كيف تكون ضيفا محترما؟!!!

[dream-lady]

....الضيافة فن...فن من الضيف ...ومن المضيف

هناك حقوق وواجبات وفنون ...سنتعرف عليها من خلال البوست

الضيف يجب أن يراعي مواعيد الزيارة ..واللبس المناسب ..
وان لايطيل المكوث ...وأن لايحشر نفسه في شئون المنزل والعائلة المضيفة...

وان لايعطي نفسه كافة الصلاحيات كأصحاب المنزل تماما ...بل يلزم حدوده كضيف ...فذلك يثير الاستهجان في قلوب من استضافوه...
وعلى المضيف ان لاينشغل بامور جانبية يمكن التعامل معها بعد انصراف الضيف..

[بحلم]

موضوع قيم ومفيد
برافو عليكى يادريمو عنوان يجذب
وجميل ومحتوى راقى وجميل
تسلمى وفى انتظار مزيد من المعلومات
علشان اكون ضيفة محترمة
وخفيفة على قلب الناس
رغم انى ما بزور حد

[kaydoo]

ناس قريعتي راحت دي يوصلو ليهم المعلومة كيف ؟

[شذي زهر]

علي الضيف .... ان لا لايجيل ببصره في ارجاء المنزل
وعلي المضيف ان لا ينظر الي ساعته اثناء تواجد الضيف

[شذي زهر]

ناس قريعتي راحت دي يوصلو ليهم المعلومة كيف ؟

دا يتوقف عليك انت كمضيف راقي
كيف تتعامل معهم دون ان تحرجهم بمثقال ذره

[3Aiz A3eesh]

سلام آآآ نـــاس ...

نبدأ بالضَيف ..

أولاً بالتبــادي كِدا خليك زول ذوق و لَطيف و أبدأ بالإسِئذان مِن الذين سيتَضيفونَك كيف يعني ... !!!

التلفونات دي ما خَلَت شئ و بِدون ما تعمل رِسالة الرَقم أعلاه يَطلُب الإتصال بِك تقوم تنزِل رَصيد بي جِنيه و تِتَِل بالجمــاعة ديل .. و بعد السلام و طَراطيش الكلام تخُش في الموضوع بي حَنَك ظَريف و لَطيف و تبدأ بــ إذا تسمِحوا لي أن أزورَكُم في يوم كذا الساعة كذا و ســتستغرِق زيارَتي مُدة كذا ... نُقطة ..

بَعَد ما تآخُد الأوكي أولاً تَكون في حالة تُليق بالمُناسبة الإجتماعية اللي إنتَ ماشي علشانا , و إهتم بي مَظهَرَك شويتين على ذوقك كِدا و قَبل ما تطلع مِن بيتكم أقضِ حوائِجك علشان ما تَمشي تزعِج الناس الحمام بي وين الحمام بي وين .. و ضروري تِلتَزِم بالمواعيد .. أها مِن تَصَل قِدام الباب تَقيف بالجن علشان يمكِن تيجي واحدة مِن الأخوات تفتح الباب و كمان برضوا علشان ما يًكون بصَرَك مُتعامِد معَ دواخِل البَيت , أها تدق الجَرَس بي أدب مَرة و إتنين و تلاتة و يكون بينهم فترات زمنية مُتَناسِبة و إن ما فتحولك تبقى صلدي بي وَشَك و إن فتحولك .. تَدخُل بي رِجلَك اليَمين و تسَمي الله ... و بعد ما دخلتا تقوم تخلي سيد البيتيحدد ليك مكان جِلوسَك مُش توووووووش كِدا تقوم تَشوف أقرب جَنبة و تَتَكِل فيهــا ... و ما تنسى تراعي لحُرمة البيوت و آداب الزيارة ... يعني تخليك في حالك و ما تبَحلِق يمين و شِمال و تِتلَفت زي الزول الريحة ليهو حاجة .. أها بع ما قعدتا و إتوهطتا في جنبتك الجيهوك فيها و يا حبذا إذا قعدوك قُصاد الساعة علشان تظبط مواعيدك .. ما تَشفق على الموية و العصير و الشاي و الباسطة .. بيجَنَك إن شاء الله .. أها كمان لامن يجيبولك الموية ما تمسكا تشييييييييييطك فِرد جغمة و تكَمِلا ... لأ الموية شوية شوية .. البارد علي مهلتك .. الشاي ما تقعد تتشَفَط فيهو تشيييط تشيييط .. و كمان ما تنسى البتاعة الفوق بتكون في الشاي ديك .. براااحة كِدا بالملعقة تقوم تجيها في مكان آمن علشان ما تخرِب للناس طرابيزهم .. أها بعد تشرب الشاي و تكون بليت ريقك .. إنعدِل في قعدة و ونِس بي مزاج و بصوت هادِئ .. و إياااك إياااك مِن مُقابضة الشُفع و اللِبيع و الكِفيت ... مواعيدَك جات .. اها مع السلامة مع السلامة ودعتكم الله ...


