المشرف: بانه
هامس كتب:القـوامـ بتلدن زى فريع البانه ؟
والصدير شايـلو جـوز رمانه ؟
فى القـدل تتفـدع من شدة ليانـه؟
تحلف تقول ريله مـو هربانـه؟
(همسه) صور لى ديل عشان أعرفـو
)طلال الحكيم كتب:القوام يا خوي فريع ياسمين
تتمايل تميل كل النفوس طربانة .....
رقة وسماحة وفيها النعومة ولين
وزي الغزال في مشيتا الجفلانة ......
أما الصدير يا الله لينا تعين
وأسكت كفا شايف الخدود خجلانة ...
همسة (دي شنو الإمتحانات الصعبة دي؟ ... أنا الشبكني شنو
هامس كتب:صباح الخير الكلو عليك يا.
أنـيـق
أهه....
الكلامـ الليلو كيف. حالى لسان؟
الصوت حنيًن نغمتو وتر كمان؟
الجيد محزًز دون عقـد مزدان؟
صنع الكريمـ .مو صنع إنسان
أهم وصف خليك دقيق فيهو...
فهم الجميل..جميل شماعه لابسه هِدامـ
أم الشماعه لابسه الجميل مجرد. هندامـ
(همسه)إنت الجبت الشمار ده قلت. لى
الجميل بعاين ليك فى قلبو غيرك مافى
طلال الحكيم كتب:الصوت رقيق زي النسيملمن تميل في الصباح زهراتو ..زي عندليب نديان رطيب
تسحر عديل نبراتو ......براق السنون شيال العيون
والخمر الحلال همساتو ...الجيد مكمل بالجمال
والعجب العجيب وجناتو...تشوفوساهي في دلالو لاهي
لكن عقلو الرجيح وزناتو ...بي نظرتو يقرا العليك
ويا قلبي آه يا قلبي من نظراتو ..إنسان جميل أو قول ملاكلو شفتو ضاحك شفت القمر بي زاتو ..
هامس كتب:من ناس قيس وليلى درب الر يد ياهو أذاهو
يشحتف فى النفوس يلولحا يدميها بى ذكراهو
أه انا من الجميل ده لبدنى ضنًا بالتعب هدًاهو
قلل منام عـينـيـهـو طـول السـهـاد أشـقـاهــو
الجـدى اـلقـمًـز الشال مـنـامـ عـيـنى حواهـو
أتلـم مـعـاهـو أريتو وقـلبى يضرى هواهـو
(همسه) بى وصفك ده شحتفت روحى شحتفه
خلينى أستجمع جواى وأجيك صادى
طلال الحكيم كتب:الشوق للجميل , ياخي الحيل العلي هدَّاهو
اهشايل روحي عندو تروح في كل مكان تبراهو
الروح هناك وأنا بي هنا بس لا معاي لا معاهو
هامس كتب:أهه هدًاك إنتا والنار العلى انا ما شفتها إنت
عليك الله وتانى عليك الله....ده أخر وصف
قياساتو كيف؟؟؟؟
لا طويلا فارع أتشابا عشان أهمسلو
لاقصيرا قابع يحدب ضهرى ليهويكسرو
رقيق ديسك ضامر أُسك لمفـاتـنو زايدلو
وقتن جيتو يتهافتن ألأرائل فيهو يتلمو
جــاهر ضـــيــو بـيـنـاتن مـن بــعـيـيـيد تعـرفـلو
طلال الحكيم كتب:مربوع القوام لاهــو الطويل لا قَصِير ....... نديان بالمحاسن و زي فريع بانة عديل
التوب زايدو فتنة والـ خلى عقلي يحِير ......كيفن قلبو عايش والخصر مبري نحيلزي ضلو تبراه العيون مشتاقة ليهو كتير ... وحلان في مشيتو يتقسّم كمــان ويميليوم ألقاه صدفة قلبي يتجنن وليهو يطير... وأتعجب وأقول كيف الأرض لجمالو تشيل
لسه ما عرفتو ؟ ...... أنت عندك كم جميل يا هامس في الدنيا دي ؟
jasmina كتب:نجوم الادبي ... طلال الحكيم وهامسجمال وروعه معتاده
ساعود الى هنا مراراَ و في متابعه مستمره ...
jasmina كتب:نجوم الادبي ... طلال الحكيم وهامس
جمال وروعه معتاده
ساعود الى هنا مراراَ و في متابعه مستمره ...
هامس كتب:ما عرفتو بعرفو بى صويحباتو. شوفِن وصفهن لى
مِتل الجميل راسيات مو دمهن تقيل
فهمِن شبهو عالى ماذات فهمن قصير
حون حولو نحله عكًلت عسله يسيل
مِتل البرِق لأمرو وكتن أناملو تشير ؟؟؟
هو واااحد بس . لازم أتاكد كويس
طلال الحكيم كتب:نِعماهن صاحبات الجميل يا نِعم مِن صاحبات
أتراب الصفا أخوات الوفا في الهينة والقاسياتلو شفتهن كيف يتراقصن حول الجميل واقفات
شفقت القمر يرقص يدور , حفت به النجمات
هامس كتب:من زمنا بعيد كان بينى والجميل همسات
نسمة جروفنا وزهراتو للكان هناك شاهدات
حِداك....هو
فوق بيت الله قسماتو منى متواريات
حوليهو نجلاتو
متل القمره بيناتن. وهن النجيمات
لى هواهو صاين.... قاطع كل الصلات
علً قلبى وروحى
لنسيانو مو............. قادرات
(همسه) وما الهـ......إلا
طلال الحكيم كتب:[/align]
غرام الجميل أنوار نهاري ...وحبي ليهو يضوي ليلاتو
بغازل وهو للخدود يداري .... يا حلاتو خجلان يا حلاتو
طلال الحكيم كتب:الصدُ يمنع الوصل .. و لا يمنع الحب .
طلال الحكيم كتب:(شمسي اليوم بَلاك أبت تشرق ..)
