كوني المرأة الصالحة

[الشمالي]

ما دعاني الي كتابة هذا البوست ظهور كثير من العادات والظواهر الدخيلة في المجتمع السوداني تحديداً وواخص بهذه الظواهر الاجتماعية التي تخص حواء السودانية , فالمتابع للقنوات السودانية يري الصرف البذخي وارتفاع تكاليف الزواج والمهور الغالية جدا ومبالغ فيها والاهتمام بالمظهر امام الناس , فيصرف الرجل شقاء العمر (ادخاره) الذي جمعه عبر السنين فيصرفه في ليلة واحده ثم ياتي السوال ماذا بعد ذلك ؟ والمفارقة الطريفة الشكوي من عزوف الشباب عن الزواج وشكوي حواء السودانية من العنوسة ,وايضا كثير من التسأولات التي قد تجتاح عقل حواء السودان اي امرأة يريد ادم السوداني ؟ وكيف احصل علي زوج مثالي ؟ وكيف احافظ علي زواجي ؟ وكيف اجعله مثالياً ؟ وكيف اكون اسرة مثالية ؟ وكثير من التسأولات الاخري .
فالامر يسير لتحظي حواء بحياة مثالية ولن يخرج عن هدي السنة فقد كوني المراءة الصالحة التي ذكرها المصطفي صلي الله عليه وسلم في الحديث الشريف عن عبد الله بين عمرو ان رسول الله صلي الله عليه وسلم قال (الدنيا متاع وخير متاع الدنيا المراة الصالحة )
فقط كوني المرأة الصالحة

يتبع ............ بس باسلوب اهل العوض

[بانه]

طرح جميل وهادف



متابعه ان شاء الله

[الشمالي]

طرح جميل وهادف



متابعه ان شاء الله

يعطيك العافية اختي بانة

[الشمالي]

كيف تكوني المرأة الصالحة ؟ نبدا الموضوع ده من قبل الزواج بداية الطريق تبدا بخطوة الامثال لاوامر المولي عزو جل في اللبس قال تعالي في سورة النور


[font=&quot](وقل للمؤمنات يغضضن من أبصارهن ويحفظن فروجهن ولا يبدين زينتهن إلا ما ظهر منها وليضربن بخمرهن على جيوبهن ولا يبدين زينتهن إلا لبعولتهن أو آبائهن أو آباء بعولتهن أو أبنائهن أو أبناء بعولتهن أو إخوانهن أو بني إخوانهن أو بني أخواتهن أو نسائهن أو ما ملكت أيمانهن أو التابعين غير أولي الإربة من الرجال أو الطفل الذين لم يظهروا على عورات النساء ولا يضربن بأرجلهن ليعلم ما يخفين من زينتهن وتوبوا إلى الله جميعا أيها المؤمنون لعلكم تفلحون)[/font]


الاية الكريمة توضح لبس المرأة بصورة واضحة وذكر ان ما ظهر من الزينة هو الوجه والكفين . والناظر للشارع مع الاسف يري غالية النساء متبرجات الي درجة السفور وظهرت مسميات باسم الموضة يخجل الفرد عن ذكرها , اها عشان تكوني مرأة مميزة وصالحة التزمي بتعاليم الدين الكريمة احتشمي وسيبك من مما يسمي بالموضة والسفور الفارغ والمظاهر المهلكة فصلاح المرأة في دينها والتزامها بتعاليمه , فتبرج الفتاة لا يجذب اليها الا الذئاب , حقيقةً الرجل قد تثيره الفتأة المتبرجة الغير ملتزمة لكن لن تكون خياراً له للزواج وبالدارجي كدة الرجل ممكن ان ينظر الي المتبرجة ولو دعت الضرورة يجري وراها من حفلة لحفلة لشي في نفسة لكن الواحد لما يفكر في الزواج ويبدأ يبحث عن الزوجة طوالي بفكر في المراة الملتزمة المهذبة عشان كدة يااا ختي المسلمة ما تغريك الدنيا والمظاهر الخداعة وابدي طريق الصلاح والفلاح والرشاد بالالتزام بتعاليم الدين الحنيف .