صاحِب الدار بنجيك بالمهلة ...

[kaydoo]

دا يتوقف عليك انت كمضيف راقي
كيف تتعامل معهم دون ان تحرجهم بمثقال ذره

هو ديل بنحرجو هو في ناس دمها اكتر من بقري مرة جارنا جو ناس دقو وفترو مافي زول فتح ليهم ,, اتخيلي عمل شنو الضيف ؟ كتب ليهم في باب الشارع حضرت وانتم موحودين ولم تفتخو لي الباب وكتب اسمو قلان وراح اها نان الزي ديل اعاملوهم كيف

[dream-lady]

هلا بالضيوف الرائعين...المحترمين

حللتم أهلا ونزلتم سهلا على متصفحي ...الذي اتحفتموه بجمال زيارتكم المفرحه...

[jasmina]

والله تعبنا ونحنا بنتكلم في الموضوع ده

بس في الاخر نرجع ونقول ده بسبب الطيبه الشديده عند السودانيين

بس ده مابينفي ان لازم تكون في اداب للزياره وخصوصيات محترمه

راي كل شخص يبدا بنفسه ...الامور بعد سنين بتتغير انشاء الله

[dream-lady]

والله تعبنا ونحنا بنتكلم في الموضوع ده

بس في الاخر نرجع ونقول ده بسبب الطيبه الشديده عند السودانيين

بس ده مابينفي ان لازم تكون في اداب للزياره وخصوصيات محترمه

راي كل شخص يبدا بنفسه ...الامور بعد سنين بتتغير انشاء الله

أُرهقنا عديييييييييييل كده [/align]

[dream-lady]

نقاط بتمر في أرقى العائلات....

....يجب عدم اقتياد الاطفال في كل الزيارات والمناسبات...

يعني مخجل جدا تجد الواحدة (ماشاء الله)سايقة الكتيبة كلها من أجل تحرير المرأة النفساء.. ..

مع وجود اطراف(من الابناء)...اطول منك...(يعني بالعربي كده الكبار يحرسوا البيت والبراعم)...

...

حنك انه الاطفال قالوا مشتاقين ليكم..وارح نمشي لناس خالتو هناية وبنتها مناية.....

ده ماعلينا....لانه اصلا القال مشتاق ده اتجاوزني وماسلم علي وخش توووش بدون رتوووش... ...وخلى يدي ممدوةً بلا أدنى اهتمام

وحتى لو اشتاق(فرضا يعني )ليه ماتكون اللقيا في حديقة ...او مول أو أي داهية غير منزلي الذي عيث فيه فساداً في الارض والجو ...

(وفرضا فرضا..).....حصلت الزيارة المبروكة....

وحصل الشتات الفكري ...ليه ماتكون في انذارات بعدم الاستيلاء على كل بقاع المنزل؟؟...

...موقف دائما يحدث ...--تلقى سبع البرمبة اسم النبي حارسه ...دلوع الماما....اللتخة الدلاخة ....فجأة يقف فوق رأسي حاملاً زجاجة عطري

ولمن تسأله : من أين لك هذا....يقول رزق من غرفة نومك التي اصبحت صالة كورة

وعند توجيه النظرات للام المربية العظيمة استنجادا ...تجدها تبسم لانتصار ابنها في ساحة المعركة ورجوعه لها بالغنائم.....وتدمع عيناها فرحا ببسالته ...وهي تقرأ المعوذات عليه سراً.. ....

والابنة (المرافقة)الطويلة كالنخلة الهبيلة كالسخلة...

