جرح الريده زي لسع العقرب ...

[ninar tato]

ﻧﺤﻦ ﻭﺻﻠﻨﺎ ﻃﺮﻳﻖ ﻣﺴﺪﻭﺩ
ﻭﺗﺎﻧﻲ ﺍﻟﺮﻳﺪﺓ ﻣﻌﺎﻙ ﻣﺤﺎﻝ
ﻳﺎ ﺍﻟﺨﻠﻴﺖ ﺍﻟﺤﻴﻞ ﻣﻬﺪﻭﺩ
ﻭﺯﺩﺕ ﺍﻟﻬﻢ ﻓﻮﻕ ﻟﻲ ﺟﺒﺎﻝ
ﺍﻭﻋﻰ ﺗﻔﻜﺮ ﺍﻧﻲ ﺍﻋﻮﺩ
ﻭﻻ ﺍﺑﺎﺩﻟﻚ ﺗﺎﻧﻲ ﻭﺻﺎﻝ
ﺍﻧﺎ ﺧﺘﻴﺖ ﺑﻴﻨﺎﺗﻨﺎ ﺣﺪﻭﺩ
ﻭﺗﺎﻧﻲ ﺍﺭﻳﺪﻙ ؟ ﻣﺎﻓﻲ ﻣﺠﺎﻝ
.....
ﻳﺎﻣﺎ ﻭﻫﺒﺘﻚ ﺭﻳﺪ ﻭﻣﺤﻨﺔ
ﻭﻛﻨﺖ ﺑﻌﻴﺶ ﺍﻟﺪﻧﻴﺎ ﻋﺸﺎﻧﻚ
ﻗﻠﺒﻲ ﺍﻟﻜﺎﻥ ﻟﻲ ﺭﻭﺣﻚ ﺟﻨﺔ
ﺍﻧﺖ ﺍﻟﺨﻨﺘﻮ ﻭﻛﺖ ﻣﺎ ﺻﺎﻧﻚ
ﻛﺎﻥ ﺑﻴﻌﺎﻧﻲ ﻋﺸﺎﻥ ﺗﺘﻬﻨﻰ
ﻭﺷﺎﻥ ﻣﺎ ﺗﺴﻌﺪ ﻛﻞ ﺯﻣﺎﻧﻚ
ﻳﺎ ﺍﻟﺠﺎﺯﻳﺘﻨﻲ ﻋﺬﺍﺏ ﻭﻣﻈﻨﺔ
ﻭﻳﻨﻬﺎ ﻭﻋﻮﺩﻙ ﻭﻭﻳﻨﻮ ﺣﻨﺎﻧﻚ ؟
....
ﺑﺎﻛﺮ ﺗﻌﺮﻑ ﻣﻴﻦ ﺍﻟﺮﺍﺩﻙ
ﻭﻣﻴﻦ ﻋﻠﺸﺎﻧﻚ ﻛﺎﻥ ﺑﺘﻌﺬﺏ
ﻣﻴﻦ ﺍﻟﺸﺎﻝ ﻣﻦ ﺣﻨﻮ ﻭﺯﺍﺩﻙ
ﻣﻦ ﺟﻮﺍﻫﻮ ﺣﻨﺎﻧﺎ ﺍﻋﺬﺏ
ﺍﻧﺎ ﺑﺘﺤﻤﻞ ﻏﺎﻳﺘﻮ ﺑﻌﺎﺩﻙ
ﻭﻋﺎﺩﻱ ﺑﺸﻮﻑ ﻣﻦ ﺑﻌﺪﻙ ﻣﻬﺮﺏ
ﻳﺎ ﺍﻟﺰﺍﻳﺪ ﻓﻲ ﺍﻟﺮﻳﺪﺓ ﻋﻨﺎﺩﻙ
ﺟﺮﺡ ﺍﻟﺮﻳﺪ ﺯﻱ ﻟﺴﻊ ﺍﻟﻌﻘﺮﺏ
.....
ﺟﺮﺡ ﺍﻟﺮﻳﺪ ﺯﻱ ﻟﺴﻊ ﺍﻟﻌﻘﺮﺏ

[ام اسامه]

راقتني جدا كلماتك
مشك ووو ررر

[ninar tato]

تشكري ام سمسم
صاحبة الحضور الانيق
و الطله البهيه
2

[ام اسامه]

ثانكس يا عم

[ninar tato]

ثانكس يا عم

ؤٌلُؤٌ الُعّفُؤٌ 2



عّمُ

لثه ما بقيت عم




لُثٌهّ : صّغًنَنَ