ولنا عودة باذن الله

[أبو صديق]

يتبع ............ بس باسلوب اهل العوض

وكما أسلفت يا ,, شيخنا,, المغالاة في المهور إضافة للتباهي والمقارنة وفلانة جابو ليها وعلانة عملو ليها وهي أحسن مني في شنو ووووووووووو وناس شوفوني هي عامل اساسي في العزوف عن الزواج بغض النظر عن الحالة الإقتصادية العامة للبلد لأن أهلنا زمان كانو بتزوجو بالبركة علي تمرات
وكما قال الحبيب المصطفي صلوات الله وسلامه عليه (( أكثرهن بركة أيسرهنّ صداقا)) وهذا ما يندُر وجوده في هذه الأيام...
بالجنبة كده
ما عرفناك آ شيخ موحمد احمد

[الشمالي]

وكما أسلفت يا ,, شيخنا,, المغالاة في المهور إضافة للتباهي والمقارنة وفلانة جابو ليها وعلانة عملو ليها وهي أحسن مني في شنو ووووووووووو وناس شوفوني هي عامل اساسي في العزوف عن الزواج بغض النظر عن الحالة الإقتصادية العامة للبلد لأن أهلنا زمان كانو بتزوجو بالبركة علي تمرات
وكما قال الحبيب المصطفي صلوات الله وسلامه عليه (( أكثرهن بركة أيسرهنّ صداقا)) وهذا ما يندُر وجوده في هذه الأيام...
بالجنبة كده
ما عرفناك آ شيخ موحمد احمد

اووووووووووو اخونا ابو صديق
والله ليك وحشة قدر ترعتي كنانة والرهد وبحر ابيض
غاااااااااااااااااااااااااااغ

يااا زول ما تسبق الاحداث المهور الحاجات التانية دي جاينها واحدة
واحدة , والحريم ديل ما حاخلي ليهن جنبة ينومن عليها كااااااك

بعداوية

شوفتك شفاء وشفقك يشفق غاااااااااغ

[أبو صديق]

اووووووووووو اخونا ابو صديق
والله ليك وحشة قدر ترعتي كنانة والرهد وبحر ابيض
غاااااااااااااااااااااااااااغ

يااا زول ما تسبق الاحداث المهور الحاجات التانية دي جاينها واحدة
واحدة , والحريم ديل ما حاخلي ليهن جنبة ينومن عليها كااااااك

بعداوية

شوفتك شفاء وشفقك يشفق غاااااااااغ

آآآي عليك الله وما تنسي الكريمات والبودرة وأديني إبرة وإستبرأ
بوست هادف ما تفتلو :: بيدي لا بيد المريسيل::
انا الأسعد يا الجوّالي والله وليكم وحشة وحيشة

[الشمالي]

اها عندنا

ايضا من عز المرأة الصالحة في الإسلام حياءها , فحياء المرأة الصالحة يحفظ كرامتها وشرفها وشرف أهلها وزينة خلقها .وحياء المرأة الصالحة يكون في لبسها وكلامها وحركتها وفي سلوكها العام وفي كل شي , فتكون ملتزمة في لبسها غير متبرجة وتغض بصرها لا ترفع صوتها ولا تضحك بسفور لا تعرض مفاتنها لكل عين باحثة عن نظرة إعجاب , فالحياء خُلق الاسلام , فالمرأة السودانية تميزت بالخجل والحياء الشديد سابقاً فتمني ان تحافظ حواء اليوم علي هذا الإرث الثمين , نرجع شوية للدارجة السودنية , زمان المرة مقنعة علي مدار اليوم والساعة ممنوع الاقتراب عديل كدة الواحدة خطيبها ما يشوفها الا بعد العقد ولو صادفت خطيبها بس في الشارع تبقي كارثة فما بالك برجل اخر , الله يطراك بالخير يااا فاطنة اختي مرة كانت شائله حلة اللبن مليانة لبن عشاء اخوانها الصغار وناس البيت وهي طريقها ظهر ليها خطيبها في الطريق ورغم انها كانت محتشمة جدا دفقت اللبن بووووووووش وركبت حلة اللبن في راسها عشان خطيبها ما يشوف وشها وناس البيت اليوم داك ناموا بيتين القواء (جعانين) , الليلة غالبية البنات تلقاها طالعها نازلها مع خطيبها الا من عفي ربي .