تسألها سؤالاً وأنت تبسم تجدها محنطة هكذا.....

تعيد السؤال ...وانت تبحث عن اعذار سرحان ومشاكل تعسر الولادة والوقعات في الحمام فتجدها برضو كده ...

تصحو من الكابوس على الارنب الضائع يغمس كيكة في كوب شاي متحير ويصبصب الحليب على الكنبة الجديدة....(وحات الله مفروض يقعدوكم في مصاطب مزيرة انتو )....

والام مهجومة فقط على قميصه الشين ابو عشرة ريال ولاهمتها كنبتي الحبيبة

تابعونا على مآسي الضيافة

[dream-lady]

لامانع من الزيارت...بل مرحب حبابك وابشر

بس ....!!

*مافي داعي الزيارة تلتهم اليوم بأكمله...

*مافي داعي للاسئلة التعسفية...

مثـلاً: وانتو طالعين....او بالاصح ياداب خاشين..(ماشاءالله بيتكم كبير ....ايجاره كم؟)

وانت مال أهلك

حتدفع لي ولا حتدفع لي

*مافي داعي لاطلاق سراح المرافقون ...

*وياحنبذا ياحنبذا في البداية (على قول عايز) تدونا تلفون ولا مسكول ولا كول مي حتى ....

تحسباً بس ماحنقول ماتجوا

[معتبر]

اكرام الضيف واجب
واستقباله بالبشر جميل

بغض النظر عن مواعد الزيارة الا التي تطرق اليها الاسلام القيلولة والتي صارت عز الشغل وبعد صلاة العشاء والعشاء بقي للناس نص النهار لان الزيارات اصبحت بعد صلاة العشاء

صاحب البيت براحة كدة وبدون احراج ممكن يضع الضيف في المكان الصحيح
اللباقة في الحديث تحسس ولا تجرح

بس بيني وبينكم البنحبهم نكسر ليهم تلج عشان يزورونا

وواحدين ضبائح


ربنا يحبب فينا خلقه وتكثر الزيارات لننعم بالتواصل ويوسع لنا في الرزق وتطيل الاعمار


دريمو تسلمي كتير

[kaydoo]

حكى النبي صلى الله عليه وسلم لصحابته أن رجلا خرج مسافرًا من قريته، ليزور أخًا له في قرية أخرى؛ فأرسل الله -تعالى- إليه على الطريق ملَكًا، فلما مرَّ عليه قال له الملك: أين تريد؟ قال: أريد أخًا لي في هذه القرية. قال الملك: هل لك عليه من نعمة تربُّها (أي تقوم بها وتسعى في صلاحها)؟ قال: لا. غير أني أحببتُه في الله -عز وجل-. قال: فإني رسول الله إليك بأن الله قد أحبك كما أحببته فيه. [مسلم]ِ

[dream-lady]

معتبر الراقي...و...كايدو الانيق

حياكم الله وبياكم...

ومرحباً بلا حدود بكم

نورتونا ياجدعان

[dream-lady]

وتبقى الضيافة فن..و...ذوق

فن من المضيف ...و...ذوق من الضيف

لتكتمل اللوحة....ولنُرضي الله باكرام الضيف.....والامتثال بآداب الضيف والمضيف...

يجب أن لانُكلف الانفس فوق طاقتها

يجب ترك البراحات ليخرُج البِشر على بُسُطٍ من راحة وعطاء مبذول بطيب خاطر...

لكي لايرى الضيف من المضيف مالايحب

او لكي لايحمل المضيف اثم (الضيق أو التأفف أو التحدث)...

يلتزم ب (وقت الضيافة)...من زمن وصول وطول مكوث

وآداب الضيف من (عدم تجسس وتحسس )...

والتأدب بكل ملايضايق المضيف وأهله

ويبذل المضيف (كل مافي وُسعه)...لاسعاد واكرام الضيف

مثلما بر الوالدين واجب...فحمل الابناء ومساعدتهم على البر واجب...

وكما اكرام الضيف واجب...فآداب الزيارة واجبة...

قم بواجبك(أي طرفٍ كنت)...ودع الآخرين يقومون بواجباتهم...

وبذا تكتمل اللوحة...

فلايُصعبها طرفٌ على الآخر...

شكراً لكم سادتي الكرام على حُسن ضيافتكم