كتاحة وقعونج ونمل ابو ريش وباعوض وسواسيو

[أبو صديق]

يعني برضو حنّكتنا ومشيت
يا رب مطرة حدّها الرُكبة

[مرسال الشوق]

يعني برضو حنّكتنا ومشيت
يا رب مطرة حدّها الرُكبة

طيب ياملك نواصل من اجلك كلو حلو وجميل

[مرسال الشوق]

نوااااااااصل ...

تعثرت قدم فاطنة علي تربيزة كانت بجوار امها تضع عليها كوريه لبن ( حليب ) وسقطت ف الارض
صاحت امها طقشتي شنو يا المسنوحة ... قالت وبصوت خافت ده اللبن يمة اندفق
لبن العشاء ... ايوه ... اها الرماده ف خشمك اكان ابوك واخوانك وانت زاتك كان اتعشيتو
قاطعها الحاج بكل هدوء ... خلاص عوجة مافي مامن نصيبنا وبعدين مافي زول مات من الجوع
خلاص اطلعي جنب امك وتاني ماتدقشي ليك حاجة
تحسست فاطنة اطراف السرير باصابعها التي مازالت ترتجف من زجر امها لها ولكن
بكل حنية ضمتها عليها امها في حجرها وقالت لها فداك ياحبيبة اندفق الشر
تبسمت فاطمة وارتاحت نفسها عندما سمعت ذلك وشدت اليها طرف توب امها واغاصت فيه
من الداخل وكانها فرخ تغطي بريش امه لملمت ارجلها من الخارج حتي يعم طرف التوب ارجلها
وتستنشق رايحة انفاس امها التي تتزوقها دوما عند كل مغيب شمس
هبت الرياح بقوة وتشتت حبات الرمل عبر فتحات الباب الخشبي معلنة وصول ريح هوجا
تكاد البلدة لم تشهد بمثلها منز قرون بعيدة غابت تلك الفتحات التي كانت تسكن الباب المتهالك
واظلمت الدنيا لايسمع من شئ ف الخارج الا صوت الرياح العاتية وهي تقتلع كل شئ امامها
طاااخ طراااخ كرو كررررو وقع شئ سمعه كل من ف داخل الغرفة وبصوت يملوءه الاستغراب
من الوالدة ياربي ده شنو الوقع ده
قاطعها محمد قائلا دي الصينية حقتك يمة
بتاعة شنو ياجنا
بتاعة الويكة الشريته ليك فوق الراكوبة
الليلة سجمي
اهااهاهاهاهاهاه صوت محمد ضاحكا احسن حاجة الهبوب دي رمته ليك جننتينا بي ويكتك دي
ضحك الوالد من جواب ابنه وهو يقول والله عليك جنس محن يا الملعون
قح قح قح قح صوت فاطنة وهي تكح من الغبار الذي ملاء المكان والله اليلة شكلنا بنموت من الغبار ده
يابت فال الله ولا فالك اسكتي انخدمي خلاص
تلأشات الرؤية تماما حتي لم يستطيع كل شخص ان يشاهد ماذا يحدث من حوليه
تحسس الاب بطاريته وحاول مرارا ان يدير مفتاح الاشعال ولكن بدون جدوي
ماله البطارية دي دحين قبل التراب ده مش كانت كويسة
قاطعه محمد ياابوي اتلقي ركبت الحجار ديل بالقلبة
كدي اديني ليها جاي
امسك اها ياالمطرطش ان شاء الله تقدر تشغله
وبلفة واحدة ادار محمد البطارية و اخرج منها الحجار وتحسس روؤس الحجار وعاود ارجاعها مرة اخري وادار مفتاح البطارية صارخا اها ماقلت ليك اصلك انت يابوي خلاص بقيت مابتشوف كويس
وانتشر النور ف الغرفة وكانه يعلن بداية بصيص رؤية صغيرة
والله ياابوي حجارك ديل اصلهن مانافعات جيب ليك واحدات تانيات
كويس خلاص كدي ناولني ليها جاي النشوف الخبر شنو
امسك بيده البطارية وحاول ان يسلط الضوء علي اللبن الذي دفقته فاطنه
وقال بنفس واحد عييييييييييييك لبن وشربتو الواطة
اشتدت الهبوب مصحبوبة ببرق ورعد يتصارعان مع بعضهما البعض وكانهما الكل يحاول الوصول الي القرية اولا
تخللت اضواء ذلك الشباك الذي تكثر فيه الفواصل والشروخات حتي من قوته اضاء كل ارجاء الغرفة المظلمة
وبهت نور البطارية التي راح ضوءها من شده البرق
الليلة والليلة المطرة جااااااتنا محمد صارخا
الله يستر علي المخزن صوت ابوه مقاطعا والله السبلوقة حقتو كعبة تب ولينا زمن ما ليسناه
خايف علي شوالات القمح والعيش الفيهو يتبلو ويلحقن امات طه
عاجت السماء بكل اللوان الفوضي من رياح ورعد وبرق وبدأت تتساقط حبات المطر
معلنة هطول امطار غزيرة قادمة طق طق طققققق شوووو شوووو شوووووووو
يابوي الرعد ده ليه صوتو تقيل كده هو اصلو جاي من وين (فاطنة )
يابت نومي نومك ربنا يعدي الليلة دي علي خير
وهطلت الامطار التي تخوف منها الوالد بكل غزارة مصحوبة برياح عاتية تهز اركان البيت من شدتها
فقد هاجت وماجت الاغنام من الخارج وصاحت الدجاجات
تسربت المياة الي داخل الغرفة من غير ان يشعر بها احد حتي وصلت الي اخرعنقريب موجود بالغرفة
من خلال فتحات الباب وبدأ السقف يتقطر ماء طق طق طق ونخرت المياة مجاري من الداخل عبر
اماكن السبلوقة حتي اخر الارض حتي تبللت جدارن الاوضة وارتسمت ف انوف المتواجدين
ريحة الطين المبلل بالدعاش
وطااااااااااااخ يسمع الكل صوت شئ اخر كأنه شئ كبير وقع من السماء....