ولنا عودة

[Toma]

بصراحة حال بناتنا اليوم محرج جدا وخادش للحياء ليس الكل وإنما البعض لكن "البعض" شوه سمعة "الكل" شتان بين بنات زمان واليوم ، لكن الله يصلحهن ويهديهن ....موضوع جميل بوركت أخ الشمالي على تسليط الضوء في هذا الجانب

[الشمالي]

بصراحة حال بناتنا اليوم محرج جدا وخادش للحياء ليس الكل وإنما البعض لكن "البعض" شوه سمعة "الكل" شتان بين بنات زمان واليوم ، لكن الله يصلحهن ويهديهن ....موضوع جميل بوركت أخ الشمالي على تسليط الضوء في هذا الجانب

مشكورة اخت توما علي المرور الجميل
والله يصلح الحال وان شاء الله حواء السودان بخير

[الشمالي]

اها ندخل في تفاصيل الزواج وتبعاته من الخطوبة وقولة خير والشبكة والمهر (خلاص المال) والشنطة والشيلة والقطر ويوم الزواج والحفلة والصبحية بعدين الجولة السياحية سواء كانت داخل او خارج السودان واي واحدة من التبعات دي تخلي شعر الشاب يشيب لو فكر مجرد تفكير في الزواج ويعمل خط رجعة وخلف دور وكان جابو ليهو سيرة العرس ساكت يجري يوم وضحوة , فالزواج والتبذير عندنا في السودان صنوان وماشين في خط واحد , هل القصد منها شوفوني ولا الحاصل شنو ما عارف وبكل صدق وامانة يمكن واحد من أسباب غلاء المهور وارتفاع تكاليف الزواج في السودان راجع للمرأة السودانية نفسها سواء كان علي مستوي الأمهات (الأمهات الحديثات) أو البنات , فالأم اليوم عائزة مهر خرافي لبنتها وشنطة سوبر وعرس ولا في الأحلام والبنات للموبايل الجلاكسي عائزاهو في الشنطة وين بساطة زمان ؟! وبعد دا كلو الامهات والبنات بشتكوا من العنوسة (والبورة) كيف ما يكون في عنوسة وبورة والزواج بقي استحالة والقمرة قريبة , والناظر لتكاليف الزواج اليوم عشان تخطب دائر ليك شبكة اقل شي بعشرة الف جنية وأنا ما بتكلم عن ناس الأرقام الخرافية الناس المرطبين وساكني الفلل والقصور بل اقصد السواد الأعظم المتوشح بالمعاناة وشح الإمكانيات ناس ام حمد واحمد والزين وغيرهم , وقولة خير او فتح الخشم ذي ما بسموا حبوبانتا الليلة بقي بالملايين وزمان كان حاجة رمزية بجبروا بيها خاطر ام العروس والشبكة ان وجدت كانت عبارة عن دبلة ولو بالغت معاهو خاتم واليوم الشبكة بقي فيها دبلة وخاتم سوبر وغوايش وحلق وسلسل وكلو حسب الحجم والعيار وكمان جابت ليها بتاعة كدة كبيرة ذي نظام غويشة كبيرة حجم عائلي ( كاااااك اجباري) تقصم ظهر البعير مش البنو ادم , وبعد ده عائز مصاريف يوم الخطوبة ضبيحة وعزيمة وفي ناس بعملوا حفلات عديل يعني فوق العشرة الف حقت الشبكة عائز ليك خمسة الف تاني قولة خير ومصروفات يبقي الاجمالي 15000 جنية خطوبة بس نسال الله السلامة وبعد داك وبعد كدة بتجي مسألة الهدايا للخطيبة من دباديب (جمع دبدوب غاااااغ) وشوكلاتة وملابس والفسح والرحل والمصاريف الشهرية ووووو ونترك الباقي لخيالكم وندخل طوالي علي المهر العادي من خمسة لعشرة الف جنيه وبعدوا في قطر ماشي وفي الشيلة بالدفارات علي اقل تقدير في ظل ارتفاع الاسعار وحبة الطماطم البقت بخمسة جنية الشيلة تكلف خمسة لي عشرة الف وشنطة عروس مع الجلاكسي ممكن تكون عشرة الف يعني مهر وشيلة وشنطة وقطر اقل شي عائز ليك 30000جنية وهنا يكون قطرك فات وركبت الشارع و ووووو

· في بوست جميل جدا عن تكاليف الزواج في السودان للعضوة الاخت احاسيس يمكن الرجوع اليه يمكن الرجوع اليه علي الرابط التالي


http://www.anasudani.net/fourm/showthread.php?t=5 7


مع الاخذ في الاعتبار ارتفاع الاسعار الحالي كااااااااك ولنا عودة باذن الله