ما هو الاصعب .. فراق من تحبهم .. (أم) .. موت من تحبهم ؟؟

[rawan yousif]

في البداية مشكوووووووووووورة اختي ريانه بس حابة اقول شيء كلو صعب الفراق والموت وانا بنظري مافي فرق بيناتم كلهم ما حتشوفيهم بالنهاية لاكن بختلفو في انه الفراق ممكن تتقابلوا وترجعوا ولكن الموت ما حتقدري تشوفيهو نهائي وعلى العمووم الله يعطيك العافية
تقبلي مروووري

[cena]

[سبحان الله كل الناس دي اتكلمت علي الاتنين صعب في فراقم وختو معاهو امل عوده من فارق حبيبو
السؤال يا ريانه .. كنتى تقصدي شنو بفراق الناس البتحبهم ( اصحابك احبابك ولا اهل البيت نفسهم) لأنو الاجابات بتختلف .. فاذا كانتي تقصدي فراق الاحبه فبقول من يفارقني حيا او ميتا فقد مات في نظري فمن يودك سيبقا بقربك حتى لو اتباعدت الرؤيا ( هو بلد وانت في بلد ) طالما هناك ود فأكيد هناك تواصل .. اما لو كان فراق بالمعني المعروف ( شاكوش ) فدا هنا يعتبر ميت ولو كان حي يرزق
لذلك اقول الاتنين بيكونو تحت التراب ودا صعب علينا كناس تحمل قلوب مرهفه ذيك كدا

[ريانه إمام]

[سبحان الله كل الناس دي اتكلمت علي الاتنين صعب في فراقم وختو معاهو امل عوده من فارق حبيبو
السؤال يا ريانه .. كنتى تقصدي شنو بفراق الناس البتحبهم ( اصحابك احبابك ولا اهل البيت نفسهم) لأنو الاجابات بتختلف .. فاذا كانتي تقصدي فراق الاحبه فبقول من يفارقني حيا او ميتا فقد مات في نظري فمن يودك سيبقا بقربك حتى لو اتباعدت الرؤيا ( هو بلد وانت في بلد ) طالما هناك ود فأكيد هناك تواصل .. اما لو كان فراق بالمعني المعروف ( شاكوش ) فدا هنا يعتبر ميت ولو كان حي يرزق
لذلك اقول الاتنين بيكونو تحت التراب ودا صعب علينا كناس تحمل قلوب مرهفه ذيك كدا

الغالي أخي ..

انا كنت اقصد الفراق(بمعناه الحقيقي) لم اقصد الشاكوش ..

ان تفترق عنهم لاي سبب كان وخصوصا ان كان خارج عن ارادتكم ..

مشكور علي مرورك ..

ريانه

[ودعازة]

سؤال ان شاءالله اكون فهمتو حكيم فهمى على قدرى..

اكيد الاحرى فراق ماتحت التراب ..لانو مافى اى طريقة ممكن يكونو معاى ولا فى سبيل للاتصال بيهم..
اما بزمن القرييية(تصغير قرية وكده) الاتقلب ليها العالم فراق الاحبة لسفر او رحول او اى نوع من الفراق وحاتك الشات قاعد والنتنته قاعدة..حقيقى الفراق فى الزمن ده هو فراق اجساد وهو حار ما قلنا شى بس ما زى زمان حبيبى اكتب لى وانا اكتب ليك والرسايل فيها تصل واكيد مافيها تصل..

وشكرا يابت الامام على السؤال السااااهل ده.. وكان فى اشئلة صعبة النبى ماتنسى الخيارات..

[( ود البورت )]

الموت ده مادايره تفكير

[مسلمة وافتخر]

الموت اكيد لان الميت دا بقى خلاص عند الله وممكن شوية شوية انساهو
بس الفراق صعب بتكونى الوقت كله حارقة دمك وعايزة تعرفى هو بعمل فى شنو هسى ويمكن يكونوا عايشين حياتهم بالطول والعرض وينهلوا من ملذات الحياة ما لذ ة طاب
عشان كدا موتة ولا خراب ديار

[ريانه إمام]

مسلمه ونفتخر بيك
مبدأك سليم ومنطقي وعاطفي برضو
زمان انا كنت بقول زيك..الفراق اصعب
بس حاليا..الاتنين صعبات كل واحد اصعب من التاني
عن تجربه ..عانيت الامرين وضقت المر
..

بتهبشي مالك

[سمارا]

مساء\صباح\نهار\ سعييد ان شاء الله عليكم
عندي ليكم سؤال بتعلق بالاحاسيس وما أدراك ما هيا
بس الاجابه لازم تكون مقنعه ..(فاهمين ) ؟؟
في إحساسكم كده ..
الاصعب شنو عليكم .. يعني الحاجه الماممكن تتقبلوها ياتها ؟؟
انك .. تفارق الناس البتحبهم ؟؟
أو ..
انك ..تودع الناس البتحبهم الي تحت التراب ؟؟
ومنتظره أحاسيسكم ..
وانا حأكون اول زول بجاوب ..
بقول .. الموت بتحملوا .. بس الفراق صعب ..
لان الموت بكون فيه (عدل في العذاب) ..
اما الفراق ما بتحملوا ابدا ابدا ..
ودمتم سالمين ..

الفراق

احسن يفضلوا عايشين واطمن علي وجودم عن بعد

بتهبشي مالك

[مسلمة وافتخر]

مسلمه ونفتخر بيك
مبدأك سليم ومنطقي وعاطفي برضو
زمان انا كنت بقول زيك..الفراق اصعب
بس حاليا..الاتنين صعبات كل واحد اصعب من التاني
عن تجربه ..عانيت الامرين وضقت المر
..

بتهبشي مالك

وفيه شوية انانية (مبدائى)
لكن فى النهاية الموت لابد منه

[بت السرف]

الله ...
احساس مؤلم .. كلمة فراق فى حد زاتها عذاب ..
الموت.. لما يغيب احبة .. بتكون مطمن ..امانة وربنا شال امانتو .. رغم الوجعة بنستسلم .
لكن ..
العذاب الحقيقى بفراق احبة وهم احياء ..
احساس مش مؤلم .. احساس اتمنى لو اموت انا ..
لانو بياكل منى صحتى وعافيتى بالقلق ..
احساس بحطم روحى وبيزهدنى فى الحياة ..

ريونة حبيبة قلبي ..
صدقتى .. تجربة الفراق فى الحالتين عذاب .

[kaydoo]

دون شك الم الفراق واذا كنا نحبهم بصدق يسحيل انتمني ان يكون الم الوداع هو الافضل

[ابن عوف]

تحية طيبة ريانة امام
الفراق طبعا لانه الموت اصلا اسمه اليقين وتبقي الذكرة وانا اكون تيقنت تماما انه لاوجود له
اما الفراق صعب

[شذي زهر]

فراق من نحبهم هو الاقسي والامر
لان الموت امر مسلم به وايضا مؤلم ومؤجع لكننا مهما نحزن جوانا يقين بعدم الملاقاه وبكده شويه شويه تخف حده الالم والوجع

ولكن فراق الاحبه وهم احياء مؤلم مؤلم