يتبع ....

[nooon]

هلا بالغلا

منورة يانون ...

اصبري مالك جايبه ليها العقرب

الشوق بالقفف ليك

وتاني نوو نفا غياب سمح

اها صبرنا الشوق كمياااااااااات يامريسيل

سمح مافي غياب تاني

[ابن عوف]

مرسال الشوق الكلك ذوق

كل سطر اقراه اسرح مع ذكريات جميلة
بس بطل الشحتفة


ويديك العافية
انا بنتظر مع المشحتفين

[مرسال الشوق]

منورة يانون ...

اصبري مالك جايبه ليها العقرب

الشوق بالقفف ليك

وتاني نوو نفا غياب سمح

اها صبرنا الشوق كمياااااااااات يامريسيل

سمح مافي غياب تاني

ايوووووووه خليك كده

وجري البنبر داك وتعالي جاي

[مرسال الشوق]

مرسال الشوق الكلك ذوق

كل سطر اقراه اسرح مع ذكريات جميلة
بس بطل الشحتفة


ويديك العافية
انا بنتظر مع المشحتفين

الحبوب اوي ود ابنعوف

طلتك قهوة بكر وتني تخلي الواحد راسو 100%

لاتحرمنا منها
وجااااااااايك ع السريع

[معتبر]

مرسال الشوق

انكرشنا قبل ما نصل للباعوض

[مرسال الشوق]

مرسال الشوق

انكرشنا قبل ما نصل للباعوض

هاهاهاههاهاهاهاهها
يخرب عقلك علي الجزيم ضحكت لمن عيوني رقرقو

[مرسال الشوق]

