أعـذب الكلمـات

[مها]

تبحر مراكبي اليك
لا تعرف مخاوف ريح
لا ينكسر فيها الشراع
ولا اعاني من الابحار دوار
جيتك وشايل ليك تصميم القدوم
فال المحب
عاشق بطوع للقوافي
النافرة زي خيل الفلا
لا بخاف هزيمة والا انكسار

[طلال الحكيم]

فيك شنو ؟ بخليني أرجع ليك كل ما أعياني الغياب ؟

وأحلف وأقول منك بتوب وبي نظرتك ضاع المتاب

أديتك زكاة روحي شوق وبي همستك تم النصاب

[مها]

كم ارهقني ليك طول السفر جوة السهر
والمشاوير الخواطر
والسياحة الحارقة في جوف التخوم
عشان الاقي كلمات تشبهك
او احتى اوصاف من بهاء
تقدر تماثل طلعتك
شان يا غرامي قليل انوم
وكيفن انوم
ونغم جمالك جوة وتر الحواس
ولحون من العشق الندي وكلام كتير
جواي ليك
مرات يمرق قليل
وكتير من الحرف يستحي

[طلال الحكيم]

والبال بي وراك شايل عصا الترحال

في كل مكان يبراك ينساك لا لا محال

[طلال الحكيم]

ورسلت الـ طيف يفتش ليك ..... جاني الطيف و قال ما لقاكا

[طلال الحكيم]

في الليل بشوفك زي قمر ضواي ... وحبي السحاب بالحنين ضماكا

[طلال الحكيم]

زيد في عذابك .. برضو بقول حبابك
وما بعرف ليك اذية

طول في غيابك .. وأنا برجى إيابك
وفيك أحسنت نية

روحي في رحابك .. داقاهو بابك
وربي يخليك ليا

[waya]

سأظل أحبك , ما بقى للشمس , متنفس للطلوع ,,

[طلال الحكيم]

لقياك عشم .. ولو كانت عدم

بكرة بتجي

حتى لو باكر سراب ..

يفوت الوهم ... وكل الألم

وترحل غيوم

ويرحل عذاب ..

وعدك قَسَم .. في قلبي إترسم

وأنا في رجاك

ولو طال غياب ..

[ninar tato]

رأيتها والليل سادلا أستاره
كالبدر تخطر في حالك الظلمات

حفـّت بها وبحسنها أترابها
كما حفت بالبدر ساطع النجمات

وتسابقت في لثمها الحدقات
وبالأسحار تضوعت بها النسمات

هل هذا غصن البان في ميسانه؟
أم كان ظبيا ً ناعم الوجنات

أم هذي البروق تهديها الثنايا
أم الشمس تسري في أجمل القسمات

***

فتمهلت في سيرها وتبسمت
عندما رأتني ثاقب النظرات

وخاطبتني بخافض طرفها
(أشتاقك)
فكانت ( أعذب الكلمات )

******
****
**

روعه اخي سلمت يداك

تحياتي

[طلال الحكيم]

عيونك للفؤاد صادو ... ورمت بسهاما نظراتك

حنين وكسير أنا المغرم سجين في غمز وجناتك

تحير أفكاري في حسنك ... تشق دنيايا بسماتك

صوتك زي كنار مشتاق ينادي كنار في روضاتك

بجيك ملهوف من الأشواق .. تزيد اللهفة ضماتك

يغيب عقلي وتدور أكوان وتسكر روحي همساتك

حلاتك يوم تصافيني ويوم تخاصمني برضو ياحلاتك

[السنبلاية]

الشمس التي تشرق في كل يوم من تفاصيل وجهكِ ..
أخذنى هناك إلى أحلام ليس فيها إلا عالم جميل ..
وتفاصيل الحلم الاشـــبه بالمســـــتحيل ...!!؟...

[طلال الحكيم]

روعه اخي سلمت يداك

تحياتي

أخي الغالي ننر .. تحياتي وأشواقي واتمنى أن تعود إلينا في أقرب فرصة .. ومشكور كتير

الشمس التي تشرق في كل يوم من تفاصيل وجهكِ ..
أخذنى هناك إلى أحلام ليس فيها إلا عالم جميل ..
وتفاصيل الحلم الاشـــبه بالمســـــتحيل ...!!؟...

