮ
ﻳﻮﻡ ﻧﻘﺸﺮﻫﺎ ﻟﻲ ﺧﻠﻖ ﺍﻟﻠﻪ ﺟﺖ ﺑﻨﺤﻴﺮ
ﻣﺮﺍﺕ ﻧﺸﻘﻲ ﺷﻬﺮﻳﻦ ﺫﺍﺗــــﻮ ﻣﺎﺑﻨﻐﻴﺮ
*
*
ﻳﻮﻡ ﻓﻲ)ﺧﻄﺒﻪ(ﻧﺴﻤﻊ ﻋﻦ ﻣﺤﻤﺪ ﻗﺎﻟــﻪ
ﻳﻮﻡ ﻓﻮﻕ ﺣﻔﻠﻪ ﻧﺘﺒﺎﻫﻲ ﻭﻧﻜﻮﻥ ﻋﻨﻘﺎﻟــﻪ
ﺍﻟﺒﻨﺪﻭﺭﻩ ﻋﻨﺪ ﺍﻟﻨﺎﺱ ﻭﺗﺒﻘــﻲ ﻣﺤﺎﻟـــــﻪ
ﻣﻬﻤﺎ ﺗﻜﻮﻥ ﻗﺴﺖ ﺑﻨﺠﻴﺒﻪ ﻧﺤﻨﺎ ﺭﺟﺎﻟـــﻪ
*
*
ﻳﻮﻡ ﺑﻨﻌﺬﺑـــﻮ ﺍﻟﺴﻤﺤﻪ ﺍﻟﺒﻴﻬﻠﻚ ﺷﻮﻗــﻪ
ﻳﻮﻡ ﺑﻨﺤﺪﺩ ﺍﻟﺒﻠﺪﺍﻥ ﻏـــﺮﻭﺏ ﻭﺷﺮﻭﻗــﻪ
ﻳﻮﻡ ﺧﻮﺳﺘﻨﺎ ﻟﻲ ﺟــﺬ ﺃﺏ ﺳﻨﺎﻡ ﻣﻄﺮﻭﻗﻪ
ﻳﻮﻡ ﺑﻨﻜﺎﻭﺭ ﺁﺍﺍﻟﺒﻞ ﻣﻦ ﺭﺟــﺎﻝ ﻭﻧﺴﻮﻭﻗﻪ
*
*
ﻳﻮﻡ ﺑﻲ ﻛﺎﻣﺮﻱ ﻳﻮﻡ ﺗﻮﺳﺎﻥ ﻭﻳﻮﻡ ﺑﻨﻜﺪﺭ
ﻳﻮﻡ ﻧﺎﺱ ﻗﺸﺮﻩ ﻧﺸﻨﻖ ﻟﻠﻄﻮﺍﻗﻲ ﻧﺤﺪﺭ
ﻳﻮﻡ ﺗﺮﺑﺎﻟﻪ ﻧﺰﺭﻉ ﻓﻲ، ﺍﻻﺭﺍﺿﻲ ﻧﺨــــﺪﺭ
ﻳﻮﻡ ﺗﻠﻘﺎﻧﺎ ﻧﺎﺱ)ﻣﻤﻨﻮﻉ(ﻧﺠﻴﺐ ﻭﻧﺼـــﺪﺭ
*
*
ﻳﻮﻡ ﺑﻨﻜﺎﺑﺲ ﺍﻟﺘﻤﺴﺎﺡ ﻧﻤﺮﻗﻮ ﻧﻜــﺮﻭ
ﻳﻮﻡ ﺑﻨﻔﻜﻔﻚ ﺍﻟﻤﺎﻝ ﻟﻠﻔﻘﺎﺭﻩ ﻧﺸــﺮﻭ
ﻣﺮﺍﺗﺎ"ﺷﻮﺍﻣﻪ ﺭﻓﻴﻘﻨﺎ ﺫﺍﺗــــﻮ ﻧﻀـﺮﻭ
ﻣﺮﺍﺕ ﻋﺎﺩﻱ ﻭﺷﻨﺎ ﻛﻢ ﺷﻬﻮﺭ ﺑﻨﺼــﺮﻭ

[مها]

مها يابت الناس العزاز الماك هينة
ان جاتك الالوف بتكرميهم مرارة وشية
معروفة في الفريق بشهامة طه لي رية

نضمك في النميم أنا ياني متباهيبو
وماك زولا" أفوتو ولا ابارح اسيبو
ياك قدح الضيوف والضيف تقبضو تجيبو
وان فاتك جزم في النوم تجي تهاتيبو[/align]

[waya]

غموض الفرحه والبرد المجمد حسي
ما خلوني ارجع لي البصابحو وامسي
الطيف الرحل من بين عيونك هسي
بوفيك الهيام والشوق وصبر المحسي

[waya]

مما شفت ست ريدي الولافي شبيها

حرمن مغـريات الدنيا جـت باالفيـها

لو كان ام سماح جادت علي بي تيها

تنقــد السمـاء واللنخــرب واطيــها

[waya]

البيناتو و الاقمار صفات مشتركه

كل ما يمشي في الشارع تقيف الحركه

ال بي عينو هدا و دكا برج البركه

كل من شافا تتقدل بقوم بالبركه

[معتبر]

الليلة السيسبان شدرو الطوال مأنوس

وفي ظلو الرهين قرطن معيز اب روس

الفي عينو حُمرة وايدو ملانة فلوس

إن ختا ها الملم ما ظن يلقي عروس

[omar babikir]

طبايع الناس دهب يالملكة دايرة مناقد
فرقا شتي بين حال العقد والعـــاقد
فرقا شتي بين النام وبين الســــاقد
وفرقا شتي بين البنفقد والفـــــــاقد

اشعار ودنجاع

[waya]

ساحر لحظه يعقد في لهيببو وينفس
وغمزات الخدود جادعالنا شوك اب قنفس
ضرب البسمه فوق ومرقنا بى شق انفس
صحيح صلعنا الا قليبنا لسع خنفس!