نواصل ....
طاخ وقعت الحيطة التي اكل الدهر عليها وشرب من شدة هوج الريح المصحوبة بالامطار الغزيرة واندفعت المياة
الي داخل الحوش الذي يقطن فيه كل اولئك الناس الذين لاحولة لهم ولاقوة لهم وهاجت وماجت الاغنام من هول المفاجة
تحرك الوالد بعدما اخذ معه تلك البطارية ومتلفحا بمصلايته التي اتعودت علي اداء الفرائض والسنن والتي صنعت من
احدي جلود الاغنام التي كانت في فترة ما تقطن هي الاخري هذا المنزل
يااااااا الله صوته من الداخل الله يستر الحيطة وقعت والموية انكسرت علينا
ياولد يامحمد وينه الطورية النقرع المويه سريع
تحسس محمد الطورية من تحت العنقريب وسحبها نحوه وناولها ابوه
مع همهمات امه التي اشفقت علي الوالد اعمل حسابك الرعد ده تقيل
ولف راسك ده كويس انا خابراك مابتتحمل النزلة والبرد
الله يهون قاطعها بتلك العبارة
وتحسس موضع اقدامه بين الوحل الذي بدا وكأنه يتجه نحوهم بكل قوة
ابوي كدي خليني النطلع معاك
ياولد خليك قبلك فوق العنقريب ماتقرصك مصيبة
لكن يابوي
قلت ليك اقعد قبلك
طلع الوالد حاملا تلك البطارية في يمينه وطوريته في شماله
كانت الامطار تزداد سوءا والطقس المتقلب لاينزر بخير قادم البته
خرج محمد مستللا من بين امه واخته مع صيحات والدته ياولد تعال شكيتك علي الله اكان عاوز تموت اللية
حماسه الذي غلب علي طبعه وهو ينظر الي والده وهو يكون سدا من التراب وركام الحيطة التي وقعت
وبعد جهد جهيد استطاع ان يحبس المياة المتدفقة نحو البيت بعدما ابتلت ملابسه وتلك المصلاة التي يتلفح بها
وبدأت عليه اثار الطين الذي غير ملامح ملابسه
يا ابوي خلاص ادخل كفاك المطرة دي شديدة ماشايفه
خلاص انتهيت ارح ارجع ربنا يعدي الليلة دي علي خير
هسع انت يا المطرطش هدومك دي مابليته كلها بتمرض ارجع خلاص يلاااا
يااااااا ابوي المخذن ياباوي المخذن
مالو ياجنا
وقع يابوي خلاص
لاحوله ولاقوة الا بالله حسبنا الله ونعم والوكيل خلاص العيش والقمح كلو راح
صوت الوالدة من جوة ارجعو خلاص ارجعوا العيش والمخذن ف السماء ماتقوم تقع فوقكم صاقعة تكتلكم
وتعالت صيحات قويه ف القرية عووووووك ياناس الحلة بيت فلان وقع وشفعوا جوه
لاحوله ولاقوة الا بالله يارب سترك يارب سترك
يارب
طلع الوالد مسرعا الي مصدر الصوت المرتفع وتجمهر الناس وسط الامطار والرياح الهوجا
يارب سترك يارب سترك
ده بيت منو ياخوانا بيت ناس حاج عمر واولادو جوه البيت
تحسس الجيران ركام البيت ولم يجدوا شئ
ياخوانا مافي اثر لزول هنا
كدي شوفو تاني لاحوله يارب



يتبع ...

[الشمالي]

هي عااااااااااااااان بتاع النمل ابو ريش بقي مولف بتاع
سيناريوهات , علي الجزيم بعد شوية القاك بقيت مخرج عديل
, نملك ده لسة ما قريتو لكن ليك علي اجي افندو ليك نملة
نملة وقصد قرصة قرصة وسطر سطر ونقطة سطر جديد
يااا اجاثا كريستي غااااااااااااااغ

[الفردوس المفقود]

المرسال والله قصة حلوة حلاة

واصل واصل يا رائع

[مرسال الشوق]

هي عااااااااااااااان بتاع النمل ابو ريش بقي مولف بتاع
سيناريوهات , علي الجزيم بعد شوية القاك بقيت مخرج عديل
, نملك ده لسة ما قريتو لكن ليك علي اجي افندو ليك نملة
نملة وقصد قرصة قرصة وسطر سطر ونقطة سطر جديد
يااا اجاثا كريستي غااااااااااااااغ

الحبيب وقلبو طيب

شوفتك وطلتك ...
تخلي الواحد يتشطف هسع ويجي يتفرجخ ليك قدام عتبة بابكم
والنشوفك بدخل خروفك مني كيف

[مرسال الشوق]

المرسال والله قصة حلوة حلاة

واصل واصل يا رائع

ياخي انت الزوق والاحساس ظاااااتو
وطلتك فرحتنا وخلتنا نوزع شرباتات عديل

ماتحرمنا منها

[بانه]

وين باااااااااااقى القصة

والا الخريف انتهى

فى انتظار التكمله

[مرسال الشوق]

وين باااااااااااقى القصة

والا الخريف انتهى

فى انتظار التكمله

انتظرونا قريبا ....

[شذي زهر]

ياسلااااااااااام يالمرسال جد قصه جميله شديد

وبتدينا احساس كده اننا ابطال القصه نفسها

بس عليك الله كدي اتاكد ...........و انشاء الله مايكونوا الشفع ديل جوه البيت

[مرسال الشوق]

ياسلااااااااااام يالمرسال جد قصه جميله شديد

وبتدينا احساس كده اننا ابطال القصه نفسها

بس عليك الله كدي اتاكد ...........و انشاء الله مايكونوا الشفع ديل جوه البيت

هي السودانيه ...
سعدنا كثيرا بمرورك الذي اضفي بهجة علي البوست ماننحرم منك
وخليك قريييييييييييييبة .... الجاي احلي

[سمارا]

واضح انها قصه رائعه

[مرسال الشوق]

واضح انها قصه رائعه

انت الاروع .... جري بنبرك داك وتعالي