المميزة السنبلاية ... مبسوط شديد عشان لقيت حروفك الجميلة هنا ... وبتمنى دايما أشوفها
تحياتي وكل الإحترام

[طلال الحكيم]

أقيف لحظة ... .... وقبّل عيونك لي

وأقعد قصاد صدري وشوف الـ بي

رماد وبعاد .............. ونار الشي

دا ريدك شال .. نوم العيون يا ضي

بتذكر أنا يوم غنن ليك بنات الحي

كان ليك الجمال والبرتكان كان لي

[طلال الحكيم]

وبعدين معاكم ؟ ...........أنت وعصابة أشواقي العتية !!

أنت حارمني الوصال ... وهيَّ حارماني رقدات العشية

كنت حاني ليه تبقى جاني؟وليه ترضاها لي ياخي الأذية

مسكين انا الـ صدقت عهدك ..مسكين أنا الـ أحسنت نية

يا الديمة هاجر قلبي الوفي .... يا العهودك أبدا ما وفية

أسرع تعال أنجدني بيك .... أنا بيك إبتليت أصعب بلية

أرويني فيك..واسقيني منك يا روحي بيك..رشفات هنية

[waya]

لميني في جواك فرح

قبال سكون الليل يمش

وابديني إن طلع الصباح

خليني ابقالك شمس

ما انتي زي عين اليقين

وانا كلي بتواضع رمش

بانيهو ليك احساس هواي

من حني ساويلك عرش

انا شلت قلبى الاسطفاك

ختيتو لي كرعيك فرش

يكفيني لو شفتك اقيف

ما كلي واقف منتعش

فوق الجمال كاسيها طيب

ظهرت كأنما هي الشمس

خلتني لا عارف اقيف

لا ابقى راجع لا امش

وحقيقه كل الكون معاك

يا غاليه ما يسوى القرش

[طلال الحكيم]

مكتوب عليك يا قلبي

في الريدة تبقى .. زي كائن غريب

وحداني ديمة ... مالياك الهموم

وأمرك عجيب

مقلق مريب

أمرك عجيب شايلاك قلوب

وأنت بتشيل دمعات نحيب

علمتهم في حبهم كيف الوصال

وسكتك لا ليك ودت .. لا بتجيب

مليان غرام وعليك حرام

ماليك في الفرح أبسط نصيب

أرجع تعال سيبهم خلاص

ما بشبهوك

أقعد هنا ... في صدري الرحيب

ما أصلو مكتوب من زمان

يا قلبي في الريدة أنت

زي كائن غريب

[طلال الحكيم]

أنا ليك أصدق كتاب

أقراني أيام الهنا

وأقراني أيام العذاب

تلقاني ليك منبسط

وأوراقي ليك في إنجذاب

أقراني في كل الحروف

تلقى الحروف بتقول حباب

أنت العنواين والفصول

وأنت أرقام الكتاب


و أنت تنوين يا حنين

وليك مرفوع الحجاب

وأنت مكسور بالخجل

وليكا مفتوحة الرحاب

وأنت مضموم ديمة لي

والضمة تسكين الغياب

[طلال الحكيم]

ما بنسى لكن ممكن أتناسى
وأخلف الميعاد ووقت الجيّا

أجس نبض اللهفة في قلبك
وأشوف نظراتك تفتش ليا

أقدم خطوة وخطوة تتأخر
وأحس بالشوق ينادي عليا

اقيف وأسمع حنين روحك
تروح روحي تروِّح بيا

وكالعادة يفضحني الشوق
يحلِّق فوق .. يشيل رجليا

ويهبط بي زي فراش عطشان
والرحيق منك يبل خديا

منو البصبر على بعادك ؟
وعقارب الحب تلاسع فيا



أنا الفاشل في الصبُر عنك
أنا الناجح في غرامك ليا

[مرسال الشوق]

بوحك ياخذنا من تلابيب ارواحنا ويسبح بنا في ملكوت الجمال
كنت هنا اطفي لهيب عطش الشوق الجواي


تقبل مروري

مرسال الشوووق ،،،